近來，早前無啥大問題 ê 肩胛疼，開始 tshan-tshiūnn 一尾三文魚搢水一路按肩胛骨泅到頭殼碗 hōo 我坐 mā m̄ 是倒 mā m̄ 是，不過，這个無爽快是我家己 kā 招 m̄ 是伊硬 bueh 佮我交葛(kau-kuah)。
Tī 手目無因無端幌韆鞦 teh 搐，我知影這是身體 tuì 我 ê 點揬「你 mőo 繼續蠻皮落去，規日交電腦黏黐黐」，總是我 tuì 身體 ê 關心是雜唸大家出蠻皮新婦 ê 我交電腦曷無一日貼貼像 gún 翁按呢。伊大丈夫我愈無代誌。
這個鐵齒銅牙槽硬 bueh 佮德國人耍牛頓草(gû-tùn-tsháu) ê 輸贏，當然 mā 是我輸甲忝忝 ê 斟一杯茶攏哀爸叫母。這个紅龜生蟲，龜怪 ê 歹癖 hōo 我想著因為畏羞禮(uì-siáu-lé)兼驚得失人 m̄ 敢 tuì 朋友講我 bueh 交你另家各食(līng-ke-koh-tsiah) hōo 家己 mā 致著這个症頭 ê 過了代。
一想著家己不三時 tuì 踅螺仔門踅金龜磨，我就感覺匪類討債，特別是阿母轉去塗州我智覺著時間 m̄ 是用飛--ê，是直接無去 ê 目蚶猶 teh 交今仔日 ê 金烏盤撋，隔工 ê 日鬚已經來問 bueh tsham 伊交結無？
做牛著拖，做人著磨，阿母在身我有一个目標就是 hōo 行過 921 大牛換肩交兩个查某囝相紲離開世間 ê 伊 m̄ 免驚惶無所在通蹛，m̄ 免驚惶「我是青盲牛」ê 背後是我這沿 ê 人比𪜶較好字運寡，m̄ 免跟綴𪜶彼沿 ê 跤步，一支牛 m̄-nā 剝兩領皮 ê 有苦無地講。
阿母猶在生，逐日若干樂 ê 哭呻時鐘呔 ē 遮爾仔愛走標，阿母轉去塗州準做我猶 teh 揹殼，我猶是感覺時間若 leh 走百米 ê hōo 我無夠用。
筋骨 ê 痠疼若一尾蛇按肩胛頭趖到手指頭仔，目那看 m̄ 是大自然紹介就是二戰記錄片 ê 德國公共電視台，目那看那𤺪，心 mā 那看那齪，阿母過往彼時 ê 浮浮又閣徛倚講「促較倚--leh」hōo 我開始巡厝內有啥物件通 hōo 我 Phông-kong 踏斗一下。
彼緟猶原規緟好好徛𫝛位 ê 冊緟....夭壽骨，自 2019 到目今 3 冬外外，我竟然 kā 𪜶放外外，這 m̄ 是遠遠刣雞鵤，近近相穢目，這是啥？
一想著家己猶 teh 餾過了代 ê 慣勢，規仙人若 hōo 雷公摃著隨傱去冬天雨較貴麻油 ê 冊緟。
那揀冊表小妹 ê 白河阿媽話母 mā 開始 tī 我 ê 耳空唱歌「夭壽骨喔，了然喔，討債喔。」
「阿媽我敢是無毛雞假大格？」
「無閹雞趁鳯飛 ê 背骨較重要。」
阿媽 ê 話 hōo 我想著《鄉史補記》秀姑按無肚臍轉做有肚臍到奇來雙手咇咇掣，搝春風 ê 手䘼，叫「阿母，是按怎生出來 buē 吼？」
我 ê 四常猶未行到愛綴人去日本裝肚臍，總是我清楚知影我無家己創造空間，有一日搪著遮 ê 序大，我 mā 搝春風 ê 手䘼，叫「阿母，是按怎生出來 buē 吼？」
寫 Blog 是好議量，總是無出門 ê 日子 buē-tàng 規日 kan-ta 交伊貼貼，先來讀《Thá-kheh》。
' Laut italienischem Silvesterbrauch bringen Linsen an Neujahr Reichtum und Glück. ' 根據意大利 ê 傳統，二九暝食珠仔豆金銀財產滿四界並得著一隻德國豬➀。
