亂皂𥴊仔店 ⓂⒺⒾⓃⓀⒾⓄⓈⓀ

烏牛大影，好看無好食。

我一直迒 buē 過我認定 ê 藝術又閣無興繼續攢這味就愛家己撨骨 hōo 家己有法度繼續臭頭包布，防蠅(風神)。

這斗 ê 做法是循往過行踏捷克無張持搪著 ê 好滋味，專門提供做穡人食頓 ê 食堂其中一項菜色酸菜炕肉，是講彼日 mā kan-na 這份菜色無別項。 我 tuì 酸菜 ê 印象按遮來巡 ē-tàng 看出伊 tuì 我有偌爾仔無路。不過自彼日 tī 捷克 tsham 伊相拄搪，酸菜成做我意愛 ê 菜色之一，不過 m̄ 管我按怎跟綴 Google 籤詩來 ê 煮食，伊猶原是一粒田螺煮九碗湯 ê 無味無素 hōo 我憢疑家己 ê 舌，凡勢出問題。總是，好里佳哉，捷克無偌遠，波蘭 mā 是，見感覺家己 ê 舌有問題 mā 有機會行踏這兩个角勢就隨款酸菜來試鹹汫，見試無一擺無想著囡仔時上愛 ê 鹹菜鴨。

我 m̄ 知影德國酸菜敢是自較早就遮爾仔酸，總是我清楚知影德國 ê 食品加工厲害甲 hōo 你食甜猶原感覺食酸，像這份報導罐頭草花。另外，我 mā 一直掠做草花料理攏愛切絲 tsiah 有好滋味，押尾 tsiah 發現代誌 m̄ 是戇人我想 ê 遮簡單 mā 漸漸揣著逐條幼甲若絲佮逐條若指頭仔無仝大條 ê 滋味有啥物精差。

這篇記錄原本是記錄白草花炕肉，總是這按 Google 求來 ê 籤詩無敆我 ê 喙斗，我就愛 kā 換新衫。

這斗 ê 新衫是我按記持 ê 捷克炕肉請教 Google 大眾廟，伊做法無複雜而且閣 hōo 白汫無味 ê 白草花 m̄ 免倚靠咖哩遮 ê 芳料就有豐沛 ê 喙尾 hōo 我願意閣來一斗。

(2023.11.19 早起頓 白草花炕肉 + 秮仔 + 優格/915kcal)

Das Land der Bequemlichkeit? - Eine repräsentative Studie zeigt: Fast 40% der Deutschen konsumieren täglich hochverarbeitete Lebensmittel, obwohl sie es eigentlich besser wissen，這款報導 m̄ 是第一斗出現，總是伊 ê 出現 mā 成做我家己 ê 照妖鏡，照出我 tuì 白草花 ê 認捌纏綴伊 kan-ta ē-tàng 做酸菜佮 m̄ 承認 ê 慢牛厚屎尿，伊有 tsuē-tsuē 料理方式，總是我較款 mā kan-ta 款利便包轉來煮一頓 ê 那煮那哭呻 --- 呔 ē 遮爾仔酸、呔 ē 遮爾仔𠕇 ê 德國食食果真無好味素。

報導內容我無興翻譯，總是 tī 今年歇 bueh 十冬 tsiah 閣家己款一粒白草花(Weißkohl)轉來沓沓仔切絲、沓沓仔燖 ê 大雪期間讀著這篇文章，感受真大。

知影 ê 問題 m̄ 願動手改變抑是調整家己 ê 心態，準做鐵拍 ê 身體 mā buē 堪得咱按呢創 --- 文章讀煞，我隨越頭餾一遍 hōo 翁聽，向望這篇文章 ē-tàng 點拄伊 m̄ 通纏綴爸母 ê 癖性，像𪜶老母已經知影家己骨頭含梢(sau)先生 mā 清楚交代海沙仔厝無地復原，伊猶原無要意到前幾月日規間厝正經崩山 tsiah teh 吼早知就好好仔按怎閣按怎。

別人 ê 問題 m̄ 通閣喋，起因我無想 bueh hōo 家己 ê 舌成做豬砧 ê 一部份，總是我 ē-tàng 稽考家己， 是講稽考完結，我愛講我是驚死 ê 人，sòo-pái 我有蠻皮 m̄-koh 猶原無蠻皮到文章報導 ê 按呢，提家己 ê 健康匪類，總是今年 m̄ 知啥物因端 hōo 我開始決定綴季節食食，總是我就是決定綴大自然 ê 跤步食食 m̄ 是綿精綴家己 ê 喙斗喙白，tshan-tshiūnn 寒人猶原 bueh 食熱人 ê 瓜仔哖。

決定真好處理，總是決定 tshan-tshiūnn Ē 生得囝身，buē 生得囝心，我有法度生出這个想法，總是意志有伊 ê 喙斗，無 bueh kā 寒人過甲若熱人，德國 ê 菜蔬就 kan-ta 賰草花、菜擴遮 ê m̄ 是我無愛抑是 gún 翁慼 ê 菜蔬。

