亂皂𥴊仔店 ⓂⒺⒾⓃⓀⒾⓄⓈⓀ

M̄ 知影別人讀這本尪仔冊 ê 感想，總是讀這本尪仔冊 tuì 我來講是一帖十全大補湯，補我 ê 生疏。

特別是 tuì 囡仔時騎鐵馬經過攏 ē 好玄 ê 林家佮 tsuē 冬前綴朋友去踅萊園 ê 記持。

我 buē tuì m̄ 捌咱家己 ê 歷史感覺受氣，起因我原仔有機會認捌咱這塊番薯島 ê 歷史。

不而過原仔愛講，一寢開始我 tuì 這本冊並無好印象。

起因是白話字。

Tī 遮，我愛說明我 m̄ 是歧視或是討厭白話字。

不過，白話字 ê 使用者確實 hōo 我感覺...無好鬥陣。

我知影 buē-tàng 因為一个影生百个囝，總是早前猶原 teh 踅面冊，搪著白話字使用者誠實 ē hōo 人無想 bueh 著猴綴 leh 起童 mā-ē 起童。

我 ē-tàng 理解台灣各語文 hőng 壓迫 ê 心情，總是這款若五角佮小粉紅 ê 態度 hōo tuì 這个語文非常有興趣 ê 我 mā 捌動過這个想法莫沐按呢就 buē 招人來牛牢觸。

不過，我猶是頭殼清楚 ê 人。

起因，我清楚別人 ê 喙斗 tsham 我無底代，另外一本冊因為一件代誌影響我 ê 決定按呢敢 buē 傷過拍損。

另外，冊 bué 轉來 buē 合軀 mā ē 使 kā 伊囥踮冊櫥佯青，展風神。 

這是我當初 ê 想法，起因揣無資料通瞭一下仔伊是佗一類 ê まんが。

因為 bué 這本まんが進前，我已經 bué tsuē-tsuē 現此時攏 kā 伊成做枕頭 ê 台語文冊。

M̄ 是遮 ê 冊無好，是...台文若繼續講詩、寫詩無閣有其他 ê 方向...我這假阿舍 mā buē 閣支持。

我是真正愛讀臺灣語文冊 m̄ 管台語抑是客語，起因遮 ê 聲音攏是我海馬鉼針 ê 溫泉，雖罔客語文學到今 kan-ta bué 一本，客新聞 ê 寫客文 mā 讀甲無順，總是𪜶是我 ê 溫泉 hōo 我一浸就隨放鬆 ê 文字佮聲調。

 我知影較 bué kan-ta bué 著詩是我 ê 問題，總是我 mā kan-ta ē 曉踅 Books 揣冊，總是總是日子 ē 盤山，時間 ē 過嶺，我 mā-ē 蹽溪 ê 按 Books 蹽過聚珍臺灣 hōo 我 m̄-nā 省運費閣省進口關稅 。

我 m̄ 知影別人按怎看這本冊，總是我感謝伊楦闊我 ê 智識 mā 感謝家己足要意 ē 致著青光眼。

感謝畫者，因為這本尪仔冊 hōo 我決定轉去臺灣 buē 去踅萊園。 

《白話字翠青夢》

漫畫 黃俊雄

編劇 Hâⁿ

㊓ 國立臺灣文學館

ⓦⓦⓦ 聚珍臺灣