亂皂𥴊仔店 ⓂⒺⒾⓃⓀⒾⓄⓈⓀ

Europaplatz/歐洲廣埕

這是我第 2 斗行踏 Slovakei，第一斗按奧地利 Wien 坐船並跟綴專業文史工作者行踏 Bratislava。

第二斗順車日子露營路線看首都外 ê 鄉鎮田庄，頭殼有 tsuē-tsuē 想法，總是有想法無感情猶是莫假仙假觸成做王祿仔仙炸(tsuànn)藥來賣，按呢就栽相片先佮記錄 hōo 我成做花枝跳舞 14 ê 事項。

像 bué 著割貨價全新 4€ ê Tom Tailor 牛仔褲佮看著若 Nussknacker ê 阿兵哥出來拍鼓，其他 ê 事項就等待鉛粉綴風行到位，免著急。

Dies ist mein zweiter Besuch in der Slovakei, das ersten Mal nur in der Hauptstad, zweiter Besuch in einem Städtchen außerhalb der Hauptstadt.

Ich möchte etwas schreiben, aber ich möchte nichts schreiben, weil ich keinen Gedanken habe, es ist gut, die Gedanken schweifen zu lassen.

Aber es gibt eine Sache, die ich aufschreiben muss, ein Nussknacker kommt zu jeder Zeit heraus, um auf den Trommeln zu spielen, vielleicht im  Rathaus.

Ist es das, was ich aufnehmen möchte? Nein, natürlich nicht. Aber auf diesem Platz, der absichtlich verändert wurde, um alte Häuser zu schützen.

Ich habe Jeans gekauft, die ich nicht einmal in Deutschland oder Taiwan kaufen könnte.

Ja, Tom Tailor, eine brandneue Jeans für 4 €, dies ist natürlich der ermäßigte Preis. 

Es gibt jedoch eine Möglichkeit, sowohl Qualität als auch Design zu einem Bruchteil des Preises zu erhalten.

Ich bin viel glücklicher, als die Jeans in chinesischen Geschäften zu kaufen, die heutzutage immer weniger wettbewerbsfähig sind.

Mein Mann beklagte sich über diesen Vorfall und sagte, wir nehmen uns die Zeit, unser eigenes Essen und Trinken aufzuzeichnen.

Es ist nicht lästig, sondern süß, denn meine Ernährung bleibt wie gewohnt.

Nichts hat sich geändert, das Einzige, was sich geändert hat, ist, dass ich mehr Auswahl bei meiner Kleidung habe.

天佮地有天堂佮地獄，天堂佮地獄 ê 地獄閣分九層 hām 18 層。

天堂佮地獄凡夫俗仔 tī 人猶未斷氣無法度 kā 伊分界限(kài-hān)，總是只要有一口氣這个界限只不過是一塊雞卵糕，今仔日 hōo 你食這塊，明仔載加倍 kā 你討轉來，歐洲地圖雞卵糕，真正複雜。

Komárno 徛位 tī 斯洛划克南爿 mā 是歐洲地圖雞卵糕切來切去 ê 近代大小，Komárno 本底是一个城市，因為政治 hōo 頭人按 Váh 河切做兩塊，一爿 hōo 匈牙利，一爿 hōo 斯洛划克。

Komárno 自 1920 hōo Vertrag von Trianon(Trianon 條約) 切做兩塊，伊 ê 往時佮現時猶原無宛 2 體，Váh 河是頭人上天然 ê 切雞卵糕刀，一刀切落去 m̄ 管恁齊是 Komárno 人，未來 ê 百外冬，隨个仔隨个跟綴雞卵糕成做匈牙利佮斯洛划克 ê 少數民族，蹛踮舊城 ê 匈牙利人是斯洛划克 ê 少族民族，蹛踮新城 ê 斯洛划克人是匈牙利 ê 少數民族。

徛位 tī Váh 河 ê Komárno mā 是 Váh 河流向多瑙河主要 ê 河喙口，歐洲人要意神奇符號，有神奇符號 tsiah 通證明伊 ê 古早，受匈牙利帝國重視佮奧地利 Habsburg 家族要意 ê Komárno 伊 hōo 神奇符號記錄是 1075，伊 tī 匈牙利帝國年間是重要 ê 軍事堡寨，tī Habsburg 年間是多瑙河岸重要 ê 基地。

