亂皂𥴊仔店 ⓂⒺⒾⓃⓀⒾⓄⓈⓀ

巡菜股，翻田塗人又閣成做一隻貓好玄華文世界 ê「麵沙拉」台語按怎講。

好玄成做貓 ê 我揣答案 ê 第一跤步𫝛款是教典，教典無收錄「沙拉」m̄-koh「沙拉油」 ，教典請教 buē 著 ê 智慧，隨踏第二步公視台語台台語新辭庫，公視台語台有收這个我個人感覺誠無聊 ê 辭「Sa-la」，講著德文 ê Salat 英語 ê Salad 我佮意按 iTaigi 請教來 ê「生菜餐」不過我個人佮意講「生菜盤」生菜佮冷盤。

按「沙拉」我又閣好玄華文世界 ê「冷麵」佮「涼麵」敢是我記憶中 ê 講法？

成做貓第一貓𫝛款貓去教典請教，教典無收，換請教公視台語台台語新辭庫，揣著這兩个佮我囡仔時一模一樣 ê 講法冷麵/líng-mī 佮涼麵/liâng-mī，就隨決定 kā 當初跟綴華文思考 ê「阿草麵沙拉」改寫做「阿草冷麵」。

因為請教「沙拉」我看著「甜菜」二字隨閣成做貓想 bueh 知影華文世界 ê「甜菜」佮「甜菜根」敢閣分 buē 清？

甜菜 --- Hello 醫師無分 Swiss Chard & Beetroot，德文號做 Mangold 佮 Rote Beete。

華文 Wikipedia mā bueh 相仝 kā 伊紹介做「變種甜菜」，mā 是 kā Beetroot 佮 Rote Beete 算做 Swiss Chard「甜菜」一款。

植物智識 tī 我 ê 大腦是 Sahara，不過我猶清楚知影 Swiss Chard 佮 Rote Beete 是無仝品種，像菜擴佮大頭菜是無仝 ê 品種，繼續請教 Google 大眾廟，這是我個人認為紹介甲上清楚 ê 一篇「甜菜，甜菜根，，傻傻分不清楚?！」。

因為請教「冷麵」我 mā 學著早前看《台語聽有無》學著 ê 㴘麵，教典有收這个辭，總是有讀 m̄ 知 14，猶原請教 Google 大眾廟，大眾廟 hōo 我這个詳細 ê 紹介：

「㴘」（bāu）的意思，

代表用燒水共食的物件燙予燒。

「㴘」佮「煠」無款，

煠是燃火煮無熟的物件，囥落去「煮」予熟。

「㴘」就是直接用燒水燙過。

若罩霧 ê 疑問，總算 tī 遮揣著答案 --- 2020.10.16.台視台語新聞逐工一字「㴘」（bāu）

我無確定公視台語台 ê 甜菜敢是我想 ê 茄苿菜(ka-bua̍h-tshài)，起因 tī 大眾廟有讀著有人講伊就是「甜菜根」，我 ê 年間無甜菜根 m̄-koh 我捌甜菜(牛皮菜)。

另外，讀著資料講「甜菜根」是「蕪菁」ê 一類，按教典 ê 紹介，伊是大頭菜一類，我就 kā 伊號做紫頭菜，起因伊 ê 色水 tuì 我來講 m̄ 是紅是紫色，較早 kan-ta 歐洲皇室知影按怎染出來 ê 神秘紫色。

巡菜股，翻田塗正經是一件好代誌。

今年德國總理選舉無 tshan-tshiūnn 頂回遮爾仔鬧熱，總是伊猶原 hōo gún 翁某捷捷提出來破豆。

頂幾日，翁問「咱今仔日 bueh 食啥？」

「Grüner Nudelnsalat」我講。

「我 buē 頓 hōo 𪜶，𪜶 bueh 取消繼承權」翁雄雄發遮 ê 話 hōo 我一時捎無摠，押尾想著翁某有一个人是德國人，這个德國人若是百年伊 ê 牽手抑是頭家攏 ē-tàng 接續伊儉 tī 政府遐 ê 退休金。

「Buē-tàng，buē-tàng 你 buē-tàng 頓 hōo 𪜶，我閣愛等兩冬 tsiah 有法度提著錢」聽我按呢講，伊笑甲軟骨講「有媠某 ê 愛，我 ē 活過這兩冬 mā-ē 儘量莫比你先走。」

