亂皂𥴊仔店 ⓂⒺⒾⓃⓀⒾⓄⓈⓀ

米蘭草花當著時佮伊有相關 ê 食譜 mā 滿四界，總是我佮意 ê 味素猶是這幾味敆挽肉抑是雞肉 hōo 翁笑講我 mā 是 A-ta-mah-khòng-ku-lī。 

這我承認，不過我 ê 紅毛塗 buē 牢位 ē-tàng 敲掉換新甚至補塗，像石膏按呢遐爾仔有變化。

近來歐洲做大水 mā 起猛火兼烏露戰爭猶未收煞，中東 ê 歐洲人 mā teh 四界開戰場 hōo tsuē-tsuē 本底有法度迵過人工生湠 ê 菜蔬齊起價，美國茄一支本底 0.59€ 這久 1.19€，熱人 Kam-má-tooh 價數按 1.29€ 起甲寒人價數 ê 2.69€，近來更加漲懸價到 3.29€ hōo 我感謝家己有冗早撨翁 ê 喙斗佮家己 tuì 生份物 ê 𠢕躊躇，抑無世態閣按呢生湠落去，褲袋仔袋磅仔 mā 無較縒。 

近來德國 mā teh 討論喙白食食𤆬來 ê 問題，少年人因為孤食一物抑是依賴糖致著 Alzheimer ê 比率 mā 愈來愈懸 hōo 我想著自 gún 翁仔姐牽手做陣揣板膋翁 ê 變化，早前真𠢕跳童 ê 翁沓沓仔變甲較 buē 清彩 hōo 𪜶老母靈魂附體來起童，較早捷講頭痛是牛奶造成，厝內 buē-tàng 囥牛奶 ê 伊，這久牛奶透優格逐日啉 m̄ 捌聽伊喝咻 --- 頭疼甲 kiōng-bueh 磅去，另外 m̄ 承認家己有 ADHS ê 伊，自喙白改掉，佮𪜶老母相𫝛 ê 無頭神 mā 愈來愈好。

𪜶老母 ê 問題是咸豐三，講到今 ê 飫，總是 tshan-tshiūnn 全世界食毒 ê 人相𫝛𪜶 buē 承認家己食毒。翁𪜶爸母食甜食甲 m̄-nā 身體有問題連情緒 mā 有，特別是𪜶老母，gún 小姑十外冬前捌建議家己 ê 老母去揣先生治療磕 buē 著就情緒叨撚佮上童 ê 問題，到今伊猶原 m̄ 捌揣過先生，到今伊猶原 tī 這个箍仔踅金龜磨。

改糖 tuì 人 ê 影響，特別是頭疼佮 ADHS 這件代誌 Die Ernährungs-Doc 有詳細 ê 分張。

我 m̄ 知影 gún 翁𠢕無頭神兼無法度恬靜聽我講一分鐘 ê 話是 m̄ 是 ADHS，總是我清楚知影自 gún 做陣揣板膋，無頭神兼無法度注心 hām 睏 buē 落眠 ê 問題攏得著真好改善。是講，我 mā 好玄敢是我 ê 恐嚇起應效？若是有應效我 mā-ē 講，彼是我智慧有夠足 ê 成果 --- 挽瓜揫藤，對症下藥。

「食牛食豬無健康，愛有機雞肉」

「你出銀兩我就 kā 你攢，另外查某人較𠢕欠鐵，牛豬是鐵上好 mā 簡單得著 ê 來源」

「下昏飯愛八點 tsiah 食，像西班牙人按呢，健康」

「我 m̄ 知影按呢食敢有健康，總是我清楚知影按呢食 tuì 我無健康」

遮 ê 故事 mā 是寫甲生菇 m̄ 通閣寫落去，總是今仔日 tī 我猶未開喙請教翁這敢合你 ê 脾土，伊家己隨開喙「這滋味蓋讚，著時 ê 時咱敢 ē-tàng 捷款來食？」「當然 mā ē-tàng 只要你莫嫌伊無健康，因為伊是牛豬濫糝 ê 挽肉。」

