近來綿著甜番薑仔就不三時款伊做沙拉 hōo 食頓愛先交伊相借喙 ê 夜間部同學暗時食西瓜，半暝仔反症講 tuì 我傳世佛經，世世(踅踅)唸我自本就愛食番薑仔，只要你 kā 伊切甲若肉豉仔我就 buē 做 Mǹg-sǹg tuì 你傳世佛經，世世(踅踅)唸。」
「雜唸大家出蠻皮新婦，捷見官 buē 畏，捷食酒 buē 醉，你會使得繼續承恁爸母 ê 喙斗做 Mǹg-sǹg 大丈夫，起因 Das ist mir Wurst wie Hülle」我講。
「我姓恁兜 ê 姓」聽牽手一屑仔攏無要意伊 ê 情緒叨撚隨轉喙。
「咱孤人姓孤姓，你 ê 串驚串著情緒叨撚是我目今 ê jiàn-bà 若褲，一屑仔攏無差別➀」我微微仔笑應。
我是社區唯一一个無疊翁姓抑是某姓 ê 人，這个孤人徛孤名 hōo tsuē-tsuē 新搬來 ê 人掠做 gún 是男女朋友。
你敢有這个問題，一出菜準做味素好甲 hōo 你喙瀾㴙㴙津，你猶是無興 hōo 伊翻過工交你繼續相伴？
我有這个問題，而且嚴重甲無枷夯交椅，自揣麻煩舞死家己。
Uī-tio̍h kā 舌換過彼舌，無興交電子用品黏黐黐 ê 我有才調暗時食西瓜，半暝仔反症，骨力𫝻手機仔揣 Muse。
這个紅龜生蟲，龜怪 ê 綿豉搪著隔轉日無事做膨椅馬鈴薯無要緊，搪著隔轉日愛早早起床，這款 uī-tio̍h kā 舌換另外一舌 hōo 家己晏晏去睏是十二月風吹，痟到無尾 ê 戇狗搬石頭，食飽傷閒，自揣麻煩，舞死家己，特別是目今 ê 體力無到烏貓姊 ê 一半。不過猶原愛講，按呢痟到無尾溜押尾猶是有尾通掠，而且掠著 ê 尾溜猶是規尾活蛇 m̄ 死蛇活尾溜 ê hōo 我無得湯，無得粒閣雙頭無一耦(ngauh)叨撚家己。
這款紅龜生蟲，龜怪 ê 綿死綿爛 mā hōo 我成做貓一隻繩家己，我是 uī-tio̍h 虛華 tsiah 遮爾仔綿死綿爛換舌，抑是自來就無才調一出菜食 365 天閣一世人？
2.14 情人節，無料 Küss mich 活動又閣開始。
今年猶是田螺循舊逝，較行 mā 彼逝交夜間部同學做陣 tī Rastatt 城堡 Küss mich，田蛤仔猶原四跤仔 m̄ 捌變國王(Der Froschkönig)，總是我猶是愛魂舒邊 ê 田蛤仔，準做捷 hōo 伊舞甲 kiōng-bueh 跟綴 Friedrich Nietzsche 去 Weimar 修行，伊猶是我上愛 ê 田蛤仔。
Rastatt 是製造 Mercedes-Benz 要角之一，伊 ê 城市面肉交 gún 倚靠農業 ê 五鎮敆做一市 ê 新市完全無相𫝛，特別是市草生張，gún 遮無目今百貨公司 ê 頭陣 Woolworth，客工重鎮 ê Rastatt 有一間。
舊年無完成 ê 課，今年完成，一下課隨傱 Woolworth 揣寶。
凡勢我有認真聽課，所致 Woolworth 賜我 30% 大落價 hōo 我 m̄ 免窮斤算兩挽花跋桮，需要無需要隨冇手結數。
二樓羅馬尼亞厝邊月初鬥一个好，月底準備 uī-tio̍h bueh hōo 後生交查囡仔有一个較曠闊 ê 環境享受一世人 kan-ta 一斗 ê 童年，決定搬新厝 hōo gún 翁仔某感覺誠 m̄ 甘，畢竟千金買厝，萬金買厝邊，準備搬新厝 ê 阿羅交阿珊 mā 有相𫝛 ê 感受，畢竟𪜶交我齊是德國 ê 外國人。
