德國有 30% ê 人身體無健康，德國有 4 千外萬人有半頭風問題，德國 ê 關節炎 kiōng-bueh 成做德國國病，德國人 ê 胃腸問題愈來愈 tsuē，德國人 ê 平均歲數比厝邊法國、瑞士等等相比並齊短歲壽，特別是食食文化交德國無宛 2 體 ê 瑞士，德國少年囡仔致著 ADHS(英語 ADHD) ê 比例 mā 逐年 teh 增加。
這幾日聽廣播聽著新聞講德國交法國 bueh 合作烘健康 ê 麭，初聽這段話我隨認定家己聽甲走縒，畢竟德國麭是健康 ê 代表。
第二斗聽著這段話，我想著早前 kā 社團面友無料翻譯 ê 新聞 mā 想著舊年行尞 Couleurs d'automne 秋天 ê 色緻食著交德國一模一樣 ê Croissant，德國交法國 ê 味素就是兩條無拍叉仔 ê 大通路。這个感受屬於我個人無代表事實就是如此按呢生。
交我仝途 ê 朋友聽市政府講我無 bueh 參加假日市仔隨來關心我呔 buaih 參加。我 tuì 伊講「gún 兜 ê 麭無夠市仔 ê 需求通排擔」，伊講「這 m̄ 好解決，一包配方透落去，平均 2 ~ 3 點鐘隨出一斗麭。」
我知影配方一透 ē-tàng hōo 家己褲袋仔袋龍銀 m̄ 是袋銀角仔，總是這無敆我 ê 性地，起因一粒材料純然 ê 麭，伊需要時間。
記持僫食餌 ê 我有才調 kā 彼久 ê 無料幫贊鏨 tī 大腦決定有啥物特殊，總是彼久 ê 我 m̄ 捌 uī 別人 ê 問題起清凹(nah)這久更加 buē 著清瘼，畢竟記持 mā 愛喙白。像平平是 Croissant 交 Pizza tī 德國食無路，一到法國隨食到哽胿，這个四常問題 m̄ 捌認真翻草，這久順這个議題沓沓仔巡拋荒 ê 田園是有空敆榫 ê 峇。
德國傳統麭店 kā 工廠拍貨轉來賣 m̄ 是啥物鮮沢 ê 代誌，總是連驕傲 ê 傳統攏有才調 kā 伊按至少起 18 點鐘縮短到起 2 ~ 3 點鐘，甚至按澹轉做焦，德國新世代 ê 喙斗 buē 特殊，紅龜 buē 生蟲 tsiah 龜怪。
德國囡仔一日食 ê 糖大約是 160g，鹽至少 20g ~ 30g，德國囡仔一日 ê 菜單，俗麭敆 Nutella、美國甜箍仔、Pizza、馬鈴薯片、Cola 做滾水啉，簡單一句一日食無半項菜蔬，這个現象 mā m̄-nā 發生 tī 囡仔 mā 發生 tī 大人 hōo 德國醫療負擔 mā 愈來愈重，不過𪜶是商業保險 m̄ 是全民健保，保險通吸收 ê 範圍無咱臺灣健保 ê 佛心，不過 mā 無美國 ê 窮斤算兩 hōo 人感覺破病是有錢人 ê 權利。
「恁講恁 bueh 交法國合作做健康 ê 麭」暗頭仔翁仔姐那食飯那看窗仔 ê 色緻按黃錦錦 ê 卵仁成做鹹鴨卵 ê 紅赤赤那講。
「Bitte/啥物？」翁應。
「廣播講恁 bueh 交法國合作做健康 ê 麭。」
「Gún-ê 麭確實愈來愈走縒，無傳統。」
我 kā 手拍 tī 翁 ê 頭額，「這个問題是你造成--ê」伊笑講。
「確實是我造成，總是你 bueh 踅翻頭我 mā 無意見。」
「年過五十無紅字無營養不良無關節炎，你保養甲誠好」翁 kā 醫生相紲幾仔冬 ê 呵咾搬出來。
