亂皂𥴊仔店 ⓂⒺⒾⓃⓀⒾⓄⓈⓀ

貧惰翻譯德文更新部份，就按呢！

總是 kā 按網路揣來 ê 扁豆波隆納肉醬 ê 作法記錄一下，起因伊是我唯一揣著 ê 華文稱號。

一目𥍉 Pixnet ê 口座 mā 開 bueh 3 冬，一目𥍉踮遮 mā 寫 bueh 500 篇 ê 文章。

這久越頭看彼久我 ê 感謝 tsuē 過規腹火。

我感謝彼久 hōo 我建議 ê 人。

一目𥍉又閣 3 冬外，我 tuì Tzatziki(Tsatsiki) ê 興趣猶原懸過 Himalayas，總是一想著瓜仔哖 mā 愛成做厚工 ê 米粞 1. 礤簽 2. 渧(tè)水，我甘願選擇別款頭盤、食前酒。

近來 Muse 無 bueh 來相揣，掠做拍 m̄ 見 ê 留底照片因為翹頭查某 hōo 我想著 tsuē-tsuē 舊文章猶原保持參考別人漢羅濫寫 ê 台文，Muse 無 bueh 來相借問 ê 日子是整理舊文章上好 ê 時間。

我 mā 真愛這个時間，因為伊引𤆬我翻草 --- Non ridere, non lugere, neque detestari sed intelligere，勿喜，勿哭，勿恨，m̄-koh 諒解。

整理這篇文章， 翁又閣 uī-tio̍h 𪜶爸母 ê 興趣 teh 佮我「討論」，早前 ê 我 ē uī-tio̍h 這个問題佮伊盤喙錦兼 tī 遮成做茶鈷呻 buē 離，這久 ê 我無彼个氣力 m̄ 是應當按呢講，山猴變猴弄，較變 mā 彼幾步，畢竟有淡薄仔農業智識 ê 人攏知影六月 buē 出芥菜。

因為想著這句 Non ridere, non lugere, neque detestari sed intelligere，我開始好玄，德語按怎講，捎一張紙順家己上直接 ê 想法寫落來 Nicht lachen, nicht trauern, nicht hass, aber verstehen 分 hōo 翁看，本底若魚喙開合 ê 伊喙隨合起來，提筆寫 Nicht lachen, nicht trauern, nicht verabscheuen, sondern verstehen，我順伊 ê 句讀笑講「無見著人，總是一讀文字就隨知影 tsiâ 是德國人。」

階段，層次

Tshan-tshiūnn 每一蕊花，每一个少年

Tī 無相𫝛 ê 年歲，無相𫝛 ê 人生階段 ē 成做一朵新嫣 ê 花蕊

每一種智慧佮美德攏 ē 開花

Tī 伊 ê 年間 buē 接續透流

熥食譜 mā 是一件有 14 ê 代誌，伊 hōo 我餾彼陣 ê 氣持ち mā hōo 我有機會停睏跤步踅翻頭看往過 ê 手藝敢有進步。

不過，自開始寫 Blog 我上大 ê 感受 m̄ 是遮 ê 事項是我若春天後母心，欲變一時間 ê 性地 tī 這段時間揣著四伨。

我𠢕衝碰 mā 𠢕衝動，sóo-tí 捷捷纏綴過了代 teh 踅金龜磨，我 ê 14 是 tuì 無佮意 ê 物抑是認為無重要 ê 物就隨 kā 伊擲糞埽桶清掉 ê 癖。

我 buē 講這个癖無好，總是我若 ē-tàng 閣小停跤愖一下，我 ê 頭殼就 ē-tàng 免踅翻頭愖遮 ê 代誌抑是捶心肝，呔 kā 擲掉抑是無予備(教典解釋日文是預備，不過我按厝內序大學著存後步，華語 ê 備份，英語 ê Copy)。

Blog 寫到今，無佮意 ê 物就愛清掉 ê 癖猶是佮我大麵炒圓仔，膏膏纏，不過 tī 這段期間我 mā 學著歐洲人 tuì 舊物保存 ê 態度，m̄ 是逐項舊物攏愛留，總是 bueh 摒進前愛停跤愖一下 m̄ 是隨擲掉。

我無囡仔規日 m̄ 知 uī-hô 總是貼貼。

想 bueh 逐日讀淡薄仔書，時間已經 bueh 三更。

想講，敢是我開傷 tsuē 時間 tī 遮趖。

愖一下，mā 無。

透早起床款早起頓，窮碗箸、洗碗箸無偌久就閣 bueh 款暗頓。

踮這个小暑 bueh 行到大暑 ê 日子，醬料冰冰仔搵，蕃薯涼涼仔食，生菜淋寡橄欖油佮醋清清仔哺，一頓熱人 ê 早起頓除了消敨 tī 灶跤舞甲規身軀全重又閣有法度食傷青臊閣飽脹，這誠實是美麗 è 早起就按早起頓無毋著(moˇmˇcog)，另外按呢 ê 簡單食猶是食著我 ê 碗盤 ê 大四項 - 鱷梨仔是油，番薯是米糧，魚指是肉，Sòo-sù 是優格(iu-keh)，正經蓋好。

