亂皂𥴊仔店 ⓂⒺⒾⓃⓀⒾⓄⓈⓀ

(2023.02.25 早起頓 Bé-khòng 菜蔬炒麵 + 紅菜頭寮仔チーズサラダ + Tsioo-kóo-lè-tòo 優格/988kcal)

「咱敢 ē-tàng 莫閣講著 gún 父母」翁 ê 氣口沓沓仔 teh 著火。

「你掠做我愛講是 m̄？」風火己經著 ê 我 mā 已經放棄冷靜莫跟綴伊柴樠點火較光油。

「敢 m̄ 是按呢生」伊喙根咬絚 buē-su bueh tsham 我相輸贏應。

這是我第一斗看著伊按呢，mā 凡勢是第一斗看著伊按呢生 hōo 本底走去啉 Ka-pi 等 bueh 看好戲 ê 理智隨傱轉來佮我合體成做聖戰士(百獣王ゴライオン)。

「你知影我這个癖性，講出去 ê 話就是潑出去 ê 水，sóo-tí 講話進前我 ē 提醒家己 m̄ 通 hōo 人抑是家己情緒叨撚就烏白 tuì 人潑水，總是按呢 ê 好鬥陣 mā 無表示我 ē-tàng 無條件一直接受別人按我遮潑垃圾水水」想 bueh 繼續講遐 ê 生菇代，因為喙瀾㧎 tī 嚨喉隨成做 m̄ 通繼續纏綴別人成做六月蚶，開喙臭 ê 點拄。

翁看我步頻 m̄ 開喙，伊知影 m̄ 是伊𠢕廕火是某發現一粒田螺煮九碗 ê 白汫無味，無興閣喋兼代誌是愈來愈八仙桌欠一支跤，愈來愈僫擺撥隨緊紲喙講「相信我，我真正無想 bueh kā 咱 ê 感情 tsham 𪜶拍相參，總是我家己 mā 捎無摠是按怎我 ē 遮爾仔承𪜶 ê 歹癖」伊那講目箍那紅，手 mā 那趖過來 bueh 佮我疊(thia̍p)十指。

現此時若大士爺厚火氣鬼王 ê 我呔有興趣佮伊耍指頭仔相褒歌，隨 kā 手插胸坎「你知影我足寶惜咱兩人 ê 姻緣，總是我 m̄ 是恁兜教出來 ê 囡仔有法度 kā 情緒叨撚當做鹹酸甜來食 mā 無法度成做你老爸 ê 性地 kā 三斑當做三文魚 teh 惜命命，另外你家己 mā 清楚恁 ê 家和萬事興窮實是塑膠花，假甲姼目 ê 人一看 mā 隨知彼是漚梨仔想 bueh 假蘋果 ê 假包，我是有血有目屎 ê 人 m̄ 是塑膠料，另外我非常確定我 ê 心智無走縒 buē kā 別人 ê 拍拚捎來剾洗做 m̄ 知 teh 展啥物風神」我講。

「我 buaih 離緣」翁 ê 目箍開始滲(siàm)水，鼻空開始泏(tsuh)湯。

「喙講心 m̄ 改猶原是肚臍空內點目藥，無應效，tshan-tshiūnn 恁爸母按呢喙講尊存，事實是逐人攏是𪜶 ê 三寶師父，無夠𪜶看 ê 激屎。」

翁知影彼件𪜶老母 uī-tio̍h bueh 剾洗我 buē 曉妝娗家己，就 kā 佮我𫝛款是按亞洲來 ê 香港人 teh 拍拚 ê 雨傘運動捎來剾洗我 ê 穿插佮無頓粉像伊按呢「彼香港人 ê 時行 mā 真龜怪，出門攏紮雨傘」ê 代誌成做我佮𪜶田無溝，水無流兼講著𪜶爸母這支喙 mā m̄ 捌 teh 洗 ê 臭，就恬靜據在我攑日本剾刀，倒剾𪜶爸母 ê 掠做家己是𠢕人，窮真是山猴變猴弄，較變 mā 彼幾步 ê 九月蟳，無膏腹肉空空。

我家己 mā 是九月蟳，無膏，不過我 buē 嫌小管花枝無血無目屎煞 m̄ 承認家己就是小管花枝。

「你人真好，總是你 mā 真紅龜生蟲 ê 龜怪，你 ê 同理心 kan-ta īng tī 你家己佮意 ê 事項」這是經過足 tsuē 冬 ê 冤家量債，我 tsiah 理解 gún 翁有這个癖，是講當初呔 ē 無發現，講 mā 簡單，當你目睭 hōo 蜊仔肉滒著，豬八戒 mā kā 當做是潘安。

我已經 buē 記得彼日又閣發生啥物代誌 hōo gún 又閣需要 uī-tio̍h 別人 ê 歹癖 teh 跤手無來 m̄-koh 喙瀾煞𫝺甲天篷 kiōng-bueh 崩落來，總是這是我第一斗無閣繼續熥清飯 hōo 我想 bueh kā 伊寫落來成做我想 bueh 佮翁大麵炒圓仔繼續膏膏纏 ê mā tī 姻緣這項生理內底學著愛按怎兩角找五仙 ê 角五(覺悟)，m̄ 通成做北港媽祖就蔭外庄 ê 戇。

尊存是無看年歲，是看態度，這是我按 gún 翁𪜶爸母遐學著 ê 智慧佮敨放 ê 臭跤帛 --- 咱攏愛成做有禮貌 ê 人，特別是佮老人做伙。

是講這久 tī 姻緣這項生理學 ē 曉兩角找五仙，gún-ê 感情敢有法度透流?