REWE 今年按 Payback 這个 hōo 我掠做是 Paypal ê 紅利系統退出，伊交我閣一斗按向倒爿行向正爿行，行向仝一條路線。
自 gún 翁公司取消 Sodexo 索迪斯 ê 餐券，一張 5€(歐元 Au-guân)，我就罕得 kā 𪜶交觀，畢竟𪜶兜 ê 物較無敆我這款無食氣氛 ê 人，除非敗價。
敗價需要 kā 伊一分田嗙甲幾若甲就知影𪜶 ê 物件有偌爾仔漲懸價，當然啦，這是我個人 ê 感受無表示逐个人齊按呢認為，不過當 Sodexo 猶 tī 橐袋仔𫝛款 ê 物食，REWE 比 Netto, Lidl, Aldi 較貴我 mā 無要緊，畢竟錢是 gún 翁公司撏 m̄ 是我。
Sodexo m̄ 是逐搭攏通使用，所致 uī-tio̍h bueh 消化遮 ê bueh 到期 ê 餐券，REWE 是上好 ê 選擇。
自 REWE 2014 年兜 tī Mein Prospekt➁ 推廣自家紅利政策，見著若割貨價數 ê 物，外口若冰櫥 ê 我，裘仔囊 leh mā bueh 去實踐俗物 buē bué 破家。
三王節➂一過，通貨膨漲又閣恢復正常，食麭愛抹 ê Tshí-sù 醬 mā 按鞏金閣包銀 ê 皇后退位抹塗烌做塗炭仔，而且 m̄ 是一位皇后退位是一斗三位皇后美國 ê Philadelphia，丹麥 ê Buko，德國 ê Exquisa 做伙退位換我做紅璇皇后 --- 新年發財 ê 款一盒儉塊2，款 10 盒儉 12€ ē-tàng bué 盒半 ê 雞襟胸、牛挽肉、牛豬挽肉、7 盒白銀魚、三盒雞摸、三盒半豬挽肉...，頇顢趁錢 mā 驚錢成做別人 ê 紅璇皇后我 ê 壁紙就愛較骨力窮斤算兩。
這斗 ê 落價，逐家 kan-ta 攏撨好勢，恁兜割這間貨，gún 兜掛這間貨 hōo 我若歌廳秀 ê 小歌手趕場無閒𩑾𩑾甲暢粅粅。
REWE 是少數提供實體無料菜譜 hōo 消費者 ê 店家，𪜶兜 ê 菜譜色緻 tī 往過捌 hōo 我提來做背景圖，像這 Chatschapuri。
這久翻頭看彼久，感謝家己 buē 閣驚得失人，水庫水滿過蓄水標準準做 bueh 做大水，斡頭隨離開彼个扶挺兼妝娗 ê 選美角勢 --- 面冊是正確 ê 決定。
我無反對面冊，總是自驚得失人跟綴朋友參加伊 ê 社團，我 ê 口座準做是私密猶是有人有法度家己開門來坐...
這个問題窮實 mā 無遐僫解決，總算畏羞禮(uì-siáu-lé) ê 我，迒 buē 過無 ka̋ng 接受紅龜生蟲，龜怪 ê 歹勢、失禮。
這久翻頭看彼久，我愛這久 ê 簡單。
這久翻頭看彼久，相𫝛 ê 菜色我 buē 鋪往過 ê 風神，這表示我理解啥物號做 Nichts ist mit dir zu vergleichen 無啥物代誌通交你比並，我是家己上重要 ê 金銀財寶。
這出菜本底就有記錄，總是這斗交 REWE 菜譜相見，我感覺 REWE ê 味素比三冬前 ê 記錄閣較敆喙，就迎新棄舊 kā 攝相交菜譜齊換新衫。不過，我猶原是我，準做我佮意 REWE 菜譜我 mā buē 閣 tshan-tshiūnn 往過一切照步數來行。
詳細菜譜 --- Deine Küche(AUSGABE 06-2024)
➀ 好字運
➁ APP
➂ 逐年 1 月 6 號
栽欉 --- 2022.02.10
翻田塗，接枝 --- 2025.01.14
魚指咖哩珠仔豆
...... 材料 ......
