我是 Mayo.
媠某問「你確定 bueh 寫一篇。」
我講「確定，總是我頇顢弄筆需要勞煩你 kā 我鬥栽筆花。」
我是 Mayo ê 代筆者，伊褒唆 ê 媠某「意愛 hōo 勥爸勥母一日貼貼上童 ê 你罕得遮好禮，我無 kā 你鬥相共我 ē 犯你兜 ê 欹講我甕肚。」
「媠某有囡仔量。」
「我無囡仔量，m̄-koh 我確實誠𠢕請鍾馗。」
本成掠做 Covid 19 buē tshan-tshiūnn 流感成做麵線 m̄ 管咱人按怎祓、按怎扯(tshé)、按怎擢、按怎搝齊 buē 斷筋，千算萬算 m̄ 值伊一張，伊 m̄-nā 𠢕搬四川換面 mā 我生湠 hōo 我慣勢 ê 按算成做一場空，mā hōo 我理解自由無獨限政治 tsiah 有才調 kā 伊束縛。像逐年轉去臺灣行尞 ê 按算 tī 這段準做無政治做束縛，我 mā 甘願束縛 m̄ 出門。
往過，一年轉去臺灣 2 斗，這斗食 buē 著大埔鉄板焼き(Teppanyaki)、三商巧福 ê 牛肉麵、附中附近 ê 鉄板焼 khe-tsiap-puh 炒麵齊有法度後回 tsiah 補，這久搪著愛耍四川換面 ê Covid 19，一冬變兩冬，兩冬變.....。
數念是犀牛 hōo 伊望月，一月過一月，天啊，地啊，我底時 tsiah 有法度轉去臺灣食遮--ê das ist zum reinsetzen 夭壽骨好食 ê 臺灣料理。
「Kā 錢疊緟，犀牛免望月」代筆者 ê 插撥。
窮真，我 tuì 遮 ê 臺灣料理並無好印象，起因德國無路邊攤，準做有路邊攤街路 mā buē 油漉漉，抑是規个油湯攤敢若千外冬 m̄ 免洗盪 hōo 我綿豉拒絕媠某交眾臺灣朋友 ê 邀請。
這久翻草，我正經是 A-ta-mah-khóng-ku-lī 食蒜頭，吐蕗蕎。
「少年若無一擺戇，路邊哪有有應公」代筆者插撥。
這幾工交媠某做陣看《我的阿北同學》學習媠某 ê 母語台語，媠某 ê 母語無學著半句 m̄-koh 跟綴影片 ê「我自細漢食到大漢」ê Khe-tsiap-puh 炒麵 hōo 我想著麻豆夜市 ê 牛排敆麵。
Tī 媠某準備徙岫到德國 ê 頂一冬，媠某講伊按算無目的聊聊仔踅一逝臺灣，愛哭愛綴路交 m̄ 捌勻勻仔踅臺灣 ê 我隨攑手講等我，咱做陣踅臺灣，我 tsiah 有機會認捌這个從來 m̄ 捌行踏有歷史 ê《倒風內海》。
「往過捌讀過一本小說，小說寫麻豆歷史，總是彼陣 ê 我想空想縫 kan-ta 要意戀愛，sóo-tí 現時 ê 我無才調 tuì 你講伊 ê 歷史」媠某那講那看 Bluezz 揣來 ê 旅宿地址，我那聽媠某 ê 分張目那繩四周圍，遮敢正經有旅舍通歇暝？
當我準備開喙講「一暝超過預算 mā 無要緊」ê 時，媠某手指一間看起來若阿妗兜 ê 建築講「這間」隨行入去交頭家媽 Check in，我目那繩旅社 ê 設備，麻豆 tī 往過應當誠繁華，因為伊 hōo 我想著囡仔時 ê Beja 貝雅➀。
Gún tī 麻豆 ê 日子拄好搪著舊歷過年，旅舍附近 ê 油湯攤無開門，媠某又閣無愛食餐廳，當 gún 你一喙我一喙徛 tī 旅社門口討論下昏飯愛食啥，頭家媽行倚交媠某講話，無偌久我就來到無佮意 ê 夜市。
「外甥仔點燈火，一切照舅(舊)，你無愛食夜市，遮 ê 火鍋店抑是 7-11 齊營業，你 ē-tàng 去遐款你愛食 ê 物，食飯飽後，咱做伙 tī 旅社大廳相等。」
我順媠某 ê 話看向夜市挨挨推推 ê 民眾「伊看起來交觀光夜市無相仝，我綴你行。」
「咱已經行到尾矣，你敢有相著敆你喙斗 ê 物？」媠某問。
「拄才有看著一塊牛排疊一粒卵包，彼是啥？」我問。
「臺灣 Sizzling Steak，bueh 試鹹汫無？」
「你知影 gún 德國人無按呢食牛排。」
