亂皂𥴊仔店 ⓂⒺⒾⓃⓀⒾⓄⓈⓀ

(2023.02.10 早起頓 雞肉馬鈴薯サラダ + 卵包 + 甜椒湯 + Yogur 搵醬 + 弓蕉 Tsioo-kóo-lè-tòo Yogur/947kcal)

Gún ài 食豆菜，德國 mā 有 tsuē-tsuē 豆菜。

不過，價數無 lán 臺灣 hiah-nī-á 唌人。

Tsit 斗有機會搪著豆菜 teh 拍折，suî 提三盒 tńg--lâi 做料理。

Bueh 做料理進前，gún 翁問「lán-ê 喙斗無相𫝛，tsia--ê 豆菜價數 hām 斤兩 tsham 臺灣無相𫝛無法度 hōo 你做䆀 suî koh-khì 款來試別味，án-ni 你 bueh 按怎料理 hōo lán buē 相觸」。

我知影伊 tsiok 驚我款「炒豆菜」tsit 類 ê 食物 iū-koh 驚拆白 tuì 我講伊無 ài tsia̍h hit 味 ē hōo 我哭呻兼剾洗，伊佮𪜶 Pē-bú 相𫝛 kan-ta ē-tàng 食德國味。

「窮實...」伊目睭 the kah 若牛目鼻空門關 kah 密喌喌等我 ê 停睏。

「你 mā 知影 lán tī 臺灣食「大象」我 m̄-bat 提過 Sa-la 來食，起因我無 ài 食豆菜芽」我講。

伊目頭結絚絚靜靜等我 kā 結 tī 伊目頭 ê 索敨開。

「我知影你無 ài 食炒豆菜，窮實我家己 mā 無 ài」話 iáu-buē 行到尾，本底結絚絚 ê 目頭 suî 敨開，不過 suî 換做罩霧崁頭，霧 sà-sà。

「你 mā 知影 m̄ 管啥物食材只要我 ē-tàng 揣--著德文食譜，我 lóng-ē 照德文食譜行，畢竟我 ê 喙斗 khah 闊」我刁意故使一下仔目尾。

伊 suî 笑 kah 歪腰接受 lán tsiah-nī-á ài 伊 koh 大大典典 ná 褒唆家己 mā ná 提日本剾刀 kā 剾 kah 連骨 lóng 金滑。

「總是，豆菜芽應當是外國移民𤆬入--來 ê 物食 sóo-tí 恁 mā kan-na ē-hiáu 炒豆菜抑是豆菜炒麵 hit 類 ê 食法，sóo-tí 我 tō 綴 leh 做。」我講。

聽我按呢講，伊掠做我 iū-koh kā tsia--ê 按龜龜怪怪 ê 菜蔬翕出來 ê 豆菜芽提來炒，目頭 suî koh 結規丸。

看伊按呢換我笑 kah 歪腰講「我頇顢煮食，不過我 iû-guân 知影 tsit 款豆菜 buē-tàng 炒 ài 生食 tshan-tshiūnn lán tī 臺灣食金花菜捲按呢。」

「He 好食--neh」伊 suî 笑 kah 裂獅獅。

「我 mā 是按呢認為。」

「另外，感謝你 ê 點拄 hōo 我頭清目明清楚知影 bueh 按怎料理 tsia--ê 龜怪豆芽菜」我笑應。

「按怎做?」伊 ná 講喙瀾 ná 吞。

「He 金花菜捲好食 ê 秘訣 tuì 我來講 tō 是『白醋』tō 是恁 ê Mayo--lah，我 buē-hiáu mā iáu 無興趣學做臺灣 ê 白醋，總--是....」

「總--是按怎」伊 buē-su 狗仔看--著主人 teh 款食尾溜直直搖 buē-lī án-ni。

「Iōng Yogur 醬替代白醋，按呢 ê 替換 hōo lán iū-koh ē-tàng 加食寡啖糝，你講按呢好 m̄ 好。」

伊聽--著臺灣選舉 tsia̍p-tsia̍p teh huah ê「好 m̄ 好」suî kā 手攑起來 ná 搖 ná 講「好」 hōo 我笑講中毒太深。

伊笑應「臺灣選舉場太有意思，sui-bóng 總是鴨仔聽雷。」

雞肉馬鈴薯 Sa-la

...... 材料 ......

