亂皂𥴊仔店 ⓂⒺⒾⓃⓀⒾⓄⓈⓀ

人講，便若過節目汁就㴙㴙滴，不過我無這款 ê 哀傷。

起因，我 ê 親人齊去塗州賣鴨卵十外冬，佮父母𫝛勻 ê 頂輩 mā 一个一个沓沓仔轉去塗州。

曷若 gún 遮 ê 下勻，gún-ê 感情就 tshan-tshiūnn 這句話，一代親，二代表，三代 m̄ 捌了了。

按呢 buē-su 滾水 ê 感情致使搪著臺灣 ê 流擺，我無啥物特殊 ê 情緒，想 bueh 噴火抑是想 bueh 發珍珠，來表達家己 tuì 塗州親人 ê 數念。

我想，這佮德國 mā 沓沓仔成做我 ê 家鄉有關係，雖罔我 m̄ 是德國人 mā 無啥融入這个社會，我 ê 14 是德語 tuì 我來講猶是捷捷鴨仔聽雷，德文 tuì 我來講 mā 定定是 m̄ 捌字看告示 kā 準過，我猶是感覺德國是我 ê 家鄉佮故鄉。

這个心情 hōo 我想著家己 ê 老爸，tī 臺灣一直向望有機會轉去中國看囡仔時 ê 一切，真正有機會等去故鄉煞一直想 bueh 轉來臺灣，因為厝 tī 臺灣。

我 tī 臺灣 mā 有徛家，不過我無老爸這款心情，一直想 bueh 轉來臺灣，我想這佮我 tī 臺灣已經無親人有關係，準做我 mā 有一間厝，伊 tuì 我來講猶是一間空間，起因無半个人 tshan-tshiūnn 向時按呢，人猶未行到亭仔跤就 ē-tàng 看著阿母徛 tī 電火柱仔遐等我做伙轉去厝。

厝 ê 定義正經是佗位有愛佗位就是厝，像舊厝厝邊 ê 山東阿爸，tī 中國佮臺灣開放交流 mā ē-tàng 申請轉去山東，伊就隨轉去山東，因為伊 ê 愛 tī 山東。

Hőng 笑假愛臺灣真僥心 ê 我，近來捷捷想著伊 hōo 我又閣成做一隻貓好玄我是 uī-tio̍h 啥物代誌 teh 數念伊。

愖仔愖，揣仔揣，彼捆縛甲齊齊 ê 膨紗猶是揣無摠通㨨來刺膨紗。

今仔日 m̄ 知影 bueh 款啥早起頓，見厝邊阿羅分張 ê 木瓜，想著阿純兜三不五時 ê 分張，見著菜櫥 ê 俗麭，想著喝一聲阿伯我轉來就通食 ê 俗麭𩛩。

阿伯 m̄ 知好無，自大牛換肩就 m̄ 捌閣佮這个疼厝邊囡仔若家己孫仔 ê 阿伯，家己 mā 因為世界愈行愈闊 tuì 向時是山珍海味，這久是慢牛 mā 看伊無目地 ê 俗麭，沓沓仔 buē 記得這味囡仔時上佮意 ê 啖糝。

人生是一齣影戲，總是這齣影戲猶原 m̄ 是戲園 ê 影戲，咱有法度順自家己 ê 意愛選擇想 bueh 看 ê 影戲來感受鹹酸苦汫。

阿伯 m̄ 知好無，mā m̄ 知人生敢閣有機會閣食著記持中 ê 俗麭𩛩，總是這就是 C'est la vie，每一个行過 ê 階段攏是未來 ê 肥底。

9293 公里是煞心抑是犀牛望月，攏無重要，重要 ê 事項是，m̄ 管日子成做啥物生張，寶惜是數念，寶惜是幸福。

阿伯俗麭𩛩

...... 材料 ......

俗麭　6

卵包　3

Tshì-sù　3

Há-muh　3

洋蔥絲

瓜仔哖，切片

胡椒

Alioli/白醬

...... 步數 ......

1. 俗麭落烘麭機烘2~3分鐘，提出來，捋寡 Alioli，kā 卵包、洋蔥、瓜仔哖、Há-muh、Tshì-sù 𩛩入去，tiàu 寡胡椒，樂暢來食。

Manchmal, mein Mann hat mich gefragt.

Warum isst du wie Amerikaner?

Ich frage mein Mann, warum isst du nicht so deutsch aber spanisch?

Weil, ich habe in Spanien gewohnt.

Ich auch, sage ich.

Seit wenn?

Niemals.

Dann?

Als ich Kind war, die U.S.A. Army war noch in Taiwan.

Wir haben viel auslaendisches Essen aus der U.S.A gelernt.

Obwohl ich weiß nicht ob es richtiges Essen in der U.S.A. ist

Aber das ist mein Kindheit über Amerikanisches Essen.

Wie das Sandwich.

Als ich Kind war.

Mein Mutter hat mir das Sandwich mit Kaffeemilch zur Kaffeezeit gemacht.

Das ist sehr lecker, besonders 3 in 1 Kaffee mit 3~5 Würfelzucker.

Yummy!

Das ist kein Kaffeezeit, sagt mein Mann.

Es ist mir egal.

Ich bin Taiwanisch, das ist mein Kindheit.

Möchtest du meine Kaffeezeit mal Probieren, die Kaffeemilch ist sehr Süß, frage ich.

Ja, bitte, sagt mein Mann.

Sandwich

...... Zutaten ......

Toastbrot　6

Spiegeleier　3

Käse　3

Schinken　3

Zwiebel in kleine Stücke geschnitten

Gurken in Scheiben schneiden

Pfeffer

Alioli/Mayonnaise

...... Zubereitung ......

1. Toastbrot in den Toaster legen und 2~3 Minuten backen, dann rausnehmen und Mayonnaise aufstreichen.

2. Die Gurken, Schinken, Zwiebel, Käse, Spiegeleier auf das Toastbrot legen, mit Pfeffer abschmecken. Guten Appetit!

Sometimes my husband asked me.

Why do you eat like americans?

I ask my husband, You are German, so why don't you eat like German but Spanish?

Because I lived in Spain.

Me too, I say.

Since when?

Never.

Then?

When I was a kid, the U.S. Army was still in Taiwan.

We learned a lot about foreign food from the U.S.

Although I don't know if it's real food in the U.S.

But this is my childhood about American food.

Like the sandwich.

When I was a child.

My mother made me the sandwich with coffee milk at Tea time.

This is very tasty, especially 3 in 1 coffee with 3 ~ 5 sugar cubes.

Yummy!

This is not Tea time, says my husband.

I don't care.

I'm Taiwanese, this is my childhood.

Would you like to try my coffee time, the coffee milk is very sweet, I ask.

Yes, please, says my husband. 

Sandwich

...... Ingredients ......

Toast　6

Fried eggs　3

Cheese　3

Ham　3

Onion cut into small pieces

Cut the cucumber into slices 

Pepper

Alioli/Mayonnaise

...... Method ......

1. Put toast in the toaster and bake for 2 ~ 3 minutes, then remove and spread mayonnaise. 

2. Place the cucumbers, ham, onions, cheese and fried eggs on the toast, seasoning with pepper. Enjoy your meal.