山嶺珠仔豆 150g
紅柑珠仔豆 50g
洋蔥，刴幼 1
罐頭 Kam-má-tooh 醬 1
煎好 ê 魚指 10
滾水 1000ml
紅菜頭，切塊 3
咖哩粉 1EL
芳料草
Tshì-sù 抹醬 50g
蒜頭，刴幼
鹽、胡椒
...... 步數 ......
1. 洋蔥、蒜頭、咖哩粉、紅菜頭落湯鍋仔芡芳，山嶺珠仔豆、滾水、Kam-má-tooh 醬濫落去抐 hōo 齊，崁蓋煮 25 分鐘。
2. 紅柑珠仔豆摻落去煮 15 分鐘，芳料草、Tshì-sù 抹醬濫落去搜 hōo 齊，翕 10 分鐘，tiàu 寡鹽、胡椒，魚指鋪落去，樂暢來食。
' Laut italienischem Silvesterbrauch bringen Linsen an Neujahr Reichtum und Glück. '
In Deutschland gibt es ein großes Problem für mich, Abfall, besonders Papier. Unsere Wohnunghause hat das Problem immer. Die Menschen sind faul wie Faultier hat keine Zeit die Karton klein zu machen.
Ja, Oui, Sí, 無剉(錯)，規欉好好, Evet!!!
Bevor ich die Sprache übe, ich muss das Problem groß BESCHWEREN, wie Menschen so egoistisch sein können!
Ja, Oui, Sí, 無剉(錯)，規欉好好, Evet!!!
Die Menschen ist auch egoistisch, Sie müssen nicht die Abfallregel folgen.
Unsere Biotonne hat Kunstoffmüll, Unsere Papiertonne hat auch Kunstoffmüll und Kindersachen.
Ich weiß nicht, ist das recyceln so schwer für die Menschen?
Ich weiß nicht.
O.K. Es ist Neujahr, ich koche nicht vor Wut, weil das mein Glück verschwinden lässt, also muss ich aufhören.
Ich habe kein Geduld für die Prosa auf dem Computer zu lesen, aber ich habe Geduld die Prosa über das Rzeptbuch oder das Rezeptmagazin zu lesen.
Warum?
Ich liebe die Textur von Papier und den Geruch, deshalb ich liebe Lila, aber leider mein Mann so geizig.
Ich liebe Rezeptmagazine zu sammeln, aber wenn ich das Problem über unsere Wohnunghaus denke, gibt es auf --- In Deutschland gibt es nicht kostenlos, ich bin keine Arbeitnehmerin für unseren Müll.
Aber ich bin ordentlich, sehr ordentlich, ich folge die Regel in Deutschland.
Diesmal habe ich Deine Küche(AUSGABE 06-2024) im REWE gelesen, das Rezept ist gut, aber passt ich nicht, weil die Süßigkeiten ist nicht mein Typ. Wenn ich daran denke, ' Laut italienischem Silvesterbrauch bringen Linsen an Neujahr Reichtum und Glück. '
Nach Hause bringen oder nicht nach Hause bringen, das ist hier die Frage.
Muss ich das Rezeptmagazin nachhause bringen?
Nein, ich möchte nicht den Papiermüll kostenlos sortieren, ja, ich bin mega geizig.
Aber wenn ich das Rezeptmagazin nicht bringe, ich würde nicht ' Laut italienischem Silvesterbrauch bringen Linsen an Neujahr Reichtum und Glück. ' im Kopf erinnern. Deutsch für mich ist nicht nur Fremdsprache, deutsch ist die Sprache vom Mars, deshalb muss ich mein Blog weiter üben.
Muss ich, muss ich nicht? Ja oder Nein, Oui ou non, sí o no. das ist hier die Frage.
Ja!!! Ich muss. Für das Problem über das Recyceln, die Zeit wird mich, to be or not to be, that is a question zu sagen.
Was koche ich ist nicht 100% wie das Rezept, aber ich muss sagen, sehr lecker.
Curry-Linsen mit Fischstäbchen
...... Zutaten ......
