亂皂𥴊仔店 ⓂⒺⒾⓃⓀⒾⓄⓈⓀ

(2024.05.12 早起頓 Kari 紅菜頭雞肉糜 + 俗麭 + 優格/939kcal）

翁上北娛樂𪜶爸母，我 mā 開始款四常 buē 出 ê 菜色像「糜」，總是 tuì「糜」ê 數念過深致使糜一煮好隨想著這句俗語閹雞趁鳳飛 --- 綴人 buē 著。

當當想 bueh 放伊飛 buaih kā 翕相，我想著《絕島之咒》Haisul nīchan ê 故事『聽從荒木的建議，申請進入大阪外國語大學，花了四年的時間研習一些非常冷門的語言，包話北海道的愛奴語、波斯語、古藏語、烏爾都語和梵語等等。荒木給他的建議是透過語言的學習和思考，來掌握各種不同文化的精髓，以此做為他未來發展新劇種的堅實基礎。』

「糜」是 gún 兜冷門(líng-mn̂g)食食，自 2017 徙岫到遮，這斗莫算在內，我 kan-ta 捌 tī 2022.6.8 煮過一斗糜，彼陣 mā 是搪著夜間部同學 nicht zu Hause 無 tī 厝 tsiah 煮一碗番麥串仔糜來窒數念。

窮實，夜間部同學 m̄ 捌要求我莫煮糜，我 ê 四常 mā m̄ 是新婦仔人生，sóo-tí bueh 食糜 ê 我 m̄ 免𥍉𥍉等翁 nicht zu Hause，總是我 tuì 糜 ê 數念 mā m̄ 捌激出『思念是一種很玄的東西，如影隨行....』是按怎 ē 按呢生，我相信這佮徛角勢，順喙斗有相干。遮是食麥仔 ê 德國 m̄ 是食粟仔 ê 臺灣，這个變化表示我有 kā 阿母分張 ê 智慧聽入心肝穎。

翁是你自由選擇，𪜶食麭你閣較食 buē 慣勢 mā 愛嫁雞綴雞飛，嫁狗綴狗走 m̄ 是要求對方跟綴你 ê 喙斗，特別遐是食麥仔 ê 角勢

猶未徙岫進前，見按德國轉來臺灣，我 buē-su hőng 苦毒甲總算 hőng 救出來 ê 苦命人按呢呻 buē 離，阿母見聽我呻 m̄ 捌綴 leh 講「遐就是無食文化遮」 ê 話，阿母 kan-ta ē 講食 buē 慣勢 mā 愛慣勢遮 ê 話。

糜一煮好見著伊 buē-su 糜飯，我隨若 Gourmet 開始跟綴進前捌讀過 ê 新聞呻『這米看起來就是很難下嚥』、『沒香氣』、『還是臺灣米好吃』遮 ê 句，La-jí-ooh mā 開始報導 2024 Eurovision 新聞，遮 ê 新聞成做我 ê 點拄，每一个角勢有伊家己 ê 文化，遮 ê 文化 tshan-tshiūnn 遮 ê 歌曲，在人意愛，像這斗 ê 冠軍歌曲正經我無敆我 ê 喙斗，這無敆喙斗拆白講 kan-ta 主觀意識，當我想著這點，我隨感覺家己 ê 糜飯媠甲若西施，起因我揣著家己 m̄ 捌愖過 ê 鋩角。

臺灣 ê 麥仔猶原無法度佮日本抑是歐洲相比並，畢竟每一个角勢有伊慣勢 ê 氣候佮土質。

我想著久年前佮一位進臺灣麥仔做麭 ê 朋友冇談是按怎 buaih 全數使用「臺灣麥仔做麭」伊按呢 tsham 我分張。

一愖著這件久年 ê 經絲，絲 mā 經到早前看討論 Cristoforo Colombo 發見新大陸新世界 ê 記錄片「咱這久 ē 認為遮 ê 物無特殊，彼是因為咱逐日攏食 ē 著 tshan-tshiūnn 這久人人喝毒 ê 糖 tī 往過是黃金 m̄ 是敵人。」

