亂皂𥴊仔店 ⓂⒺⒾⓃⓀⒾⓄⓈⓀ

Ich lese die Zeitung auf Telegram.

Ich denke.

Die Zeitung auf Telegram sieht aus wie Facebook, weil ich die Links anklicken muss.

Ohne anklicken, kann ich die Artikel nicht lesen.

Das ist sehr interessant, dann sehe ich sofort die Linken zu Facebook und Telegram.

Am ersten Tag, an dem Russland in die Ukraine einmarschierte, dachte ich an Sebastian Haffner Geschichte und unterhielt mich mit meinem Mann über die Möglichkeit eines Krieges.

Ich hätte zuerst sterben können, wenn ich nicht zurück nach Taiwan fliegen werde.

Du denkst zu viel nach, erwiderte mein Mann.

Nein, ich habe nicht zu viel nachgedacht, denn es gibt kein Absolutes auf der Welt.

Weil die menschlichen Wünsche schweben.

捌字 ê 人笑 m̄ 捌字 ê 人講，你 ê 話是舊漚舊臭又閣兼無衛生 ê 物仔 m̄ 是文化。

早起頓攢好勢喝猶原 黏 teh 眠床頂 ê 翁「你 ê AMERIKA 已經款好--ah」，話一落塗我隨感覺佗落 m̄ 著。

那食早起頓那搜揣問題猶原揣無隨 kā 問題擲 hōo 翁「AMERIKA 是英語抑是德語？」

「德語」伊講。

「你確定」

當我開始擉 706 篇愛開偌 tsuē 時間調整文字相片，我隨 kā 鑿目轉做順眼....我想有問題 ê 龍鳳生活應當 mā 是按呢處理 - 假臭耳聾，假青盲，龍鳳生活 tsiah 有法度繼續透流。

當我一篇一篇逐逐仔改，我又閣感覺遮 ê 鑿目 buē 礙目，顛倒 hōo 我一日剃頭，三日緣投並生智慧。

我是 2019 熱人開始寫 Blog，第一篇文章 m̄ 是 2019.9.23 ê 蜂蜜芥辣雞襟胸是〔德國ⒹⒺ行跤花〕德國 ❤ 海明威 ê 中畫 in 雷根斯堡  ▪ Regensburg ⋯ Deutschland，這篇 ê 筆尾 mā m̄ 知影 si-á-geh 過幾斗，總是我足享受這碗熥 buē 離 ê 清飯，因為伊 hōo 我見著家己 ê 進步 mā hōo 我見著這个語言一直堅心 m̄ 捌動搖(tōng-iâu)向前行 ê 意志，準做有人嫌伊是縛跤帛 ê 阿婆 teh 行路，我猶是認為願意行路 ê 縛跤阿婆比逐日祀佛公 buē 振 buē 動 ê 少年較有活力。

像早前 m̄ 捌『銷骨』佮『髖關節』按怎講，這久知影『銷骨』號做胸掛骨，『髖關節』號做盆跤骨，這攏是阿婆願意出門踅街挑戰新世界 ê 象徵(siōng-ting)，敢 m̄ 是？

我知影決定有人講傷慢，總是人生世事 m̄ 是逐項攏有法度一跤步就行跤到，準做獨裁者，伊 mā 需要抗爭 tsiah 有法度成做獨裁者，敢 m̄ 是？

小馬兄是阿奧紹介伊來 gún 兜借蹛 ê 英國少年家。

(2024.03.18 早起頓 䆀豆塗肉林檎 + 卵包 + 魚指 + 西洋萵仔菜 + 優格/1035kcal)

當我 teh 款早起頓，浴間仔 ê 磅仔 mā 綴我手頭 ê 物件 teh 行徙，我知影有人 uī-tio̍h 數字 tī 無閒，想 bueh 六月蚶，開喙臭，我討厭 ê 魚仔喙按我 ê 頭前泅過，隨關殼恬靜等待有緣人來 kā 咱挖，浴間仔 ê 人 mā 凡勢鼻無著臭，所以磅仔愈徙愈大聲。

「你敢無鼻著鳥鼠味」浴間仔 ê 人隔一堵壁喝。

「咱兜 ê 鳥鼠一直攏無洗身軀(有趣味)」我咂一喙茶清一下仔嚨喉大聲講。

「磅仔起磅.....」聲音愈來愈清，愈來愈明，越頭見著前幾日猶 teh 展風神講「Tsiâ 講糋膩瓤較莫食寡冰淇淋(ping-kî-lîm)」ê 人已經按浴間仔徙位到廚房。

