亂皂𥴊仔店 ⓂⒺⒾⓃⓀⒾⓄⓈⓀ

(減肥下昏飯  麥片卵餅𩛩。麥片煎餅)

一个人食早起頓，想著鳳飛飛小姐講過 ê 這段話。

食飯配鹹，m̄ 是鹹是淚珠

Mā 想著往過，按外頭做穡轉來攏 ē 睏甲日頭曝尻川 tsiah 起床。

彼久 gún 媽媽攏 ē 講我來款咱 ê 早起頓。

早前無法得感受鳳飛飛小姐佮 gún 媽媽講 ê 話。

今仔日綴愛早早出門 ê 翁起床精神款伊 ê 早頓。

款好伊隨出門，我一人坐踮客廳愖早起頓 bueh 款啥來食。

無愖無代誌，一愖 Apollo 佮伊 ê 戰車 mā 又閣駛 bueh 四公里遠，10點，我猶原猶未解決挵鼓 ê 腹肚。

門拍開，行到露台 Apollo 恬靜捊伊 ê 頭鬃。

冬節猶未行跤到窗仔門已經關甲密喌喌 ê 厝邊，伊 ê 窗仔門 mā 開始 teh 唱歌。

那綴厝邊 ê 窗仔唱歌，那綴 Apollo 捊頭鬃。

我知影，今子日一人早起頓 bueh 款啥來食。

La-jí-ooh 捘落去，烘兩塊俗麭捊寡果子醬，敲兩粒卵濫寡麥片落煎鍋煎 hōo 赤赤膨膨。

𩛩幾片仔冰山生菜、Há-muh、Kam-má-tooh。

食飯配鹹，m̄ 是鹹是淚珠

淚珠是愛，淚珠是思念

They say that the time will heal it, the pain will go away

But everything, it reminds me of you and it comes in waves.....

---Imagine Dragons/Wrecked

我思念蹛踮天頂 ê 親人。

那食囡仔時 ê 記持，那笑。

那食這久 ê 愛，那溫暖。

我知影無法度延續 ê 滋味，下昏頓伊 ē 飽脹我 ê 脾土。

麥片卵餅𩛩

...... 材料 ......

麥片　30g

卵　2

白脫牛奶　50g

Cream cheese　30g

鹽　1/4TL

Há-muh

生菜

Kam-má-tooh

...... 步數 ......

1. 材料做一伙濫 hōo 齊，落鼎煎 hōo 兩面赤赤，𩛩生菜、Há-muh、Kam-má-tooh 樂暢來食。

(Abendessen zur Gewichtsabnahme Haferflocken-Pfannkuchen)

Ich bin alleine.

Ich überlege was kann ich essen?

Dann 2 Stunden vorbei gegangen.

Ich weiß nicht warum, das Essen ist einfach aber ich überlege so lange....

Aber, wenn ich alleine am Tisch mit Toastbrot und  Marmelade sitze 

" Seit mein Mann  im Himmel ist, ich esse mit tränen. "

Sagt eine sehr  bekannte Sängerin aus  Taiwan.

Vorher, ich verstehe was sie fühlt.

Heute, ich fühle was sie fühlt.

Das ist Liebe und vermissen.

Haferflocken-Pfannkuchen

...... Zutaten ......

Haferflocken　30g

Eier　2

Buttermilch　50g

Quark　30g

Salz　1/4TL

Salat

Schinken

Tomaten

...... Zubereitung ......

1. Alle Zutaten gut mischen bis sie ein Teig sind, dann können Sie es in die Pfanne geben und anbraten bis es goldbraun ist. Guten Appetit!

(Dinner for weight loss Oatmeal Pancakes)

I am alone.

I am wondering what can I eat?

Then 2 hours passed.

I don't know why, the food is simple but I think about it for so long ...

But when I'm sitting alone at the table with toast and jam

"Since my husband was in heaven, I have eaten with tears."

Says a well-known singer from Taiwan.

Before, I understand what she's feeling.

Today I feel what she feels

That is love and miss. 

Oatmeal Pancakes

...... Ingredients ......

Oatmeal　30g

Eggs　2

Buttermilk　50g

Cream cheese　30g

Salt　1/4TL

Salad

Ham

Tomatoes 

...... Method ......

1. Mix all ingredients well until they are a dough, then you can put it in the pan and fry it until it is golden brown. Enjoy your meal!