斡頭行向客廳提翕相機開始綴遮 ê 智慧記錄這碗糜 mā 感謝家己愛投資成本上低 ê 資產。

我真佮意《阿愷之聲》EP127 台長時間：阿愷之聲Podcast三週年回顧！！內底談著冊 ê 想法 mā 因為這段話 hōo 我想著《絕島之咒》Haisul ê 故事，𫝛時想著《寶島鼓仔燈》ê 這段話；

一个族群 ê 文化，你愛 iōng 伊 ê 語言思考

『你或許不知道，這世界上最直接的咒，不是別的，就是名字。...你必須要從這個咒裡解脫出來。』《絕島之咒》

這久踅翻頭轉去看『咖哩雞肉粥』佮『紅蘿蔔雞肉粥』我 buē 閣嫌家己 ê 糜煮甲䆀 tsi-tsi m̄-koh 感謝𪜶 ê 分張 hōo 我有機會熥 Hegel ê 智慧 --- 對立(li̍p)統一 ê 相踏黜含 tī 統一內底，圓按圓生湠，水，buē 固定，我 uī-tio̍h 啥物代誌需要十二點，摃十二下？

Gún 兜三姊妹，大姊結婚伊 ê 結婚禮數就 tshan-tshiūnn 寶島鼓仔燈這回佮頂回 ê 紹介相𫝛，實在是沓沓滴滴又閣厚工。

不而過，這个過程就 tshan-tshiūnn 節目談著遮米篩 ê 意義，透過遮 ê 沓沓滴滴表達 tsuē-tsuē 意義。

Tshan-tshiūnn 新娘 uì 今仔日開始按查某囡仔 bueh 轉做大人，而且伊 ê 身份有可能就是將來天地上偉大 ê 身份：母親。

遮 ê 古禮，伊除了傳承一个民族文化 ê 肥底 mā 傳承敬天敬地佮雙方家族含蓄(hâm-thiok)想 bueh 表達 ê 互相體諒佮尊重 tshiûnn 好命婆 ê 四字聯。

二姊結婚遮 ê 禮就有較減寡，像挽面這項，大姊有挽面，二姊就無挽面。

大姊 bueh 出嫁彼日是阿媽 kā 挽面，彼年 ê 我五歲到今猶原 ē 記得彼日，阿媽 mā 那挽那講平常時佮阿黎兩人烏貓穿裙無穿褲，烏狗穿褲激拖塗，這久挽面 bueh hōo 你成做閣較媠氣 ê 烏貓姊煞 leh 喈喈叫。

好里佳哉，我出嫁阿媽已經做仙幾仔十冬，猶無我應當 mā-ē hōo 阿媽叫去挽面，而且 ē 喈甲比大姊閣較大聲。

今仔日翁某做伙看寶島鼓仔燈，我那看那做翻譯 mā 感謝現此時 ê 利便，起因無遮 ê 通揤暫停，我正經 m̄ 知愛按怎斟酌解釋 hōo 翁聽佮無地揣記持 kā 想 bueh 記錄 ê 風俗內容寫落來。

像節目紹介 ê 踏瓦這段「彼敢是好彩頭 ê 意思」翁問。

「是，gún 兩位阿姊攏有踏 kan-na 我無踏，莫怪咱 ê 問題 ē 厚甲若蠓」我刁意故講。

「我 mā 無踏，m̄-koh 我感覺咱無啥大問題」伊笑應。

「咱確實無啥問題，m̄-koh 煞一直 teh 窮別人 ê 問題」我講。

我佮伊正經無啥問題，總是無問題無表示別人 buē 捎問題 hōo gún。

這个問題，gún 猶 teh 討論，敢有法度解決，我 m̄ 知影，起因爸母彼款形，後生真僫 buē 綴 leh 有彼个癖，準做後生根本無愛彼个癖，伊猶原 buē 發現家己有彼个歹癖。

別人湠過來 ê 問題，m̄ 免 tī 遮討論，不過踏瓦這件代誌愛討論，起因伊 m̄ 是 kan-ta 咱有，歐洲遮 tsuē-tsuē 國家 mā 有相仝 ê 風俗，以德國來講，踏瓷仔表示䆀事走，好事來佮咱相仝，地球真正是圓--ê。