「Schickt die Jury nach Hause. Null Punkte」當我 bueh 放棄這項決定，這句早前 tī 冊局讀著 ê 句按海馬迷宮傱出來挨拶。

Ah---我正經是耳仔生兩葉，家己看 buē 著，現此時 ê 網路利便甲 hōo 我大大典典講「食譜」是上免投資 ê 冊，我是 buē 曉上網路請教白草花除了「酸菜」敢閣有其他 ê 食法，是 m̄。

一想著這件往過上慼別人 tuì 咱踅金龜磨 ê 代誌，隨想 bueh 成做鼢鼠一直覕 tī 塗---nih。

鬱著 ê 中氣一敨掉隨請教網路 Wirsing(米蘭草花)、德國尖頭草花(Filderkraut/Spitzkohl)、白草花(Weißkohl)、紺草花(Rotkohl/Blaukraut) ê 特性。

往過 m̄ 捌新鮮上桌 ê 白草花隨成做我回歸四季食食佮入人門，順人意 ê 菜蔬。

--- 2023.12.17

白花草挽肉 Kam-má-tooh 滷

...... 材料 ......

挽肉　200g

Kam-má-tooh，切塊　4

洋蔥，切幼　2

白草花，切絲　1

滾水　800ml

Khu-lì-mù tshì-sù　100g

蒜頭，刴幼

芳料草

鹽、胡椒

...... 步數 ......

1. 洋蔥、蒜頭落鼎芡芳，Kam-má-tooh、芳料草摻落去煮軟，300ml 滾水濫落去煮 10 分鐘，絞做醬。

2. 洋蔥、蒜頭落鼎芡芳，挽肉摻落去炒 hōo 赤赤，白草花濫落去搜齊，滾水、Kam-má-tooh 醬倒落去搜齊，煮 30 分鐘。

3. Khu-lì-mù tshì-sù 摻落去，搜齊，tiàu 寡鹽、胡椒，樂暢來食。

Ehrlich sagt, meine erste Erfahrung mit Weißkohl war nicht so gut.

Ich weiß nicht ist der Weißkohl so schlecht oder der Chef weiß nicht wie man dem Kohl kocht.

Aber ich weiß, ich mag kein Weißkohl, weil er schmeckt nur sauer und weiter sauer.

Aber seit ich die Tschechische Republik und Polen besucht habe, habe ich große Lust auf Weißkohl, auch wenn mein Weißkohl bisher nicht so schmeckt, wie ich ihn aus der Tschechischen Republik und Polen liebe.

Aber, alles in Ordnung.

Weil, endlich, ich weiß Weißkohl, nicht jeder Sauerkraut muss sauer und hart sein, denn Sauerkraut kann Butterzart sein.

Endlich!!!

Weißkohl mit Hackfleisch und Tomatensoße

...... Zutaten ......

Hackfleisch　200g

Tomaten in Stücke geschnitten　4

Fein gehackte Zwiebel　2

Weißkohl in kleine scheiben schneiden　1

Wasser　800ml

Kräuter

Fein gehackter Knoblauch

Frischkäse　100g

Salz ＆ Pfeffer

...... Zubereitung ......

1. Zwiebel mit Knoblauch in den Topf geben und anbraten bis sie goldbraun sind, Tomaten mit Kräuter dazugeben und anbraten bis sie weich sind.

2. Wasser dazugeben und gut mischen, ca. 10 Minuten kochen, dann pürieren.

3. Zwiebel mit Knoblauch in die Pfanne geben und anbraten bis sie goldbraun sind, Hackfleisch dazugeben und anbraten bis es goldbraun ist.

4. Weißkohl dazugeben und gut mischen, Wasser mit Tomatensoße dazugeben und gut mischen, dann ca. 30 Minuten kochen.

5. Frischkäse dazugeben und gut mischen, mit Salz und Pfeffer abschmecken. Guten Appetit!

To be honest, my first experience with cabbage was not so good.

I don't know if the cabbage is that bad or the chef doesn't know how to cook it.

But I know I don't like cabbage because it only tastes sour and more sour.

But since I've visited the Czech Republic and Poland, I've been craving cabbage, even though my cabbage doesn't taste the way I like it from the Czech Republic and Poland.

But, everything is fine.

Because, finally, I know cabbage, not all sauerkraut has to be sour and hard, because sauerkraut can be buttery tender.

Finally!!!

Creamy Cabbage with Minced Meat 

...... Ingredients ......

Minced Meat　200g

Tomato cut into pieces　4

Finely chopped onion　2

Cut the white cabbage into small slices　1

Water　800ml

Herbs

Finely chopped garlic

Cream cheese　100g

Salt ＆ Pepper

...... Method ......

1. Put the onion with garlic in the saucepan and fry until they are golden brown, add tomatoes with herbs and fry until they are soft.

2. Add the water and mix well, cook for about 10 minutes, then puree.

3. Put the onion with garlic in the pan and fry until they are golden brown, add minced meat and fry until golden brown.

4. Add the white cabbage and mix well, add the water with tomato sauce and mix well, then cook for about 30 minutes.

5. Add the cream cheese and mix well, seaon with salt and pepper. Enjoy your meal!