不過而上美好 ê 代誌是按呢食，磅仔原仔一直 tuì 咱「食秤頭」hōo 咱暢甲 buē 顧得，繼續成做臭耳聾某聽 buē 著翁 ê 一日愛食六頓 ê 向前行。

是--lah，拄徙岫來遮 uī-tio̍h gún 翁 ê 喙白佮喙斗我有放棄家己 ê 四常來配合伊 ê 堅持 ，總是我猶是我，彼久 ê 放棄 m̄ 是表示我接受這个委屈，是我家己 mā 足好玄我敢有法度 kā 本底是食米 ê 喙斗轉做食麭。

一段時間 ê 探索我發見我 ē-tàng 按呢過四常，m̄-koh 這款四常猶原是接續 tī 臺灣 ê 日子，麭 tuì 我來講是啖糝、四秀仔 m̄ 是三頓，理解這个問題，這个佮翁對頭 ê 食食問題就 m̄ 捌閣纓纏哭呻 m̄ 願離開。

今仔日食這，翁講愛有麭，我講麭 tī 灶跤家己提，另外你若是嫌一透早就食魚，你 ē-tàng 家己款早起頓，起因我無彼个癖興 kā 人款三頓閣禁止別人食伊無愛食 ê 物。

昨昏請翁 kā 我鬥熥，我翻譯 ê 詩句。

凡勢一回愛熥兩塊詩，致使伊聽甲淡薄霧嘎嘎就直接行過來讀我寫 ê 文章。

讀了，伊講一段「Eine Runde spielen」佮「Eine Runde um's Haus gehen」ê 差別。

這段差別 hōo 我想著台語 ê「千金」。

伊 ē-sái 是「好額人兜 ê 千金小姐」mā ē-tàng 是尊稱人兜 ê 姑娘掠外，也 ē-sái 講時間。

踮廚房款翕早起頓，伊翁倚過來講「angeben(展風神)」。

「Heh-me! So angeberisch(足愛展風神)」我應。

「自底就是愛 kā 展」翁知影我 tī 講啥 mā 綴 leh 造句。

正經是按呢，我寫 Blog ê 目的是 bueh 訓練家己 ê 筆尾 m̄ 是 uī-tio̍h 成做網衝，sòo-pái 我 buē 受著連蠓仔攏 buaih 來行踏 teh 鬱，起因我家己 mā 知影家己無彼號才調做網衝。

清楚知影家己 ê 問題，總是搪著相片我猶原無法度圓仔花 m̄ 知䆀，大紅花䆀 m̄ 知按呢賣茶講茶芳，賣花講花紅。

厝附近 ê 超市。

𪜶 tsit 禮拜推捒厝邊豐沛閣青臊 ê 料理。

Lán 逐項逐項斟酌看，逐項逐項細膩思量。

思量到落尾，無買半項。

起因 lán 知影，家己有相趁相喊 ê 歹癖。

讀著這條新聞，想著家己 tī 三十歲彼冬，我 ê 衫仔櫥清甲賰 3 領仝色牛仔褲、五領𫝛形 ê ua̋i-siat-tsuh、3領無仝色 ê T-Shirt、 一雙烏皮鞋、一雙白色運動鞋。

就按呢，仝形 ê 妝娗一路循環到今，𫝛時一个搵醬 mā 行仝款 ê 路途，齊是行白爍爍白波波 ê 白汫無味 ê 色緻。

按呢 ê 穿插佮喙斗敢 buē 傷過無聊？

Buē----neh~~~~~

我愛這款看起來白汫無素，窮真是萬千變化 ê 四常。

日日應當攏是女人日

問我，第一位有印象 ê 紳仕是啥人？

Gún 爸爸。

自我有印象，gún 爸爸 m̄ 捌拍過某囝 mā m̄ 捌大聲 tuì 某囝喝來喝去。

除了彼改 hōo 皮蛇纏著 ê 伊，無代無誌按當 teh 讀小說 ê 我 ê 椅頭仔蹔落去 hōo 我規仙人按椅條仔倒頭栽，頭眩眩徛起身大聲 tuì 伊喝「我佗位做 m̄ 著代誌」。

那煎紅菜頭餅那想等下愛配啥物款 ê 搵醬 tsiah-ē 敆味？

想仔想，啊，我想著矣!

來做 tī 德文有簡單做閣好食 ê  Ratzfatz 版本：優格醬。

優格搵醬《Ratzfatz》