亂皂𥴊仔店 ⓂⒺⒾⓃⓀⒾⓄⓈⓀ

這久翻頭看彼久猶原行 buē 出世俗認定 ê 標準，我是豬母牽去牛墟。

徛起身行向廚房斟杯茶，目睭䀐著彼本看甲無意無意 ê 華文冊，隨笑家己𠢕哭呻別人是乞食攑蠓捽，假仙假觸明明就是中國糜鹿硬 bueh 講家己是臺灣水鹿 ê 假範，這久 ê 家己敢 m̄ 是 mā 按呢生，無法度認真面對自來 ê 家己，m̄-koh 下性命捎別人 ê 神魂來妝娗家己 ê 文字兼強調家己交別人 ê 無相仝，特別是得著主流支持 ê 舊漚舊臭。

我 ê 部落格無 uī 生份人書寫，無 uī 流量 hōo 家己透早是四跤杜定，暗頭是蟮蟲仔，這久 ê 我呔討趖入牛角並踅金龜磨？

我 m̄ 知機 mā 無興趣 uī 伊寫論文，起因我清楚知機遮 ê 問題自寢頭到目今 m̄ 捌成做橫扴 hōo 我齷齪，不過引𤆬我翻頭繩放伊自由 ê 斯當時。

露西亞講 U-kher-la-in kā 𪜶草踏甲四角磚踏無一角著，致到𪜶愛拚一帖白虎湯來解決 U-kher-la-in 造成 ê 病疼。

惡霸欺負人永遠 buē 承認，遮 ê 病疼是枵狗痟想豬肝骨，枵貓痟想海底魚交 buē 泅嫌溪狹。

我敢有 buē 泅嫌溪狹？我敢有掛目鏡假紳士掠做穿衫就 ē 按猴成做人?

無，齊無。 

我 m̄ 清楚知影家己四書無讀透透，所致毋捌黿鼇龜鼈竈(guân ngôo ku pih tsàu)，總是眼前 ê 文字我齊讀有卻 tuì 整體意思 m̄ 捌一个呼，呔討按呢生？

手頭 ê 文句敢有生份甲若德文按呢，一个辭讀有，規个辭鬥做伙隨愛斡頭請教翁，敢 ē-tàng 請你向我解釋伊 ê 意思。

目繼續䀐彼本 m̄ 知按怎讀落去 ê 大色貨，心 mā 那鏨字，一日轉去臺灣絕對 bueh kā 讀甲唔唔睏 ê《西班牙星光之路》讀甲透底。畢竟，成做捌這个文字 ê 青盲牛感受正經無好。

讀露西亞交烏克蘭 ê 問題，海馬泅去 Sebastian Haffner ê 人生故事。

「有一日你成做露西亞人抑是抑是中國人，我又閣無機會通走亂，咱兩人絕對是我 hōo 人提去種，所致，我想 bueh 請你 kā 我鬥相共。」

「你 buē 有代誌，咱攏 buē 有代誌」翁講。

「僫講--ooh，天平地無平，抱鳥母目睭青盲 m̄ 是咱出一支喙就保穩，特別是爸母囝」我講。

翁目眶紅紅恬恬交我金金相，起因伊清楚知機伊愛 tuì 目今 ê 拆破面負 200% ê 責任。

「猶未發生 ê 未來齊是 m̄ 知機 ê 五里鴟鴞啄七里雞仔，無一个人知機猶未發生 ê 未來 ē 湠到啥物程度，總是大心肝五分改一錢，暗頭改半暝有才調預防」我講。

「我倚你這爿。」

「雙生仔 teh 問，𪜶當時 ē-tàng 轉來厝？」

講著我心所愛 ê Zwilling 伊隨成做 ZDF ê Beethoven 貝多芬，耳空隨聽無半个聲音，我隨勥母上童大聲唱聲樂(siann-ga̍k)「我 ê 廚房狹甲 hōo 我無才調出好菜，彼跤猶蹛 tī Solingen ê 煎鼎若來，我 ê 廚房 buē 閣狹甲 hōo 我無法度出好菜。」

看著勥母專工落南來上童伊隨笑出來「準做廚房 kan-ta 一塊 Tha-thá-mih 大，煎鼎是夜市貨，媠某猶原隨碗出。」

「這我無確定--ooh，總是我確實無致著 buē 泅嫌溪狹交臭心酸 ê 癌症。」

「我 mā 是，起因我 kan-ta 疊𪜶 ê 姓無承𪜶 ê 癖。」

「救人--ooh，這敢是 gún 後生，你這个狼毒 ê 查某人 kā gún 後生交出來。」

露西亞 uī-tio̍h 家己 ê 臭心想又閣踏入烏克蘭 ê 領土，這个臭心想有伊 ê 背景，Sebastian Haffner tī Geschichte eines Deutschen 一个德國人 ê 故事寫著當猶太裔 ê 牽手 tuì 伊講，伊 bueh 離開德國去英國，伊 tuì 牽手講伊 mā bueh 綴伊去。德國現時有極右派，這个極右派按無到 10% ê 支持率提升到 22%，我這个外國人看甲心驚驚，身軀邊 ê 德國人齊講大丈夫，免驚，𪜶 tsiah 22%。

