亂皂𥴊仔店 ⓂⒺⒾⓃⓀⒾⓄⓈⓀ

(2023.12.02 早起頓 番薑仔挽肉秮仔飯焗 + Quark/907kcal)

今年露台影戲加一位前幾冬 m̄ 捌看過 ê 朋友「山雀」。

伊 ê 出現 hōo 慒心家己 kā 包袱仔款款出門掠外，繩 Like Amsel like your ma ê 「Amsel/歐洲烏鳥/Eurasian blackbird」mā 轉來。

看來，彼欉 hōo 我擘腹厝頭家若是 kā 剉掉遮 ê 鳥仔 bueh 蹛佗位 ê 問題，窮實是我家己驚惶 ê 投射。

是講，我 mā m̄ 知影是按怎家己 ē 遮爾仔愛驚惶，不過我清楚知影彼若是自囡仔時就慣勢 ê 自然，咱攏愛活 tī buē 振動 ê 慣勢內底。

彼欉 hōo 二樓厝邊嫌閘光 ê 相思仔已經 hōo 厝頭家剉甲連拄 ē 曉行路 ê 幼嬰仔攏有法度自自在在坐起去𨑨迌，花園 ê 鳥隻猶原無減半隻，甚至閣添新朋友山雀。

動物面對咱人類無講無呾 ê 改變，𪜶有法度自然綴這个改變繼續自在生活，是按怎我愛按呢 kā 家己縛 tī 見 buē 著 mā m̄ 知伊敢 ē 照我設定 ê 戲文來搬戲 ê 未來遮爾仔慒心，我正經是食飽換枵。

是講按呢自我對話，我 mā 好玄遐 ê 綴日鬚踅圓箍 ê 鴟鴞，敢有興趣 tī gún 遮停跤？ 

--- 2022.04.05

讀 Struggling Millennial homeowner: I didn't need my degree 我想著 tī 遮搪著 ê 臺灣朋友佮鄭華娟女仕 tī 書寫德國系列捌分張 ê 故事。

鄭華娟女仕寫著德國人見著閒甲一日貼貼 ê 伊是啥物態度佮伊家己 ê 自在，tī 遮 ê 臺灣朋友轉去臺灣講家己留學德國、嫁德國人、生半仿仔囝 mā tī 德國做穡佮蹛德國 ê 窮真，tī 一日固定頭路結束伊猶原愛做散工過日 ê 無奈。

「彼日 H 問敢做 ē 慣勢 hōo 我想著我捌佮你分張 ê 作者，伊寫 ê 故事 mā 想著 Y 知影問題煞繼續要求後生愛行𪜶翁某 ê 路」讀著有超過70% ê 美國人感覺家己足散，mā 聽著 uī-tio̍h bueh 增加收入 sóo-tí 姑不而將成做網衝 ê 受訪者，𪜶 ê 故事 hōo 我想著 tī 德國 ê 日子隨佮翁話故事。

「伊準備 bueh 退休，伊無可能佮咱仝款去鬥遐 ê 工課來補伊開慣勢 ê 額」翁講。

「我知，我提起 H ê 故事 kan-ta 步頻想著，我 m̄ 捌要意你遮 ê 朋友𪜶 ê 人前人後捎五仁妝激面」我講。

Tī 我猶未徒岫進前我捌聽人分張德國人 tuì 職業佮學歷 ê 態度，總是彼陣 ê 我人無蹛踮遮 mā 無 tī 遮作穡 tuì 遮 ê 分張無啥特別 ê 感受，人徒岫來遮開始綴遮 ê 朋友感受𪜶 ê 無四序，總是凡勢我真清楚家己 ê 狀況，sòo-pái 我 m̄ 捌 uī-tio̍h 遮 ê 激面感覺無四序，顛倒若見著無洗身軀 ê 鳥鼠按呢，足鼠(趣)味。

一个人有法度因為別人 ê 職業轉變開始有無相仝 ê 態度，這 mā 是厲害。

是講，凡勢這是足四常 ê 代誌，總是我做 buē 出來，起因攏是工課，m̄ 管歡喜做抑是 uī-tio̍h 一頓飽 tsiah 做穡，攏是好代 ê 無宛 2 體，sòo-pái 我 buē 因為比論本底是醫生 ê 人，換頭路換到徛超市櫃檯就認為伊決定有啥物大問題，猶是替伊感覺卸面子。

Gún 翁朋友佮其他人 ê 故事寫到遮就好，畢竟彼是別人 ê 代 m̄ 是 gún-ê，gún 清楚知影家己需要啥物佮過啥物日子較重要，特別是 gún 翁某 m̄ 免 uī-tio̍h 退休擘腹錢無夠開，抑是揣無工課。

論真講，德國有 tsuē-tsuē 穡通做，總是面子大過遐 ê 無合身份 ê 工課，sóo-tí 愛 hōo gún 翁佮家己拍噗仔。

Gún 翁猶未行到退休，總是伊認為生活 mā m̄ 免過甲遐爾仔密，sóo-tí 伊換散工來做，無做散工 ê 日子就是 gún-ê 車日子露營，我 mā 做散工，起因一日閒甲掠蝨母相咬 mā m̄ 是辦法，無散工 ê 時間就寫 Blog 抑是翁某做陣出外行跤花佮車日子露營。

我佮 gún 翁攏 m̄ 是𠢕趁錢 ê 人，總是 gún 攏清楚知影面子正經無值甲需要惜命命愛拚勢展媠 ê 彼面 hőng 看，畢竟歲頭 ē 疊，面皮 mā-ē 皺，一日做仙有啥人 ē 要意咱拑牢 m̄ 願放 ê 面子。

