亂皂𥴊仔店 ⓂⒺⒾⓃⓀⒾⓄⓈⓀ

(2023.11.27 早起頓 挽肉番薑仔秮仔飯 + 優格/914kcal)

Bueh hōo 現實生活過著有意義，kan-na 創作 --- 川端康成

《拯救莎曼珊》(Saving Samantha)有一段話「感謝書寫」改變我 ê 世界 mā hōo 我揣著家己。

少年讀這本冊佩服作者黜臭挖空家己 ê 問題，這久我 mā 綴 leh 寫，總是人行到這个坎站有足 tsuē 代誌，m̄ 知是貧惰抑是 buē 閣綿精纏綴遐 ê 問題硩金龜磨，起因𪜶 tsham 遐 ê 人、事、物攏成做一陣風，揣無 mā buē 繼續專工揣風箱來挓火。

Sóo-pái 講過一擺、二擺就 m̄ 免繼續乞食扮嘉慶，假仙假觸，有 ê 無 ê 濫糝講到今，抑是拚勢換小鬼仔殼來妝娗家己設定 ê 人生，不過我有這个向望寫 Blog 較莫寫別人兜 ê 代，總是我是普通百姓，無可能完全無寫著別人兜 ê 代，sóo-tí 寫 Blog mā 成做我 bueh Seinen Senf dazu geben(發表個人意見)真重要 ê 關門著閂(tshuànn)，講話著看 ê 點拄。

𫝛時，寫 Blog mā 是廕 Ich koche vor Wut➀(風火著)佮 kā 電線サラダ(Kabelsalat➀)好好仔整理 ê 當你 kā 盤食甲清清，明仔載就有好天氣(Wenn du deinen Teller leer isst, gibt es morgen gutes Wetter➀) ê 認真面對咱總愛三罐栽落 tsiah 有法度硩嗽 ê 癮。

像猶未寫 Blog 進前，我真𠢕綿精綴四常 ê 料小踅金龜磨，像捷 tuì 翁講𪜶老母 ê 金句「Man kann das Essen nicht essen, du muss das essen」(你 buē-tàng 食這，你愛食這)，開始寫 Blog mā 開始成做 Samantha 我發見綿精成做𪜶爸母 ê 副本 buē hōo 我解決伊按𪜶爸母遐承來 ê 病症，我按呢攑日本剾刀 kā 倒剾 mā m̄ 捌得著恬靜，不過規腹火 m̄ 捌廕掉過，顛倒反愈挓愈猛 hōo 我成做白娘娘水淹金山寺 - 大動干戈，是講 mā 無遮爾仔譀古，m̄-koh 我確實捌 tī 馬祖 kā gún 攏講好 ê 食食，伊食伊 ê 牛肉麵我食我 ê「魚麵」ê「Man kann das Essen nicht essen」 規碗麵無摸隨徛起身越頭離開，m̄ 管伊按怎 tī 後頭姑情我轉去食麵，我就是 m̄ 轉去一路行轉去人民厝遐揣食。

這是我做過上蓋無禮貌 ê 回應，是講按呢回應總比隨佮伊冤家 hōo 伊無面子 mā hōo 家己 buē 卸面皮閣較好，起因火 teh 著，啥物漚古物攏 ē 捎出來烘 hōo 伊鼻芳，敢 m̄ 是。

Blog 自 2019 寫到今，一直 teh 整理遮包過 ê 餡，我發見我真僫成做 Samantha m̄-koh 我 mā tī 這段日子聊聊仔立地成佛 kā 向時 ê 副本擲挕捒 mā buē 閣招翁做陣 tī 冰庫內底講話，是講我 mā 真僫徛 tī 冰庫內底佮伊講話，起因我 buē 堪得熱毒(jia̍t-to̍k)，伊 mā 是，只是伊自囡仔時就慣勢食𪜶爸母煮 ê 紅蟳，sòo-pái 現此時伊 mā 承著𪜶爸母 ê 喙斗，紅蟳食通海 mā 無應效，總是伊 mā 知影豆腐乾煮肉，有葷素(分數)，我 m̄ 是𪜶爸母其中一个，伊若堅持繼續食紅蟳有一日 mā ē-tàng 順紲搣鹽捊心肝，豉(死)心，起因𪜶某 m̄ 是外甥仔點火，一切照舊 ê 人。

