亂皂𥴊仔店 ⓂⒺⒾⓃⓀⒾⓄⓈⓀ

(2023.01.08 早起頓 敏豆塗肉林檎炒 + 三文魚 + 藍莓弓蕉 Quark + Kam-má-tooh 生菜盤/976kcal)

翁某做伙看 YouTube ê 客家電視台。

翁看我無 tshan-tshiūnn 看德語電視台遐爾仔注神「我敢 ē-tàng 請教你這个問題」伊講。

「請講」

「你 m̄ 是講你聽無客語？」伊講。

「我確實聽無客語」我應。

「M̄-koh 你無 tshan-tshiūnn 看 Arte 按呢斟酌看德語字幕...」

「因為𪜶自頭透尾攏講華語」

「原來如貓....」

Gún 翁綴我一口氣看幾仔集 ê 客家電視台 hōo 伊掠做𪜶某 kā 囡仔時聽過佮講過 ê 客語揣轉來。

「你敢聽 buē 出來彼 m̄ 是客語」我問。

「我是有按呢想，總是我 tuì 這个語言無熟...步頻大主大意做判斷，無禮貌...」

「阿公、阿媽、爸爸、媽媽、阿姊緊來看，遮有美國人...」

講煞 gún 兩个笑甲 kiōng-bueh buē 轉氣。

「囝仔兄 tshan-tshiūnn gún 某𫝛款 m̄ 管人唱啥物歌攏是英文....」

Gún 翁開始唱 Falco ê Jeanny 閣笑問敢需要 Modern Talking 那講那跳 Cheri Cheri Lady。

莫綴遐龜笑鱉無尾「歹勢，這是日文 m̄ 是華文」。

久年前 gún 做陣去 Cochem 𨑨迌順紲參觀見來遮露營 m̄ 知啥物因端攏 m̄ 捌行踏 ê 城堡。

彼陣我是規團唯一 ê 外國人，德語又閣無輾轉，工作人員問 gún 翁我按佗落來隨提一疊資料 hōo gún 翁。

我接手隨讀 mā 隨講這是日語 m̄ 是 Mandarin。

話一講煞工作人員規个面按頷頸紅到耳根會失禮「Gún-ê 資料攏經過統計...我 m̄ 是刁意故觸意」。

我請 gún 翁代我解釋，我 ē-tàng 理解這表示遮 ê 觀光客大多數攏是日本人。

我 mā 因為今仔日 ê 經驗 tsiah 知影 遮 ê 亞洲觀光客無 tshan-tshiūnn Wartburg 遮爾仔熱。

猶原 ē 記得彼陣踮 Wartburg 工作人員問我主要使用啥物文字隨提三種版本(台灣華語，香港華語，中國華語) ê 華語導覽資料 hōo 我家己選。

這種經驗到今 kan-ta 捌 tī Wartburg 搪過，不而過掠外一个有意思 ê 經驗。

我踮德東搪過 ê 朋友𪜶若比德西 ê 德國人閣較清楚臺灣佮中國 ê 差別。

總是，彼 mā 是十外冬前 ê 代誌。

一个人 ê 記持 ē 纏綴國家所安排 ê 教育政策改變。

這久 ê 德東人敢閣 tshan-tshiūnn 我早前搪著 ê 朋友按呢，我 m̄ 知。

「有一日公視台語台採訪你，你 ē 講啥物話」翁問。

「Tshan-tshiūnn 𪜶 ê 標題，台語」我答。

「咱看 ê 遐 ê 受訪者𪜶是 m̄ 願講客語或是其他」翁繼續問。

「我 m̄ 是𪜶無法得代替𪜶回答。」

本底想 bueh 迵過客家電視台學習客語，不過 m̄ 知是我較頇顢揣 YouTube 抑是其他因端。

押尾，我決定一字一字選字典沓沓仔學習。

起因，Mandarin 已經窒倒街 m̄ 免加我這个肉跤鬥讚聲。

藍莓仔弓蕉 Quark

...... 材料 ......

藍莓　50g

優格　100g

Quark　250g

麥片　20g

弓蕉　1

核桃(Hu̍t-thô)　20g

...... 步數 ......

1. 優格、Quark 濫做一伙抐 hōo 齊。

2. 藍莓、麥片、弓蕉、核桃鋪落去，樂暢來食。

(08.01.2023 Frühstück Bratkartoffeln mit Bohnen - Lachs - Tomatensalat - Quark mit Banane u. Heidelbeeren/976kcal)

Wenn die Presse dich Interviewt, sprichst du Tâi-gí oder Mandarin, fragt mein Mann beim Fernsehen.

Tâi-gí, anworte ich.

Dann sprechen Sie keine Hakka, fragt mein Mann nochmal.

Keine Anhnung, ich bin nicht sie.

Schreiben die nicht Mandarin im Fernsehen, fragt mein Mann.

Ja, sie schreiben Mandarin, anworte ich.

Also...dann das ist interessant.

Mein Mann kopiert jede Sache wenn ich denke merkwürdig aber sage nichts, dann würde ich interessant sagen.

Also, ich weiß nicht der Fernsehen spricht Mandarin immer oder nur das Programm.

Aber, ich gucke Fernsehen weil ich möchte die Sprache lernen.

Aber, leider...

Im Fernseher ich sehe nicht die Sprache wie Thema.

Und warum?

Keine Anhnung.

Quark mit Heidelbeeren und Banane

...... Zutaten ......

Heidelbeer　50g

Quark　250g

Joghurt　100ml

Haferflocken　20g

Banane　1

Nuss　20g

...... Zubereitung ......

1. Quark und Joghurt gut mischen.

2. Heidelbeeren, Banane, Nuss und Haferflocken oben drauf legen.Guten Appetit!

(01.08.2023 Breakfast Potato with Beans - Salmon - Tomato Salad - Curd Cheese and Banana with Blueberries/976 kcal)

When the press interviews you, would you speak Tâi-gí or willing only to speak Mandarin, asks my husband at the TV station.

Tâi-gí, I answer.

Then why are they don't speak Hakka, my husband asks again.

I don't know, I am not a respondent.

Don't they write Mandarin on TV, my husband asks.

Yes, they write Mandarin, I reply.

Well...then that's interesting.

My husband copies every thing when I think strange but say nothing, then I would say interesting.

Well, I don't know the TV speaks Mandarin all the time or only the programme.

But, I watch TV because I want to learn the language.

But, unfortunately...

On TV I don't see the language like subject.

And why?

I don't know.

Curd Cheese and Banana with Blueberries

...... Ingredients ......

Blueberry　50g

Curd　250g

Yogurt　100ml

Oatmeal　20g

Banana　1

Nut　20g

...... Method ......

1. Mix curd and yogurt well.

2. Lay blueberries, banana, nut and oatmeal up on top.Enjoy your meal!