亂皂𥴊仔店 ⓂⒺⒾⓃⓀⒾⓄⓈⓀ

(2022.11.22 早起頓 王梨洋刺波米芳優格 + 蒜芳 I-tá-lih 麵 + 玫瑰草花雞肉炒/838kcal)

雲尪走去耍掩咯雞。

金烏 kā 伊 uì 北風遐 bué 來 ê 新衫穿出來品並。

我那款早起頓那看金烏敢 bueh kā 新衫 haînn hōo 北風。

那撋麵粞那聽ラジオ放送 ê 聲音。

青 tiānn 白 tiānn 一聲 óonn-óonn 響 ê 聲音迵過窗仔縫軁入來厝內。

窗仔門拍 hōo 開，一粒頭敢若暗光鳥遮踅遐轉，押尾注目 tī 彼台 m̄ 知底時 tsiah bueh 出發 ê 露營車。

Óonn-óonn 一粒頭又閣綴 leh 踅，ah~市政府已經來收潘按呢較停仔 ē-tàng kā 桶仔收轉來囥。

目睭繼續綴 óonn-óonn 聲輾，手 mā 那綴麵皮遮捏遐捻閣 kā 天借膽 tuì 金烏講「tsiah 寒露你哪 ē tsiah 著急轉大人成做冬至」。

金烏無應話 tshan-tshiūnn 德國總理選舉前到結束，政黨色緻猶原𫝛款你應當知影 m̄ 免我解說 ê 理所當然。

吐一氣大氣挲手 tuì 家己講天，世事敢若天氣，m̄ 管按怎變化咱攏 m̄ 通訓練家己成做𪜶意愛 ê 荏身。

水餃包好，市政府 ê 收潘車 mā 已經 kā gún 社區 ê 潘攏載走。

幔一領裘仔行出去 kā 囥 tī 紅磚 á 路 ê 潘桶收入來，對面 ê Oma 搪好 mā 按車庫行出來，gún 互相 tìm 一下仔頭隨人 kā 潘桶收入去原位。