我 ê 天公伯，遮 ê 清飯又閣熥一斗，不過我清楚知影這是熥我家己 ê 清飯，無請閰羅王投稿，鬼話連篇捎別人 ê 米來落鼎。

Bueh hōo 現實生活過著有意義，kan-na 創作

我 buē 曉創作，總是迵過閱讀，總有法度 hōo 我想著四常 ê 料小紲落來 kā 伊寫做一篇文章，像這久讀著 Rot, gelb oder grün? Welche Paprikafarbe am gesündesten ist hōo 我想著佮翁做伙喋詳 ê 料小。

「Google 推薦你讀啥」翁問。

「果子」話 tsiah 出喙 gún 翁已經 kā 牛目徙來我 ê 手機仔頂講「彼是毒藥。」

「我可憐 ê 翁，咱兜拄好有毒藥，而且是明仔載 ê 主角」我笑應。

窮實，寒人我較無愛 bué 甜椒，起因伊是 iōng 玻璃厝(Glasshouse)硬栽出來 ê 菜蔬 m̄ 是順季節生長 ê 菜蔬。

不過，我猶是普通老百姓，我有人心肝，牛腹肚，痟貪軁雞籠 ê 食菜，食菜，食甲肚臍為界 ê 癖，見搪著荷蘭來 ê 玻璃厝甜椒俗甲比寒人菜蔬閣較俗，無 kā 伊捎一袋轉來準做有夢罟(Dreamcatcher) 我猶是 ē 做惡夢，總是自愈來愈 tsuē 人要意氣候變遷 ê 問題，遮足食電閣食水 ê 玻璃厝菜蔬 mā 沓沓仔漲懸價， hōo 人，至少我 buē 閣 uī-tio̍h 落價行入資本家 ê 囮，像這久 ê Kam-má-tooh 貴甲連「魚指」攏比伊閣較俗，我自然就 ē 選擇當初 uī-tio̍h bueh 改善食食保存問題所發明 ê 罐頭 buê 堅持 Kam-má-tooh 醬愛家己煮，這个態度 mā 影響著 gún 翁。

向時 ê 伊一年迵天愛食サラダ，這久 buē 閣堅持愛食サラダ過日，是按怎伊 ē 按呢生，無啥物特別 ê 因端，一支サラダ瓜仔哖➁ ē-tàng bué 一包無品牌壓力 ê Parboiled rice hōo 伊得著大碗閣滿墘 ê 幸福閣免喙繼續饞，腹肚 mā 繼續枵。

文章重點記錄

1. 紅色甜椒礦物質上懸

2. 有淡薄仔苦味 ê 大同仔碳水化合物上低，上適合 bueh 糋膩瓤 ê 人

3. 遮 ê「果子」攏有豐沛 ê Vitamin-C

4. 遮 ê「果子」攏有豐沛 ê 鉀

5. 遮「果子」ê 營養 buē 因為 「料理」就偷走厝

➀ 德語俗諺

➁ 咱食慣勢 ê 瓜仔哖 tī 遮號做 Mini-Gurke 抑是 Snack-Gurke，サラダ瓜仔哖是長條形，專門做サラダ無適合提來炒豆油彼款(個人喙斗無表示伊就是按呢)。

食譜佮錢袋仔仝款，錢袋仔厚無表示有錢，食譜冊厚無表示 tsuē 項攏合味。

這是其中一份我感覺有 14 ê Pilaw 料理，雖罔我猶原無照步來料理，像人是煮北非秮仔 Couscous 我是煮秮仔，總是食譜是參考 m̄ 是規定，合家己喙斗 ê 美味しい比十二點鐘，摃十二下較重要。

紫色 ê 字辭攏是按公視台語台辭庫網讀著 ê 新辭。

「優格」本底是寫「Yogur」，這是按 gún 二姊遐學來--ê，Yogur 是西班牙語，我想 bueh 保留這个講法，總是臺灣有家己 ê 講法，按呢我就照咱家己 ê 講法記錄，畢竟加一个語辭，加一个音階。

有新辭，免家己愖，蓋幸福。

--- 2024.01.09

挽肉番薑仔秮仔飯

...... 材料 ......

番薑仔，切塊　2

大同仔，切塊　1

秮仔　150g

洋蔥，刴幼　1

挽肉　200g

Kam-má-tooh，切塊　2

滾水　500ml

蒜頭，刴幼　

新娘衫

薰衫草

鹽、胡椒

...... 步數 ......