(2023.10.27 早起頓 塗肉林檎挽き肉炒 + 玫瑰草花 + 優格/1001kcal)

那食下昏飯那聽 La-jí-ooh mā 那看露台影戲變化。

本底佮 gún 保持社交距離 ê 厝鳥仔，這久見著 gún 按灶跤行到食飯廳 buē 閣若較早按呢按呢隨飛甲無半隻。

Gún 那食飯那享受遮 ê 無經過彩排抑是設計 ê 影戲，步頻西北雨來相揣，厝鳥無愛佮伊做朋友斡頭隨走，賰 gún 隔一个窗佮西北雨相向。

(2022.11.16 早起頓 Mozzarella 果子盤 + 鹹水塗肉林檎 + 白草花 Bì-lù 煙腸湯/928kcal)

Bué 著落價 ê 烏森林煙腸隨想著 tī Cieszyn(PL) 食著 ê 好滋味 --- 白草花 Bì-lù 煙腸湯，m̄-koh m̄ 知愛敆啥來食，起因我無想 bueh 食麭。總是人生 tshan-tshiūnn 早前寫 ê 一段話，一暝睏醒， m̄ 知隨知。咱愛歇睏 Muse mā 是～delicioso。

鹹水塗肉林檎

...... 材料 ......

（2023.03.19  早起頓  菠薐仔塗肉林檎 + 魚指 + 果子優格/955kcal)

龜山誠實 ē 越頭，雖罔我 m̄ 是素食者。

M̄-koh，自囡仔時我就無啥 teh 食肉，無啥 teh 食肉 m̄ 是 gún 兜散赤無錢通 bué 肉來食，是我個人自細漢就愛食豆腐做 ê 物食。

因為這个意愛致到見若 tsham 朋友做陣去自助餐買晝抑是 bué 糋路佮我較無遐爾仔熟 ê 朋友攏 ē 掠做我是歹勢 tuì 𪜶講我食素，sóo-tí 綴𪜶食鼎邊素。

我 ê 頭家，gún 翁。

(2022.12.23 早起頓 玫瑰草花塗肉林檎挽肉炒 + Bé-khòng 白花仔菜焗 + 洋刺波時計果麥角優格/1002kcal)

因為無收著水道電錢帳單，gún tsiah 知影厝稅 Oma 佮 Opa 兩个人 tī bueh 相𫝛 ê 時間轉去咱人自本 ê 所在。

聽著這件代誌有一怪奇 ê 感受 tī 心肝穎，m̄-koh 捎無摠。

一直到這幾日出門 bué 物件 gún 翁破著伊出門露營搪著 ê 序大人，我笑講「你敢有 kā 留地址，因為 Opa Zwerge 沒機會 tuì 伊攄肉」我 tsiah 理解彼个怪奇 ê 感受是啥。

我感謝厝稅 Opa ê 溫暖，雖罔 gún m̄ 捌捷捷接觸 m̄-koh 第一擺見面，伊 hōo 我想著家己 ê 阿舅。

 (2023.02.15 早起頓 菜蔬塗肉林檎 + 林檎串仔生菜盤 + 優格搵醬 + Tsioo-kóo-lè-tòo 優格/982kcal)

咱認為 ê 自由佮關心總是 tsham 別人坐無𫝛條船

„Freiheit ist immer die Freiheit der Andersdenkenden“

                                                                                         ---Rosa Luxemburg

你是啥物色？

(2022.04.17 減肥早起頓 塗肉林檎焗。焗烤馬鈴薯)

“For to be free is not to merely cast off one’s chains, but to live in a way that respects and enhances the freedom of others. “

--- Nelson Mandela

我非德文佮其他語文專門科，見擺若是搪著講究文法專門科 ê 朋友開始深談德文是愛照規矩來談 ê 語言。

我就會想著「Flasche leer」，然後本成有 ê 刺鑿就會由在對方叨(lo)。

(2022.12.08 早起頓 ひき肉馬鈴薯 Tshì-sù 滷 + 水牛 Tshì-sù 菜蔬生菜盤 + 藍莓優格/901kcal)

