洋刺波鱷梨仔 Quark ▪ 覆盆子酪梨起司杯 @亂皂𥴊仔店

踅這間店我並 m̄ 知影𪜶是專門收人過往囝孫無 bueh 挃𪜶寶貝 ê 店。

起因,德國有呔 tsuē 這款物仔看起來攏齊新 m̄-koh 已經是2手貨 ê 店。

一日翁綴我聽 SWR1 ê Podcast 講著現此時 ê 衫店,因為半年就愛出一批新衫致到頂一批貨底猶有 tsuē-tsuē 寸尺著愛 hőng 拍掉做2手貨,伊隨喝一聲 mā kā 抄來 ê 地址提 hōo 我看「我一直想 bueh 招你做陣踅這間店。」

「啥物店?」我問。

「聽人分張講,伊若 Costco ê 賊仔市」伊講。

「賊仔市閣較慢牛厚屎尿 mā bueh 去」我隨 tìm 頭應好。

出發彼一日 m̄ 知是腹肚貯甲傷飽滇抑是甜路正經有食較 tsuē 寡,規逝高速公路我竟然想 bueh 掠兔仔。

「你確定今仔日 bueh 行跤到」翁問。

「無 kā 你開一寡錢,我 ē 掠閣較 tsuē ê 兔仔」我講。

「我知影」翁笑甲目汁㴙㴙滴。

按地址駛入去若工業區 ê 所在,我隨憢疑翁是刁意故講「伊就若 Costco ê 賊仔市」來安我 ê 心,起因我真罕得 bué 物,除了 bué 菜 tsiah-ē kā 伊請款,其他 ê 伊想 bueh bué 來做生日禮物我 mā-ē 講「我無需要遮 ê 物」hōo 你認定是早前 ê 冤家量債影響到今,我猶原堅持家己趁家己 bué。

「我正經無愛 bué 物件,看我 bué 冊 ê 慣勢就知影」我講。

是,搪著我閣較佮意 ê 冊,認為價數有設較懸寡,我 mā 是 buē 支持,畢竟褲袋仔愛貯銀兩,m̄ 是磅子準做錢是 gún 翁 bueh 納。

「我足好奇,是啥物款 ê 賊仔市需要遮爾大 ê 空間」翁講。

車駛到位,我隨落車 mā 隨按大門行過,猶 tī 車頂整理手機仔 ê 翁隨喝講「這搭 mā 是𪜶 ê m̄-koh 咱 bueh 看 ê 物 tī 另外一爿」我順伊手指 ê 角勢行過,開始淡薄仔感覺這个賊仔市較成是資源回收場 m̄ 是賊仔市。

起因德國 ê 賊仔市較按怎挐氅氅 mā buē 挐甲若資源回收場 ê 無人整理,m̄-koh 閣正經有一个櫃檯 teh 算數 hōo 我規个人隨成做貓五划做一划緊划入去揣寶。

內底有歷史痕跡 ê 攕仔、菜刀 mā 有新甲若從來 m̄ 捌使用 ê 膨椅,甚至有知名品牌 ê 水桶,一个賣無夠原價 ê 3成。

我聊聊仔踅腹內 ê 蟲 mā 一直 teh 擽,起因我開始感覺掠兔仔佮這件代誌有相干。

手機仔是大某,大某安搭好 tsiah 來揣細姨 ê 翁總算行跤到 tsham 我做陣踅。

「遮 hōo 我感覺足有歷史」我講。

「我讀𪜶 ê 紹介,𪜶是專門 teh ka̋ng 收人過往 ê 物件」翁講。

「莫怪我 ē 掠兔仔」我應。

「你想傷 tsuē 這 tuì gún 德國人來講 mā 是賊仔市」伊笑應。

「無禁無忌,食百二,遮是德國 m̄ 是臺灣」我那行那講。

確實,遮是德國 m̄ 是臺灣,路裡 ê 掠兔仔若正經佮遮對頭,現此時 ê 我應該病囝甲 buē 行,總是自囡仔就慣勢 ê 安搭猶原愛踅一輾心 tsiah buē 浮。