到今伊猶 tuì 食肉這件代誌有意見，因為 tī 我猶未徙岫來遮進前伊 ê 糜飯齊肉無菜蔬 hōo 伊認為這久 ê 伊 kā 肉提掉就 ē-tàng kā 家己食過頭 ê 數相拄掉。伊這个想法 m̄ 知按佗落來，我 mā 貧惰佮伊喋詳，總是我相信這佮𪜶爸母有關係，起因十外冬來我 ê 耳空 kan-ta 這件代誌「食這健康，食遐無健康」ê 像規年迵天講食紅肉無健康，𪜶 ê 糜飯猶是煙腸、Bé-khòng 遮 ê 利便肉。

「咱需要食肉，食夠額 ê 肉....」

11 月 8 號是翁板膋收冬第三冬，tī bueh 收冬 ê 半冬伊 ê 體形按無啥大肚胿勻勻仔行向需要吊帶(der Hosenträger/Suspenders)鬥相共，準做伊 m̄ 認同這个講法，起褲頭猶有法度鈕。

現實展白白，伊猶原若世間上大 buē 曉飛 ê 鳥駝鳥仝款 m̄ 承認，我 mā 無興實踐咱台灣俗諺語 ê 雜唸大家出蠻皮新婦，隨在伊去畫尪仔「熱量掠 hōo 絚，磅仔自然 buē 過磅。」

掠量算數 ê 減肥方法是我紮 hōo 伊 ê 想法，總是我 m̄ 捌講過糜飯 kan-ta 食冇粟筋肉 buē 走這件代誌，特別是有歲數 ê 人，相𫝛 ê 體格佮重量按逐日上眠床起落這件四常代就隨看出真相。

「我感覺家己 ê 手骨佮跤骨攏沓沓仔 teh 生蝶仔」伊展身軀 ê 蝶仔 hōo 我看，我無應話隨 kā 伊家己按公共無料冊櫥紮轉來 ê Essen Trinken Gewinnen 第 78 展 hōo 伊看 hōo 伊家己主意，伊 bueh 跟綴𪜶爸母 ê 跤步抑是行出家己 ê 路。

這篇是我堅持逐日食 1400kcal 發見體重 buē 閣跙流籠隨踏擋仔 ê 記錄，這久揣出來生湠記錄是缺喙食蛤仔肉，峇峇峇 ê 看啥人 tsiah 是講 buē 翻捙兼聬儱。

感謝 Essen Trinken Gewinnen hōo 我免閣外甥仔點燈火，繼續請青盲的 ê 老人那食紅蟳那看告示。

小歇一下

本底是 bueh 繼續催落去 kā 猶未行跤到 ê 兩公斤勘定，總是，世間事 m̄ 是咱喝講 bueh 伊就好性地順咱 ê 意繼續行，所以我 mā 莫繼續 tuì 家己發輦(lián)。

畢竟做人愛 ē 曉看破世事，較 buē 齪死家己。

--- 2022.03.08

挽肉米蘭草花

...... 材料 ......

米蘭草花，切絲　1

挽肉　200g

洋蔥，刴幼　1

蒜頭，刴幼

Khu-lì-mù tshì-sù　100g

滾水

芳料草

鹽、胡椒

...... 步數 ......

1. 洋蔥、蒜頭芡芳，挽肉摻落去炒 hōo 赤赤。

2. 米蘭草花、滾水濫落去搜齊煮20分鐘，Khu-lì-mù tshì-sù 摻落去，tiàu 寡鹽、胡椒，樂暢來食。

Das ist meine Abnehmen Aufzeichnung, aber was passiert mit meinen Mann ist eine sehr Erzählung für sich.

Mein Mann hat gedacht, mit Kalorien, er muss sich keine Sorgen um Gewicht zunehmen.

Aber, ist das wirklich?

Natürlich, nein. Aber leider, er glaubt mir nicht --- Kalorie ist ein Idee für die man Essen braucht nicht für Gewichtabnehmen, und eine gute Mahlzeit mit guter Ernährung ist auch wichtig.

Ich sage zu ihm als wir in Schweden waren und wenn ich frage zur Mahlzeit, was sagt er für mir und was ich ihm anworte.

Ich weiß, er hat die Idee von mir, aber ich habe ihm gesagt, das ist ein Idee für dein Problem, weil du denkst ich esse WENIGER, wie 100g Chip ist 2 Schalen gekochter Reis, Reis macht dich satt aber leider Chip nicht.

