亂皂𥴊仔店 ⓂⒺⒾⓃⓀⒾⓄⓈⓀ

(2023.05.11 早起頓 魚指菜蔬盤 + 藍莓優格/999kcal)

出門寄批，郵局猶未行跤到，水庫趕 bueh 出埒(lua̍h)。

撏手機仔看時間 tsiah 發現伊無愛哭愛綴路隨擔頭成做綴星揣路 ê 遠古人。

終其尾我 m̄ 是天干地支師 ē 曉看方位 mā m̄ 捌綴 Bear Grylls 學習籠仔外 ê 工夫，我 mā 捎無 Apollo 彼頭金鑠鑠 ê 頭鬃現此時捋甲佗一搭位。

我只好繼續向行伐，繼續感受伊彼頭 tuì 我來講若 m̄ 是鳥仔 m̄ 唱歌，天閣 bô-ti-bô-tang 按金棗成做白𪐞紅 ê 金含(kâm)，我正經 buē 發覺 Diana 已經 kā Nyx ê 厝宅 iōng 鼓仔燈佮燈仔花裝娗好勢。

拍 buē 死，埋 buē 密 ê 烏面賊，綴我一路感受水庫 tshan-tshiūnn 揣--著閬縫趕 bueh 濆(bùn)出塗，意志宛然發見水庫破空隨 īng 指頭仔楔入去 hōo 伊窒起來 ê Nederland 查埔囝仔靜候農夫 ê 發現按呢搬影戲無聲影戲。

四常殕殕 ê 打馬膠(tá-má-ka)路瞬間成做紅地(tuē)毯，我佮烏面賊成做聽候入門 ê 影視明星 tī 地毯挽頭折脰(bán-thâu-tsi̍h-tāu)。

划仔划，一陣冷風按腹內剾向血管敢若洗腰子 ê 機台 kā 三代漚肥，一擺清空 hōo 我頭清目明想--著 tī 這个無啥物事項是無料 ê 所在 tueh 有 teh 提供奉茶。

本底 ê 姿娘 tiām-tī 揣店食咖啡成做大跤捗擔菜有賣閣有趁，五划做一划按看心情做生理 ê 賊仔市店划去。

肉舖生理原仔交易，頭毛店 ê 工作人員換另外一批猶未出業 ê 實習(si̍t-sip)囡仔，賊仔市店店東猶原看四季做生意，今仔日 ê 心情合該是寒人，規間店原仔暗趖趖揣無一絲仔金。

順暗挲挲 ê 賊仔市店斡入去日鬚 m̄ 願行踏 ê 巷仔，本底宛然火熥 ê 身軀成做 hőng 禁火 ê 冰庫，hōo 我 tshan-tshiūnn 一隻無細膩跋坑溝閣爬起來 ê 狗仔𫝛款，大力交懍恂閣喈一聲阿彌陀佛兼手畫十字揣平靜以對㧣「雪是燒 ê，冰是熱 ê」ê ゆめ(yume)。

順若磅空 ê 巷仔行出來，心情若野口知影家己已經戰死沙場 ê 明白隨笑家己 ê 驚嚇，起因迵入去磅空 ê 光是花芳草青凡間 ê 齷齪紛擾 tī 遮成做一絲攏見 buē 著 mā 摸 buē 著 ê 清淨。 

跤步原仔五划做一划，雙目一划做五划順各式各樣 ê 墓牌畫糖尪仔。

這是兔仔，這是阿拉伯語，這是在生嫁雞綴雞飛，嫁人綴翁姓，落塗回復本姓 ê 女子，這......一陣冷風又閣按腹內剾過來猶原不見農夫，總是補空家私在眼前，先 kā 趕 bueh 濆出塗 ê 泉水挖一條圳溝 hōo 伊通出泉比畫糖尪仔較要緊。

濆出 ê 泉水順圳溝划向伊應當划去 ê 所在，我 mā 順家己 ê 好玄划轉去墓園。

1907出世，2012過往，人 ê 一世人搪過兩擺戰爭，𪜶是按怎繼續 tī 百百空內底按這空伐向彼空，𪜶敢捌怨天怨地宛然茶鈷 hainn buē 離，𪜶...