「你 Tsiâ，你德國戰車，血壓懸甲 160 閣 kā 臺灣醫生講 tī 德國這是正常 ê 血壓。」
「較好 ê 戰車無保養 mā 生鉎，這久 ê 我保持 tī 120, SENZA SALE 交糖換醣。」
Senza sale 是德國衛生部長 Karl Lauterbach 推廣 ê 概念，講推廣 mā 無正確，總是伊是一位無食加額鹽 ê 人。
咱食 ê 物，除了自來食物無透鹽，賰 ê 齊透鹽，遮 ê 鹽一日零零星星總共過額咱 ê 需求。
德國人食偌鹹，舉 Lidl ê 白銀魚做比喻，一盒 265g，每 100g ê 鹽倚 bueh 6 g，一盒白銀魚食煞，一日 ê 鹽額 mā bueh 到磅，早前來德國我捷喝腹肚疼，彼陣 ê 我掠做脾土 buē 合，一斗上北Cuxhaven 食一尾三文魚煙腹肚隨疼甲轉去人家厝躺三暝三日，然後直接落南，結束。
這个情形 2023 mā 捌發生，不過這个狀況是我家己 kā 腹肚討疼。罕得食著食到吐 ê 亞洲料理，準做 hōo 伊鹹甲舌疼 mā 照推甲哽胿，紲落來 hōo 腹肚抗議三暝三日。
德國衛生部長 ê Senza sale 凡勢鏨 tī 心肝穎，近來 ê 我準做無致意意大利麵、麥角、麥片、核桃、優格遮 ê m̄ 管屬加工抑是自來食物 ê 鹽，我齊 buē 記持這層事，添寡鹽 tiàu 味，特別是豉鹹，像這味按 Djion 學來 ê MARINADE GOURMANDE À LA Moutarde Mielet Balsamique，肉豉三暝三日落鼎煎 hōo 赤赤抑是烘甲脆脆齊 m̄ 捌 tiàu 寡鹽，m̄-koh 胡椒從來 m̄ 捌 buē 記得糝 hōo 我起憢疑海馬敢做乾。
記持 ē 食餌，到今我猶 ē 食國中參加英語演講比賽，高職寫稿趁所費，二專交著歹物仔舞 bueh 十冬 tsiah 自由，出社會搪著靠勢無才 ê 長官到目今 ê 搪著 gún 翁 hōo 爸母上童我有才調熥清飯 hōo 食甲喝救人，這表示我 ê 記持無退化，我只是慣勢 Ohne Salz，起因芥辣醬 100g 就有 3g ê 鹽，準做我一斗 tsiah 使用無到 20g，落冰箱冷藏 3 工，伊交德國傳統烘肉 Sauerbraten 酸肉烘相仝，豉一段時間，鹹汫自來。
這是 Google 推薦 hōo 我 ê Canada 食譜，食譜紹介伊 ê 特殊 tī 醬料：Lê-bóng 透咖哩粉 hām 楓仔蜜，我那讀那唸一斡頭隨放 buē 記 hōo 伊成做 Lê-bóng 透楓仔蜜交芥辣醬。
這是記持愛走百米，手頭 ê 標交換手隨 buē 記持比賽猶 teh 進行，抑是田螺循舊逝，較行 mā 彼逝 ê 慣勢，是佗一个？
Kein Ahnung，𠊎毋佑，我 m̄ 知機 ê no sé，no idea, je ne sais pas，總是簡單出菜閣好味素。
雞肉生菜冷麵
...... 材料 ......
雞襟胸，切塊 200g
煠好 ê 螺絲麵 160g
紅番薑仔，切塊 1
羅馬萵仔菜 100g
麻仔葉 100g
紅洋蔥，切絲
Lê-bóng 汁 1TL
蒜頭，刴幼
橄欖油 1EL
芥辣醬 1TL
蜂蜜 1TL
鹽、胡椒
...... 步數 ......