阿羅翁仔姐是 gún 邦州政府交羅馬尼亞邦政府共同合作 ê 藍領工作人員，本底按算轉去羅馬尼亞 ê 𪜶 tī 確定查某囝仔 bueh 來報到，繼續簽約踮德國拍拚一段時間 tsiah 轉去羅馬尼亞。
2022 露營車日子經過阿羅𪜶兜附近，我個人 mā 是認為 tī 囡仔猶細漢留踮德國拍拚好過轉去羅馬尼亞自由自在，我 ê 14 是轉去做散工晟養囡仔。
阿羅交阿珊 ê 能力無遐爾仔䆀，總是𪜶交臺灣時行形容出外囡仔 ê「北漂族」仝款，無離開家鄉，人生僫揣機會改變。我 ê 食食行尞無阿羅交阿珊 kā 我鬥相楗，腥臊豐沛五彩十色較早睏較有眠，像鞏金 ê 木瓜、楊桃、時計果遮 ê 若無傍阿羅交阿珊 ê 福氣，𪜶 buē 出現 tī gún 兜。
近來，阿羅捾一盒貴桑桑 ê 青 Lê-bóng hōo 我講過年前 ê 福利 --- 阿羅 tī 青果社上班，廠商退轉來 ê 菜蔬抑是果子是𪜶遮員工無料 ê 福利。
捌字 ê 人笑 m̄ 捌字 ê 人講，你 ê 話是舊漚舊臭又閣兼無衛生 ê 物仔 m̄ 是文化。
早起頓攢好勢喝猶原 黏 teh 眠床頂 ê 翁「你 ê AMERIKA 已經款好--ah」，話一落塗我隨感覺佗落 m̄ 著。
那食早起頓那搜揣問題猶原揣無隨 kā 問題擲 hōo 翁「AMERIKA 是英語抑是德語？」
「德語」伊講。
「你確定」
當我開始擉 706 篇愛開偌 tsuē 時間調整文字相片，我隨 kā 鑿目轉做順眼....我想有問題 ê 龍鳳生活應當 mā 是按呢處理 - 假臭耳聾，假青盲，龍鳳生活 tsiah 有法度繼續透流。
當我一篇一篇逐逐仔改，我又閣感覺遮 ê 鑿目 buē 礙目，顛倒 hōo 我一日剃頭，三日緣投並生智慧。
我是 2019 熱人開始寫 Blog，第一篇文章 m̄ 是 2019.9.23 ê 蜂蜜芥辣雞襟胸是〔德國ⒹⒺ行跤花〕德國 ❤ 海明威 ê 中畫 in 雷根斯堡 ▪ Regensburg ⋯ Deutschland，這篇 ê 筆尾 mā m̄ 知影 si-á-geh 過幾斗，總是我足享受這碗熥 buē 離 ê 清飯，因為伊 hōo 我見著家己 ê 進步 mā hōo 我見著這个語言一直堅心 m̄ 捌動搖(tōng-iâu)向前行 ê 意志，準做有人嫌伊是縛跤帛 ê 阿婆 teh 行路，我猶是認為願意行路 ê 縛跤阿婆比逐日祀佛公 buē 振 buē 動 ê 少年較有活力。
像早前 m̄ 捌『銷骨』佮『髖關節』按怎講，這久知影『銷骨』號做胸掛骨，『髖關節』號做盆跤骨，這攏是阿婆願意出門踅街挑戰新世界 ê 象徵(siōng-ting)，敢 m̄ 是？
我知影決定有人講傷慢，總是人生世事 m̄ 是逐項攏有法度一跤步就行跤到，準做獨裁者，伊 mā 需要抗爭 tsiah 有法度成做獨裁者，敢 m̄ 是？
又閣成做貓好玄世間敢有臭頭囡仔較臭較䆀 mā 是家己--ê 這件代誌。
我 m̄ 捌做人阿母我 m̄ 知影，總是 tī 食譜攝相這件代誌我確定我有這个症頭。
So Schön, das leckere Essen kommt zurück.