我 m̄ 知影是德國人浪漫過頭抑是認為歷史 buē 閣翻頭相借問。總是我清楚知影，有一日我 mā 搪著這款狀況，我 ē tuì gún 翁講我 bueh 離開 tshan-tshiūnn 伊綿豉徛 tī 𪜶爸母彼爿，我隨提出離緣，畢竟我無徛踮家鄉思他鄉 ê 癖。

每一个事件有咱 m̄ 捌見過 ê 千枝萬葉，總是閣較複雜 ê 千枝交萬葉猶有掃帚通抔做一坵閣一坵 hőng 看各樣。未來 ê 代誌無風無搖，我 mā 愛踏話頭，畢竟我無德國人 ê 浪漫，認為歷史 buē 閣翻頭相揣。

Gún 翁 ê 爸母囝病 tuì 我來講 mā tshan-tshiūnn 烏克蘭東部 tuì 露西亞 ê 態度 hōo 我僫信任，準做伊講我徛你這爿，我猶是感覺秧抾牛借，有割無煞 uī-tio̍h 表面和平清彩講講。

按呢 ê 龍鳳生活敢 bueh 繼續落去，老車 ē-tàng 變新車，這久 ê gún 特別是我合該然是老牛拖破車，行一步算一步看 gún 翁敢猶錢若 ē 出咧，鼎臍 mā 敲賣你 ê 爸母囥第一，牽手放 buē 記。

Buē 記持 kā 弄舌時間貼 tī 遮 hōo 家己有機會翻頭愖彼久 ê 弄舌交這久 ê 弄舌有啥精差。

烏克蘭交露西亞 ê 自 2022 到今猶未解決，德國極右派 tī 青紅燈執政按 10 ~ 12% ê 支持翻倍甲 22%，我交勥爸勥母按 2019 拆破面到今 m̄ 捌摸過𪜶送 ê 禮，𪜶 ê 後生自 2024 接著最後通知總算願意 kā 心愛爸母三不五時就上童 ê 癖沓沓收泔 hōo 牽手願意 uī 伊停跤繼續手牽手透流到底。

Gún-ê 未來 ē 行向何方，我無確定，總是這是一个好吉兆，除非遮 ê 變化是放屁安狗心。

Am ersten Tag, an dem Russland in die Ukraine einmarschierte, dachte ich an Sebastian Haffner Geschichte und unterhielt mich mit meinem Mann über die Möglichkeit eines Krieges.

Ich hätte zuerst sterben können, wenn ich nicht zurück nach Taiwan fliegen werde.

Du denkst zu viel nach, erwiderte mein Mann.

Nein, ich habe nicht zu viel nachgedacht, denn es gibt kein Absolutes auf der Welt.

Weil die menschlichen Wünsche schweben.

Es wird Dir gut gehen, mir auch, sagt mein Mann.

Wir wissen nicht, wir wissen also nicht, wer wir sein werden.

Ja, aber dir wird es gut gehen, mir auch, allen, sagt mein Mann.

Aber ich glaube, dass meine Wünsche nicht wie der Aktienmarkt schwanken werden.

Oh, ich weiß nicht.

Mein Mann kann mir für einen Cent sagen, dass ich seine Rechte verletzt habe, also werde ich bestraft sage ich.

......

Siehst du, wir wissen nicht was passiert wenn das Problem kommt.

Aber, jetzt wir wissen, für einen Cent, mein Mann ist Irrsinn.

Aber, ist ok, ich werde kämpfen.

Weil Panzer ist nicht unzerstörbar.

Ich weiß, sagt mein Mann.

So, bevor ich sterbe, kann ich die Pfanne habe aus Solingen, bitte und peace?

Du bist in Deutschland sehr sicher und hast eine sehr gute Pfanne Zuhause, und du hast genug Sachen aus Solingen.

Mann, NRW nicht glücklich, weil sein Sohn unterstützt das Vaterland nicht.

Wie mein Mann, unterstützt mich nicht.

Peace!

The first day Russia invaded Ukraine, I thought about Sebastian Haffner's story and chatted with my husband about the possibility of war.

I could have died first if I don't fly back to Taiwan.

You think too much, replied my husband.

No, I haven't thought too much because there is no absolute in the world.

Because human desires are floating.

You'll be fine, me too, says my husband.

We don't know, so we don't know who we're going to be.

Yes, but you will be fine, me too, everyone, my husband says.

But I believe that my desires will not fluctuate like the stock market.

I don't know

My husband can tell me for a penny that I violated his rights, so I'll be punished I say.

......

You see, we don't know what happens when the problem comes.

But, now we know, for a dime, my husband is insane.

But, it's ok, I'll fight.

Because tanke isn't indestructible.

I know, says my husband.

So, before I die, can I have the pan from Solingen, please and peace?

You are very safe in Germany and have a very good pan at home, and you have enough things from Solingen.

Dear, NRW(Nordrhine-westfalen) not happy because his son doesn't support the fatherland.

Like my husband, doesn't support me.

Peace!