翁 tuì 錢項佮感情 ê 想法是行正爿，我是行倒爿。

兩个想法無相𫝛 ê 人有法得相佮牽手到今，無一个人需要 kā 橫柴剖 buē 開當做練身體或是 kā 歹話當好話聽當做是食補。

窮真講我個人是認為佮我家己 m̄ 免蹛人 ê 砛簷跤討食有關係。

起因，gún 兩个人攏無彼款，拜堂後 m̄ 管水較按怎淹到鼻空攏愛繼續齊行仝命到透尾。

(2023.04.14 早起頓 寮仔 Tshì-sù 塗肉林檎 + 敏豆鰮仔魚生菜盤 + 果子優格/982kcal)

「若是寫臺文敢有人 ē 來我遮看影片」翁問。

「我 m̄ 知影，m̄-koh 你 ē-tàng 參加臺灣人 ê 社團」我講。

「啥物意思?」伊問。

「參加臺灣人 ê 社團你就知影答案」我應。

(2023.04.11 早起頓 Tshì-sù 馬鈴薯條 + 紅菜頭雞肉炒 + 優格/971kcal)

計畫永遠趕 buē 著變化。

安息日前一暗頓印仔講好 bueh 攢鰮仔魚 I-tá-lih 麵。

隔轉工跤猶未行到灶跤隨 kā 燒燙燙 ê 約定化做烌。

起因，我 ê 胃 kā 我講伊想 bueh 食馬鈴薯。

(減肥早起頓 鱷梨仔醬塗肉林檎。酪梨醬馬鈴薯)

媽，

無機會 kā 你司奶到今一目𥍉 mā bueh 11冬，你好無？

我知影，咱攏誠好，sóo-tí 咱某囝按行無仝途彼日，咱就 m̄ 捌 tī 夢中相見。

今仔日有一件大代誌 hōo 我暢甲想 bueh 敲電話 kā 你講，m̄-koh 我知影彼是犀牛望月，總是我知影你穩當知影我 bueh kā 你講 ê 代誌。

(2023.01.05 早起頓 敏豆挽肉塗肉林檎炒 + 菜擴塗肉林檎湯 + 計時果 Ricotta/858kcal)

Also das Essen bei Euch sieht wirklich gut aus und man sieht an Kleinigkeiten, das A-Pió das mit Liebe.

翁 bué 一支新手機仔，𪜶阿爸問伊手機仔 ê 相機按怎樣，翕出來 ê 相片色緻敢有媠。

做後生 ê 伊 m̄ 知是刁意故抑是貧惰 uī 𪜶阿爸翕一張仔相 hōo 伊參考，伊就清彩寄一張伊 mā teh 記錄 ê 四常食食相片 hōo 𪜶阿爸參考閣 kā 𪜶阿爸 ê 回批展 hōo 我看。

「你絕對選上䆀閣 buē 傷害恁老母感情 ê 相片，王梨酥皮餅」我講。

新 ê 一年，心 ê 過火除了敨掉遐 ê m̄ 知愛按怎講 ê 龜怪掠外，我 mā 有氣力面對家己 ê 驚惶，孤單一个人。

我 m̄ 知影我是按怎步頻有氣力面對這个問題，總是我一直相信困擾 ê 世間事，只要家己願意面對這時 ê 捎無摠，無代表永遠捎無彼个寮仔門。

我 m̄ 知影 gún 翁敢誠實理解 gún-ê 問題，畢竟我 buē 慣勢 ê 問題無表示伊 buē 慣勢抑是感覺𪜶，𪜶爸母徛 m̄ 著位。

新 ê 一年閣熥遮 ê 清飯實在足厭(ià)𤺪，不過我清楚家己 ê 想法好過成做𪜶老母 ê 副本，掠做天霸王逐家攏 ē 寶惜伊 ê 無見一人 bueh 佮伊徛較倚 ê 一日到暗若茶鈷按呢四界呻 hőng 聽閣無應效。

翁猶是人徛倚 m̄-koh 心 m̄ 知飛去佗落去，兩个囡仔有法度莫佮𪜶見面就莫見面。

荷蘭薯沙 tuì 歐洲人來講，其實無啥特別。

Tuì 我這位身為馬鈴薯國新婦來講，伊 mā 是無啥特別。

M̄-koh，無特別無代表伊無啥物特殊 ê 代誌 thang 記錄佮紹介。

阮翁有一个朋友，伊 ê 男朋友是前東德人。