亂皂𥴊仔店 ⓂⒺⒾⓃⓀⒾⓄⓈⓀ

(2022.12.13 早起頓 菜蔬印度卵 Kari + 雞肉雞豆生菜盤 + 清飯 + 蘑菇敏豆炒/720kcal)

翁問「你感覺寫台文抑是華語佗一个較有機會 hōo 人有興趣來行踏？ 」

「毋mˇ 知 diˊ」我應。

「你無歡喜」伊講。

「想 bueh 寫 Blog 閣想 bueh 有 Fans ê 人是你 m̄ 是我，另外我 m̄ 是你 ê Fans 我無法度 uī 𪜶出聲」我講。

「你 mā ē-tàng 成做我 ê Fans...」伊有一个 buē 堪得 hőng 講佮驚得失人 ê 性地隨按呢回答。

我 mā 有一个性地，講過 ê 代誌無愛一直熥 buē 離「你是褪褲放屁 --- 講廢話」我應。

「牛瘦無力，人窮白賊，你若欠錢想 bueh 靠 Blog 起一座金山，寫華文是較有出路，畢竟講華語讀華文 ê 人比你德語德文閣較大四界」見伊無應聲，我直接 kā 問題畫箍仔表示 m̄ 免閣解釋一大拖，直接決定。

伊無應話，總是點外鐘後 ê 翻譯，我已經見著答案 --- 伊選擇寫華文。

「我是學習繁體中文佮講臺灣華語 ê 人，gún ê 語文佮恁 hâm 奧地利𫝛款 ē-thang 總是猶原無相仝，sòo-pái 我愛特別聲明這件代誌，你若愛我 kā 你鬥調整，你 ê 文章押尾 ē 成做凡勢無到3千萬人使用 ê 華文」我講。

「你敢無法度寫中國大陸 ê 中文」伊問。

「你敢有法度寫奧地利 ê 德文」我講。

「Gún 這豬 m̄ 食，狗 m̄ 哺 ê 語言族群有一句話是按呢講，未先學行先學飛，未先種子想挽瓜，你 Blog tsiah 拄畫一撇隨認定遮決定 ē 洘秫秫，你敢 buē 感覺傷過譀呱呱」我講。

「按呢你是 uī-tio̍h 啥物因端堅持 bueh 寫 Blog？」

我知影伊一直攏按呢認為我寫 Blog 決定有目的，絕對無 tshan-tshiūnn 我講 ê 遐爾仔清高 --- 做議量。

「我知影家己頇顢，無法度䀐一目就隨 kā 有興趣 ê 代誌記牢牢，sòo-pái 我想 bueh 迵過這个 m̄ 免提筆寫字 ê 所在練三語筆力  - 台文、德文、英文。」

我感受著家己 ê 腹內火 teh 著隨走便所灇水，伊 mā 發覺家己滓著爸母 ê 歹癖綴 teh 走來便所，隔一个問講「歹勢，我雞仔腸鳥仔肚...」

我 ê 火猶原 teh 著，總是我 mā 清楚知影未放屎先呼狗 kan-ta ē hōo 問題五斤番薯，臭八十一兩 ê 挐氅氅「Gún 講相罵無揀喙，相拍無揀位，我無想 bueh tī 這个時間聽你解釋，總是我向望你 ē-tàng 理解這个世界是五肢指頭仔無平長佮五月十三迎城隍，無旗(奇)不有，你 ê 五里鴟鴞 bueh 啄七里雞仔 m̄ 是每一个人攏佮意 --- 我 ê 灶跤傷過細間。」我刁意故 kā 尾句調到1千分貝來講。

火沓沓仔禁，門拍開見著伊猶原徛踮仝位「猶原是 gún 這个豬 m̄ 食，狗 m̄ 哺 ê 語言族群講 ê 話，激骨，食肉屑，恁𠢕扞鼎 ê 阿母真適合這句話，起因伊 m̄ 捌啥物號做雞是討食焦，鴨是討食澹 ê 尊存，所以伊只好一日到暗提醒別人我是𠢕人，總是我清楚知影我 m̄ 是𠢕人，我 mā 無認為我 teh 做激骨佮有功無賞，拍破著賠 ê 代誌，所以我 buē 閣回應你 tuì 我 ê 喙無迵心肝」講煞隨 kā 伊 ê 簿仔電腦𫞼好勢看伊按怎 tī 遮起厝胚仔。

菜蔬印度卵 Kari

...... 材料 ......

菜擴，切塊　300g

洋蔥，刴幼　1

紅菜頭，切塊　2

滾水　800ml

白脫牛奶　200ml

鬱金粉　1/4TL

Kari 粉　1TL

煠卵　4粒

鹽、胡椒

...... 步數 ......