𪜶 m̄ 是你，你 m̄ 是𪜶，m̄ 管你按怎畫糖尪仔按怎揣鬥片仔鬥𪜶 ê 世界，你猶原無法度理解𪜶 ê hē-hāng tshan-tshiūnn 你無法度知影恁父母 ê 世界。

因為，每一个年間有伊家己 ê 排比，珍惜你所有佮無法得達成 ê 事項。

起因，m̄ 是每一个人攏有你 ê 好字運佮有法得取得你無法度達成 ê 事項。

Tshan-tshiūnn 有 ê 人一世人 m̄ 知影啥物號做愛佮好好愛一个人，𪜶 kan-na ē 曉講因為愛你 m̄ tsiah 定著愛 tuì 你起性搦地要求你 hōo 𪜶連𪜶 mā m̄ 捌 ê 愛。

食譜紹介伊是專門 uī 囡仔設計 ê 食譜，我個人感覺伊 mā 是一份適合治療厝內喙白老嬰 ê 食譜。

魚指烘菜蔬盤

...... 材料 ......

馬鈴薯，切橛　500g

菜擴，切橛　1

紅菜頭，切橛　300g

夏金瓜，切片　2

魚指　8

芳料粉

油　

鹽、胡椒

...... 步數 ......

1. 馬鈴薯、紅菜頭、菜擴、夏金瓜、油、芳料粉、鹽、胡椒濫做伙搜齊，落烘箱捘200度烘40分鐘。

2. 魚指鋪落去，樂暢來食。

(2023.05.11 Frühstück Ofen-Gemüse mit Fischstäbchen - Joghurt mit Heidelbeeren/999kcal)

Es ist offensichtlich, mein Mann ist Europäer und ich bin Asiatin.

Naja, ich weiß, dass das Blödsinn ist.

Eines Tages gingen wir auf dem Friedhof spazieren, und mein Mann sagte, Sieh mal, du bist nicht mehr zimperlich, wenn du hier spazieren gehst.

Natürlich, hier ist Deutschland.

Was, fragte mein Mann.

Ich bin in verschiedenen Religionen, sage ich.

Ja, zurück in Asien, ich werde nicht auf dem Friedhof spazieren gehen.

Und warum?

Jeder Ort hat seine eigenen Tabus, das Tabu wird durch den Glauben geformt.

Ich respektiere die Unterschiede zwischen den einzelnen Kulturen.

So wie es jetzt ist, kann ich die Einträge auf den Grabsteinen ohne jegliche Hemmungen lesen.

Geboren 1907 Gestorben 2012

Als ich dies las, dachte ich darüber nach, was für ein Mensch ich sein würde...

Ich meine, hätte ich zwei Kriege überleben können?

Ich weiß es nicht, aber ich weiß, dass ich einfühlsam sein muss, um Teil von etwas zu sein, das die Welt nicht in den Krieg treibt.

Ruhe in Frieden

Ofen-Gemüse mit Fischstäbchen

...... Zutaten ......

Kartoffeln in 1/2 cm dicke Scheiben schneiden　500g

Kohlrabi in 1/2 cm dicke Scheiben schneiden　1

Möhren in 1/2 cm dicke Scheiben schneiden　300g

Zucchini in Scheiben schneiden　2

Gewürzepulver　

Öl

Salz ＆ Pfeffer

...... Zubereitung ......

1. Kartoffeln mit Öl, Kohlrabi, Möhren, Zucchini, Gewürzpulver, Salz und Pfeffer gut mischen, in den Ofen stellen auf 200 Grad 40 Minuten backen.

2. Fischstäbchen hinzufügen. Guten Appetit!

(11.05.2023 Breakfast Fish Fingers and Roasted Vegetables - Yogurt and Blueberries/999kcal)

It's obvious: my husband is European and I am Asian. I know that's nonsense.

One day we were walking in the cemetery and my husband said, "Look, you're not squeamish about walking here anymore.

Of course, here is Germany.

What, my husband asked.

I am in different religions.

Back to Asia, I will not walk in the cemetery

Every place has its own taboos, the taboo is shaped by faith

I respect the differences between cultures

As it is now, I can read the entries on the gravestones without any inhibitions

Born 1907 Died 2012

When I read this, I thought about what kind of person I would be.

I mean, could I have survived two wars?

I don't know, but I know that I have to be empathetic to be part of something that doesn't drive the world to war.

Rest in peace

Fish Fingers and Roasted Vegetables

...... Ingredients ......

Potatoes cut into 1/2 cm thick slices　500g

Kohlrabi cut into 1/2 cm thick slices　1

Carrots cut into 1/2 cm thick slices　300g

Cut the courgettes into slices　2

Seasoning powder

Oil

Salt, Pepper

...... Method ......

1. Mix the potatoes with the oil, kohlrabi, carrots, courgettes, spice powder, salt and pepper and bake in the oven at 200 degrees for 40 minutes.

2. Add the fish fingers. Enjoy your meal!