馬鈴薯，切塊　1kg

雞肉　200g

Yogur　3EL

生菜葉

Lê-bóng tsiap　1/4TL

Kài-lua̍h 醬　1/4TL

蒜頭，刴幼

芳料草

糖　1/4TL

橄欖油　1EL

鹽、胡椒

...... 步數 ......

1. 雞肉落鼎炒熟，tiàu 寡鹽、胡椒。

2. 馬鈴薯淋寡油，落烘箱開200度烘35分鐘。

3. 油、Lê-bóng 汁、糖、蒜頭、鹽、胡椒 lām 做一伙抐 hōo tsiâu。

4. 1 + 2 佮芳料草 lām 做伙 tshiau hōo tsiâu。

5. 生菜、Sòo-sù lām 做一伙 tshiau tsiâu。

6. 4 + 5 phoo 做陣，樂暢來食。

(10.02.2023 Frühstück Kartoffelsalat mit Hähnchen - Paprikasuppe - Spiegeleier - Joghurt Dip - Schokolade-Joghurt mit Bananen/947kcal)

Also ich mag Sprossen, aber die sind nicht billig in Deutschland.

Deshalb gehe ich zum Marktkauf mein erstes Ziel ist der Salat, aber reduziert.

Ja, reduziert.

Ich habe kein Problem mit reduziert aber leider mein Mann hat.

Weil er denkt das ist nicht Gesund.

Tja...

Nicht gesund, Wurst ist Gesund.

Aber, jetzt reduziert Lieblingsmittel ist ok für ihn.

Obwohl das, wir habe noch Problem.

Er mag Sprossen mit Mayonnaise wie Taiwanesisch Styl.

Ich mag Olivenöl oder anbraten mit Eier oder Gemüse.

Dann was kann ich tun?

Lass mich die Google Fragen und Google gibt mir immer eine gute Idee.

Vielen Dank, Google.

Kartoffelsalat mit Hähnchen

...... Zutaten ......

Kartoffeln in 1/2 cm dicke Scheiben schneiden　1kg

Zitronensaft　1/4TL

Olivenöl　1EL

Zucker　1/4TL

Hähnchen　200g

Fein gehackter Knoblauch

Joghurt　3EL

Senf　1/4TL

Kräuter

Salatblätter

Salz ＆ Pfeffer

...... Zubereitung ......

1. Kartoffeln und Öl gut mischen, in den Ofen stellen auf 200 Grad 35 Minuten backen.

2. Hähnchen in die Pfanne geben und anbraten bis es goldbraun ist. Mit Salz und Pfeffer abschmecken.

3. Knoblauch, Olivenöl, Zitronensaft, Salz, Zucker, Joghurt und Pfeffer gut mischen.

4. 1 + 2 gut mischen.

5. Salatblätter mit Soße gut mischen.

6. 4 + 5 gut mischen. Guten Appetit!

(02.10.2023 Breakfast Potato salad with chicken - Paprika soup - Fried eggs - Yoghurt dip - Chocolate yoghurt with bananas/947kcal)

Well, I like sprouts, but they are not cheap in Germany.

That's why I go to the market - my first target is lettuce, but it's reduced.

Yes, reduced.

I don't have a problem with reduced but unfortunately my husband does.

Because he thinks it's not healthy.

Well...

Not healthy, sausage is healthy.

But, now reduced favourite food is ok for him.

Although that, we still have problem.

He likes sprouts with mayonnaise like Taiwanese style.

I like olive oil or fry with eggs or vegetables.

Then what can I do?

Let me ask the Google questions and Google always gives me a good idea.

Thank you very much, Google.

Potato salad with chicken

...... Ingredients ......

Potatoes cut into 1/2 cm thick slices　1kg

Lemon juice 　1/4TL

Olive oil 　1EL

Sugar　1/4TL

Chicken　200g

Finely chopped garlic 

Senf　1/4TL

Herbs

Yogurt　3EL

Leaves of lettuce

Salt, Pepper

...... Method ......

1. Mix the potatoes and oil well, put in the oven at 200 degrees for 35 minutes.

2. Add the chicken to the pan and fry until golden brown. Season with salt and pepper.

3. Mix the garlic, oil, lemon juice, salt, sugar, yogurt and pepper well.

4. Mix 1 + 2 well.

5. Mix the salad leaves with sauce well.

6. 4 + 5 mix well. Enjoy your meal!