亂皂𥴊仔店 ⓂⒺⒾⓃⓀⒾⓄⓈⓀ

(2023.12.11 早起頓 米蘭草花雞肉飯法國焗 + 木瓜/1005kcal)

我相信每一个觸著心 ê 事件攏有伊 ê 啟發佮提醒。

受訪者「我無認為我是瑞士人，正經，我一屑仔攏無認為我是遐 ê 人，m̄-koh gún 爸母確實是瑞士人。」

受訪者「我六個月大 hōo tī 加拿大揣著穡頭 ê 爸母𤆬來遮，瑞士我捌轉去 mā-ē 曉講瑞士德語，我猶是無認為我是瑞士人，正經講。」

受訪者「若是硬 bueh 講我佮瑞士 ê 關係 kan-ta 我 tī 遐出世佮爸母按遐來這層 niā-tiānn。」

受訪者「我 ê 生活過甲若瑞士，m̄ 是我佮意瑞士抑是認同瑞士，這只是承爸母教 hōo 我 ê 四常，像這久 ê 釣魚。」

這是 3Sat 看著 ê 紀錄片 mā 是開破半路參加節目就隨掠受訪者是回泅三文魚 ê 我理解這 m̄ 是倒轉去家鄉 ê 故事，mā hōo 本底想 bueh 踅台 ê 我開始停跤繼續看落去上重要 ê 一節。 

「你外省人！」

「你 m̄ 是外省人，你是本省人！」

「你 m̄ 是臺灣人，你是臺灣人！」

這部記錄片 m̄ 知按底時起鼓，總是煞鼓愛等到翻點，隔轉工猶有代誌愛無閒 ê 我無綴 leh 踅到翻點，不過 tuì 我來講我已經看著影片上重要 ê 一節，身份認同佮 uī-tio̍h 面子沐沐泅 ê 姻緣。

本省佮外省愛按怎區別，我 m̄ 知影，總是我真清楚知影我 tī 地球 ê 臺灣島出世大漢，sóo-tí 我 buē 閣 uī-tio̍h 這个問題惱氣兼跳童，像受訪者按呢「你若認為我有瑞士人 ê 範，彼 kan-na 因為我承 gún 爸母教 hōo 我瑞士傳統，這个傳統我 mā 拄好佮意 niā-tiānn。」

總是 uī-tio̍h 面子沐沐泅 ê 姻緣 hōo 我認真思考家己 ê 問題。

「咱若行向隨人付米，隨人落鼎絕對 m̄ 是走私野味抑是門扇枋鬥 buē 峇，是一个掠做家己 m̄ 捌纏綴爸母跤步，一个無法度跟綴恁兜跤步，sóo-tí m̄ 願意煞戲 mā 愛煞戲」新正 tsiah 拄起鼓，我已經攢好紙佮筆 bueh hōo gún 翁牽名，雖罔這个方式 tī 遮徛無位，總是彼是我 ê 保領，我 buē 要求伊拆一仙五銀 hōo 我。

「你 tī 做啥物」訪問者問。

「烘雞肉、煎牛排、備馬鈴薯沙拉 ê 材料...」受訪者答。

「今仔日有人客 bueh 來？」訪問者問。

「無，m̄-koh 今仔日是我 ê 歇睏日，我 bueh 快樂做寡我愛做 ê 代誌」受訪者講。

「你無快樂」訪問者問。

「我哪有無快樂，我 ê 婚姻遮爾仔幸福美滿、兩个後生又閣乖巧、我 ê 事業成功人閣蹛 tī 天堂，呔 ē 無快樂...」畫面恬靜一睏仔後「我逐日頂真過日 hōo 四常圓滿美麗 hōo 人欣羨....」畫面又閣恬靜一睏，本底真有元気(Genki) ê 受訪者步頻成做消風 ê 四跤仔「我 m̄ 知影愛按怎講落去，總是我清楚知影我有好好仔綴編劇搬戲，搬伊意愛 ê 家庭戲齣...」

受訪者 ê 拆白 hōo 訪問者一時 m̄ 知愛按怎接喙，畫面沓沓仔越向無開電火 ê 角勢伴「無人要求你搬戲...」，無 tī 畫面內底 ê 受訪者應聲「咱攏 tī 搬戲」這久我 tsiah 知影訪問者是受訪者 ê 後生 mā 想著 2016《日常對話》ê 評論「我們需要不用超譯的日常對話」 。