好好過日子，享受生活比面子佮擘腹 m̄ 知 ê 未來閣較重要。

☕ 當家己較有耐性願意沓沓仔繩無仝語法故事 tsiah 發見新聞故事敢若無分角勢。 

像美國 CNN 講著社會經濟問題，德國 mā 出現 bueh 相仝 ê 議題，準做外表看起來無相仝，總是本質無宛 2 體，m̄ 願放下彼張紙𤆬 hōo 咱 ê 激派頭，人生猶是大腸告小腸 buē hōo 咱有時間食飽換枵，像這久 ê 我有法度食飽換枵 kā 寫過 ê 食譜拊掉提來仕上げ是因為我無才調得著彼張紙 m̄-koh 我願意放下激派頭鬥工課。

是，我 ē 講鬥工課，起因願意接受我 ê 工課，𪜶攏引𤆬我認捌家己 m̄ 捌抑是掠做理解，窮真是 m̄ 捌半項 ê 世界。

番薑仔挽肉秮仔飯焗

...... 材料 ......

挽肉　200g

Kam-má-tooh 罐頭　200g

番薑仔，切橛　3

Khu-lì-mù　50g

芳料草

秮仔　150g

洋蔥，刴幼　1

番薑仔粉　1TL

蒜頭，刴幼

滾水　300ml

Tshì-sù　100g

鹽、胡椒

...... 步數 ......

1. 洋蔥、蒜頭落鼎芡芳，挽肉、番薑仔摻落去炒 hōo 赤赤。

2. 番薑仔粉、秮仔、滾水、Kam-má-tooh、芳料草濫落去抐 hōo 齊煮20分鐘，tiàu 寡鹽、胡椒。

3. Khu-lì-mù濫落去攪 hōo 齊，Tshì-sù 鋪落去，落烘箱捘180度烘20分鐘，樂暢來食。

(02.12.2023 Frühstück Hirse mit Hackfleisch und Paprika überbacken - Quark/907kcal)

Ich bin besorgt als der Baum gefällt wurde.

Alle Vögel haben kein Haus mehr.

Aber, sofort denke ich, Bäume sind wie unser Leben.

Weil wir uns weigern, uns zu ändern, machen wir uns Sorgen um die Zukunft, sogar um das Unbekannte.

So lass uns warten was passiert wenn der Baum gefällt ist.

Heute zur Frühstückzeit.

Like Amsel like your ma die Amsel ist zurück.

Diesmal, sie Beschwerd sich nicht.

Spatzen sind immer da.

Und...oje.

Wir haben neue Besucher die Meise.

Was einen wunderschönen Frühling.

Und ich erwarte...den Bussard.

Warhscheinlich... du gehst in den Wald, ist schnell und einfach zu sehen, lacht meinem Mann.

Wenn er hat deinen Wunsch gehört.

--- 05. 04. 2022

Also, das Sauerkraut Rezept möchte ich nicht wieder kochen und ich habe keine neue Idee für den neuen Artikel. Warum kochen ich das Rezept und zu schreiben  wie gut es schmeckt usw

Dann lassen Sie den Artikel hier.

Hirse mit Hackfleisch und Paprika überbacken

...... Zutaten ......

Hackfleisch　200g

Tomaten aus der Dose　200g

Hirse　150g

Käse　100g

Kräuter

Paprika in Stücke geschnitten　3

Fein gehackte Zwiebel　1

Paprikapulver　1TL

Sahne　50g

Fein gehackter Knoblauch

Wasser　300ml

Salz ＆ Pfeffer

...... Zubereitung ......

1. Zwiebel und Knoblauch in die Pfanne geben, anbraten bis sie goldbraun sind.

2. Hackfleisch und Paprika in die Pfanne geben und goldbraun braten, das Paprikapulver dazugeben und gut vermischen.

3. Wasser mit Hirse, Tomatensoße, Kräuter dazugeben und gut mischen, dann ca. 20 Minuten kochen.

4. Sahne dazugeben und gut mischen, dann mit Salz und Pfeffer abschmecken.

5. Käse darüber geben und bei 200 Grad 20 Minuten backen. Guten Appetit!

(02.12.2023 Breakfast Minced Meat with Bell Peppers and Millet Bake - Curd cheese/907kcal)

I am worried that the tree will be sawed.

All birds have no house anymore.

But, immediately I think trees are like our lives.

Because we refuse to change, we worry about the future, even unknown.

So let us wait for the day of saw.

Today for breakfast time.

Like Amsel Like Your Ma The Blackbird is back.

This time, he didn't complain.

Sparrows are always there.

And ... yes!

We have new visitors the Tit.

What a beautiful spring.

And I expect ... the Bussard.

Maybe ... you go to the forest, is quick and easy to see, laughs my husband.

If he heard your wish.

--- 05. 04. 2022

Well, I don't want to cook the sauerkraut recipe again and I don't have any new ideas for the new article. Why do I cook the recipe and write how good it tastes and so on.

Then leave the article here.

Minced Meat with Bell Peppers and Millet Bake

...... Ingredients ......

Minced meat　200g

Canned Tomatoes　200g

Millet　150g

Cream cheese　50g

Herbs

Cut bell peppers into pieces　3

Finely chopped onion　1

Paprika powder　1TL

Cream　50g

Finely chopped garlic

Salt,pepper 

...... Method ......

1. Put the onion and garlic in the pan, fry until they are golden brown.

2. Put the minced meat and paprika in the pan and fry until golden brown, add the paprika powder and mix well.

3. Add the water with millet, tomato sauce, herbs and mix well, then cook for about 20 minutes.

4. Add the cream and mix well, then season with salt and pepper.

5. Pour the cheese over it and bake at 200 degrees for 20 minutes. Enjoy your meal!