(2024.05.05 早起頓 荷蘭豆挽肉雞心豆滷 + 麻仔葉烏麥酸酵母麭 + 俗麭 + 優格/967kcal)
「咱敢 ē-tàng 三不五時料理這來做早頓食」翁問。
「Buē-tàng」我應。
「是按怎講？」
「Gún 德國人早頓無按呢食」我替伊翻頭成做德國人回應這个問題。
翁恬靜無出聲，起因伊清楚知影某真𠢕抾恨，sóo-tí 潑出去 ê 水 m̄ 通抾轉來資源回收加工製造，抑無 kan-ta hőng 𠞭甲閣較忝。
我 ê 氣持ち猶原受著伊 m̄ 願斷奶愛哭愛綴路 ê 影響，彼葩廕掉 ê 䆀䆀火猶原三不五時 teh 挓火。
「夭壽代！」
「發生啥物代誌」翁知影某 bueh 講啥，猶原六月芥菜假有心綴 leh 佯生。
「德國阿母看著後生認 buē 出來，真害」。
「這有較僫」翁知影準做想 bueh tuì 爸母反骨，伊猶是無法度敨放囡仔時就 hőng 飼 ê 毒。
「確實，毒食久僫改 tshan-tshiūnn《靈魂裏的胖女孩》 準做瘦落來，猶原無法度敨放彼个大箍 ê 家己。」
「我已經漸漸仔 teh 敨矣....至少，我已經無要求你歹查埔厚同年，歹查某厚姑姨。」
我是有耳空 mā 用心 ê 目睭看世界 ê 人清楚知影翁想 bueh 換話題，畢竟無一个人佮意外人訕削家己 ê 爸母。
「這點你確實有做著，按呢後回你有機會佮伊再相見」我隨按這个 Sally 轉做另外一个 Sally，笑眯眯答應伊 ê 好喙斗。
翁猌(gīn)豆仔 ê 故事是 m̄ 倩咸豐出喙，我家己 mā 講甲飫 ê 過暝 ê 清飯免閣熥。
不過，這斗 ê 豆仔愛特別記錄，起因 m̄ 捌食過荷蘭豆 ê 伊掠做荷蘭豆 ê 滋味決定佮敏豆無宛 2 體 ê 強硬 m̄ 試鹹汫。
見這豆號做荷蘭豆就知影咱番薯島 ê 人偌爾仔捷食伊，sóo-tí uī-tio̍h bueh 改善這个問題，我按豆油煮到咖哩到這味素，總算 hōo 我掠著伊 ê 喙斗，彼就是下 Kam-má-tooh 佮 Khu-lì-mù tshì-sù lueh 煮，敵人 mā 成做愛人。
荷蘭豆挽肉雞心豆滷
...... 材料 ......
荷蘭豆 250g
挽肉 150g
罐頭雞心豆 1
紅菜頭，切片
Kam-má-tooh 醬 200g
Khu-lì-mù 100g
洋蔥，刴幼 1
滾水 400g
蒜頭，刴幼
芳料草
番薑仔粉
鹽、胡椒
...... 步數 ......
1. 洋蔥、蒜頭落鼎炒芳，挽肉摻落去炒熟。
2. 番薑仔粉、紅菜頭摻落炒 hōo 芳，落 Kam-má-tooh 醬、滾水煮 20 分鐘。
3. 荷蘭豆摻落去煮 5 分鐘，Khu-lì-mù 倒落去抐 hōo 齊。
4. Tiàu 寡鹽、胡椒、芳料草，樂暢來食。
(05.05.2024 Frühstück Hackfleisch-Zuckerschoten mit Hackfleisch in Tomatensoße - Roggensauerbrot - Toastbrot - Joghurt/967kcal)
Ich weiß nicht warum, ich fühl mich so entspannt in Schweden, außer das Wetter und keine Bohnen, ich sage mein Mann.
Hier hat Zuckererbsen, sagt mein Mann.
Ich weiß, aber leider ein Mann neben mir, er hass Zuckererbsen, deshalb habe ich keine Chances für die Bohnen aus Schweden zu probieren.
Ich habe gedacht, die Bohnen ist beliebt in Europa, zumindest in Deutschland gibt es sie überall, aber seit letzet Jahr 2023 fahren wir nach Baltikum die 3 Länder, ich fand die Bohnen nicht so beliebt in Baltikum 3 Länder außer Zuckererbsen.
Jetzt in Schweden und Norwegen, ich fand gleich Problem. Mein liebelingsessen ist so schwere zu finden.
Ich vermisse die Bohnen, dann schreibe ich den Artikel für mein vermissen. 
Hackfleisch-Zuckerschoten mit Hackfleisch in Tomatensoße
...... Zutaten ......
Hackfleisch 150g
Zuckerschoten 250g
Kichererbsen aus der Dose 1
Möhren in Stücke geschnitten
Tomatensoße 200g
Sahne 100g
Fein gehackte Zwiebel 1
Wasser 400g
Fein gehackter Knoblauch
Kräuter
Paprikapulver
Salz ＆ Pfeffer
...... Zubereitung ......
1. Zwiebel mit Knoblauch in die Pfanne geben und anbraten bis sie goldbraun sind, Hackfleisch dazugeben und anbraten bis es goldbraun ist.
2. Paprikapulver mit Möhren dazugeben und anbraten bis Möhren weiche sind, Tomatensoße mit Wasser dazugeben und gut mischen, dann ca. 20 Minuten kochen.
3. Zuckererbsen dazugeben und gut mischen, dann ca. 5 Minuten kochen.
4. Sahne dazugeben und gut mischen, mit Salz und Pfeffer abschmecken. Guten Appetit!
(05.05.2024 Breakfast Minced Meat with Sugar Snap Peas and Tomato Sauce - Rye Sourdough Bread - Toast - Yogurt/967kcal)
I don't know why, I feel so relaxed in Sweden, except for the weather and no beans, I tell my husband.
Sweden has sugar snap peas, says my husband.
I know, but unfortunately a man next to me, he hates sweet peas, so I have no chances to try the beans from Sweden.
I thought the beans are popular in Europe, at least in Germany they are everywhere, but since last year 2023 we go to Baltic 3 countries, I found the beans not so popular in Baltic 3 countries except sweet peas.
Now in Sweden and Norway, I found the same problem. My favorite food is so hard to find.
I miss the beans, then I write the article for my missing.
Minced Meat with Sugar Snap Peas and Tomato Sauce
...... Ingredients ......
Minced meat 150g
Sugar snap peas 250g
Canned Chickpeas 1
Cut the carrot in pieces
Tomato sauce 200g
Cream 100g
Finely chopped onion 1
Water 400g
Finely chopped garlic
Herbs
Smoked paprika
Salt ＆ Pepper
...... Method ......
1. Add the onion and garlic to the pan and fry until golden brown, add the mince and fry until golden brown.
2. Add the paprika powder and carrots and fry until the carrots are soft, add the tomato sauce and water and mix well, then cook for about 20 minutes.
3. Add the sugar snap peas and mix well, then cook for approx. 5 minutes.
4. Add the cream and mix well, season with salt and pepper. Enjoy your meal!
留言列表
冊 ▪ Bücher ▪ Books (4)
