亂皂𥴊仔店 ⓂⒺⒾⓃⓀⒾⓄⓈⓀ

Gún 無做 m̄ 著代誌

等待回診報到時間翁問「敢有興趣 kā 這斗德國蹛院故事寫做一篇文章投稿？」

「我需要時間思考。」

「我相信出版者佮意你 ê 文體。」

讀無牽手寫啥故事 ê 翁，因為牽手 ê 文章有機會成做大眾閱讀 ê 一部份隨成做搖櫓不斷鼓勵我向前划。我 mā 因為伊 ê 鼓勵按小面神成做大面神四界投稿，總是台文 m̄ 是大眾閱讀文化並目今 ê 台文以涵空龜我個人 ê 觀察，伊猶箍 tī 政治、政治、宗教、詩兼厚厚華文手路 ê 作品。Buē 曉寫詩頇顢讀詩犁 buē 出文學手路 ê 我猶是莫卸世面 hōo 気持ち有機會 tuì 家己叨撚。

Wir machen kein Käse 是 BW 郵政 ê 口號 mā 是 BW 郵政 tuì 家己 ê 自信。

Ich mache kein Käse 是我 tuì 家己台文 ê 想法 mā 是按台華德英書寫轉做全台文書寫 ê 自信。

雖罔到今我猶 tuì 彼件看起來 bueh 收稿，押尾稿無收卻收個人資料 ê 代誌誠有意見，伊猶 m̄ 捌成做情緒叨撚 ê 一部份 --- 棄權。

我 m̄ 知影別人敢有這个性地，總是我有這个性地。本底意愛 ê 物，因為別人 ê 訕潲剾洗或是無法度按事項內底得著肯定就隨 kā 伊成做心適興處理。

像本底 tuì gì-tà 有興趣 ê 我想 bueh 迵過音樂課學習 gì-tà，因為無 kā 老師鬥相伨 bué 一隻俗價 buē 食倒家 ê  gì-tà 當面 hōo 伊消遣 ê 手指頭仔短就愛知影 gì-tà 無適合家己，我就 m̄ 捌碰過 gì-tà 交 tuì gì-tà 彈 ê 音樂反感，總是音 ē 跟綴年間成做無仝 ê 面肉，我 mā 是，到今我 tuì 彈 gì-tà 猶原無興趣，不過我 tuì 按 gì-tà 生湠 ê 音樂 buē 閣排斥，畢竟人生愛做寡較有意義 ê 事項，m̄ 通一日到暗做寡狗咬鐵釘 --- m̄ 願放 ê 代誌 hōo 家己成做戇狗顧山草，無法度楦闊眼界。

德國醫學發達，健保制度交咱番薯島臺灣 mā bueh 相𫝛 ê 精差伊是商業保險 m̄ 是全民健保。

德國發達 ê 醫學引𤆬我愖這件看起來是笑詼 m̄-koh 是恐怖事實 ê 向時，kā 醫療行為合理化做商業表演，kā tuì 病理 ê 好玄湠做無合理 ê 研究。一想著這點，我感謝人類 ê 良知 m̄ 捌包袱仔一款 m̄ 願轉來。

德國看起來全民保險 ê 商業保險 mā 引𤆬繩這件代誌，醫療 m̄ 管全民健保抑是商業保險敢齊是出錢 ê 人主意？

蹛院期間三人一間房，兩个德國人一个臺灣人，我因為身體無感覺各樣萬事家己來 hōo 護理師目頭結結 tuì 我講「你 bueh 落床請揤鈴。」

我隔壁人懸漢大兼大龐 ê 太太連便當 bueh 徙位攏愛揤鈴請護理師 kā 伊鬥相共 ê 態度 hōo 我想著甘願成做品管人員 mā buaih 繼續護理生份人 ê 阿雅「我 tī 這途做甲人情世事陪到到，猶是無鼎閣無灶 ê kan-ta 趁著一腹肚火。」

我 m̄ 知影德國 ê 護理師敢有這款問題，總是這斗蹛院 ê 經驗引𤆬我理解，自本是護理師 ê 厝邊是按怎 buaih 接續伊本底 ê 專業轉做超市收銀人員 ê 因端，畢竟無一个人願意接受 gún 無做 m̄ 著代誌閣愛 hőng 詈。

