亂皂𥴊仔店 ⓂⒺⒾⓃⓀⒾⓄⓈⓀ

(2022.02.13 減肥早起頓 Lê-bóng 馬鈴薯條。檸檬薯條)

按 2016 頭路辭掉專心致意做家庭主婦，四常生活 m̄ 捌閣聽過「you've got mail」 ê 提醒。

今仔日中畫，一人坐踮客廳那聽ラジオ那食茶那讀市政府 ê 週報。

我彼个活 tī 無聲世界 ê 手機仔雄雄 tiang 一聲 kā 我按家己 ê 恬靜 khiú 轉過這个恬靜。

08.....翁設定 ê Enigma(密號)揤煞，烏趖趖 ê 畫面隨光映映閣掛「Willkommen im Kartoffelland」(歡迎來到馬鈴薯國家)，隨行向廚房檢查厝內敢猶閣有馬鈴薯佮レモン。

一項一項檢查，確定厝內攏齊有，四箍圍仔又閣賰窗仔外佮 kan-ta 家己聽 ē-tio̍h ê 聲音「較早 ê you've got mail hōo 我感覺誠有壓力，這久 ê you've got mail hōo 我感覺我是下願池」。

Mail 寄出去無外久，活 tī 家己世界 ê 手機仔又閣 tiang 一聲「有才情 ê 人 tsiah-ē hōo 我一直想 bueh 下願」。

翁送一个愛心佮 Dankeschön，我知影伊寶惜這个 tuì 別人來講無啥特別 ê 四常 m̄-koh 這是伊行了足久長 ê 路 tsiah 搪著 ê 機會，起因 tī 𪜶兜無家己 ê 喙斗 kan-ta 爸母 ê 喙斗。

Lê-bóng 馬鈴薯條

...... 材料 ......

馬鈴薯，切橛　1kg

Lê-bóng 汁　3EL

油

蒜頭

鹽、胡椒

...... 步數 ......

1. 材料濫做伙搜齊，落烘箱捘200度烘40分鐘，樂暢來食。

(13.02.2022 Frühstück zur Gewichtsabnahme Pommes mit Zitronen)

Willkommen im Kartoffelland, sagt mein Mann heute morgen, als er mir das Rezept geschickt hat.

Pommes mit Zitronen

...... Zutaten ......

Kartoffel in 1/2 cm dicke Scheiben schneiden　1kg

Zitronensaft　3EL

Öl

Fein gehackter Knoblauch

Salz ＆ Pfeffer

...... Zubereitung ......

1. Alle Zutaten gut mischen, in den Ofen stellen auf 200 Grad 40 Minuten backen. Guten Appetit!

(13.02.2022 Breakfast for weight loss Lemon Potato Wedges)

Welcome to potato country, says my husband this morning when he sent me the recipe.

Lemon Potato Wedges

...... Ingredients ......

Potato cut into 1/2 cm thick slices　1kg

Lemon juice 　3EL

Oil

Finely chopped garlic 

Salt, Pepper

...... Method ......

1. Mix all ingredients well, bake in the oven at 200 degrees for 40 minutes. Enjoy your meal!