那食下晝頓那餾寶島鼓仔燈 ê 語句。

食飯飽碗箸隨窮隨洗，簿仔紙 mā 隨捎出來，影片閣 kā 餾一斗；

1. 料小(Liāu-siáu) = 無特別、無氣派、無大端、無大範、無密實、無𠕆篤

2. 田園滿厝間(Tshan-hn̂g muá tshù-king) = 財富滿厝

3. 食杮粿，雙爿囤家伙(Tsia̍h khi-kue, siang-pîng tún ke-hué) = 雙方有粒積

4. 投天告地講無人(Tau-thinn-ko-tè kong bô lang) = 拗鬱、枉屈無地 káng

5. 口彩(Kháu-tshái) = 吉祥話、吉利話

6. 愛激一下 á 姿勢(Ài kik tsi̍t-e-á tsu-sè) = 張身勢

7. 大發花(Tuā-huat-hue) = 交易

8. 福圓(Hok-uân）= 龍眼（Lîng-gíng)

9. 伴手(Phuānn-tshiú) = 我帶伴手去，我送你，送禮 ê 人所紮 ê 禮物

10. 等路(Tán-lō͘) = 歡迎你來 gún 兜𨑨迌，所以我 tī 路頭一直等你，收著你 ê 禮物，tse 號做等路。

造句：我收著你 ê 等路，我愛紮伴手來送你。

今仔日 tshan-tshiūnn 往擺是我 ê 好年冬。

學習著 tsuē-tsuē 涵雅 ê 語句佮文化肥底掠外。

一个族群 ê 文化，你愛 iōng 伊 ê 語言思考，深深擉觸我 ê 心。

---2021.02.02

Kari 紅菜頭雞肉糜

...... 材料 ......

雞襟胸，切塊　200g

紅菜頭，切塊　3

洋蔥，刴幼　1

滾水　800ml

蔥仔，刴幼　3

清飯　1碗

Kari 粉　1EL

番薑仔粉　1TL

蒜頭，刴幼

薑

鹽、胡椒

...... 步數 ......

1. 雞肉落鍋仔炒熟，挈出來。

2. 洋蔥、蒜頭落鼎炒芳，紅菜頭、雞肉、Kari 粉、番薑仔粉、薑、清飯濫落去搜 hōo 芳。

3. 滾水摻落去抐 hōo 散，崁蓋煮 15 分鐘，tiàu 寡鹽、胡椒，蔥仔濫落去搜齊，樂暢來食。

(12.05.2024 Frühstück Congee mit Hähnchen und Möhren - Toastbrot - Joghurt/939kcal)

Wir haben die TV-Show "Pó-tó kó͘-á-ting (Formosas Laterne)" gesehen.

Ich sage meinem Mann, dass die Hochzeitszeremonie meiner beiden Schwestern der Show ähnlich ist.

Besonders meine älteste Schwester, Oma war zu dieser Zeit noch am Leben, also ist sie verantwortlich.

Oma ist der große Chef im Haus.

Ich war damals 5 Jahre alt.

Alles an der Hochzeit ist sehr interessant für mich

Essen, schönes Hochzeitskleid, schöne Schwester und ein bisschen Traurigkeit.

Ich fühlte ein Loch in meinem Herzen, weil meine Mutter sagte, dass sie ab heute Abend nicht mehr zu Hause leben wird.

Aber ich bin nur ein fünfjähriges Kind.

Als ich etwas Leckeres sah und als meine Oma meiner Schwester half das Gesicht zu fädeln, schrie sie vor Schmerz.

Ich hatte das Gefühl, dass das Loch in meinem Herzen wieder gefüllt war, weil meine Mutter sagte, es sei sehr wichtig, das würde meine Schwester schöner machen.

Dann begann ich mir auch vorzustellen, dass ich eines Tages auch diese Dinge tun würde, aber ich möchte das Haus nicht verlassen.

Und ich werde Oma sagen, ich möchte schön sein, aber bitte sei sanft.

