亂皂𥴊仔店 ⓂⒺⒾⓃⓀⒾⓄⓈⓀ

(2023.12.30 早起頓 菠薐仔雞肉カレー + 秮仔 + 王梨優格/705kcal)

翁較早無愛食菠稜仔，伊講菠薐仔 m̄ 是菜，伊是路糊仔糜。

這个菠稜仔 m̄ 是菜 ê 問題，tī 我熟似 ê 德國朋友箍仔內有誠 tsuē 人有相𫝛 ê 症頭。

Sòo-pái 自佮伊來往，我 m̄ 捌感覺佗位 m̄ 著勢，不過見佮遮 ê 德國人做陣食飯，我攏 ē 得著這个智慧「我 ê 修養真正蓋好」。

起因，𪜶凡勢真慣勢 iōng 這種方式來表達𪜶見著 buē 合軀抑是 buē 上目 ê 事項，愛覕喙兼激氣「Ne」buē 離來表示我上捌世間事佮享受，總是修養較好 ê 人 mā 應當無興一日到暗看人 tuì 家己「Ne」兼「覕喙」。

Sóo-tí 正經愛 kā 家己褒唆講我是修養蓋好 ê 人，起因我從來 m̄ 捌當場綴𪜶激面腔兼相激，我 kan-ta buē-su 一仙柴頭尪仔 kā 家己祀佛公放外外。

畢竟隨人有隨人 ê 喙斗佮脾土，像我愛食豆腐 mā 愛食印度料理，翁愛食チーズ佮パン，這兩个無相仝拄好掩來扯去 gún 兩人 tuì 生份食物 ê 智識，無啥人 ê 食食文化較贏面抑是低路。

我認捌 ê 德國人問題 m̄ 免閣咸豐三，講到今，sòo-pái 寫到遮為止。

雖罔無要意別人 ê 覕喙佮激氣，總是我猶是成做一隻貓，好玄菠薐仔 tī 遮敢正經遮爾仔恐怖 hōo 我熟似 ê 德國人 kā 伊嫌甲 tī 圓輾輾 ê 地球無一踏通徛起，就隨請超市 kā 我鬥相共並賜我難得 ê 智慧。

我無排斥(pâi-thik)冷凍菜蔬，總是德國凡勢受著寒人較僫有新沢菜蔬，sóo-tí tsuē-tsuē 菜蔬攏 ē 成做冷凍包裝，像白花仔菜、青花仔菜、敏豆遮 ê 菜蔬攏 ē 成做冷凍包裝賣，菠薐仔 mā 是。

猶未徙袖來德國，我罕得行灶跤，準做有 teh 行，菜色 mā 照超市行，sòo-pái 我 tuì 德國食食上蓋有 ê 印象 kan-ta 我無愛食 ê サラダ佮 Kam-má-tooh。

徙袖來德國，翁 mā 按規庄 kan-na 一間超市無其他 ê パン店抑是 Türkiye Kebab 徙來到德國主要超市較齊有 ê 角勢，我總算有機會斟酌繩 tī 庄跤所在無機會通 bué ê 菠薐仔是按怎遮爾仔恐怖。

遮 ê 新沢菠薐仔佮我慣勢 ê 菠薐仔無相仝，伊無菜根 kan-ta 葉，請教 Google tsiah 知影伊號做「尖葉菠薐仔」，我慣勢食 ê 品種號做「圓葉菠薐仔」。

遮 ê 尖葉菠薐仔閣分細葉佮大葉，細葉適合做サラダ，大葉適合炒抑是煠，這个智慧是 m̄ 捌字，看告示，一斗一斗試出來 ê 經驗。

雖罔按全庄 kan-ta 一間超市徙到 Aldi、Lidl、Penny、Netto、Rewe、Marktkauf 遮 ê 主要超市攏齊有 ê 角勢 mā 無表示，尖葉大葉 ê 菠薐仔好 bué，起因食食是資本市場 m̄ 是獨裁市場。

Tī 農民阿伯猶未 kā 倉庫賣 hōo 建築商進前，逐禮拜五下晡三點我攏 ē 去遐款菠薐仔抑是注文，自農民阿伯 kā 倉庫賣掉 bueh bué 新沢菠薐仔就愛等到這幾冬「資本主義」來行踏 tsiah 有機會佮伊再次相見。