當「愛」成做理所當然 ê 跤枷，你 ê 鬱卒是無枷夯交椅，你 ê 需求是硬 bueh hōo 我 ê 鬱拗 。

Tī 女主人詬唸一睏仔，男主人 tsiah 恬靜徛起身行向客廳綴女主人手指 ê 每一个日子直 tìm 頭講「你安排就好，綴你安排行就好....」ê 畫面換做兩人靜恬𤲍 tī 膨椅，男主人若四角磚總算踏著一細角恬靜𫝻手機仔，女主人若四角磚齊伊 ê 位䖙 tī 膨椅，看起來恬靜恩愛 ê 畫面，中間隔一个明顯 ê 界線 --- 像刺蝟按呢，無法度徛相倚。

「我 uī-tio̍h 你已經無 teh 看德語節目，這久你閣無歡喜，你是 bueh 按怎....」

設定好 ê 攝影機 m̄ 捌振動，食飯桌頂 ê 人 mā tshan-tshiūnn 攝影機仝款，攝過 ê 影片一直轉一直轉，轉到有人願意揤暫停。

「這久 bueh 11:50，你有 10 分鐘 ê 時間通訪問，你問題敢已經攢好勢？」男主人徛 tī 若磺火燈下 ê 灶跤 tuì 攝影者講，畫面徒去食飯廳揤暫停後 ê 畫面「願得一心人，白首不相離 ê 睏破三領草蓆，掠伊心肝 buē 著.....」

「無人愛冤家，總是人閣較按怎臭耳聾見著人喙開合 m̄ 捌改變 mā-ē 生頭清面」男主人回答，後生問「押尾恁做陣講寡啥」，男主人看一下仔手錶講「今仔日是我 ê 歇睏日 mā 是無 tī 箍仔 ê 日子，我有自由選擇底時精神、底時食飯....時間到 12 點，訪問結束。」

「猶未 12 點」後生應。

「今仔日是我 ê 時間，我講時間到就時間到」男主人講，畫面繼續踅轉去女主人目屎流目屎滴䖙 tī 眠床𤉙苦湯 hōo 後生佮伊做伙啉，我 mā kā 電視關掉，越頭 tuì 翁講「恁 tī 電視頂」。

我講這句話無特別 ê 14，若講有啥物特別 ê 14 kan-ta 若人講我捌去過美國，去過美國 ê 你 mā-ē 綴 leh 喋美國，只是喋到佗落隨在人個性。

「𪜶 ê 問題佮我無底代 m̄ 免 tuì 我講」翁 buē-su 食著炸彈紲喙講，本底無情緒 mā 準備 bueh 綴愛睏神 onn-onn 睏 ê 我隨若食著 moo-hui 精神飽滇講「你若堅心認為我 ē 綴恁兜 ê 跤步行，較早睏較有眠，暗安」斡頭行 uī 睏房，m̄ 插伊紲落來 ê 解釋。

隔轉日伊又閣餾一斗伊 ê 14，我 mā 恬靜聽伊餾，伊看我一句話攏無應目屎輾出來講「我真正無彼个意思...」

「我無興趣研究你 ê 問題，總是恁兜 ê 苦湯無適合我，我 mā 無愛食」講煞手攑懸表示，看診時間到，我 bueh 出門，起因自搪著宗助佮阿米我 mā 揣著方向，sòo-pái m̄ 免閣了時間掠做家己是華佗有法度治伊 ê 病灶，不過我需要治家己 ê 病灶。

現此時我清楚知影家己猶無彼个勇氣斡頭就走，總是我已經節著脈，知影按怎煎藥仔 hōo 家己食，曷彼个德國爸母 ê 老嬰 leh，伊敢知影按怎揣醫生治病？

我 m̄ 知影，總是我知影伊 mā teh 揣辦法來治伊 ê 歹症頭，起因這粒瘤無挽，m̄ 管伊按怎成做爸母 ê 副本，搪著𪜶無歡喜就撏銀兩來廕𪜶 ê 火氣解決問題，這 tuì 我來講 m̄-nā 是白了工閣是柴樠點火較光油。

未來 ē 成向佗一爿，我 m̄ 知影，總是我 bueh kā 家己拍噗仔，起因我 mā 沓沓仔成做《拯救莎曼珊》(Saving Samantha)，有法度佮問題對話 tsiah 有法度解決問題。

感謝 Blog hōo 我有一个所在薅草、翻塗、翻草兼吐苦湯，感謝 Blog。

米蘭草花雞肉飯法國焗

...... 材料 ......

米蘭草花，切絲　1/2

酸クリーム　100g

雞肉，切塊　400g

紅菜頭，切片　1

洋蔥，剁幼　1

滾水　500ml

番薑仔粉　1TL

卵　1

チーズ　100g

清飯　2碗

蒜頭，刴幼

鹽、胡椒

...... 步數 ......