1. 雞肉捊寡鹽、胡椒，落鼎煎 hōo 赤赤。
2. 橄欖油、Lê-bóng 汁、芥辣醬、鹽、胡椒、蜂蜜濫做內抐 hōo 齊。
3. 麵、生菜、Sòo-sù、蒜頭、洋蔥、紅番薑仔濫做伙搜齊，雞肉鋪頂懸，樂暢來食。
Das Rezept aus Kanada und ich weiß nicht warum es zu mir kommt, weil habe ich niemals Kanadaseiten besucht.
Aber, es ist ok, weil ohne Google ich kenne das Essen aus Kanada nicht.
Das Original Rezept ist Orzo(Kritharaki) mit Currysoße mit Ahorn, aber leider, meine Einnerung ist nicht so gut, vor 1 Minute das Rezept gelesen, nächste Minute habe ich die vergessen, deshalb die Soße ohne Curry aber mit Senf.
Ich glaube das Problem ist Deutschland Schuld, weil überall ist Senf Geschmack.
Das Original Rezept ist Orzo, aber leider ich habe das Problem mit Orzo, ich fühl es ist für Spatzen, nicht für Menschen.
Ja, ich fühle nach dem essen, habe ich es gegessen? Ich glaube nein.
Ja, das ist ein großes Problem für mich. Aber alles ok, weil das Rezept ist nur eine Idee, wichtig ist lecker muss es sein.
Und ich bin sehr neugierig, ich suche den Fernsehsender aus der Türkei nicht, aber YouTube hat ihn mir vorgeschlagen, das bedeutet mein YouTube Kanal ist Global und ich bin eine globale Frau?
Oh, ich bin schüchten.
Nudelsalat mit Hähnchen
...... Zutaten ......
Hähnchenbrust in Stücke geschnitten 200g
Gekochte Nudeln 160g
Rote Paprika in Stücke geschnitten 1
Rucola 100g
Römersalat 100g
Senf 1TL
Fein gehackter Knoblauch
Fein gehackte rote Zwiebel 1
Olivenöl 1EL
Zitronensaft 1TL
Honig 1TL
Salz ＆ Pfeffer
...... Zubereitung ......
1. Hähnchen in die Pfanne geben und anbraten bis es goldbraun ist, mit Salz und Pfeffer abschmecken.
2. Olivenöl mit Zitronensaft, Senf, Honig, Salz und Pfeffer gut verrühren.
3. Zwiebel mit Knoblauch, Nudeln, Römersalat, Rucola, Paprika und die Soße gut vermischen.
4. Hähnchen hinzulegen. Guten Appetit!
The recipe from Canada and I don't know why it comes to me because I have never visited Canada sites.
But, it's ok because without Google I have no idea about the food from Canada.
The original recipe is Orzo(Kritharaki) with curry sauce with maple, but unfortunately, my memory is not so good, 1 minute ago I read the recipe, next minute I forgot it, therefore the sauce without curry but with mustard.
I think the problem is Germany's fault, because everywhere is mustard flavor.
The original recipe is Orzo, but unfortunately I have the problem with Orzo, I feel it is for sparrows, not for humans.
Yes, I feel after eating, did I eat it? I think not.
Yes, that's a big problem for me. But it's all ok, because the recipe is just an idea, the important thing is that it has to be delicious.
And I am very curious, I am not looking for the TV channel from Turkey, but YouTube suggested it to me, that means my YouTube channel is global and I am a global woman?
Oh, i am shy.
Chicken Pasta Salad
...... Ingredients ......
Chicken breast cut into pieces 200g
Red bell pepper cut into pieces 1
Boiled Pasta 160g
Romaine 100g
Arugula 100g
Mustard 1TL
Finely chopped garlic
Finely chopped red onion
Lemon juice 1TL
Olive oil 1EL
Honey 1EL
Salt,pepper
...... Method ......
1. Add the chicken to the pan and fry until golden brown, season with salt and pepper.
2. Mix the olive oil with lemon juice, mustard, honey, salt and pepper well.
3. Mix the onion with garlic, pasta, romaine salad, arugula, peppers and the sauce well.
4. Add the chicken. Enjoy your meal!
留言列表
冊 ▪ Bücher ▪ Books (4)