Komárno 按斯拉夫語抑是拉丁語來，伊有兩个 14，一个是厚蠓 ê 所在，一个是貿易中心。這兩个 14 佗一个 tsiah 正確，無一个答案，總是按伊徛位 ê 角勢來解說，伊徛位 tī 多瑙河，有水有塗有青盲蛇自然就有澹水地，有澹水地自然就有蠓來生湠，伊徛位 tī 奧地利人講大海(多瑙河)，河是人類按這地徙彼地 ê 高速公路，有人徙來徙去市草自然生 。

正中晝若 Nussknacker ê 阿兵哥 ē 出來拍鼓

Komárno ê 文化跤跡 mā m̄ 是按 1075 tsiah 生湠，總是世界 ê 文化敢若賰數字 tsuē 少通比並。

Komárno 佮咱番薯島仝款自新石器時代就有當地文化，總是無神奇符號 ê 加持，講甲喙甲全泡猶是無較縒，我就是其中一个，見著 Komárno 佮德國、奧地利無宛 2 體 ê 面肉挓著 ê 火隨化。

水拹仔(Wasserpumpe/Water Pump)

歐洲歷史，除了捷出現 ê 希臘文明佮消失 ê Kelten 猶閣有我來，我見，我征服 ê 羅馬帝國。

Komárno 是羅馬帝國斯當時 ê 石牌城市佮軍事要地，羅馬繼承希臘 ê 一部份，匈牙利佮奧地利 mā tī 遮繼承羅馬 ê 一部份，本底是護衛 ê 鄂圖曼土耳其 mā 繼承羅馬 ê 一部份 tī 16 世紀派軍隊來遮我來，我見，我征服，匈牙利獨立戰爭 Komárno mā 因為徛勢關係 hōo 戰爭風颱絞入風眼，總合一句，遮是革命要地。

Europaplatz/歐洲廣埕

現此時 ê Komárno tuì 我來講 tshan-tshiūnn 臺灣有別人 ê 烏面賊佮複雜 ê 情緒，總是按神奇符號來看，這个複雜有一日凡勢 mā 跟綴羅馬尼亞德裔人口 ê 變化漸漸成做阿公阿媽 ê 記持，別人 ê 熟似。起因，無法度分別匈牙利語佮斯洛划克語 ê gún bueh 感受一刀切兩塊 ê 變化 kan-ta tī 歐洲廣埕 tsiah 搪 ē 著。

踮歐洲廣埕匈牙利文 tsuē 過英文，這个現象凡勢佮主要觀光人群按匈牙利來有相干 mā 無定著。

Europaplatz/歐洲廣埕

按歷史行踏 Komárno 伊佮臺灣𫝛款捷搪著這个人來，彼个人去 ê 無一个人問伊 ê 意見。

人類愛到當時就有法度做到喙講心 mā 到 ê 實踐。

Europaplatz/歐洲廣埕

 Komárno 佮 tsuē-tsuē 徛位 tī 多瑙河岸 ê 城市鄉鎮仝款攏是鐵馬愛好者佮意行踏 ê 路線之一，gún 翁仔姐這逝車日子主要目標是羅馬尼亞、保加利亞、希臘、北馬其頓、阿爾巴尼亞遮 ê 國家，多瑙河岸美麗景緻自然 buē 吸引 gún-ê 目睭仁，m̄-koh 妝娗甲若潮(tiâu)店 ê 二手商店就無相仝。

遮 ê 二手商店 hōo 我踅甲跤 kiōng-bueh 斷做兩橛，手 mā kiōng-bueh 生新椏，蓋好 bué。

Europaplatz/歐洲廣埕

Komárno 是按怎 bueh 起這个歐洲廣埕，實際 ê 因由無法度確定，總是聽街仔路話講，有市草有交易，buē 得定 ê 人心自然就定著 ê 講法。

我無斟酌比並舊城佮新城 ê 差別，總是按柴杙城鎮來看，匈牙利確實較交易，準做 Komárno 舊城較有魅力(bī-li̍k)，我猶是佮意新城 ê Komárno 畢竟我是出世 tī 這个年間 ê 人，我需要利便閣豐沛 ê 市場 hōo 我 ē-tàng 簡單過生活。