「遮是臺灣 m̄ 是德國」媠某頭挽 leh 就行，無伊揣無路 ê 我緊綴伊 ê 跤步，三伐做一伐。
菜色點好，我綴媠某 ê 跤步交人敆桌坐踮低紅桌低椅條等牛排上桌，見著仝桌 ê 人那食牛排那揤紅色佮黃色 ê 塑膠矸仔「彼膏膏物是啥？」我問。
「Khe-tsiap-puh 佮芥辣醬」媠某講。
「Gún」當我準備熥清飯，頭家送一盤無肉 m̄-koh 有麵交我上熟似 ê 三色菜「彼是啥？」
「鐵枋麵」媠某那講那徛起來行向頭家身軀邊 ê 湯鼎𣁳湯，當我想 bueh 開喙講「你食就好，我 buaih 食湯」媠某已經𣁳二碗燒滾滾 ê 湯講「有你上愛 ê Bá-tah 交 hōo 你無料食到哽胿。」
「無料你確定？」
「遮是臺灣 m̄ 是德國，句點。」
「這湯比 Knorr 閣較好味素」我那食湯又閣見著有人 kā 麵濫佮卵做伙，紲落來摻 Khe-tsiap-puh 當我準備開喙，媠某先出聲「這交恁德國人食意大利麵仝款是四常 ê 配備(phuè-pī)。」
臺灣人食牛排 ê 慣勢交 gún 德國人有太 tsuē ê 無相仝，這久開始我上好成做六隻天鵝 Die Sechs Schwäne➁ ê 小妹，等到時機夠水 tsiah 開喙。
「你哪無摻 Khe-tsiap-puh mā 無 kā 卵濫落去麵內底？」
「隨人有隨人 ê 喙斗，不過我臺中人，gún 食麵較慣勢摻東泉薟椒醬。」
「你 m̄ 是無食薟？」
「伊 m̄ 是薟，伊是 gún 臺中人 ê Khe-tsia̍p-puh 無伊食麵是白汫無素。」
我 tuì 臺灣 ê 夜市無生份，總是這是我第一斗 kā 膽紮 tī 魂舒交媠某做陣食夜市，到今我猶原無啥慣勢夜市烏 lù-lù ê 塗跤交隨時有可能是遮一搭水，遐一搭油 ê 環境，總是這斗 ê 經驗 hōo 我後日願意認真踅夜市挵險。
「你敢猶 ē 記持咱 tī 台南食著 ê 鐵板焼牛排？」我問媠某。
「我 buē 曉做鉄板焼き(Teppanyaki)」愛經過胃，媠某果真理解我 ê 想法。
「我想 bueh 問，咱敢有機會食 Khe-tsiap-puh 麵？」
「大丈夫閣送你一塊肉」媠某講。
我愛媠某！！！
人生 mā tshan-tshiūnn 一篋 Tsioo-kóo-lè-tòo 你無試，你永遠 m̄ 知機家己 ē 搪著啥物味素。
我是亂皂𥴊仔店 ê 作者，記錄這篇文章 mā 搪著有人講華語 ê「調味」無人講 tiàu，我無興交人討論這个猶未定形 ê 語法，總是生份人 ê 點揬成做我 ê 營養 hōo 我有一个機會生湠家己 m̄ 捌 ê 智識。像《行仔內 ê 話》EP4 高雄燕巢(iàn-tsâu)幼麵 ê 出日拍尻脊，落兩攏免食 ê 出 m̄ 是 tshut 是 tshu̍t 入聲。
入聲指七聲八調 ê pih 佮 to̍k，閣較詳細 ê 解說請參考台南妹仔教你講台語 EP7 又短又緊的聲音？入聲韻母一定要會♥白話字聲調篇（中）｜台南妹仔教你講台語。
➀ Tī 葡萄牙
➁ 格林童話
栽欉 --- 2021.04.15
翻田塗 --- 2025.03.10
Kam-má-tooh 雞肉炒麵
...... 材料 ......
煠好 ê 意大利意麵 180g
雞肉，切塊 250g
Kam-má-tooh，切塊 3
洋蔥，刴幼 2
白酒 1EL
薑，刴幼
芳料草 1EL
芥辣醬 1TL
蜂蜜 1TL
滾水
蒜頭，刴幼
鹽、胡椒
...... 步數 ......
1. 雞肉、胡椒、芥辣醬、酒、蜂蜜、蒜頭豉鹹20分鐘。
2. 雞肉落鼎炒甲赤赤，挈出來。
3. 洋蔥、蒜頭落鼎炒芳，Kam-má-tooh、薑、芳料草濫落去 kā Kam-má-tooh 炒到軟，滾水淋落去煮 20 分鐘絞做 Kam-má-tooh 醬。
4. 麵、雞肉摻落去，tiàu 寡鹽、芳料草、胡椒，樂暢來食。
Ich bin Mayo.
