亂皂𥴊仔店 ⓂⒺⒾⓃⓀⒾⓄⓈⓀ

(減肥早起頓 番麥餅煎。玉米煎餅)

這幾日因為預防射規仙人𤺪 tú-tú，m̄ 是䖙 tī 眠床就是佮往過無啥交插 ê 電視膏膏纏。

Mā 凡勢是這斗有較纓纏，sòo-pái 我有較斟酌繩(tsîn)變化，這久 m̄-tsiah 有物仔 thang 寫。

越頭看往過 m̄ 知是德國人 ê 本性或是前兩斗 ê 教示有教入心，sòo-pái 現此時 ê 德國人誠愛翻頭揣向時。

這幾日看講笑詼 ê 節目，有一段 hōo 我笑甲軟骨 mā 想著德文老師 ê 分享佮 Hesse 寫 tī Demian ê 故事。

笑詼第一斗放送時間是 1970年彼跤兜，內容是神父 tī 街仔路搪著 bueh 去學校 ê 囝仔。

「Liebes Kind, hast du heute gebetet?」(親愛 ê 囝仔，你今仔日敢有祈禱？）神父問囡仔。

「Nein, weil meine Mutte weiss wie man kocht.」(無，因為 gún 阿母知影按怎料理--ah)囡仔回答。

短短無夠五分鐘 ê 笑詼短片 hōo 我笑甲 kiōng-bueh buē 喘氣，不而過猶原 ē 記得 tuì 翁講「你就是無祈禱 m̄-tsiah ē 按呢，總是你 ê 祈禱 mā 是無較縒。」

「Phantombild ist Realität➀」我講。

「你愛講 Illusion」gún 翁紲喙講。

「精差 tī 佗位？」我問。

「捷講佮無捷講」伊應。

「佗一个較捷講？」我問。

「Illusion➁」伊答。

「按呢原仔是 Phantombild khah 四配，起因恁兜 ê 問題是需要獨立研究 ê 案件」我日本剾刀攑懸懸那剾那笑甲 buē-su 一尾軟絲仔。

我 m̄ 知影大部份 ê 德國媽媽敢有這个症頭認定家己𠢕扞鼎，總是承認家己頇顢煮食 ê 德語老師講𪜶德國人 ê 食食文化開始起變化是按移工來西德做穡彼陣。

我個人 ê 感覺，德國往過 ê 土地遐爾仔闊莽莽，族群 mā 遐爾仔 tsuē，德國 ê 食食文化在水 buē 遮爾仔無味素，這其中定著有貓膩。

落尾來迵過家己 ê 行踏佮迵過德國電視台家己走揣「家己」ê 節目發見，德國 ê 食食文化 buē 輸 hōo 其他 ê 國家。

只是，當一个人慣勢 kā 珍珠當做牛屎，你愛伊分別啥物是牛屎啥物是珍珠，伊正經是分 buē 出來。

起因，伊已經慣勢活 tī 伊家己 ê 世界，別人 ê 物件攏䆀 kan-ta 家己 ê 上好，準做彼是別人替家己保存到今 ê 物件。

我認捌 ê 德國歷史連冊 ê 第一頁第 10 行攏無夠額，總是我感覺現今 ê 德國食食文化佮語文演化是第三帝國革古典德國文化「命」 ê 果子。

雖罔 m̄ 是大多數，m̄-koh 伊湠出來 ê 問題到今猶原無敗欉，這 mā 是事實。

➀ 幻想是真實。

番麥煎餅

...... 材料 ......

罐頭番麥　250g

白脫牛奶　200g

卵　2

番麥粉　75g

中麶麵粉　50g

鹽 & 胡椒

...... 步數 ......

1. 材料濫做一伙抐 hōo 齊做麵糊等15分鐘 ，落鼎煎 hōo 兩面赤赤，樂暢來食。

(Frühstück zur Gewichtsabname Maispfannkuchen)

 " Liebes Kind, hast du heute gebetet?

Nein, weil meine Mutte weiss wie man kocht. "

Nach der Impfung, ich bin so müde.

Ich möchte mich nicht bewegen oder lesen, dann gucke ich Fernsehen, seit ich in Deutschland bin, ich habe fast nicht geguckt.

Für interessantes immer muss bezahlen, deshalb gucke ich nicht so viel.

Den Tag, ich gucke... Vergesse welcher Sender.

Aber, als ich das gesehen habe.

Ich sage meinem Mann, ich weiß was passiert.

Was, fragt mein Mann.

Du betest nicht, deshalb hast du das Problem.

Welches Problem, fragt er.

Deine Mutter denke sie ist die beste Köchin der Welt.

Du bist sauer, lacht mein Mann.

Nein, ich bin nicht sauer.

Ich bin sehr ehrlich wie Kind sagt.

Sie sagte Pfarrer ich bete nicht ,weil meine Mutter weiß wie man kocht.

Ich bin immer ehrlich zu dir in ihrem Fall, keiner kann helfen, weil sie ist wie Beethoven.(ARD Sketch History).

Maispfannkuchen

...... Zutaten ......

Maismehl　75g

Weizenmehl　50g

Mais aus der Dose　250g

Buttermilch　200g

Ei　2

Salz & Peffer

...... Zubereitung ......

1. Alle Zutaten in eine Schüssel geben und gut mischen. 

2. Den Teig warte 15 Minuten. Dann können Sie es in die Pfanne geben und anbraten bis es goldbraun ist. Guten Appetit!

(Breakfast for weight loss Corn Pancakes)

" Dear child, did you pray today?

No, because my mother knows how to cook. "

After the vaccination, I am so tired.

I don't want to move or read, then I've been watching TV since I've been in Germany, I almost haven't watched.

It's not that I don't like German shows, it's that interesting shows have to be paid for.

The day I'm watching ... forget which station.

But when I saw that.

I tell my husband I know what happened.

What? Asks my husband.

You don't pray that's why you have the problem.

What problem? He asks.

Your mom thinks she's the best chef in the world.

You're sour, laughs my husband.

No, I'm not sour.

I am very honest as child says.

She said pastor I don't pray because my mother knows how to cook.

I'm always honest with you in her case, but nobody can help because she is like Beethoven (ARD Sketch History). 

Corn Pancakes

...... Ingredients ......

Cornmeal　75g

Bread flour　50g

Canned corn　250g

Buttermilk　200g

Egg　2

Salt & Pepper

...... Method ......

1. Place all ingredients in a bowl and mix well. 

2. Wait 15 minutes for step 1. Then you can put it in the pan and fry it until it is golden brown. Enjoy your meal!