1. 洋蔥落鼎炒芳，落 Kari 粉、鬱金粉炒芳。

2. 落菜擴、紅菜頭、滾水煮40分鐘。

3. 白牛脫牛奶濫落去抐 hōo 齊，tiàu 寡鹽、胡椒，煠卵鋪落去，樂暢來食。

(13.12.2022 Frühstück Gekochte Eier mit Gemüse und Curry - Gebratene Bohnen mit Champignons - Hähnchen mit Linsen - Reis/720kcal)

Mein Mann hat mich gefragt, denkst du, wenn ich Mandarin oder Tâi-gí schreiben kommt Jemand zum lesen?

Ich anworte nicht, aber sage, ich kann dir helfen aber nicht im Video.

Er denkt ich bin verärgert, aber ich bin es nicht.

Weil, ich liebe Ruhe wie den Tag in der Kirche, der Pfarrer sagt " Meine Lieben Brüder und Schwestern, viel Dank für ihren Besuch.

Und nicht vergessen, die Tür leise öffnen weil Gott liebt Ruhe (Spende keine Münzen). "

Heute, 03.02.2022 ich höre SWR1.

Sie diskutieren über den Bücherverkauf.

Da gibt's es Point mache ich eine Idee zum mein Mann sagen.

" Denkst du, wenn die Bücher billig, dann liest du die Bücher mehr? "

Die frage überrascht mich.

Weil, ich kann mich erinnern, obwohl im Internet viel kostenlos zu lesen ist, die deutschen lesen noch mehr als in anderen Ländern.

Die Autor oder Verkäufer anworte, ich denke nicht.

Was ist los?

Ich frage mein Mann gleich frage.

Er sagt, vielleicht...weil die Bücher jetzt sehr teuer, wegen Steuer.

Dann habe ich eine gute anworte für dich.

Schreibst du Mandarin oder Tâi-gí kommt Jemand zum lesen?

Wenn du das Geld zahlst, dann kommt Zombie helfen.

Oder mich bezahlen, ich mache Zombie für dich.

Ein Klick 1 €, sehr billig.

Eiercurry mit Gemüse

...... Zutaten ......

Kohlrabi in Stücke geschnitten　200g

Möhren in Stücke geschnitten 　3

Wasser　800ml

Buttermilch　200ml

Fein gehackte Zwiebel　1

Kurkumapulver　1/4TL

Currypulver　1TL

Gekochte Eier　4

Salz ＆ Pfeffer

...... Zubereitung ......

1. Zwiebel in den Topf geben und anbraten bis sie goldbraun sind, dann Currypulver und Kurkumapulver dazu geben und gut mischen.

2. Kohlrabi, Möhren und Wasser in den Topf geben, auf kleiner Stufe ca. 40 Minuten kochen.

3. Buttermilch in den Topf geben, gut mischen. 

4. Mit Salz und Pfeffer abschmecken, dann die Eier auflegen. Guten Appetit!

(12.13.2022 Breakfast Vegetables and Egg Curry - Beans and Mushrooms - Chicken and Lentils - Rice/720kcal)

My husband asked me, do you think if I write Mandarin or Tâi-gí, will someone come and read?

I don't answer but say I can help but not in the video.

He thinks I'm upset, but I'm not.

Because, I love rest like the day in church, the pastor says "My dear brothers and sisters, thank you very much for your visit.

And don't forget to open the door quietly because God loves silence (don't donate coins). "

Today, February 3rd, 2022, I'm listening to SWR1.

They discuss book sales.

Since there's point I'll make an idea to tell my husband.

" Do you think if the books are cheap then you read the books more? "

The question surprises me.

Because, I can remember, although there is a lot to read for free on the Internet, Germans read even more than in other countries.

The author or seller replies, I think not.

What's happening?

I'll ask my husband the same question.

He says maybe...because the books are very expensive now because of taxes.

Then I have a good answer for you.

Do you write Mandarin or Tâi-gí does anyone come to read?

If you pay the money, Zombie will come to help.

Or pay me, I'll make zombies for you.

One click €1, very cheap. 

Vegetables and Egg Curry

...... Ingredients ......

Kohlrabi cut into pieces 　60g

Carrots cut into pieces　3

Water　800ml

Buttermilk　200ml

Finely chopped onion　1

Turmeric powder　1/4TL

Curry powder　1TL

Boiled eggs　4

Salt, pepper 

...... Method ......

1. Put the onion in the saucepan and fry until golden brown, then add the curry powder, turmeric powder and mix well. 

2. Put the kohlrabi, carrots and water in the saucepan, cook on a low heat for about 40 minutes.

3. Pour buttermilk into the saucepan, mix well.

4. Season with salt and pepper, then lay the eggs. Enjoy your meal!