1. 洋蔥、蒜頭落鼎芡芳，Kam-má-tooh、新娘衫、薰衫草摻落去炒軟，200ml 滾水濫落去煮20分鐘絞做醬。

2. 挽肉落鼎炒 hōo 赤赤，番薑仔、大同仔、秮仔、Kam-má-tooh 醬、300ml 滾水濫落去搜 hōo 齊，捘䆀䆀仔火煮甲收水。

3. Tiàu 寡鹽、胡椒，樂暢來食。

(27.11.2023 Frühstück Hirse mit Hackfleisch und Paprika - Joghurt/914kcal)

Also, ich stimme der Idee dieses Artikels zu, Rot, gelb oder grün? Welche Paprikafarbe am gesündesten ist, lass uns das Gemüse im Saisonal essen, wie Paprika ist Sommer Gemüse, lass uns das Gemüse im Winter nicht essen.

Ich stimme der Idee sehr zu, aber leider, ich bin eine normale Person, ich habe mein egoismus, wenn ich ein gutes Angebot finde.

Ich werde die Idee im Schrank lassen, und sage, also nur dieses Mal, nicht mehr.

Aber, wirklichkeit ist es nicht nur diese Mal,es  ist IMMER.

Mann....ich weiß ich sage nur heiße Luft, aber ich bin sehr ehrlich mich meinem Problem zu stellen.

Und manchal ich habe gedacht, vielleicht ich bin so ehrlich, deshalb, Google weiß was ich möchte, bevor ich Google frage um mein Problem zuhelfen.

Ich meine, was kann ich für mein Mann und mich kochen.

Ja, ich frage Google immer,nach einem Rezept, aber an dem Tage ich weiß was ich kochen möchte, ich frage Google nicht.

Google zeigt mir den Artikel noch....

Mann!

Google, willst du mir ein schlechtes Gewissen machen?

Fühle ich mich schuldig?

Liebes Google, 

Ich weiß, dass ich dieses Problem habe, und darauf kann ich nur antworten ~ Zu Spät(Ich wollte nie erwachsen sein).

Paprika mit Hackfleisch und Hirse, lecker!

Hirse mit Hackfleisch und Paprika

...... Zutaten ......

Paprika in Stücke geschnitten　3

Tomaten in Stücke geschnitten　2

Fein gehackte Zwiebel　1

Fein gehackter Knoblauch　

Hackfleisch　200g

Wasser　500ml

Hirse　150g

Kräuter

Salz ＆ Pfeffer

...... Zubereitung ......

1. Zwiebel mit Knoblauch in den Topf geben und anbraten bis sie goldbraun sind, Tomaten dazugeben und anbraten bis sie weich sind.

2. 200ml Wasser mit Kräuter dazugeben und gut mischen, dann ca. 20 Minuten kochen. 

3. Hackfleisch mit Paprika in die Pfanne geben und anbraten bis sie goldbraun sind.

4. Hirse mit Hackfleisch, Bohnen und 300ml Wasser in den Topf geben und gut mischen, dann auf kleiner Stufe kochen bis das Wasser weg ist.

5. Mit Salz und Pfeffer abschmecken. Guten Appetit!

(27.11.2023 Breakfast Millet with Minced Meat and Bell Peppers - Yogurt/914kcal)

I agree with the idea of this article, Rot, gelb oder grün? Welche Paprikafarbe am gesündesten ist, let's eat the vegetables in season, like peppers are summer vegetables, let's not eat the vegetables in winter.

I very much agree with the idea, but unfortunately, I'm a normal person, I have my selfishness when I find a good deal.

I will leave the idea in the closet, and say, so just this time, no more.

But, reality is it's not just this time, it's ALWAYS.

Man.... I know I'm just talking rubbish, but I'm very honest about my problem.

And sometimes I thought, maybe I'm so honest, so Google knows what I want before I ask Google to help my problem.

I mean, what can I cook for my husband and me.

Yes, I always ask Google for a recipe, but on the day I know what I want to cook, I don't ask Google.

Google still shows me the article....

Man.

Google, do you want to make me a guilty conscience?

Do I feel guilty?

Dear Google,

I know that I have this problem and I can only answer that ~ Zu Spät/too late(Ich wollte nie erwachsen sein).

Paprika with minced meat and millet, delicious!

Millet with Minced Meat and Bell Peppers

...... Ingredients ......

Bell peppers cut into pieces　3

Tomatoes cut into small pieces　2

Milet　150g

Water　500ml

Finely chopped onion　1

Minced meat　200g

Finely chopped garlic　

Herbs

Salt＆ Pepper

...... Method ......

1. Add the onion and garlic to the pan and fry until golden brown, add the tomatoes and fry until soft.

2. Add 200ml water with herbs and mix well, then cook for approx. 20 minutes.

3. Add the minced meat and bell peppers to the pan and fry until golden brown.

4. Put the millet, minced meat, beans and 300ml water into the pan and mix well, then cook on a low heat until the water has gone.

5. Season with salt and pepper. Enjoy your meal!