Tī 無地注文無通 bué 菠薐仔想 bueh 食菠薐仔我 tsiah 想著超市有 teh 賣冷凍包，按呢無魚蝦 mā 好。

我無反對冷凍菜蔬，總是每一个人有家己 ê 癖，我佮意沓沓仔揀菜 mā 佮意看菜蔬按家己手頭成做無仝生張 ê 彼款感覺，sòo-pái 我 tuì 彼款袋仔一拍開落滾水煠3 ~ 5 分鐘就通食 ê 菜蔬較無興趣，總是這幾冬我 mā 學 ē 曉放過這个癖，起因 bueh 堅持這个癖，褲袋仔愛真飽滇 tsiah ē 得。

Gún 遮賣 ê 冷凍菠薐仔有分原形冷凍佮若麻薏(muâ-ì)透クリーム ê 菠薐仔，若麻薏彼款適合提來煮湯抑是𩛩餡，像 Ravioli 抑是 Türkiye ê Pide mit Spinat，原形冷凍雖罔講是原形冷凍，總是伊猶原 m̄ 是草花抑是敏豆，有結實 ê 組織 hōo 伊 buē 痡心，就按呢試過冷凍包裝 ê 原形菠薐仔我 mā 開始綴遮 ê 德國朋友講「菠薐仔」足恐怖，m̄-koh 我 ē 閣加這兩句「冷凍」buē 因為伊款 tī 佗一國料理就隨成做「好食物」。

2023 冬尾翁某做陣行踏捷克鉸頭鬃兼款比德國一包俗 bueh 5角到1歐元 ê 番麥麥角、磅米芳麥角佮 tī 德國 m̄ 捌見過 m̄-koh 足合我脾土 ê 雞卵餅(Biscuit) mā 見著比德國俗 bueh 1 歐元𫝛款按 I-tá-lih 來 ê 尖葉菠薐仔隨款一包 hōo 翁笑講「Gún 德國敢正經有遮爾仔無好款食物」。

「是無遐爾仔歹款食物，總是褲袋仔袋銀兩猶原比袋磅子較好」我笑應。

是--lah，咱人 buē 曉投資就愛較認份儉遮 ê 料小 --- 一分一仙。

早前 m̄ 捌行灶跤 ê 我 kan-ta ē 曉煠菠薐仔抑是炒菠薐仔，開始行灶跤發見菠薐仔若是閣按呢料理落去，我 mā-ē 行向喙白人生。

總是，我無好體質有法度喙白甲 kan-ta 食甜過日猶原活跳跳，是講遮 ê 活跳跳是倚靠藥物抑是免疫系統這我就 m̄ 知，總是我一直攏相信「灶跤是藥房，食食是上讚 ê 藥方」，像這盤伊是自 tī 印度餐廳搪著伊 mā 揣著食譜就做到今 ê m̄ 知第幾斗 ê 好味素。

          有對照 tsiah 知影手藝敢有進步          

(07.04.2023 早起頓 菠薐仔雞肉カレー + 馬鈴薯丸仔 + 檨仔 Quark/881kcal)

是講呔 ē 雄雄寫著「灶跤是藥房，食食是上讚 ê 藥方」這件代誌？

無啥物，kan-ta 拄好一日同齊聽著𫝛款 ê Podcast 1. SWR1 Leute in Baden-Württemberg ê Michaela Axt-Gadermann | Professorin für Gesundheitsförderung 2. Die Ernährungs-Docs - Essen als Medizin ê (23) So klappt die Ernährungsumstellung - Dr. Silja Schäfer beantwortet Eure Fragen hōo 我想著《獨裁者的廚師》〈甜點〉阿爾巴尼亞軍事首長霍查 ê 廚師 K 先生 ê 這段話「灶跤就是藥房」佮這幾冬捷聽人 teh 講 ê「你食啥物就成做啥物」準做你認為現代醫療有法度解決你 ê 問題，總是彼款無半條命無去 mā 無過甲欲死盪幌(bueh-sí-tōng-hàinn) tshan-tshiūnn 霍查佮𪜶牽手涅琪米葉按呢 ê 日子 m̄ 是逐个攏有法度得著 ê 好運。

《獨裁者的廚師.Jak Nakarmić Dyktatora》

von Witold Szabłowski

譯者：葉祉君

㊓ 衛城

ⓦⓦⓦ 聚珍臺灣

--- 2022.05.30 舊文，2024.1.04 翻草 

菠稜仔雞肉カレー

...... 材料 ......