Aber meine andere älteste Schwester und ich hatten nach vielen Jahren noch nie die Gelegenheit, es Oma so zu erzählen.

Manchmal denken wir, wir könnten sehr viel Glück haben, weil wir uns nicht mit Fäden auseinandersetzen müssen.

Aber für mich ist das Beste, dass ich direkt zum Rathaus gehen kann, um mich für die Heirat anzumelden. Dann sind Sie Mr.Lîm.

Aber ich denke, meine Oma, Mutter, Vater, 2 Schwestern werden verrückt sein, wenn sie wissen, dass ich das tue.

Möchten Sie versuchen, Gesicht einfädeln?

Nein danke.

In der Show gibt es einen Polterabend, das heißt genauso in Deutschland, sagte mein Mann.

Ja, aber wir haben noch eine Sache.

Ab heute bin ich deine Frau, ich werde hart mit dir arbeiten und mich gemeinsam um die Familie zu kümmern.

Ich bin ein sehr glücklicher Mann.

Ich weiß, sagte ich.

Congee mit Hähnchen und Möhren

...... Zutaten ......

Hähnchen in Stücke geschnitten　200g

Möhren in Stücke geschnitten　3

Fein gehackte Zwiebel　1

Wasser　800ml

Lauchzwiebeln in Stücke geschnitten　3

Gekochter Reis　150g

Currypulver　1EL

Paprikapulver　1TL

Fein gehackter Knoblauch

Geraspelter Ingwer

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind.

3. Möhren mit Hähnchen, Reis, Currypulver, Paprikapulver, Ingwer und Wasser dazugeben und gut mischung, dann ca. 15 Minuten kochen.

4. Lauchzwiebeln dazugeben und gut mischung, mit Salz und Pfeffer abschmecken. Guten Appetit!

(12.05.2024 Breakfast Chicken Congee and Carrots  - Toast - Yogurt/939kcal)

We watched the TV show "Pó-tó kó͘-á-ting (Formosa's Lantern)".

I tell my husband the wedding ceremony of my two sisters is similar to the show.

Especially my eldest sister, Grandma was still alive at that time, so she is in charge.

Grandma is the big boss in the house.

I was 5 years old at that time.

Everything about the wedding is very interesting to me.

Food, beautiful wedding gown, beautiful sister and a little sadness.

I felt a hole in my heart, because my mother said that after tonight, she will not live at home.

But, I am just a five year old child.

When I saw something delicious, and when my grandma helped my sister make the face threaded and she screamed in pain.

I felt that the hole in my heart was filled again, beecause my mother said it is very important, this will make my sister more beautiful.

Then I also began to imagine that one day, I would also do these things, but i don't want to leave the house.

And I will tell grandma, I want to be beautiful, but please be gentle.

But my other eldest sister and I have never had a chance to tell grandma like this after many years.

Sometimes we think we might be very lucky, because we don't need to face threaded.

But for me, i think the best thing is that I can go directly to the city hall to register for marriage then done, you are Mr.Lîm.

But I think my grandma, mother, father, 2 Sisters will be crazy, if they know I do this.

Do you want to try face threaded?

No, thank you.

In the show there is a Polterabend, does it mean the same as in Germany, my husband said.

Yes, but we have one more thing.

From today I am your wife, I will work hard with you and take care of this family together.

I am a very lucky man.

I know, i said.

Chicken Congee and Carrots

...... Ingredients ......

Chicken cut into pieces　200g

Carrots cut into pieces　3

Finely chopped onion　1

Water　800ml

Scallion cut into pieces　3

Cooked rice　150g

Curry powder　1EL

Smoked Paprika　1TL

Finely chopped garlic

Grated ginger Ingwer

Salt ＆ Pepper

...... Method ......

1. Put the chicken in the pan and fry until golden brown, then take it out.

2. Put the onion with garlic in the pan and fry until they are golden brown.

3. Add the carrots with chicken, rice, curry powder, smoked paprika, ginger and water and mix well, then cook for about 15 minutes.

4. Add the scallion and mix well, season with salt and pepper. Enjoy your meal!