德國蹛院兩三日發見家己正經是好性地好鬥陣兼獨立。

護理師無做 m̄ 著代誌，咱遮 ê 患者 mā 無做 m̄ 著代誌，除了滓著撒體病 ê 人交大人看牛，囡仔吩咐 ê 護理師。

這斗蹛院倚窗門 ê 序大是腸癌末期患者，我 m̄ 知影伊入院偌久，總是見著護理師交伊若親人 ê 吩咐 hōo 我想著阿母蹛加護病房 ê 過了代。

我清楚知影護理師 ê 辛苦 mā 清楚知影咱人攏有初一十五 ê 情緒變化，總是成做護理人員無同理心是一件真恐怖 ê 代誌。

過了代 hōo 伊成做過去 ê 心不可得，放風吹免閣熥。

按病院街路搪著 Wir machen kein Käse hōo 我想著《來自清水的孩子》其中 ê 一段話；

李登輝的民主改革讓我領悟到一件事，重要的不是革命，而是和平的改革佮天公伯仔留你這條命，應該是有誠要緊的任務愛你去完成

蹛院期間交致腸癌 ê 序大相伴放，來自清水的孩子蔡焜霖前輩 ê 這段話 mā 一直 tī 心肝頭轉踅。

Ruhe in Frieden 蔡焜霖前輩

一个人 ê 氣質 m̄ 是草人幔棕蓑隨按草人成做人。

德語講甲 2266 ê 我有法度成做序大 ê 序細 tī 蹛院期間成做伊 ê 序大驚你枵 ê 愛交護理師 ê 照顧，我想這交我已經放下 tuì 向望別人理解咱 ê 怨慼交無自信妝娗甲若仙女猶原是三隻喙，兩樣心 ê 無較縒。

感謝人生路途搪著 ê 過去，𪜶 hōo 我學 ē 曉準做南蛇穿籬笆拍觸衰(phah-tshik-sue)，準做鳥白蛇放毒 hōo 人生話，準做掠蛇 hōo 蛇咬著食飽換枵無枷夯交椅攏 ē 成做過了代，目今 ê 肥底。

像送阿母火化轉來厝，我 tuì 世界講是按怎你 bueh 交我交繃，本底鬧熱滾滾 ê 德國西南電台敢若聽著我 ê 怨慼，按海 ê 另外一爿靜靜仔放送 Bitte hör nicht auf zu träumen(M̄ 通放棄夢想)。

這个 m̄ 管是世界聽著我 ê 怨慼抑是䢢拄䢢 ê 機緣，這首歌成做我人生上重要 ê 記持，因為伊 hōo 我按水道頭關甲無一隻蠓通飛 ê 淚珠成做挪威熱人 ê 水沖，原來我猶未慣勢愛成做一个人過日子。 

「你 ê 悲傷絕對 buē tsuē 過我 tuì 翁婿 ê 數念。」

阿草無到 40 就去塗州賣鴨卵到今 mā 十外冬，當初哭甲心肝穎 kiōng-bueh 按喙吐出來 ê 阿心講 ê 愛到今 mā 三不五時成做 la-jí-ooh tī 放送，總是遮 ê 失德代交我已經無底代。

起因，這是伊 ê 故事 m̄ 是我 ê 故事，我無必要 uī-tio̍h 伊 ê 悲傷來要意伊 ê 比並 --- 你失去四个親人 ê 痛苦 buē 比我艱苦。

Wir machen kein Käse，gún 無做 m̄ 著代誌，咱無做 m̄ 著代誌。

每一个人認為 ê Wir machen kein Käse 有伊家己 ê 家己騎馬，家己喝道 ê 妝娗，像阿心 tī 阿草入墓猶無三月日，身軀邊已經有新 ê 查埔朋友。

像囡仔時掠做貓貓叔叔規軀愛國標語是伊 tuì 國家 ê 盡忠，這久讀跟綴蔡焜霖前輩行踏彼个年代 tsiah 理解，彼是貓貓叔叔 tuì 生湠未來 Bitte hör nicht auf zu träumen(M̄-thang 放棄你 ê 夢想) ê 一種執訣。活落去 tsiah 有機會 kā 故事傳落去，準做伊是無聲 ê 故事。 

蹛院 ê 早起頓

Wir machen kein Käse，gún 無做 m̄ 著代誌，咱無做 m̄ 著代誌。

成做一个人，成做一欉樹，成做一隻貓，咱攏無法度選擇咱出世 ê 年閣交角勢，咱 mā 無法度保證咱無做 m̄ 著代誌抑是搪著別人 buē kā 咱按白白布染到烏 ê 衰運。

總是動物 ē 按經驗閃避陷阱，咱人類 mā 愛學 ē 曉按齷齪揣著敨中氣 ê 解方。

 蹛院 ê 中晝頓

好事䆀事攏是一陣風，一目𥍉就走甲無影跡

像我猶掠做我是囡仔，總是事實 ê 滇流交洘流(khó-lâu)是目一𥍉 hōo 我面對現實，我已經是人 ê 阿爸交阿公，而且閣是過了代 ê 行過 78 冬

囡仔時 hőng 掠去做囡仔兵交選擇逃兵 ê 厝邊序大一講著 hōo 法軍掠著 ê 日子，彼个 uī-tio̍h 接續夢想 ê 伊活跳跳出現 tī 伊 ê 眼前交伊挨拶 hōo 伊理解，伊無一遍戇，這久呔有機會做阿公。