Tja, es wieder da nur.
小馬兄是阿奧紹介伊來 gún 兜借蹛 ê 英國少年家。
伊 tī 英國請教蹛佇泰國 ê 阿奧，佇臺灣敢有當地人 ê 厝通借蹛幾日 hōo 伊 ē-tàng 閣加儉寡旅費。
阿奧就紹介伊來 gún 兜借蹛幾日，這久 ê 我 m̄-tsiah 有機會寫故事。
小馬兄按下港上北來到 gún 兜人已經著風邪，孤一人踮他鄉，地頭生疏 m̄ 敢行藥房就放風邪按淡薄仔拍咳啾到嗽 buē 離。
小馬兄本底想 bueh m̄ 捌字，看告示家己伊沓沓仔行到 gún 兜，因為風邪纏綴 hōo 伊上北進前寫張電子批 hōo gún 請教 gún 敢 ē-tàng 去公車牌仔遐接伊，這當然是 no problem at all，翁就順伊通知 ê 車幫綴 Bá-suh 出入站 APP oo-tóo-bái 騎 leh 去車牌仔遐 kā 伊接轉來。
當我 teh 款早起頓，浴間仔 ê 磅仔 mā 綴我手頭 ê 物件 teh 行徙，我知影有人 uī-tio̍h 數字 tī 無閒，想 bueh 六月蚶，開喙臭，我討厭 ê 魚仔喙按我 ê 頭前泅過，隨關殼恬靜等待有緣人來 kā 咱挖，浴間仔 ê 人 mā 凡勢鼻無著臭，所以磅仔愈徙愈大聲。
「你敢無鼻著鳥鼠味」浴間仔 ê 人隔一堵壁喝。
「咱兜 ê 鳥鼠一直攏無洗身軀(有趣味)」我咂一喙茶清一下仔嚨喉大聲講。
「磅仔起磅.....」聲音愈來愈清，愈來愈明，越頭見著前幾日猶 teh 展風神講「Tsiâ 講糋膩瓤較莫食寡冰淇淋(ping-kî-lîm)」ê 人已經按浴間仔徙位到廚房。
「磅仔歹去，我較停仔來 Rossmann bué 台新 ê 」我紲伊猶未講齊 ê 話。
德國鳥鼠正經無洗身軀，蓋鼠(趣)味。交德國人講德國寒人菜蔬，10 个德國人隨有 10 个燃一鈷 buē 記持禁火 ê 茶請我啉「德國寒人寒甲菜蔬種 buē 出來，所致 gún 慣勢 tī 寒人交熱人生菜過日。」
早前 m̄ 捌扞過鼎，自然 buē 去要意德國食食市場，自開始扞鼎我定感覺家己 ê 目睭有問題，起因德國 ê 寒人菜蔬交《穆斯林與猶太少女》所形容 ê 無啥無宛 2 體，有茄仔有 Kam-má-tooh 等等，唯一無相𫝛是向時 ê 鞏金閣包銀成做目今 ê 四常，人人食 ē 起 ê 進口菜蔬。
另外，準做德國寒人無菜蔬， 罐頭酸菜、罐頭紺草花抑是鹹篤篤 ê 瓜仔哖等等 mā 窒倒街有地 bué，而且這久 ê 氣候 hōo 無著時 ê 草花兄弟姊妹猶有才調 tī 12 月天青 líng-líng 妝娗田園。
我捌 tī 2 月天見過發甲健欉 ê Wirsing 米蘭草花。德國 ê 米蘭草花最後收成是 11 月底，本地栽種 ê 米蘭草花賣無夠額 ē 按意大利進口。
德國人 ê 四常慣勢觀察記錄到遮，tī 遮我 kan-ta 想 bueh 順德國人 ê 分張審視家己 ê 慣勢，家己敢有田螺較循舊逝，較行 mā 仝逝 ê 驚改變，抑是好好仔鱟刣甲屎那流，像翁爸母，像翁 ê 朋友，像翁𪜶齊是好船拄著好港路，卻因為厚甲若蠓 ê 理由 kā 生活過甲亂七八糟。
