亂皂𥴊仔店 ⓂⒺⒾⓃⓀⒾⓄⓈⓀ

6月15日，德國佮法國做伙比賽。

我問翁你敢需要啖糝配球？ 

當然 mā 是愛，這場蓋重要。

我喙賤，刁意故 tuì 伊講德國隊 tī 比賽進前接受𪜶跤球雜誌採訪 ê 內容「Ich will den Titel, wir sind da」(我想 bueh 著名)。

「Ich hoffe wir haben Glück, das erste Spiel gegen Frankreich.」（我向望好運 ē 徛踮 gún 遮，第一場著愛佮法國比賽)，gún 翁吐一喙大氣紲喙講。

聽伊遮爾仔慒心 ê 聲音，我這支喙無閣繼續賤落去真艱苦。

「Das ist ein sehr wichtiger Punkt」(這是非常重要 ê 一場)我成做一隻八哥餾德國教練前幾分鐘 ê 訪問。

「Ja...」

看伊慒心甲這个坎站，我 mā 笑甲軟骨。

「好--lah，我莫閣繼續 tī 遮 kā 你弄，我來攢你 ê 啖糝」越轉身隨行入廚房款這份啖糝。

記錄這篇543 ê 時，我捌想過按怎 kā 號一个較風神奢颺 ê 名，總是智識無夠押尾猶是決定纏綴伊 ê 原名轉做台語。

首先，我個人無愛「呼音」方式，m̄ 是我無看 buē 起呼音，是咱攏已經活 tī bueh 相𫝛 ê 世界精差無仝一个所在，sóo-tí 有法度揣著對應 ê 字辭我就使用，無法度揣著 ê 字辭我就看我是按佗一个語言先學著就 iōng 彼个語言做第一要件。

不過，大多數我猶是 ē 遵照本地 ê 號名寫佮講 buē 閣掠外號名，tshan-tshiūnn Mozzarella kā 寫做「莫茲瑞拉起司」、「義大利莫茲瑞拉起司」，講著 Mozzarella mā 是愛講，伊 m̄ 是 kan-na Italia tsiah 有，瑞士抑是奧地利等等 mā 是有家己 ê Mozzarella，只是無 Italia ê Mozzarella 遮爾仔名聲透京城。

簡單講一句，加一个語言咱 ê 財庫又閣加一个位敢 m̄ 是按呢。

這份啖糝是早前 uī-tio̍h 稅金問題按德國這搭徙去法國彼搭蹛 ê 德國朋友遐學來 ê 四秀仔。

講徙去法國蹛 buē-su 伊蹛誠遠仝款，窮實 mā 較過一條橋就到位矣，而且蹛柴杙 ê 人大部份攏 ē 曉講對方國家 ê 語言。

Sòo-pái 聽遮 ê 德國人紹介法國食食齊是講法語 tuì 我來講 m̄ 是展風神，是𪜶入港隨灣，入庄隨俗。

法國人 mā 按呢 Currywurst 就是 Currywurst buē 閣講 German Curry Sausage。

我 m̄ 知影這敢是𪜶堅持逐家講仝話，落尾卻發見這个方法 kan-tann kā 家己箍 tī 仝箍仔行 buē 出去 ê 因端。

畢竟 ē 曉講寡別人 ê 話，猶是比提第三个人 ê 來講甲喙甲全泡猶閣較有感情。

Tshan-tshiūnn 我法語 kan-na ē 曉彼幾句，總是當𪜶發見我佮 gún 翁齊是講德語，iōng 德語行踏法國比英語閣較利便。

我 m̄ 捌行踏過巴黎，我 m̄ 知巴黎 ê 狀況，總是其他 ê 所在講德語確實比英語較利便，較 buē 連賣攏 m̄ 賣。

「Apéritif」tī 德語是「Vorspeise」、英語是「Appetizer」、日語是「食前酒➀」、華語 ê「開胃菜」，台語 ê.....

我本底是想 bueh kā 伊 tuì 譯做「豆干殘殘切五角...」(看全家有智慧學來--ê)，總--是我感覺猶閣有比這「菜鹹」抑是「四秀仔」閣較合軀 ê 辭。

按雲林來 ê 朋友 ê「豆干殘殘切五角...」ê 畫面又閣浮在眼前「啖糝仔」遮 ê「你先提去止枵一下，等 ē bueh tsiah 食頓--ah」。

我想著，媽媽在生 ê 時 mā-ē 按呢 tuì 我講就隨決定 kā 伊對譯做「啖糝仔」。

一目𥍉 mā 十外冬，當初學 ê 法語無 tsuē 總是彼陣來德國行踏談戀愛猶 iōng ē 著 sòo-pái m̄ 捌 kā 𪜶放 buē 記，翁按彼搭調職到現此時 ê 城市無機會閣講法語佮讀法文，當初 ē 曉講 ê 法語 mā 沓沓仔成做離開學校，本底掠做真峇貼 ê 朋友就此相見不相識按呢生疏。

「Apéritif」款好提--出來 ê 時，比賽 mā 已經開始 teh 輦，我問翁戰果如何？

伊目頭結結捎一塊啖糝仔入喙講「咱請人來食桌，咱就愛較有禮數一寡」。

「Mā 著，法國來恁遮 mā 知影愛紮好物」我 kā 規个盤仔交 hōo 伊兼拭笑甲全目汁 ê 面。

若寫遮 ê 543 若綴伊看德國按怎厚禮數，「61% gegen 39%」(控球機會，德國61%，法國39%)，我講。

「Das 61% ist besser noch Spanisch über 80% und kein Tor」（61%猶原比西班牙80%起跳閣無著半分閣較好），翁 buē-su 魯迅 ê 阿 Q 按呢應。

