亂皂𥴊仔店 ⓂⒺⒾⓃⓀⒾⓄⓈⓀ

翁上北娛樂𪜶爸母，我 mā 開始款四常 buē 出 ê 菜色像「糜」，總是 tuì「糜」ê 數念過深致使糜一煮好隨想著這句俗語閹雞趁鳳飛 --- 綴人 buē 著。

當當想 bueh 放伊飛 buaih kā 翕相，我想著《絕島之咒》Haisul nīchan ê 故事『聽從荒木的建議，申請進入大阪外國語大學，花了四年的時間研習一些非常冷門的語言，包話北海道的愛奴語、波斯語、古藏語、烏爾都語和梵語等等。荒木給他的建議是透過語言的學習和思考，來掌握各種不同文化的精髓，以此做為他未來發展新劇種的堅實基礎。』

「糜」是 gún 兜冷門(líng-mn̂g)食食，自 2017 徙岫到遮，這斗莫算在內，我 kan-ta 捌 tī 2022.6.8 煮過一斗糜，彼陣 mā 是搪著夜間部同學 nicht zu Hause 無 tī 厝 tsiah 煮一碗番麥串仔糜來窒數念。

窮實，夜間部同學 m̄ 捌要求我莫煮糜，我 ê 四常 mā m̄ 是新婦仔人生，sóo-tí bueh 食糜 ê 我 m̄ 免𥍉𥍉等翁 nicht zu Hause，總是我 tuì 糜 ê 數念 mā m̄ 捌激出『思念是一種很玄的東西，如影隨行....』是按怎 ē 按呢生，我相信這佮徛角勢，順喙斗有相干。遮是食麥仔 ê 德國 m̄ 是食粟仔 ê 臺灣，這个變化表示我有 kā 阿母分張 ê 智慧聽入心肝穎。

翁是你自由選擇，𪜶食麭你閣較食 buē 慣勢 mā 愛嫁雞綴雞飛，嫁狗綴狗走 m̄ 是要求對方跟綴你 ê 喙斗，特別遐是食麥仔 ê 角勢

(2023.03.15 早起頓 番麥串仔糜 + 卵包 + 敏豆炒/703Kcal)

近來熥 tsuē-tsuē 舊文章 mā 刣掉 tsuē-tsuē 文章。

這个過程有齷齪、歹勢 mā 有無枷夯交椅...

齷齪遮 ê 相片翕甲 buē 䆀敢 bueh kā 刣掉。

Kā 堅心 ê 問題囥一邊，其他 ê 想法就隨沓沓仔行倚過來。