Gún 翁閣按無料公共書櫥紮食譜冊轉來講「我感覺這誠有意思就紮轉來 hōo 你參考。」
自伊發現𪜶兜牽手 ê 食譜冊是真正有 teh 使用 m̄ 是 bué 轉來剾洗家己(𪜶勥母)比作者閣較頇顢煮食，然後全年迵天齊𫝛味，一搪著無料書櫥有食譜冊伊隨紮轉來 hōo 我揣靈感。
這本針對減肥者設計 ê 食譜 tshan-tshiūnn 伊 ê 厚度交我無啥緣份，所致有興趣 ê 菜色做一輾就紮轉去車頭 ê 無料書櫥 hōo 伊交人結緣。
跟綴這本食譜冊 ê 這出菜出菜我想著少年 tuì 塗肉林檎 ê 印象，掠伊是菜蔬下性命敆白飯食，這久認捌伊 m̄ 是菜蔬連日本 ê 馬鈴薯炕肉 mā m̄ 捌上桌，想想--leh，有 ê 代誌 m̄ 捌敢若較有食福。
Bué 著落價 ê 烏森林煙腸隨想著 tī Cieszyn(PL) 食著 ê 好滋味 --- 白草花 Bì-lù 煙腸湯，m̄-koh m̄ 知愛敆啥來食，起因我無想 bueh 食麭。總是人生 tshan-tshiūnn 早前寫 ê 一段話，一暝睏醒， m̄ 知隨知。咱愛歇睏 Muse mā 是～delicioso。
鹹水塗肉林檎
...... 材料 ......
馬鈴薯，削皮 1kg
塗肉林檎用炒 ê 方式，我試過幾仔斗，總是無一斗炒甲若𠢕人 ê 分張，塗肉林檎看起來一屑仔攏無透水 ê 面肉。
我 teh 想，若 bueh kā 塗肉林檎炒甲像網路𠢕人 ê 分張，我是 m̄ 是 mā 愛 kā 油當做水來倒，像勥母煎兩條美國茄，gún 兜 1 公升 ê 橄欖油隨吊鼎，敢愛按呢做，我 ê 塗肉林檎 tsiah 有才調炒甲若金烏按呢 ê 媠？我 m̄ 知機 mā 放棄繼續做試驗，畢竟偷食步 ê 方式 kā 塗肉林檎烘 hōo 熟，交炒甲芳芳 ê 肉豉仔濫做伙 mā 乞食伴羅漢，好味好素。
玫瑰草花塗肉林檎挽肉炒
...... 材料 ......
Gún 翁見著甜番薑仔交豆仔 buē-su 見著冤仇人 ê 猌，我見著甜番薑仔交豆仔是若見著愛人仔按呢佮意，我需要解決這个兩人一雙箸 bueh 食無仝味 ê 問題，特別是德國 ê 菜蔬已經少甲無啥選擇，我無家己 ê 想法 kan-ta 跟綴伊按呢匪類喙白，有一日好好仔 ê 本 mā 舞甲交𪜶爸母仝款問題一大堆。
順伊 ê 食食跤步揣線索，伊無愛食菜蔬百分九是承勥母 ê 喙斗，自認𠢕扞鼎交健康 ê 勥母萬事萬項齊愛煠，萬事萬項齊愛濫有一種怪味 ê Butterschmalz 無水 Bá-tah，伊認為按呢 ê 料理手路是人間上讚 ê 味素。我愛食豆，搪著勥母煠出來 ê 豆好好 ê 喙斗 mā 隨走甲無看半味，m̄ 食。
「恁老母捌投講你 tī 西班牙誠愛食豆，呔討這久 m̄ 食」我問伊。
「西班牙 ê 豆仔料理正港好味素，你有機會愛試鹹汫」伊隨揣相片 hōo 我看講，遐 ê 豆仔較成南美洲人 ê 食法 kā 豆做飯食 m̄ 是菜蔬,按呢我愛按怎引𤆬伊行入食菜人生？當我擘腹，阿母踮灶跤無閒 ê 形體徛在我眼前，我見著伊 kā 敏豆仔切甲幼幼講按呢阿媽較好吞，gún 遮 ê 囡仔見著豆仔 mā 較 buē 揀食。囡仔時 ê 我真喙白....