我 m̄ 知影，總是我清楚知影伊佮我攏認真面對問題，起因 gún 愛家己 ê 甜甘蜜甜 m̄ 是別人 ê 鹹酸甜。

只不過 hőng 毒十外冬 ê 藥 bueh 改，敢好改，這...交 hōo 時間來說明。

Bé-khòng 菜蔬炒麵

...... 材料 ......

I-tá-lih 麵　180g

Bé-khòng　60g

洋蔥，刴幼　1

蒜頭，刴幼

卵　4

番薑仔，切塊　1

玫瑰草花　300g

Kam-má-tooh　3 

白酒　

芳料草

滾水

鹽、胡椒

...... 步數 ......

1. 卵落鼎炒熟，挈出來。

2. 麵、玫瑰草花落滾水鼎煮10分鐘。

3. 洋蔥、蒜頭落鼎炒芳，落 Kam-má-tooh、番薑仔炒軟，滾水濫落去𫝻 hōo 齊，煮5分鐘。

4. Bé-khòng、麵、玫瑰草花、卵、酒摻落去搜齊，tiàu 寡鹽、胡椒、芳料草，樂暢來食。

(25.02.2023 Frühstück Nudeln mit Speck, Gemüse und Ei - Möhrensalat mit Körniger Frischkäse - Schokoladejoghurt/988kcal)

Können wir nicht mehr über meine Eltern sprechen, sagt mein Mann.

Wenn wir ihren Stil nicht kopieren, brauchen wir nicht zu diskutieren. 

Ich muss das nicht sagen, weil ich bin zu müde es zuwiederholen.

Aber, ich hoffe unsere Heirat ist OK, antworte ich.

Ich weiß nicht, warum wir jeden Tag das Problem haben.

Ich weiß mein Mann arbeitet hart in unserer Heirat.

Aber, manchmal er vergisst, mein Nachname ist kein deutscher Name.

Also...

Ich bin zu Müde es wieder zu  schreiben.

Aber, den Tag ich habe YouTube geguckt.

Und die Professorin teilt ihr Problem über Sohns Heirat.

Sie sagt, sie ist sehr glücklich.

Weil die Schwiegertochter sagt  was sie fühlt.

Lass sie aufhören, sich um ihren Sohn zu kümmern.

Weil, sie weiß was Sie oder Schwiegertochter sagt zum "Sandwich"(Sohn), Sandwich sagt ja zu Mama immer.

Wenn sie das teilt.

Ich erinnere den Tag.

Wir haben wegen der Probleme seiner Eltern wieder angefangen zu kämpfen.

Mein Mann ist nicht Mamaboy, aber er Vergisst er hat Frau dabei.

Ich weiß das Problem, so bevor mein Nase voll, ich muss sagen, HALLO...sie ist nicht meine Mutter, aber du bist meinen Mann.

Gebratene Nudeln mit Speck, Gemüse und Ei

...... Zutaten ......

Nudeln　180g

Speck　60g

Fein gehackte Zwiebel　1

Fein gehackter Knoblauch

Eier　4

Weißwein　

Rosenkohl　300g

Paprika in Stücke geschnitten　1

Tomaten in Stücke geschnitten　3

Wasser

Kraüter

Salz, Pfeffer

...... Zubereitung ......

1. Eier in die Pfanne geben und anbraten bis sie goldbraun sind, dann rausnehmen.

2. Nudeln und Rosenkohl in Topf geben und ca. 10 Minuten zum kochen.

3. Zwiebel und Knoblauch in die Pfanne geben und anbraten bis sie goldbraun, Tomaten und Paprika dazu geben und anbraten bis sie weiche sind.

4. Speck dazu geben und gut mischen,Wasser und Wein dazu geben und ca. 5 Minuten kochen.

5. Nudeln mit Rosenkohl und Eier dazu geben und gut mischen.

6. Mit Salz, Pfeffer und Kräuter abschmecken. Guten Appetit!

(02.25.2023 Breakfast Pasta with Bacon, Vegetables and Egg - Carrot Salad and Cottage Cheese - Chocolate Yogurt/988kcal)

Can we stop discussing my parents, says my husband.

If we don't copy their style, then we don't need discussing.

I don't have to say this because I'm too tired of repeating it.

But, I hope our marriage is OK, I answer.

I don't know why we have this problem every day.

I know my husband is working hard in our marriage.

But, sometimes he forgets, my last name is not a German name.

Well...

I'm too tired to write it again.

But, the day I watched YouTube.

And the professor shares her problem about her son's marriage.

She says she is very happy.

Because the daughter-in-law says what she feels.

Let her stop taking care of her son.

Because she knows what she says or daughter-in-law say, "sandwich" (son) always says yes to mom.

When she shares that.

I remember the day.

We started fighting again because of his parents' problems.

My husband is not a mamaboy, but he forgets he has a wife with him.

I know the problem, so before i can bear these problem, I have to say, hey ... she is not my mom, but you are my husband.