Ja, er hat das Problem, er glaubt das immer, ich esse WENIGER als du, du isst so viel, aber ist das die Wirklichkeit?

Nach Schweden, ich hat gleiche das Gewicht und gleiche Figur, er nahm zu und bekam mehr Bauchfett, weil seine Mahlzeit waren Bonbon und Süßigkeiten - fast.

Dieses Jahr Nov. ist 3 Jahre für das Gewichteabnehmen, kann er das gleich Gewichte behalten?

Ich bin ein Katze, lass weiter gucken. Wenn er nicht glaubt was ich sage und vorschlagen.

Der Gewichtsverlust Rekord im achten Monat

Ich möchte weitere 2 kg abnehmen.

Aber leider, die Waage möchte nicht.

Ich denke, sie möchte mir sagen.

Hey, du!

Du musst Pause machen.

Ja, 52kg ist mein Original Ziel.

50kg ist neues Ziel nach dem...

Ich weiß nicht warum ich möchte das neue Ziel.

Vielleicht, ich möchte Papier girl sein.

Nein, das ist joke.

Ich möchte es erreicht nur ich bin in Sorge.

Ich werde nochmal zunehmen.

Naja, nach 3 Tagen das Gewicht ist noch gleich.

Ok, es ist Zeit eine Pause zu machen.

Weil seit ungefähr 8 Monate ich verliere Gewicht.

Es ist richtig genug.

Wirsing-Hack-Pfanne

...... Zutaten ......

Wirsing in Scheiben schneiden　1

Hackfleisch　200g

Frischkäse　100g

Fein gehackte Zwiebel　1

Fine gehackter Knoblauch

Wasser

Kräuter

Salz ＆ Pfeffer

...... Zubereitung ......

1. Zwiebel mit Knoblauch in die Pfanne geben und anbraten bis sie goldbraun sind, Hackfleisch dazugeben und anbraten bis es goldbraun ist. 

2. Wirsing mit Wasser dazugeben und gut mischen, dann ca. 20 Minuten kochen.

3. Kräuter mit Frischkäse dazugeben und gut mischen. 

4. Mit Salz und Pfeffer abschmecken. Guten Appetit!

This is my weight loss record, but what happened to my husband is a very narrative in itself.

My husband thought with calories, he doesn't have to worry about weight.

But is that really?

Of course, no. But unfortunately, he doesn't believe me --- calorie is an idea for which you need food not for weight loss, and a good meal with good nutrition is also important.

I say to him when we were in Sweden and when I ask about the meal, what does he say for me and what do I answer him.

I know he got the idea from me but I told him that's an idea for your problem because you think I eat LESS, like 100g of chip is 2 bowls of cooked rice, rice fills you up but unfortunately chip doesn't.

Yes, he has the problem, he always thinks that I eat LESS than you, you eat so much, but is that the reality?

After Sweden, I have the same weight and the same figure, he increased and got more belly fat because his meal was candy and sweets - almost.

This year Nov. is 3 years for weight loss, can he keep weights?

I'm a cat, let's look. If he doesn't believe what I say and suggest.

The weight loss record in the eighth month

I want to lose another 2 kg.

But unfortunately, the scales don't want to.

I think she wants to tell me.

Hey you!

You have to take a break.

Yes, 52kg is my original goal.

50kg is new goal after...

I don't know why I want the new goal.

Maybe, I want to be a paper girl.

No, that's a joke.

I want it achieved only I'm worried.

I will gain weight again.

Well, after 3 days the weight is still the same.

Ok, it's time to take a break.

Because for about 8 months I've been losing weight.

It's right enough. 

Savoy Cabbage with Minced Meat

...... Ingredients ......

Cut the savoy cabbage into slices　1

Minced Meat　200g

Cream cheese　100g

Finely chopped onion　1

Finely chopped garlic

Wasser

Herbs

Salz ＆ Pfeffer

...... Method ......

1. Put the onion with garlic in the pan and fry until they are golden brown, add minced meat and fry until golden brown.

2. Add the cabbage with water and mix well, then cook for about 20 minutes.

3.  Add the herbs with cream cheese and mix well.

4. Season with salt and pepper. Enjoy your meal!