來試阿母 ê 方式，不過我 tuì gún 翁無阿母 tuì 序大交囡仔 ê 愛，所致我 buē kā 豆仔切甲若肉幼仔 m̄-koh 我 mā buē 行向勥母 ê 貧惰頭尾無揀規把擲落鍋仔煠，我 ê kā 伊切做橛，切甲比我四常食 ê 大細閣較小橛 hōo gún 翁試。
我是作者 ê 翁婿，我 kā 伊講這是乞食伴羅漢，好味好素，咱不三時愛做來食，料想 buē 到伊按呢回應「我 kan-ta 一个胃，無德國胃」hōo 我雄雄 m̄ 知影愛按怎回應，起因伊明明就是德國人，而且比德國人閣較德國人。
「Buē 矣，你誠德國人呔無德國喙斗」uī-tio̍h 我 ê 脾胃繼續開，我按呢 kā 褒嗦。
「我確實有德國喙斗 m̄-koh 我無德國脾土，歹勢。」伊學 gún 阿母 ê 表情學甲有夠成，特別是彼个覕喙 hōo 我想 bueh kā 𢼌落去，紲落來伊學我 ê 氣口講「Buaih、buaih、buaih」hōo 我笑甲吭跤翹，起因伊是我 ê 神魂離體，學甲有夠像。
我誠實愛食塗肉林檎 mā 愛食 Tshì-sù，總是我 m̄ 捌想過家己遮爾仔顧人怨，交 gún 老母相𫝛，這久 ê 我總算理解伊 ê 感受「若 m̄ 是我愛你，你 ê 生毛帶角紅龜生蟲，龜怪無可能 hōo 我交你纏綿到今，猶原斡頭離開。」
我是作者，我誠實 m̄ 知影這有啥物好食，總是成做大石頭硩毛蟹，壓霸進前，我 mā 愛試一下个鹹汫，抑無我 mā 成做 kan-ta 捌哭呻 ê 人，像 gún 翁𪜶老母。
痟貪雞籠，見著漲懸價 ê 寮仔 Tshì-sù 大落價隨款幾仔盒轉來囤，完全 buē 記持這久 ê gún 罕得食麭交 mā 蓋有意思，一禮拜清一斗冰箱 ê 我竟然無發現冰箱有寮仔 Tshì-sù，這久若 hōo 蜊仔肉糊著 ê 目睭總算見著伊，頭殼隨𢯾 leh 燒，伊 bueh 過期矣，愛按怎處理，食麭？我 teh 減肥需要食 ē 飽脹閣低卡 ê 食物。
愛按怎處理，愛按怎處理？想無揣 Google，Google 正港是安妮亞，當我按呢想，手機仔一𫝻頭痛隨無閣乞食伴羅漢，好味好素。
Google 感謝你。
挽肉塗肉林檎 Tshì-sù 滷
Google 引𤆬我交這出菜相拄搪，我卻因為白汫無素 ê 外表隨 kā 𫝻過到我正港揣無 Muse 鬥相共 tsiah 步頻想著捌 tī 台灣癌症基金會讀過馬鈴薯 ê 營養成份，隨上網請𪜶 kā 我鬥揣記持。記持揣轉來了後，這个外表看起來無 Disney 公主範 ê 寮仔 Tshì-sù hōo 我想著 Frankenstein mā hôo 我理解家己窮真 mā 龜笑鱉無尾交勥母 bueh 相𫝛重外表，不過我 kan-ta tī 食食重外表，無 tshan-tshiūnn 勥母萬項代齊重外表無重內涵。