我那拖潘桶行入花埕，目睭那綴家己 ê 烏影行，步頻矮瘦 ê 烏影成做膨風水雞揣有影。

「看你無 tī 厝想講你應該 tī 遮」我綴聲擔頭揣賊影，mā 綴遮 ê 句成做娘仔吐絲一絲牽過一絲。

「你老--ah」我綴日鬚一炤(tshiō)隨化做水煙停踮鬚角 ê 翁講。 

「這是正常--ê，咱 mā 沓沓仔行 uì Oma 佮 Opa ê 歲頭」翁笑應。

這句話敢若 tuh-ka-tsuē ê 雷公 hōo 電母喝一聲無張持 ê 霆雷。

我無出聲隨攬抱這个賊影「烏面賊，拍 buē 死，埋 buē 密」。

我越頭看彼个永遠 buē 閣停車 ê 車位，永遠 buē 閣有人 拍開窗 ê「相借問」kā 翁攬閣較大力。

「腹肚桶仔有較消」翁掠做我又閣 tī 試探伊 ê 減重成果笑講。

我無出聲靜靜綴伊 ê 吐氣出帆欶氣入港。

 「Apollo 準備 bueh 歇睏」伊輕聲 tī 我 ê 耳空邊講。

「看著 Oma 一个人出來收潘桶我無感覺啥物對頭直到你出現，我 tsiah 雄雄想著 Oma 現此時是一个人...」我講。

翁無出聲靜靜牽我 ê 手，我 mā 靜靜感受伊迵過手面送來 ê 溫度佮指頭仔 ê 保護一影 疊一影沓沓仔行入厝內。

拍開菜櫥搜揣彼矸到今 m̄ 捌拍開來啉 ê 白葡萄酒，恬靜 tuì Opa 講 Ruhe in Frieden。

厝邊 Opa 送 ê 酒 ♥ Ein Geschenk des Opa von nebenan

Covid-19 期間 Opa 一日出門無閣轉來。

Gún m̄ 知影 Opa 發生啥物代誌，總是當警察來挵門揣 Oma 內心大概 mā 有數 --- Opa 出代誌。

只是 m̄- 捌想過警察離開後 ê 拜訪者是 tshái-pe̍h-tiàm。

看 Oma 恬靜 ê 悲傷，我 teh 想這日若行跤到 gún 翁仔某敢有機會互相說相辭。

無人有法度踅轉去過去佮迒過未來，sóo-tí 莫閣堅持歹勢抑是對方無說我 mā buaih 講 ê 想法。

按這時開始分張家己 ê 想法，因為咱 ê 想法咱 ê 感受 buē 因為心臟無 bueh 繼續 phēnn-pho̍k 跳 hōo 咱有機會說出。

紫色 ê 字辭攏是按公視台語台辭庫網讀著 ê 新辭。

「洋刺波」本底是寫「刺莓仔」，這是按《青瓦厝 ê 安妮》遐讀來--ê，這久讀著洋刺波我感覺伊佮峇就綴公視台語台 ê 新辭記錄「覆盆子」ê 台語。 

《青瓦厝 ê 安妮》

Anne of green gables von Lucy Maud Montgomery

譯者：黃昭瑞、白麗芬

㊓ 前衛

ⓦⓦⓦ 聚珍臺灣

「優格」本底是寫「Yogur」，這是按 gún 二姊遐學來--ê，Yogur 是西班牙語，我想 bueh 保留這个講法，總是臺灣有家己 ê 講法，按呢我就照咱家己 ê 講法記錄，畢竟加一个語辭，加一个音階。

 「麥角」本底是寫「麥片」，總是這个麥片 tuì 我來講是講「燕麥片」m̄ 是「美國玉米麥片」sòo-pái 我就按呢 kā 做區別，麥片是燕麥片，麥角是玉米麥片。

有新辭，免家己愖，蓋幸福。

--- 2023.12.26

王梨洋刺波米芳優格

...... 材料 ......

洋刺波　70g

　      罐頭王梨　150g

米芳麥角　20g

優格　300g

...... 步數 ......

1. 優格落碗，王梨、米芳麥角、洋刺波鋪落去，樂暢來食。

(22.11.2022 Frühstück Joghurt mit Ananas, Himbeeren und Schoko-Reiscornfalkes - Nudeln mit Knoblauch - Hähnchen mit Rosenkohl/838kcal)

Ruhe in Frieden

Die Zeit vergeht wirklich wie Wasser.

Es sieht nicht so aus, als würde es sich bewegen, aber es verschwindet mit jeder Bewegung, die wir machen.

Als ich heute den Weinschrank ausräumte, sah ich diese Flasche Weißwein.

Ich erinnerte mich daran, dass der Opa meiner Nachbarin vor fast zwei Jahren ebenfalls verstorben ist.

Auch der Opa und die Oma des Vermieters sind im Juli dieses Jahres verstorben.

Zwischen dem Öffnen und Schließen der Augen ändert sich alles, was vertraut ist.

Das hat mich dazu gebracht, zu überdenken, was ich machen will und was mir wichtig ist.

Allerdings wird sich das, was ich will, noch ändern, und das, was mir wichtig ist, wird sich ebenfalls ändern.

Ich muss mich daran erinnern, dass ich inmitten der Ungewissheit, inmitten eines schwebenden Willens, genau wissen muss, was mein Herz braucht, und dass ich das alles wertschätzen muss.

Joghurt mit Ananas, Himbeeren und Schoko-Reiscornfalkes

...... Zutaten ......

Himbeeren　70g

Joghurt　300g

Ananas aus der Dose　150g

Cornflakes　20g

...... Zubereitung ......

1. Joghurt in einer Schüssel geben, Cornflakes mit Ananas und Himbeeren oben drauf geben.Guten Appetit!

(11.22.2022 Breakfast Raspberry Pineapple Yogurt with Chocolate Rice - Garlic Pasta - Brussels Sprouts and Chicken/838kcal)

Rest in peace

Time really does pass like water.

It doesn't look like it's moving, but it disappears with every move we make.

Today, when I was cleaning out the wine cupboard, I saw this bottle of white wine.

I remembered that my neighbour's grandpa also passed away almost two years ago.

The landlord's grandpa and grandma also passed away in July this year.

Between opening and closing the eyes, everything that is familiar changes.

This has made me rethink what I want to do and what is important to me.

However, what I want will still change and what is important to me will also change.

I need to remember that in the midst of uncertainty, in the midst of a floating will, I need to know exactly what my heart needs and to value it all.

Raspberry Pineapple Yogurt with Chocolate Rice

...... Ingredients ......

Raspberries　70g　

Yoghurt　300g

Canned pineapple　150g

Chocolate rice　20g

...... Method ......

1. Put the yoghurt in a bowl, add the cornflakes with pineapple and raspberries on top.Enjoy!