亂皂𥴊仔店 ⓂⒺⒾⓃⓀⒾⓄⓈⓀ

(2023.01.08 早起頓 敏豆馬鈴薯炒 + 三文魚煎 + 藍莓仔弓蕉 Quark 甜路杯 + 臭杮仔サラダ/976kcal)

我無 tuì 任何人 hòng-sàng 我 ê Blog mā 無去任何社群媒體拍廣告。

Sóo-tí 我 tuì 來訪 ê 人 lóng 準做是風 tsit 个媒人婆 tuì lán tsit 个自囡仔時就無人緣 ê 人，人 buē 到，緣先到，入大廳，得人緣 ê 疼痛。

M̄-kò，tsit-tsām-á lán tsit 个恬 kah 連一隻蠓仔 kap 虼蚻 lóng 無興頭來行踏 ê 所在開始出現不明字跡。

面對 buē-su 海底雞 kan-ta 包裝號名無相𫝛 ê 罐頭信息，寢開始我想 bueh 直接刣掉。

總--是 bueh kā 人當做 mǹg-sǹg 畫符仔保持距離 lán mā ài 斟酌 koh 看一斗，看 tse mǹg-sǹg kám 是 lán 家己 tshuí-sióng。

斟酌 tsîn 發見人是認真按要字揣到 lán-tsia koh 用心 tsham 人分張信息，lán thài ē-tàng tsiah-nī-á 無禮 kā 人當做 mǹg-sǹg。

Lán mā 綴 tsit 个生份人認真分張 lán-ê 訊息，向望伊 ē-tàng 理解 lán 寫減肥兩字 íng-bô hit-ê 心做囮。

信息分張後 lán tsia iū-koh tsuán-huê 向時 ê 冷清清，蠓仔 kap 虼蚻 lóng 無興趣來行踏 ê 日子。

Lán mā 原仔照例繼續 tī tsia 寫 lán 無營養 ê a-lí-put-ta̍t。

料想 buē 到 ，時間 tshan-tshiūnn 小金英 ê 囝 m̄ 驚土質䆀只求生湠。

海底雞再度來行踏 mā tsham 頂回相𫝛 m̄-nā 頂真 koh 詳細紹介 lán ē-tàng 繼續拜訪其他 ê 診所，因為 hia 有無相𫝛 ê 治療方法。

Lán 見海底雞 tsiah-nī-á 用心 tsia̍p 來 lán-tsia 行踏 lán tsiânn-si̍t 不忍心 kā 伊當做 Vielen Dank ā-sī Nichts zu Danken tsit 款 ê 罐頭盤撋。

Sóo-tí lán mā koh 一斗用心寫信息 sueh 多謝，向望 lán-ê Blog ē-tàng 受著伊 ê 相伨 tsiânn-tsò thang 人 bat ê 所在。

自 tsit 个感謝相伨 ê 信息分張了後，海底雞 m̄-bat koh 出現。

我知影 tse 是海底雞 kik-tiām ê 提醒，較早睏，較有眠 mā khah-buē tsiânn-tsò 兔仔望月➀。

➀華：痴人說夢話

臭杮仔 Sa-la

...... 材料 ......

臭杮仔，切片　2

國王芳料草(羅勒)　

橄欖油　3El

檸檬汁　1/2Tl

蒜頭，剁幼

糖

鹽、胡椒

...... 步數 ......

1. 國王芳料草、臭杮仔 lām 做一伙 tshiau tsiâu。

2. 橄欖油、Lê-bóng 汁、鹽、胡椒、蒜頭、糖 lām 做一伙抐 hōo tsiâu。

3. 1+2 lām 做伙 tshiau tsiâu，樂暢來食。

(08.01.2023 Frühstück Bratkartoffeln mit Bohnen - Gebratener Lachs - Tomatensalat - Quark mit Banane, Heidelbeeren und Nüss/976kcal)

Also, ich erzähle niemand über meinen Blog und ich mache auch keine Werbung.

Aber, letztens, mein Blog kommt jemand und hinterlässt die gleiche Nachricht.

Normalerweise, ich möchte nicht auf die Nachricht antworten.

Aber, für mich das ist interessant, die Leute lesen nicht aber macht wie ein Roboter.

Oje, vermutlich sie ist Roboter.

Tja, egal.

Für die Höflichkeit, ich schreibe die Kommentare zum bedanken in deutsch.

Ja, das ist Angeben, ich weiß.

Tomatensalat

...... Zutaten ......

Tomate in Scheiben geschnitten　2

Basilikum

Olivenöl　3El

Zitronensaft　1/2Tl

Fein gehackter Knoblauch

Zucker

Salz ＆ Pfeffer

...... Zubereitung ......

1. Tomaten und Basilikum gut mischen.

2. Olivenöl, Zitronensaft, Salz, Pfeffer, sugar und Knoblauch gut mischen.

3. 1+2 gut mischen. Guten Appetit!

(01.08.2023 Breakfast Stir-fry potatoes with beans - Fried salmon - Tomato salad - Curd cheese with banana, blueberries and nut/976 kcal)

Well, I don't tell anyone about my blog and I don't advertise.

But, the other day, my blog someone comes and leaves the same message.

Normally, I don't want to reply to the message.

But, for me that's interesting, people don't read but makes like a robot.

Oh yes, probably she or he is robot.

Well, never mind.

For politeness, I write the comments to thank you in German.

Yeah, it's show off, I know.

Tomato salad

...... Ingredients ......

Sliced tomato　2

Basil　

Olive oil　5El

Lemon juice　1/2Tl

Finely chopped garlic

Sugar

Salt ＆ Pepper

...... Method ......

1. Mix the basil and tomato well.

2. Mix the olive oil, lemon juice, salt, sugar, garlic and pepper well.

3. Mix 1 + 2 well. Enjoy your meal!