這个點外鐘車逝 ê 賊仔市正經若 Costco 有家俱通選 mā 有電器,有嫌伊是貿貨底 ê 人來遮正經 ē 暢甲 buē 顧。

愛市面籠面物煞因為價數抉 buē 落手 ê 人來遮 mā-ē bué 著 tsuē-tsuē 寶。

我凡勢經過 tsuē-tsuē 來來去去,這久佮意「有夠額」ê 四常,sóo-tí tsuē-tsuē 物件是目看甲笑瞇瞇,手欲 m̄ 捌 tuì 𪜶 pho̍k-pho̍k-tshíng。

不過,押尾猶是 bué 兩跤聽翁講是法國真出名 ê 玻璃杯仔轉來,起因我 ê「甜路杯」需要適合伊 ê 杯仔來妝娗。

相片 ê 杯仔全新,3歐圓,法國製造。

 

洋刺波鱷梨仔 Quark

...... 材料 ......

鱷梨仔 2  

Quark 300g

洋刺波 50g

Lê-bóng 汁 5g

核桃 5g

蜂蜜 5g

 

...... 步數 ......

1. 鱷梨仔、Lê-bóng 汁、蜂蜜、Quark 濫做陣 iōng Stabmixer 絞 hōo 齊,洋刺波、核桃鋪落去,樂暢來食。

Avocadocreme mit Himbeeren @亂皂𥴊仔店

Den Tag fahren wir nach ... Ich weiß nicht wie es heißt.

Aber für mich das ist ein Recycling Laden, aber mein Mann sagt der Laden kaufen die Sache von die Menschen im Himmel sind.

Also... Ich komme aus Taiwan, normalerweise ich werde..." Oh, mein Gott, das ist verboten ".

Aber, hier ist Deutschland, ich habe das Problem nicht.

Warum? Deutschland glaube an den Teufel, wir glauben den Geist, so, das ist anders.

Wie deutsche spazieren auf dem Friedhof, wir nicht.

Und besuche ich den Friedhof?

Ja, aber nur in Deutschland und Europa nicht in Taiwan.

Den Tag besuchen wir den Laden, denke ich...

Wie viele Sachen brauchen wir und ist unser Schatz ein Schatz oder ist er Müll für andere Menschen?

Ich weiß nicht, aber ich bedanke die Sachen die Menschen teilen, und ich sage mir bitte vor dem einkaufen, denke dass es ist genau das was ich brauche.

Ja, die Gläser kaufe ich in dem Laden und kosten 3€.

 

Avocadocreme mit Himbeeren

...... Zutaten ......

Avocado 2  

Quark 300g

Himbeeren 50g

Honig 5g

Zitronensaft 5g

Nuss

 

...... Zubereitung ......

1. Quark mit Avocado, Zitronensaft und honig in einem Stabmixer pürieren.

2. Himbeeren hinzufügen. Guten Appetit!

Avocado Cream and Raspberry @亂皂𥴊仔店

That day we're going to... I don't know what it's called.

But for me that's a recycling shop, but my husband says the shop buy the thing of the people are in heaven.

Well... I'm from Taiwan, usually I'll..." Oh, my God, that's forbidden".

But, here is Germany, I don't have that problem.

Why? Germany believe in the devil, we believe the ghost, so, that's different.

Like German walk in the cemetery, we don't.

And do I visit the cemetery?

Yes, but only in Germany and Europe not in Taiwan.

The day we visit the shop, I think....

How many thing we need and our treasure is treasure or is it a rubbish for other people?

I don't know, but I thank the things that people share, and I tell myself please before shopping, thinking that it is exactly what I need.

Yes, I buy the jars in the shop and they cost 3€.

 

Avocado Cream and Raspberry

...... Ingredients ......

Avocado 2 

Curd cheese 300g

Raspberries50g

Honey 5g

Lemon juice 5g

Nut 5g

 

...... Method ......

1. Blend the curd with the avocado, lemon juice and honey in a hand blender.

2. Add the raspberries. Enjoy your meal!

arrow
arrow
    創作者介紹
    創作者 詹美樹 的頭像
    詹美樹

    亂皂𥴊仔店 ⓂⒺⒾⓃⓀⒾⓄⓈⓀ

    詹美樹 發表在 痞客邦 留言(0) 人氣()