Ich muss sagen, erstmal in Taiwan habe ich das Essen gesehen im Iā-tshī(夜市：Night markt).
Ich habe keine intresse an dem Essen.
Weil ich kenne viele Lebensmittel nicht.
Dann sehe ich das Steak oder Spaghetti, sie sehen nicht gleich aus wie Deutschland.
In Deutschland, wir essen Steak ohne Spaghetti oder Eier aus der gusseiserne Servierpfanne.
In dieser Zeit, die Freundin jetzt ist meine Frau.
Sie sagt, das ist normal in Taiwan. Und ich denke die Idee kommt von Sizzling Steak.
Was ist Sizzling Steak?
Und das Fleisch sieht nicht so nach Steak aus, das ist so dünn im Vergleiche zu Deutschland.
Und die Spaghetti sind keine Spaghetti.
Ich habe viele Beschwerden.
Dann sage meine Frau nur es...
Ich weiß, aber hier ist Taiwan, Rindfleisch ist teuerer als in Deutschland's Supermarkt. Sushi ist kein Sushi und Asien gebratene Nudeln ist kein Asien gebratene Nudeln, aber noch billiger außer Brot.
Dann habe ich das erstmal Night markt besucht.
Ich kann nur sagen.
Ich mag nicht jedes Night markt's Essen.
Aber für Sizzling Steak mit Taiwanisch's Tuā-mī(大麵), ich werde überall probieren.
Nudeln mit Hähnchen und Tomatensoße
...... Zutaten ......
Gekochte Nudeln 160g
Hähnchenbrustfilet in Stücke geschnitten 250g
Tomate in Stücke geschnitten 3
Fein gehackte Zwiebel 2
Weißwein 1EL
Senf 1TL
Ingwerpulver 1/2TL
Kräuter
Honig 1TL
Wasser
Fein gehackter Knoblauch
Salz ＆ Pfeffer
...... Zubereitung ......
1. Die Hähnchenbrust mit Senf, Pfeffer, Wein, Knoblauch und Honig würzen und wenden. Dann in Kühlschrank stellen ca. 20 Minuten.
2. Die Hähnchenbrust in der Pfanne geben und anbraten bis sie goldbraun ist, dann rausnehmen.
3. Zwiebel mit garlic in die Pfanne geben und anbraten bis sie goldbraun sind, Tomaten dazugeben und anbraten bis sie weich sind.
4. Wasser mit Ingwerpulver und Kräuter dazugeben und gut verrühren, ca. 15 Minuten kochen, dann pürieren.
5. Nudeln mit Hähnchen dazugeben, mit Salz und Pfeffer abschmecken. Guten Appetit!
I am mayo.
I have to say, When I was first in Taiwan, I saw the food in the Iā-tshī (夜市：Night market).
I have no interest in the food.
Because there are a lot of foods I don’t know.
Then I see the steak or spaghetti, They look very different from Germany.
In Germany, we eat steak without spaghetti or eggs from the cast iron serving pan.
At this time, the girlfriend is now my wife.
She says it's normal in Taiwan. And I think the idea comes from Sizzling Steak.
What is sizzling steak?
And the meat doesn't look like steak, it's so thin compared to Germany.
And the spaghetti is not spaghetti.
I have a lot of complaints.
Then my wife just say it ...
I know, but this is Taiwan, beef is more expensive than in Germany.
The same thing happened in Germany, sushi in the supermarket is not sushi and Asia fried noodles is not Asia fried noodles, but it is still cheaper than other food, besides bread.
After the first Iā-tshī (夜市：Night market) experience
I can only say.
I don't like every night market's food.
But for sizzling steak with Taiwanese tuā-mī (大麵), I'll try anywhere.
Chicken Pasta with Tomato Sauce
...... Ingredients ......
Cooked pasta 160g
Chicken breast cut into pieces 250g
Tomato cut into small slices 2
Onion cut into small pieces 2
White wine 1EL
Mustard 1TL
Honey 1TL
Ginger powder 1/2TL
Herbs
Water
Finely chopped garlic
Salt＆ Pepper
...... Method ......
1. Season the chicken breast with mustard, pepper, garlic, wine and honey.Then put in fridge for about 20 minutes.
2. Add chicken breast to the pan and fry until they are golden brown, then remove.
3. Put the onion with Garlic in the pan and fry until they are golden brown, add tomatoes and fry until they are soft.
4. Add the water with ginger powder and herbs and stir well, cook for about 15 minutes, then puree.
5. Add the pasta with chicken, season with salt and pepper. Enjoy your meal!
留言列表
冊 ▪ Bücher ▪ Books (4)