雞襟胸　400g

菠稜仔　250g

蒜頭，刴幼

洋蔥，刴幼　1

牛奶　100g

滾水　200g

Kam-má-tooh，切塊　3

カレー粉　1EL

鬱金粉　1/4TL

薑母粉　1/4TL

鹽、胡椒

...... 步數 ......

1. 雞肉落鼎炒 hōo 赤赤，挈出來。

2. 洋蔥、蒜頭落鼎煏芳，落 Kam-má-tooho 炒軟，薑母粉、カレー粉、鬱金粉濫落去搜齊。

3. 雞肉、滾水濫落去搜齊，落菠稜仔煮軟。

4. 牛奶濫落去搜齊，tiàu 寡鹽、胡椒，樂暢來食。

(30.12.2023 Frühstück Hähnchen Curry mit Spinat - Hirse - Joghurt mit Ananas/705kcal)

Vorher, Spinat ist ein Gift für mein Mann.

Ich sage er, du hast viel Problem.

Kein Spinat, kein Rettich, keine Bohnen...

Warum du hast viele Problem mit essen?

Er hat mir gesagt, du kannst er mal probieren.

Dann...

Nachdem ich es von meiner Mann Mutter probiert habe.

Ich muss sagen...

Spinat in Deutschland ist wirklich Gift in Deutschland.

Sehr furchtbar...Mann.

Aber, ich glaube das Problem vielleicht nur der aus der Packung.

Das Problem ist nicht vom Spinat.

Dann, ich bin richtig.

Danach habe ich im Bauernhof frischen Spaint gekauft.

Spinat ist wunderschön wie ich ihn immer liebe.

Und mein Mann sagt mir, können wir er öften essen, weil er wie heute  sehr lecker ist.

Hähnchen Curry mit Spinat

...... Zutaten ......

Hähnchenbrustfilet in Stücke geschnitten　400g

Spinat　250g

Fein gehackter Knoblauch

Fein gehackte Zwiebel　1

Milch 　!40g

 Wasser　200g

Tomaten in Stücke geschnitten　3

Currypulver　1EL

Kurkuma　1/4TL

Ingwerpulver 　1/4TL

Salz ＆ Pfeffer

...... Zubereitung ......

1. Hähnchen in die Pfanne geben und anbraten, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind.

3. Tomaten in die Pfanne geben und anbraten bis sie weich sind, dann Curry mit Kurkuma und Ingwer dazu geben und gut mischen.

4. Wasser mit Hähnchen dazu geben und gut mischen, dann Spinat dazu geben und kochen bis der Spinat weich sind.

5. Milch dazu geben und gut mischen, mit Salz und Pfeffer abschmecken. Guten Appetit!

(30.12.2023 Breakfast Chicken Curry with Spinach - Milet - Yogurt with Pineapple/705kcal)

Before, spinach is a poison to my husband.

I say you have many problems.

No spinach, no radish, no beans ...

Why do you have a lot of problem with eating?

He told me you can try it.

Then...

After trying it from my husband's mother.

I must say...

Spinach is really a poison in Germany.

Very horrible ... man.

But, i think maybe the problem might be with the one in the forzen box.

The problem is not spinach.

Then, i'm right.

After i bought fresh spinat in the farm.

Spinat is so delicious as I always love it.

And my husband tells me, can we eat it more often?

Because it is very tasty, like today.

Chicken Curry with Spinach

...... Ingredients ......

Chicken breast cut into pieces　400g

Spinach　250g

Finely chopped garlic　

Finely chopped onion　1

Milk 　100g

Water　200g

Tomatoes cut into pieces　3

Curry powder　1EL

Turmeric　1/4TL

 Ginger powder　1/4TL

Salt＆ Pepper

...... Method ......

1. Add the chicken to the pan and brown, then remove.

2. Add the onion and garlic to the pan and fry until golden brown.

3. Add the tomatoes to the pan and fry until soft, then add the curry with turmeric and ginger and mix well.

4. Add water with chicken and mix well, then add spinach and cook until spinach is soft.

5. Add the milk and mix well, season with salt and pepper. Enjoy your meal!