1. 洋蔥、蒜頭落鼎炒芳，雞肉、紅菜頭落鼎炒熟。

2. 米蘭草花、滾水、番薑仔粉濫落去搜 hōo 齊，煮20分鐘。

3. 酸クリーム、卵、チーズ、鹽、胡椒濫做陣，攪 hōo 齊。

4. 2+3 + 清飯濫做陣落烘瓷仔，烘瓷仔落烘箱捘200度烘20分鐘，樂暢來食。

(11.12.2023 Frühstück Wirsingauflauf mit Hähnchen und Reis - Papaya/1005kcal)

Ich weiß nicht, gibt es das Essen in Deutschland - Reis überbacken, aber das ist ein sehr beliebtes Gericht in Taiwan, ich meine als die Menschen sagen, italienische Gericht sind lecker.

Ja, ich bin nicht so Jung, und Italienisch essen für mich ist neue Gericht, es ist nicht so häufig wie jetzt.

Den Tag, ich weiß nicht was ich kochen soll, ich denke über das Essen nach, Reis mit Gemüse und Käse überbacken.

Ich weiß nicht wie denkt mein Mann darüber.

Weil das letzte mal, ich machte Hirse mit Käse für ihn war das ein bischen seltsam.

Ich glaube, was er nicht kennt, ist seltsam.

Aber für mich, das ist lecker, besonders, Käse in Deutschland ist billiger.

Ja, für das Gericht als ich Jung ca. 20 Jahr alt, ich musste in Pizza Hut arbeiten, 3 Stunden als Teilzeit

Ein Schale Reis mit Hackfleisch ca. 25NTD, ein Teller Überbacken ca. 250NTD ~ 350 NTD.

Ja, füher das Essen für mich ist wie jetzt die Menschen fantasieren über MICHELIN.

Wirsingauflauf mit Hähnchen und Reis

...... Zutaten ......

Wirsing in Stücke geschnitten　1

Möhren in Stücke geschnitten　1

Sauresahne　100g

Hähnchenbrust in Stücke geschnitten　400g

Fein gehackte Zwiebel　1

Wasser　500ml

Paprikapulver　1TL

Fein gehackter Knoblauch

Käse　100g

Ei　1

Gekochter Reis　200g

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind, Wirsing mit Möhren und Paprikapulver dazugeben und gut mischen.

3. Wasser dazugeben, Deckel drauf, dann ca. 20 Minuten kochen.

4. Sauresahne mit Ei, Käse, Salz und Pfeffer mischen, Hähnchen mit Wirsing und Reis dazugeben und gut mischen.

5. In Backofen auf 200°  20 Minuten backen. Guten Appetit!

(11.12.2023 Breakfast Savoy Cabbage Casserole with Chicken and Rice - Papaya/1005kcal)

I don't know there is the food in Germany - rice au gratin, but this is a very popular dish in Taiwan, I mean as people say Italian dish are delicious.

Yes, I'm not that young, and eating Italian for me is new dish, it's not as common as it is now.

The day, I don't know what to cook, I think about eating rice with vegetables and cheese.

I don't know how my husband thinks about it.

Because the last time, I made millet with cheese for him, it was a bit strange.

I think what he doesn't know is strange.

But for me, that's delicious, especially, cheese in Germany is cheaper.

Yes, for the dish when I was young about 20 years old, I had to work in pizza hut, 3 hours as part -time

A bowl of rice with minced meat about 25NTD, a plate of gratinated rice about 250NTD ~ 350 NTD.

Yes, before the food for me is like now people fantasise about MICHELIN.

Savoy Cabbage Casserole with Chicken and Rice

...... Ingredients ......

Savoy cabage cut into pieces　1

Carrot cut into pieces　1

Sour cream　100g

Chicken breast cut into pieces　400g

Finely chopped onion　1

Water　500ml

Paprika powder　1TL

Finely chopped garlic

Cheese　100g

Egg　1

Boiled rice　200g

Salt ＆ Pepper

...... Method ......

1. Put the chicken in the pan and fry until golden brown, then take it out.

2. Put the onion with a garlic in the pan and fry until they are golden brown, add savoy cabbage with carrots and paprika powder and mix well.

3. Add the water, cover, then cook for about 20 minutes.

4. Mix the sour cream with egg, cheese, salt and pepper, add chicken with savoy cabbage and rice and mix well.

5. Bake in oven to 200 ° for 20 minutes. Enjoy your meal!