路裡搪著 ê 教堂

我 tuì 斯洛划克 ê 印象一定停跤 tī 首都 Bratislava mā 因為歐洲兩字一直掠做城鎮差距 buē 過頭，這斗車日子翁仔姐順路線車線車到斯洛划克，我發覺斯洛划克 ê 城鎮 m̄ 是基隆抑是嘉義按繁華行向落坐(tshē)，tsuē-tsuē 城鎮應當是從來 m̄ 捌繁華，落坐自然就 buē 生湠 ê hōo 我感覺台灣正經是好所在。

無家樂福 mā 有全家、7-11佮菜市仔通利便過日子。

人工起造 ê Donau 運河

Gabčíkovo 佮 Komárno 𫝛款攏徛位 tī 斯洛划克 ê 南爿，遮 ê 居民大多數 mā 是匈牙利人。

伊第一斗出現 tī 神奇符號是 1102 彼當時 ê 伊是匈牙利帝國 ê 石牌城鎮，這久 ê 伊成做斯洛划克重要 ê 發電來源 mā 是匈國佮斯國若龍象界限冤家量債 ê 角勢。

無國界觀念自由來去 ê Donau

.這个角勢佮 Komárno 仝款，經過今仔日是清國，明仔載是唐山，隔轉工又閣是日本這款日子，不過，伊猶是較幸運身份證 ê 變化無 Komárno 遐爾仔 tsuē 格。

簡單來講，這塊土地 ê 冤家量債佮日本人離開台灣，台灣人拚勢箍地佮頭人三七五減租 kā 佃戶變地主 mā 有淡薄仔相𫝛。

露營食食：瓜仔哖麭

Gabčíkovo 是行向匈牙利重要 ê 路線之一 mā 是 gún 這逝車日子搪著若火燒埔 ê 角勢之一，hōo 無興食生菜冷盤過晝 ê 我免翁開喙隨攢夠夠 hōo 伊食甲飫。

露營食食：菠薐仔生菜盤

斯洛划克佮匈牙利仝款有豐沛 ê 溫泉，這斗 ê 車日子我 mā 專工攢游泳衫 bueh 來浸溫泉，結果天氣熱甲溫泉免浸，人隨熟甲若北投溫泉卵。

露營食食：鱷梨仔番麥生菜盤

斯洛划克除了首都較有無相𫝛 ê 聲調，停跤 tī Komárno，一个德語講甲 2266 ê 外國人成做當地囡仔 ê 大明星 hōo 我又閣成做花枝泅 buē 離。

露營食食：柑仔蜜王梨生菜盤

斯洛划克 tī 蘇聯掌控東歐年間是東德有錢人佮意行踏 ê 角勢，這个慣勢到今猶是無啥改變。

Tī 溫泉地停跤 ê 彼幾日拄好 mā hōo 我搪著食東德米糧大漢 ê 翁仔姐，𪜶 ê 態度 hōo 我想著大漢嬰 tuì 翁講「這久猶是東德，𪜶敢敢這款態度對待人。」

「M̄ 敢，因為𪜶比遮 ê 人散赤。」

食東德米糧大漢 ê 翁仔姐𪜶 ê 故事寫到遮就好，起因𪜶 ê 行為正正是乞食抾著一仙 ê 表現。

露營食食柑仔蜜醬敆印度烘餅

遮是歐洲，天氣熱過頭溫度家己 ē 去浸冷水，tī gún 準備 bueh 離開 ê 前一工，本底熱甲無吐舌 buē-īng--tit ê 天氣雄雄轉做喙齒相拍 ê 溫度隨 kā 手䘼撆懸懸，開始展露營 mā 是有法度家己烘麭來食 ê 虛華。

露營食食：蘑菇卵燥雞肉炒

Mā 利用這个機會繼續款寡越南米粉佮我做陣繼續車日子

栽欉 --- 2022.08.04

翻田塗 --- 2024.10.22