目今有偌 tsuē`人猶 ē 記得伊這个阿公 ê 故事，伊無要意，因為彼是伊 ê 歷史，伊 ê 過了代。

按病院離開想著路裡見著 ê 菜色隨問翁「敢 bueh 做陣食 Fleischkäse？」

「是 Leberkäse」翁講。

「是 Leberkäse 抑是 Fleischkäse 伊從來 m̄ 捌改變伊自本 ê 生張 --- Wir machen kein Käse。」

Wir machen kein Käse

Mein Mann fragte mich, ob ich Interesse hätte, einen Artikel über den Krankenhausaufenthalt zu schreiben, nachdem ich einige Tage darüber nachgedacht habe, habe ich kein Interesse daran, über den Krankenhausaufenthalt zu schreiben, aber ich habe darüber nachgedacht, dieses deutsche Sprichwort lass ich in der Nähe des Krankenhauses.

＂Wir machen kein Käse＂

Medizinische Entwicklung in Deutschland, betrachten Sie es aus einem anderen Blickwinkel im Austausch für viele Menschen, denen wir nichts Böses getan haben.

Also, wenn wir alles für selbstverständlich halten.

Haben wir darüber nachgedacht diejenigen, die  " Wir machen kein Käse "?

Haben Sie wirklich " Wir machen kein Käse "?

Oder dieser Satz ist nur eine Entschuldigung, um ihre böse Entschuldigung zu verbergen, Ich weiß nicht, trotzdem bin ich dankbar für diese Reise, es brachte mich dazu, über die Bedeutung des Satzes nachzudenken, weil wir nie wissen, was wir denken, " Wir machen kein Käse " war eingetaucht in den Augen anderer getan wird.

Also im Angesicht dessen, was andere denken, abgesehen von unserer Wut und Enttäuschung.

Haben wir andere Möglichkeiten?

Ich denke an dieses Buch " Son of Formosa ", ein Austausch von Herrn Tshuà, Hūn-lîm, die demokratische Reform von Lí Ting-hui ließ mich eines erkennen ,was zählt, ist nicht Revolution, sondern friedliche Reform und Gott hat dir dieses Leben gegeben, es muss wichtige Dinge geben, die du ausführen musst, dieser Satz erinnert mich an diesen Tag.

Als ich dachte, die ganze Welt wäre nicht nett zu mir, dieses Lied kommt von SWR3 aus Online Bitte hör nicht auf zu träumen,Ich bin nur ein gewöhnlicher Mensch, so gewöhnlich, dass selbst ein Sandkorn auffälliger ist als ich, aber ich weiß, dass ich ein glückliches Kind bin, denn jede Enttäuschung ist ein Weg, sich selbst neu zu verstehen, genau wie als ich ein Kind war, dachte ich, der Freund meines Vaters hat sich tätowieren lassen, weil er patriotisch war.

Als ich aufwuchs und dieses Buch Son of Formosa lesen, wurde mir klar, dass dies der Weg war, um in einer Umgebung zu überleben, die ich mir nicht aussuchen konnte.

Wann und wo wir geboren wurden, können wir uns nicht aussuchen, aber erinnere dich nicht jeder hat die Chance, die Sterne und den Sonne noch einmal am Himmel zu sehen, glauben und Optimismus bewahren auch wenn es vielleicht nicht wahr wird.

Du hast Gottes Geschenk an dich immer noch nicht verschwendet, das hat mir sehr gut gefallen, die Erzählung des alten Großvaters der als Kind als Soldat und später als Kriegsgefangener von der französischen Armee gefangen genommen wurde.

Ja, Das sind Windböen, gut oder schlecht ist ein Windstoß, diese Winde sind genau wie er selbst. Im Handumdrehen sind 78 Jahre vergangen und sie sind alle Opas.

Wie viele Menschen werden sich an diese Dinge erinnern oder sich darum kümmern, es ist ihm egal, weil er seine eigene Geschichte und die Geschichte anderer genießt wie dieses Gericht, wie auch immer es heißt, Leberkäse oder Fleischkäse, er wird immer er selbst sein, sich nie ändern.

Also mach dir keine Sorgen darüber, wer er ist, weil er weiß, wer er ist, er braucht nicht, dass wir auf ihn zeigen und sagen, ob Sie diesen oder diesen Namen haben.