「四常是牛有繚，人無料，認真過日子較贏犀牛望月，m̄-koh 我向望 gún 翁健康 m̄ 免愛我 kā 伊換尿苴仔」我講。

「我儘量」翁笑應，紲落來認真講「若是真正 hōo 綠黨選著，𪜶絕對 ē hōo 這條法案通過 mā-ē hōo 咱踅轉去1950 年代。」

「先生，你是 buē 記得恁德國是聯邦制度，政黨佮 tuì 政治有興趣 ê 人又閣厚甲若蠓，是 m̄」我講。

「僫講」翁應。

「你 ê 僫講 mā 是你支持出來 ê，敢 m̄ 是」我講。

Gún 翁是支持無核能電廠 ê 人，m̄-koh 伊無支持無核能電廠就表示家己 ê 電費愛成做若飛天車 teh 走。

「M̄ 管恁德國政策 ē 行到佗一位，我按臺灣來到德國佮你認真做龍鳳 m̄ 是數想你 ê 錢，總是你若有興趣我是真願意成做你 ê 無料銀行」我講。 

「我 ê 銀行目前猶原好好 m̄ 免徙位」伊笑應。

記錄 9 月 26 德國選舉前 ê 翁某破豆。

另外， 這份生菜盤 m̄ 是我起手號 ê 名，這是按德國素食者抑是提頭環保 ê 人所推廣 ê 物食遐看來 ê 食譜。

料理無啥特殊 m̄-koh 菜蔬佮 Sòo-sù 攏要求愛是青色按呢。 

栽欉 --- 2021.10.01

繼續記錄按 minBunun 《成為真正的人》看來 ê 上熟似 mā 上生份 ê 語辭；

1. 二葉松：臺灣柏(Pi̍k)、短毛松 --- 已經 buē 記得按怎講松柏，請教教典，教典 hōo 我 peh 佮 pi̍k，見著 pi̍k 隨聽著阿月阿姨 teh 叫 A-Hu 轉去食飯 ê 聲音「gún 松柏(siông-pi̍k)有 tī 恁遮無？」

2. 黃檜(Hinoki)：厚殼仔 alias 臺灣扁柏，泰雅語號做 Pot，經濟價值大過華文號做『紅檜』ê Binoki 薄殼仔

3. 紅嘴黑鵯：紅喙烏秋、紅喙嗶仔

4. 苧麻：苧(te)仔

5. 小梗木薑子：黃肉樹

台文新辭有 ê 按教典來，有 ê 按網路資料，像特色植物報報，我個人是慣勢跟綴教典抑是公視台語視台跤步行，無屬教典抑是公視台語台 ê 用辭，未來有見著 tsiah 來修正。

阿草冷麵

...... 材料 ......

煠好 ê 意大利麵　160g

小葉菠薐仔　125g

瓜仔哖，削片　1

蒜頭，刴幼

橄欖油　30ml

芳料草

鹽、胡椒

...... 步數 ......

1. 橄欖油、蒜頭、鹽、芳料草、胡椒濫做伙抐 hōo 齊。

2. 麵、瓜仔哖、菠薐仔、Sòo-sù 濫做伙抐 hōo 齊，樂暢來食。

Die diesjährigen Bundestagswahlen sind ein bisschen ruhig.

Es gibt keine Slogans wie sexy Schultz........

Lassen Sie mich nichts Neues mit meinem Mann zu plaudern.

Was gibt's morgen frühstücken, fragte mein Mann.

「Grüner Nudelnsalat」anworte ich.

Ich werde sie nicht wählen, sagte mein Mann.

Was, fragte ich.

Sie wollen das Erbrecht von Ehemann und Ehefrau aufheben.

Du kannst nicht für sie stimmen.

Weil ich in zwei Jahren das Erbrecht bekommen kann, sagte ich.

Ich weiß, lacht mein Mann.

Also, wir sagen, 

Die Kuh hat eine Leine, die Leute haben kein Talent.

Das bedeutet, dass Sie nie wissen, was als nächstes passieren wird.

Also sei kein Nashorn, das den Mond anschaut.

Es bedeutet, dein eigenes Ding ernsthaft zu machen, nicht den ganzen Tag Tagträumen.

Aber Politik wird unser Leben beeinflussen, sagte mein Mann.

Ich weiß, aber Deutschland ist ein föderales System, ist es nicht?

Egal wie Ihre Police aussieht, ich bin nicht wegen Ihres Eigentums mit Ihnen verheiratet, sagte ich.

Ich weiß, anwortet mein Mann.

Deine Spende nehme ich aber sehr gerne an, sagte ich.

Ich weiß, in weiteren zwei Jahren lächelte mein Mann.

Dies ist der Artikel, der vor der Wahl geschrieben wurde.

Grüner Nudelsalat

...... Zutaten ......

Gekochte Nudeln　160g

Spinat　125g

Gurken in Scheiben schneiden　1

Fein gehackter Knoblauch

Olivenöl　30ml

Kräuter

Salz ＆ Pfeffer

...... Zubereitung ......

1. Olivenöl, Knoblauch, Salz, Pfeffer und Kräuter gut michen.

2. Nudeln mit Spinat, Gurken und die Soße gut mischen. Guten Appetit!

This year's general elections are a bit quiet.

There are no slogans like sexy Schultz ........

This kind of quietness leaves me no topic to talk to my husband.

What's for breakfast tomorrow? Asked my husband.

「Green pasta salad」 I answer.

I won't choose her, said my husband.

What? I asked.

She wants to abolish the inheritance rights of husband and wife.

You can't vote for her.

Because I can get the inheritance right in two years, I said.

I know my husband laughs.

Well, we say.

The cow has a leash, the people have no talent.

That means you never know what will happen next.

So don't be a rhinoceros looking at the moon.

It means doing your own thing seriously, not daydreaming all day.

But politics will affect our lives, said my husband.

I know, but Germany is a federal system, isn't it?

Whatever your policy, I'm not married to you because of your property, I said.

I know my husband answers.

But i am very happy to accept your donation, I said.

I know in another two years my husband laughs.

This is the article that was written before the election. 

Green Pasta Salad

...... Ingredients ......

Cooked pasta　160g

Spinach　125g

Cucumber cut into slices　1

Finely chopped garlic

Olive oil　30ml

Herbs

Salt,pepper 

...... Method ......

1. Mix the olive oil, garlic, salt, pepper and herbs well.

2. Mix the pasta with spinach, cucumber and the sauce well. Enjoy your meal!