Berglinsen 150g
Rote Linsen 50g
Fischstäbchen 10
Tomaten aus der Dose 1
Wasser 100ml
Fein gehackte Zwiebel 1
Fein gehackter Knoblauch
Möhren in Stücke geschnitten 3
Frischkäse 50g
Currypulver 1EL
Kräuter
Salz ＆ Pfeffer
...... Zubereitung ......
1. Zwiebel mit Knoblauch, Currypulver und Möhren in den Topf geben und anbraten bis sie goldbraun sind.
2. Die Tomaten mit den Berglinsen und dem Wasser dazugeben und gut vermischen, dann ca. 25 Minuten köcheln lassen.
3. Die roten Linsen dazugeben, gut mischen und ca. 15 Minuten köcheln lassen.
4. Kräuter mit Frischkäse dazugeben und gut mischen, und warte Sie ca. 10 Minuten kochen, dann mit Salz und Pfeffer abschmecken.
5. Die Fischstäbchen in die Pfanne ca. 5 ~7 Minuten anbraten.
6. Fischstäbchen hinzufügen. Guten Appetit!
' Laut italienischem Silvesterbrauch bringen Linsen an Neujahr Reichtum und Glück. '
In Germany there is a big problem for me, waste, especially paper. Our apartment building always has this problem. People are lazy like sloth has no time to make the cardboard small.
Ja, Oui, Sí, 無剉(錯)，規欉好好, Evet!!!
Before I practice the language, I have to complain the problem of how people can be so selfish!
Ja, Oui, Sí, 無剉(錯)，規欉好好, Evet!!!
People are also selfish, they don't have to follow the waste rule.
Our biotone has plastic waste, our paper bin also has plastic waste and children's things.
I don't know, is it so difficult for people to recycle?
I don't know.
OK. It's New Year, I don't cook with anger because it makes my luck disappear, so I have to stop
I don't have the patience to read the prose on the computer, but I do have the patience to read the prose on the recipe book or the recipe magazine.
Why?
I love the texture of paper and the smell, so I love purple, but unfortunately my husband so stingy.
I love collecting recipe magazines, but when I think of the problem about our apartment house, there is on --- In Germany there is not free, I am not a worker for our garbage.
But I'm neat, very neat, I follow the rule in Germany.
This time I read Dein Küche/your kitchen (edition 06-2024) in the REWE, the recipe is good, but I don't fit because the sweets are not my guy. When I think about it. ' Laut italienischem Silvesterbrauch bringen Linsen an Neujahr Reichtum und Glück. '
To bring home or not to bring home, that is the question.
Do I have to bring the recipe magazine home?
No, I don't want to sort the paper waste for free, yes, I'm mega stingy.
But if I didn't bring the recipe magazine, I wouldn't ' According to Italian New Year's Eve custom, lentils bring wealth and luck on New Year's Eve. ' in my head. German for me is not just a foreign language, German is the language of Mars, that's why I have to keep practicing my blog.
Do I have to, don't I have to? Yes or no, oui ou non, sí o no. That is the question here.
Yes!!! I have to. For the problem about recycling, the time will be to say Sein oder Nichtsein, das ist hier die Frage.
What Cooking I is not 100% like the recipe, but I have to say, very tasty.
Curry Lentil with Fish Fingers
...... Ingredients ......
Brown Lentils 150g
Red Lentils 50g
Fish fingers 10
Canned tomatoes 1
Water 100ml
Finely chopped onion 1
Finely chopped garlic
Carrots cut into pieces 3
Cream cheese 50g
Curry powder 1EL
Herbs
Salt, pepper
...... Method ......
1. Put the onion with garlic, curry powder and carrots in the pot and fry until they are golden brown.
2. Add the tomatoes with the brown lentils and water and mix well, then simmer for approx. 25 minutes.
3. Add the red lentils, mix well and simmer for approx. 15 minutes.
4. Add the herbs with cream cheese and mix well, and wait about 10 minutes, then season with salt and pepper.
5. Fry the fish fingers into the pan for about 5 ~ 7 minutes.
6. Add fish fingers. Enjoy your meal!
留言列表
冊 ▪ Bücher ▪ Books (4)
