亂皂𥴊仔店 ⓂⒺⒾⓃⓀⒾⓄⓈⓀ

米蘭草花當著時佮伊有相關 ê 食譜 mā 滿四界，總是我佮意 ê 味素猶是這幾味敆挽肉抑是雞肉 hōo 翁笑講我 mā 是 A-ta-mah-khòng-ku-lī。 

這我承認，不過我 ê 紅毛塗 buē 牢位 ē-tàng 敲掉換新甚至補塗，像石膏按呢遐爾仔有變化。

近來歐洲做大水 mā 起猛火兼烏露戰爭猶未收煞，中東 ê 歐洲人 mā teh 四界開戰場 hōo tsuē-tsuē 本底有法度迵過人工生湠 ê 菜蔬齊起價，美國茄一支本底 0.59€ 這久 1.19€，熱人 Kam-má-tooh 價數按 1.29€ 起甲寒人價數 ê 2.69€，近來更加漲懸價到 3.29€ hōo 我感謝家己有冗早撨翁 ê 喙斗佮家己 tuì 生份物 ê 𠢕躊躇，抑無世態閣按呢生湠落去，褲袋仔袋磅仔 mā 無較縒。 

近來德國 mā teh 討論喙白食食𤆬來 ê 問題，少年人因為孤食一物抑是依賴糖致著 Alzheimer ê 比率 mā 愈來愈懸 hōo 我想著自 gún 翁仔姐牽手做陣揣板膋翁 ê 變化，早前真𠢕跳童 ê 翁沓沓仔變甲較 buē 清彩 hōo 𪜶老母靈魂附體來起童，較早捷講頭痛是牛奶造成，厝內 buē-tàng 囥牛奶 ê 伊，這久牛奶透優格逐日啉 m̄ 捌聽伊喝咻 --- 頭疼甲 kiōng-bueh 磅去，另外 m̄ 承認家己有 ADHS ê 伊，自喙白改掉，佮𪜶老母相𫝛 ê 無頭神 mā 愈來愈好。

𪜶老母 ê 問題是咸豐三，講到今 ê 飫，總是 tshan-tshiūnn 全世界食毒 ê 人相𫝛𪜶 buē 承認家己食毒。翁𪜶爸母食甜食甲 m̄-nā 身體有問題連情緒 mā 有，特別是𪜶老母，gún 小姑十外冬前捌建議家己 ê 老母去揣先生治療磕 buē 著就情緒叨撚佮上童 ê 問題，到今伊猶原 m̄ 捌揣過先生，到今伊猶原 tī 這个箍仔踅金龜磨。

這月日 m̄ 知搪著啥物款因端致使體重又閣無法得 tshan-tshiūnn 頂月日按呢順順仔落崎，反顛倒直透直 bueh 𬦰崎。

這个現象若林檎樹 ê 蛇 hōo 我想 bueh 斡頭行別逝路。

總是，一想著 tsiah 差彼細步就按呢放棄，按呢我佮彼騙請害餓➀ê 弄喙花精差 tī 佗落。

另外，我猶未檢查問題就按呢受氣受綴頕志放棄，我 tsham 翁𪜶兜彼个萬項攏搬死人債 ê 老母有啥物差別。

Buē-tàng 頕神，我絕對有法得治妖(枵)。

樂暢食，快樂剾板膋行到今仔日拄拄好滿 6 月日。

照慣例寫落來做記錄，後日 tsiah 有資料通參考。

體重：保密

煏出來 ê 板膋： 1,9kg

1. 30日 1.9kg

樂暢食，快樂剾板膋行到今仔日拄拄好滿 5 月日。

照慣例寫落來做記錄，後日 tsiah 有資料通參考。

體重：保密

煏出來 ê 膩瓤油： 1kg

1. 30日 1.9kg

樂暢食，快樂剾板膋行到今仔日拄拄好滿 4 月日。

照慣例寫落來做記錄，後日 tsiah 有資料通參考。

體重：保密

煏出來 ê 膩瓤油： 2.3kg

1. 30日 1.9kg

樂暢食，快樂剾板膋行到今仔日拄拄好滿 3 月日。

照慣例寫落來做記錄，後日 tsiah 有資料通參考。

體重：保密

煏出來 ê 膩瓤油： 2.4kg

1. 30日 1.9kg

樂暢食，快樂剾板膋行到今仔日拄拄好滿 2 月日。

照慣例寫落來做記錄，後日 tsiah 有資料通參考。

體重：保密

煏出來 ê 膩瓤油： 2.2 kg

樂暢食，快樂剾板膋行到今仔日拄拄好滿 1 月日。

照慣例寫落來做記錄，後日 tsiah 有資料通參考。

體重：保密

無去 ê 膩瓤油(脂肪)：1.9kg