塗肉林檎 tuì 我來講是新食物，我 tuì 伊 ê 印象宛然台鐵北迴交南迴鐵路，清清楚楚走無相𫝛方向 ê 一个是炸甲酥酥 ê 馬鈴薯條美味しい，一个是食過頭隨過 600 磅人生 ê 無健康，後來聽專家分張伊是含水碳素 m̄ 是菜蔬 hōo 要意磅仔數字 ê 我愈 m̄ 敢交伊相借問，這个 m̄ 敢挨拶一直到人來到德國做家甲 tsiah 雄雄想著菜蔬遮 tsuē 款，呔討德國皇帝針對塗肉林檎做改革，一想著這件代誌我開始揣資料好好認捌馬鈴薯，總是人一搪著減肥兩字，學習過 ê 資料隨放了了，全心全意致意食塗肉林檎 ē 膨風，m̄ 通 m̄ 通食。
這斗因為𫝻無敆喙 ê 塗肉林檎料理又閣想 bueh 食塗肉林檎 tsiah 認真泅轉去拋荒 ê 記持，這 mā 算，跋一倒，抾著金雞母。
寮仔 Tshì-sù 塗肉林檎
厝邊阿羅交 gún 分張伊這月日 ê 福利半箱鱷梨仔，我按敆番薯、米粉、敆蒜頭做鱷梨仔醬猶有幾仔粒 hōo 驚杜猴損五穀 ê 我又閣成做燒鼎內 ê 狗蟻，起因鱷梨仔愈來愈熟，愈來愈無敆喙。
德國人食鱷梨仔交美國人相𫝛愛敆麭抑是卵，若是無要意體重，算油類 ê 鱷梨仔敆麭一斗 kā 食十塊 mā 大丈夫，總是這个年歲無才調 hōo 我繼續遮自在，烏白亂食。
頇顢想辦法就請 Google 鬥相共，美味しい。
鱷梨仔醬塗肉林檎
減肥減甲憢疑人生，我敢需要按呢苦毒家己，一工食 1400 kcal？人德國電視台家己 mā bueh 做過討論講一个大人一工食 2000 窮實無夠額，特別是做粗重 ê 人。我無做粗重，總是認真算熱量正港 mā 是認為食無夠額，畢竟我無才調做羊仔，特別是寒人愈無才調。
一盒 125g ê 地中海生菜 23 Kcal，一支瓜仔哖 36 Kcal 左右，兩支紅菜頭 25 Kcal，遮大碗閣滿墘 ê 羊仔餐，自做家甲踮德國，我正港體會者漢醫講 ê 食冷生冷，食燒生燒，𪜶適合熱人，無適合寒人。
寒人菜蔬玫瑰草花一袋 750g/323kcal，拆做兩人份食 buē 哽胿熱量閣比生菜盤懸，菜蔬果真比科學家閣較理解家己 ê 需求。1400 愛按怎處理？食油 ê 卵包 kā 伊按 3 粒減到 1 粒，本底濫橄欖油 ê 玫瑰草花就 tiàu 鹽佮胡椒就好，目標猶未達成，茶鈷會使得呻，m̄-koh 菱角喙 buē 使得 kā 倖 hōo 伊無食大心氣，愛忍。
讀都柏林人學著馬鈴薯茸，我個人佮意這个辭 tsuē 過公視台語台 ê 馬鈴薯泥就 kā 伊改寫做馬鈴薯茸。
睏天路車日子 Camping mit Caddy (21) 閱讀行跤花，心行尞 Buch (3) 城市閱讀 Stadtlesen (4) 輕兩想 ê 食食遶山花 Rezept (22) 板膋收冬寫真 ▪ Ergebnisse der Gewichtsabnahme (3) 侘寂貓事 Kreis von Kreisen (1) 翁拋荒 ê 日誌 ▪ M's Blog (1) 電台 教學網站 閱讀天地 Podcasts 台客雙語輸入法 台客德日辭典 電視 其他工具 弄筆尾展文墨 鵁鴒順便空 ▪ Meine Reisen 
