亂皂𥴊仔店 ⓂⒺⒾⓃⓀⒾⓄⓈⓀ

窗捲簾一搝 Uller 猶未出帆行尞，Idun mā 猶未來栽欉，露台花矸步頻出現一欉跟綴 Apollo 火鬚 ê Lê-bóng 芳料草恬靜佮 Hesse ê 罩霧烏陰，每一欉樹每一粒石頭攏寂寞 tsham 我挨拶。

雪一蕊一蕊按迵光 ê 寂寞重重疊疊落向驚花落甲滿世界隨縖頷垂 ê 街路，有白、有咖啡、有掠做立春隨探頭 ê 新椏成做記持 ê 粉圓蜜豆雪花冰，手頭 ê 西洋萵仔菜是阿母 tuì 囝婿 ê 惜花連盆，疼囝連婿。

一手西洋萵仔菜，一目記持 ê 粉圓蜜豆雪花冰那剺目那食恬靜 tī 2月初5迒過春夏秋冬天佮地、掰開烏陰恬靜 Somewhere in time。

這幾月日翁彼台 tsham 伊 kiōng-bueh 平歲 ê la-jí-ooh m̄ 知啥物佗一條天線安無好勢步頻按頭篩仔電台踅去「彼是咱頂一沿 tsiah-ē 聽 ê 頻道」，這个臨時臨曜 ê 變化 m̄ 知 tsham 我雄雄接受我窮實 mā 行向舊漚舊臭有相干無，總是聲一耳入，就 m̄ 捌閣按另一耳出 hōo 翁跟綴我成做阿貓貓貓問「這台敢 hōo 火燒過，抑無你呔 ē tuì 伊遮有興趣？」

「無，總是我佮意 Wolfgang ê 聲音佮伊迵入神魂 ê 我知影我理解 ê 真影非假影」我笑應。

今仔日 ê 訪問猶原是 Wolfgang，今仔日 ê 音樂猶原是囡仔時 ê 記持，總是這久 ê 我是按怎無法度揣著歌名，斡轉身行向客廳開始牛聲馬喉 tuì 翁唱「我是火燒豬頭，面熟 m̄-koh 捎無伊是佗一粒頭」翁食著喙瀾 mā 綴 leh 愛講寡激骨仔話。

火一挓無 kā 挓 hōo 猛，我 ē 著災，早起 ê 胃腸顧 hōo 在，碗箸放伊自由隨請教 Google，四常 hōo 我猌(gīn) ê「臆你有興趣 」成做我 ê 救星。

感謝 Google ê 用心，彼首 hōo gún 火燒豬頭煞 m̄ 知佗一粒頭 tsiah 面熟 ê 歌曲是 Daniel Boone - Beautiful Sunday 1972 (Original Stereo)。

三冬後 ê 這久，Wolfgang 已經退休，我猶原牢 tī 這个電台。

阿母轉去塗州賣鴨卵 ê 十外冬，西洋萵仔菜 m̄ 捌 uī-tio̍h 查某囝無愛食就 kā 取消 tshan-tshiūnn 囝婿 ê 阿母按呢，伊無愛 ê 物就愛滅絕 buē-tàng bué buē-tàng 講 buē-tàng 出現。

阿母 ê 西洋萵仔菜生菜盤是濫菜油、鹽兩鹹汫 hōo 喙白囡婿補胃腸空，我 ê 西洋萵仔菜生菜盤因為網路資訊較 tsiâu-tsn̂g，揣著比濫橄欖油閣較敆脾土 ê 味素 --- 優格。

𫝛一个菜蔬無相𫝛 ê 味素是 gún 某仔囝 tuì 這个 tsham 這个 tuì 這个佮 gún 無相𫝛食食文化德國人 ê 疼痛佮尊重。

栽欉 --- 2021.02.22

翻田塗 --- 2024.09.14

西洋萵仔菜生菜盤

...... 材料 ......

西洋萵仔菜，剺片　1/2

優格　3EL

橄欖油　1EL

I-tá-lih 芳醋　1/4TL

糖　1/4TL

蒜頭，刴幼

鹽、胡椒

...... 步數 ......

1. 優格、I-tá-lih 芳醋、橄欖油、鹽、蒜頭、胡椒、糖做一伙抐 hōo 齊，西洋萵仔菜濫落去搜齊，樂暢來食。

Ein Lied Daniel Boone - Beautiful Sunday 1972 (Original Stereo) bringen uns zur Kindheit zurück.

Ein Salat bringt uns dazu, über verschiedene Esskulturen zu sprechen.

Z.B. In Taiwan,  wir kochen den Salat in der Pfanne und essen ihn  dann europäischen Stil.

Aber den Salat essen wir normalweise mit Thousand Island Dressing.

Es gibt nicht so viel Salatdressing zur Auswahl wie in Deutschland.

In Deutschland, die deutschen essen Salat wie Salat und mit viel Dressing, wie die Joghurt Soße.

Ich mag keine Thousand Island Dressing oder den Geschmack aus der Pfanne...

Deshalbe esse ich nicht viel Eisbergsalat in Taiwan.

Aber, ich liebe Eisbergsalat mit Joghurtdressing.

Das ist sehr sehr lecker.

Eisbergsalat mit Joghurt

...... Zutaten ......

Eisbergsalat in kleine Stücke geschnitten　1/2

Joghurt　3EL

Olivenöl　1EL

Aceto balsamico　1/4TL

Zucker　1/4TL

Fein gehackter Knoblauch

Salz, Pfeffer

...... Zubereitung ......

1. Joghurt, balsamico, Olivenöl, Salz, Knoblauch, Zucker und Pfeffer gut mischen, der Eisbergsalat dazu geben und gut mischen. Guten Appetit!

A song by Daniel Boone - Beautiful Sunday 1972 (Original Stereo) brings us back to childhood.

A salad makes us talk about different food cultures.

E.x. in Taiwan, we cook the salad in the pan and then eat it European style.

But we usually eat the salad with Thousand Island Dressing.

The way we eat salad, there are not too many sauces to choose as Germany. 

In Germany, Germans eat salad with a lot of dressing, like yoghurt sauce.

I don't like Thousand Island Dressing or the taste of fried salad  ...

That's why I don't eat a lot of Salad in Taiwan.

But, I love Salad with yogurt dressing.

It's very, very tasty. 

Iceberg Lettuce with Yogurt Dressing

Iceberg lettuce cut into small pieces　1/2

Yogurt　3EL

Olive oil　1EL

Aceto balsamico　1/4TL

Sugar　1/4TL

Finely chopped garlic

Salt,pepper 

...... Method ......

1. Mix the yogurt, balsamico, olive oil, salt, garlic, sugar and pepper well, add the iceberg lettuce and mix well. Enjoy your meal!