「Ja, ja, Deutschland hat ein Tor」(就是講 me̍h，德國有得著一分)，我 tshan-tshiūnn 摠著阿 Q 上肉跤 ê 點繼續𠞭伊 ê 肉。

伊無紲喙我 ê 話，m̄-koh buē-su 尪姨開始卜講「德國隊結束--ah」。

我 m̄ 知影德國隊敢誠實結束，總是見著彼球決定輸贏 ê 球是𪜶家己踢入去別人兜，我 kan-tann ē-tàng 講德國隊自2014年得冠軍了後，若誠實有 hōo 人放符仔按呢誠 buē 順勢 ê 明明就踢甲誠好，m̄-koh 卻無啥結果。

這就是人生 ê 縮影，你骨力仔做無表示你 ē 成功，你無骨力仔做 mā buē 表示你 buē 成功，成功無成功上重要 ê 一點是家己按怎消化遮 ê 齷齪繼續向前行。

隔轉工新聞媒體整理 Tsa-mê ê 訪問，tsuē-tsuē 人 ê 反應 m̄ 是詈抑是非常失望，大多數 ê 人講「失望是一定有--ê，總是遮 ê 新人第一斗佮頂屆 ê 世界冠軍做陣踢球，有法度踢甲按呢，後一斗決定 ē 閣較進步。」

我 mā 是按呢想，buē-tàng 要求棄 ê 新人一出現隨踢甲 tshan-tshiūnn 遐 ê m̄ 知合作過幾仔回 ê 前輩按呢遐爾仔老。

畢竟，連專業車手 m̄ 知影練過幾仔回 ê「超車彎道」到今搪著斡原仔愛踏擋仔，無法度一路紲拍到底。

➀ 食前酒(しょくぜんしゅ/Shokuzenshu)

Há-muh 葉仔酥 

...... 材料 ......

葉仔酥　1

Há-muh，切片

蛋，抐 hōo 齊　1

Tshì-sù

...... 步數 ......

1. 葉仔酥切做 5 x 7cm 大細。

2. 葉仔酥捊寡蛋，落烘箱捘200度烘10~15分鐘。

3. 第一層鋪 Tshì-sù 第二層鋪 Há-muh，樂暢來食。

Ich frage mein Mann, möchtest du mal ein Apéritif probieren?

Welchen Aperitif?

Ich spreche französisch kein deutsch Aperitif.

In meine Ohren sind gleich, lacht mein Mann.

Deine Ohren haben ein Problem, mein französisch so perfeckt, sage ich.

Ja, ja...nur Oui und Merci....so etwas, lacht mein Mann.

Das ist genug als wir in Greffern waren.

Bonjour, Baguette,Oui, Merci, Au revoir, sagt ich.

Ja, ja...wie an der Grenze in Genève.

Ich möchte eine Pizza, bitte.

Oui.....xxxxxxxxxxx(Französi)

Oui....(du)

Du sprichst kein französisch.

Deine Ohren haben ein Problem, ich sage Oui und Merci, Au revoir.

Und die Pizza ist immer noch die wir mögen, sage ich.

Du hast Glück, sie wohnen an der Grenze, deshalb verstehen sie deutsch, lacht mein Mann.

Ich auch.

Als wir an der Gernzen gewohnt haben, ich spreche kein English aber französisch und deutsch mit französi.

Siehst du, wir sind jedem das seine, sage ich.

Mann....sagt mein Mann.

Man..........Siehst du, ich bin so großzugig, mit dir spreche ich English und Deutsch "MAN", sage ich.

Mann...........lacht mein Mann.

Mit mir, dein Leben ist immer etwas besonders, sage ich.

Blätterteig mit Schinken

...... Zutaten ......

Blätterteig　1

Schinken in kleine Stücke geschnitten　200g

Ei gut schlagen　1

Käse

Salz, Pfeffer

...... Zubereitung ......

1. Den Blätterteig in 5 x 7cm geschnitten.

2. Den Schinken in Stücke schneiden.

3. Den Blätterteig mit Ei bestreichen und  auf das Blech legen, auf 220 Grad 10~15 Minuten backen.

4. Den Blätterteig mit Käse und Schinken hingzufügen.Guten Appetit!

Which aperitif?

I speak French not German aperitif.

It's the same in my ears, laughs my husband.

Your ears have a problem, my French is so perfect, I say.

Yes, yes ... just Oui and Merci ... something like that, my husband laughs.

That's enough when we were in Greffern.

Bonjour, baguette, oui, merci, au revoir, I say.

Yes, yes ... like on the border in Genève.

Ich möchte eine Pizza, bitte(I want a pizza, please).

Oui ..... xxxxxxxxxxx (French)

Oui .... (you)

You don't speak french.

Your ears have a problem, I say Oui and Merci, Au revoir.

And the pizza is still what we like, I say.

You're lucky, they live on the border, that's why they understand German, my husband laughs.

Me too.

When we lived at Gernzen, I don't speak English but French and German with French.

You see, We respect everyone’s differences, i say.

Mann(Man) .... says my man.

Man(Mann) .......... You see, I'm so generous, I speak English and German with you. "MAN", I say.

Man(Mann) ........... laughs my man.

With me, your life is always special, I say. 

Ham Puff Pastry

...... Ingredients ......

Puff pastry　1

Schinken in kleine Stücke geschnitten　200g

Beat the egg well　1

Cheese

...... Method ......

1. Cut the puff pastry into 5 x 7cm.

2. Cut the ham into pieces. 

3. Brush the puff pastry with egg and place on the tray, bake at 220 degrees for 10 ~ 15 minutes.

4. Add the puff pastry with cheese and ham.Enjoy your meal!