亂皂𥴊仔店 ⓂⒺⒾⓃⓀⒾⓄⓈⓀ

(減肥早起頓 塗肉林檎 Phián-khè-khò。馬鈴薯鬆餅)

收著通知火隨著，總是我家己 mā 清楚，仝牌子 ê 紅茶，我泡 ê 滋味是絕對 buē 敆對方 ê 喙斗，sóo-tí 現此時 ê 風火著是我家己做得來 m̄ 是對方，起因我 ē-tàng 選擇莫處理𪜶 ê 要求。

我清楚知影愛風神就愛食羹 ê 道理，另外食著羹 mā m̄ 免 uī-tio̍h 別人 ê 喙白隨 kā 家己流汗糝滴煮出來 ê 物件規桶倒 hōo 潘桶食，總是我就是迒 buē 過棚頂做甲流汗，棚跤嫌甲流瀾 ê 想法，不過年歲 ē 添，我 ê 性地 mā-ē 跟綴四常變化沓沓仔改變。

是，早前我 mā 是彼款 kan-ta 有喙講別人，無喙講家己 ê 性地，總是紅塵教我太 tsuē 智慧，起性搦地抑是弄喙水盤喙錦攏 buē 解決問題，想 bueh 解決問題家己就愛較有耐性，有耐性 tsiah 有法度 kā 挐氅氅 ê 膨紗閣紡做一丸，紲落來 m̄-tsiah 有法度繼續刺膨紗，曷無 m̄ 管我按怎喝咻，膨紗猶是揣無摠通刺膨紗 ê 物。

欶一口氣 mā 吐一口氣 kā 文件拍開，我寫 ê 物窮真 buē 䆀，只不過行 m̄ 著所在。

通篇讀煞笑家己眵目 mā 想著囡仔時 ê 願望，我 bueh 家己開一間學校。

現此時搪著 ê 行 m̄ 著所在敢 m̄ 是 mā 按呢生？

一想著「權利」ē-tàng 成做偌 tsuē 種生張，彼軀已經刺好 ê 膨紗又閣隨放裒。

Freiheit ist immer die Freiheit der Andersdenkenden --- 別人認定 ê 自由永遠佮咱無相仝，權利敢 mā m̄ 是按呢生?

無啥物好受氣 mā 無需要 uī-tio̍h 別人 ê 想法艱苦受罪，不過咱攏愛學 ē 曉 tī 別人紹介 hōo 咱 ê 問題揣著摠頭。

是，這久我 buē 講搪著我按別人遐接過來 ê 齷齪是 bueh 揣麻煩，我 ē 講紹介，起因無別人 ê 紹介，咱永遠 m̄ 知影這个世間有這个問題，tshan-tshiūnn gún 翁一直認為波蘭佮捷克無啥特殊，伊這款 kan-ta 想 bueh 活 tī 家己箍仔內 ê 性地，若無我 ê 紹介佮堅持「你 bueh 喙嫌人䆀 mā 愛親身行一逝看人敢正經䆀甲連豬狗攏無想 bueh 倚」，現此時 ê 伊 buē 按呢對我講「彼日 H 𪜶 tī 講旅行 ê 代誌，我講著波蘭佮捷克𪜶 ê 表情是我敢有需要去彼款所在，我就無閣繼續講落去，起因是𪜶願意 kā 家己箍 tī 𫝛款 ê 箍仔，m̄ 是我。」

往過搪著家己分張 ê 物件無得著回應，伊隨感覺 hőng 看無目地，這久伊 mā 隨在對方，起因每一个人有家己 ê 喙斗，這个喙斗決定你 ê 世界，像有 ê 人掠做莫佮磅仔相借問，衫仔褲 bué 有糾帶彼款，按呢就表示我從來 m̄ 捌大箍過仝款，這攏是家己 ê 選擇，特別是人 tī 自由兼有家己權利 ê 情形之下做這款選擇。

塗肉林檎 Phián-khè-khò

...... 材料 ......

中黐麵粉　80g

牛奶　130ml

馬鈴薯泥　400g

卵　1

鹽　1/2TL

發粉　1/4TL

...... 步數 ......

1. 材料濫做一伙抐 hōo 齊，落鼎煎 hōo 兩面赤赤，樂暢來食。

(Frühstück zur Gewichtsabnahme Kartoffelpuffer)

Vor wenigen Tagen, habe ich eine Nachricht bekommen.

Dann bin ich sauer.

Ich weiß nicht warum, ich bin so sauer.

Aber, nach wenigen Tagen.

Ich bin beschäftigt für meinen Mann das Frühstück vorzubereiten.

Ich erinnere die Dinge, den Tag die die Leute mich fragen nach der deutschen Übersetzung.

Ich habe viele Zeit verbracht.

Dann sagen die Leute mir " Das ist Quatsch ".

Den Quatsch haben die Leute fragen weiter und weiter und sagen Bitte...ich brauche ihr Hilfe.

Dann Erinneri ich mich zurück, ich lache.

Mann....ich sehe nicht das ist gleiche Erfahrung.

Mann!!!

2022 um die Ecke.

Mein Wunsch, mein Mann ist Gesund und ich die Erfahrung im Herz erinnern.

Die Erfahrung ist normal, niemand kann erstmal zusehen und dann das Ergebnis bekommen.

Aber, ich muss aus der Erfahrung etwas lernen.

Meine neuen Wünsche,

Ich möchte lernen, dass die gleichen Dinge auf unterschiedliche Weise erscheinen.  Wenn es auftaucht, sei nicht böse, sondern lerne, Abstand zu halten

Kartoffelpuffer

...... Zutaten ......

Kartoffelpüree　400g

Mehl　80g

Buttermilch　150g

Backpulver　1/2TL

Salz　1/4TL

Ei　1

...... Zubereitung ......

1. Alle Zutaten gut mischen, in die Pfanne geben und anbraten bis goldbruan ist. Guten Appetit!

(Breakfast for weight loss Potato pancakes)

A few days ago I received a message.

Then I'm mad.

I don't know why, i'm so mad

But after a few days.

I am busy preparing breakfast for my husband.

I remember the things the day people ask me about the German translation.

I've spent a lot of time.

Then people tell me, "This is bullshit".

But the funny thing, these nonsense makes them keep asking for help.

Then I laugh.

Oh my dear .... I didn't realize that this is the same thing.

Oh my dear!!!

2020 around the corner.

My wish, my husband is healthy and I remember the experience in my heart.

The experience is normal, nobody can watch first and then get the result.

But, I have to learn something from the experience.

My new wishes,

I want to learn that the same things appear in different ways. When it comes up, don't be angry, but learn how to keep distance from it.

Potato Pancakes

...... Ingredients ......

Mashed potatoes　400g

Flour　80g

Buttermilk　150g

Baking powder　1/2TL

Salt　1/4TL

Egg　1

...... Method ......

1. Mix all ingredients well, add to the pan and fry until gold brown. Enjoy your meal!