(2023.12.10 早起頓 玫瑰草花挽肉馬鈴薯泥 + 木瓜/962kcal)
近來無事揣事愖，愖朋友 ê 齷齪。
做一件代誌 ê 因由佮初心是 uī-tio̍h 得著榮華富貴抑是 kan-ta 想 bueh 分張家己 mā 意愛又閣感覺遮爾仔好 ê 代誌無 kā 伊食好鬥相報 buē 得。
若是 uī-tio̍h 榮華富貴無人 bueh 來咱 ê 角勢行踏確實是愛擘腹，若是簡單 ê 食好鬥機報，搪著無人要意應當 buē 遮爾仔艱苦敢 m̄ 是，甚至 buē 風火著抑是中氣 buē 敨。
思仔思，愖仔愖，我想著這件代誌。
你呔 ē 無 bueh 使用面冊，按呢咱是 bueh 按怎連絡？
咱有電話抑是 Email。
面冊較利便--lah。
我 m̄ 知影面冊敢誠實有較利便，總是我猶原較佮意沓沓仔寫批抑是聽聲音 ê 練仙佮家己開時間搜揣資料。
我無佮意過彼 bueh 挃 ê 物件攏愛人 kā 我款好好 mā 無愛替別人攢物件，像現此時分張一項物就隨有人來挵門。
我是慷慨 buē 鹹 buē 柝(kho̍k) ê 性地，總是搪著 kan-na ē 曉挵門煞 m̄ 願加開時間認真讀字 ê 人，我就隨鹹掛澀，一屑仔鹽攏 buē 分。
是講，這款智慧 mā 是門 hőng 挵過幾仔回 tsiah 得著 ê 智慧 --- 有一種驚，號做網路驚你綴 buē 著陣佮驚你 m̄ 捌假捌 ê 好意點拄，咱做人愛知影按怎相趁相喊、攑香綴拜佮 m̄ 通大鼎 buē 滾，細鼎沖沖滾。
講著這 mā 真龜怪，這个地球有遐爾仔 tsuē 語言佮文化，是按怎咱愛綴十字軍來行，是講十字軍自 1096 ~ 1291 將近兩百冬 ê 行踏，得著啥物成果，咱敢看無著？
不過，我相信佮意攑香綴拜 ê 人絕對 ē 講十字軍事件佮 gún 好心點拄你愛按怎相趁相喊 ê 代誌一屑仔攏無底代，你 m̄ 通 kā gún-ê 好意白白仔布染到烏。
窮實遮 ê 人講 ê 話 mā 無 m̄ 著，總是迵過十字軍佮伊斯蘭 ê 變化，咱 ē-tàng 看出，伊斯蘭較無 tshan-tshiūnn 十字軍按呢，每一个年間攏有新 ê 兄弟姊妹出現，當然這 ē-tàng 講是伊斯蘭較保守，總是當我聽著穆斯林朋友分張一个查埔人 ē-tàng 娶四个某 ê 因由，本底信仰基督 ê 阿爾巴尼亞人是按怎按基督徒成做穆斯林，是按怎穆斯林無食豬肉 ê 故事，攏 ē hōo 我感受著「按人類需求來做調整」m̄ 是一个人講準算，tshan-tshiūnn Jan Hus 針對納錢就 ē-tàng 拯救(tsín-kiù)墜落(tuī-lo̍h)神魂 ê 講法提出疑問，伊就 hőng 放火燒死，準做伊 ê 講法並無起大風佮大湧，伊原仔 hőng 放火活活燒死。我 tuì 宗教無認捌，總是 Jan Hus ê 故事 hōo 我想著 Heilige von Bingen 一位信仰虔誠 ê 農婦想 bueh 送 tsa̋-kiánn 入教會跟綴神 ê 智識，Heilige von bingen 回答「神 ê 奉侍(sāi)者需要有好背景 ê 人」意思就是 bueh 學習智慧需要有「皇家血統」舉 Jan Hus 佮 Heilige von bingen ê 例無 bueh 批評抑是評論宗教，m̄-koh 想 bueh 借𪜶 ê 例來分張，當我聽著「因為傳染病，先知交代 gún m̄ 通食豬肉」這件代誌 tī 現此時翻頭轉去看，確實有道理 --- 豬瘟到今無法度解決，千外冬進前應當愈僫解決，「阿爾巴尼亞人按基督徒成做穆斯林，主要是散凶人接受穆斯林 ê 幫贊，落尾仔 mā 綴 leh 成做穆斯林」這款食人一口，還人一斗 ê 代誌到今猶有，「一个查某人 ē-tàng 娶4个某，古早時戰爭、瘟疫捷來，查埔人較有通揣出路，查某人較無，sóo-tí 先知講愛照護遐 ê 失去翁婿閣揣無出路 ê 家庭」這件代誌確實驗應古早時查某人 ê 困境，起因我看家己阿母𪜶彼輩 ê 查某人就知，m̄ 管偌爾仔有才調社會無相楗 mā 是無較縒，𫝛時 mā ē-tàng 理解到今是按怎有遐爾仔 tsuē 查某人無法度離開翁婿，因為「橐袋仔」無半仙。
閣一遍，寫遮 ê 意義 m̄ 是 bueh 分張佗一个宗教好佮䆀，起因每一个宗教攏是按人算起 m̄ 是這位咱無確定 m̄-koh 咱相信伊 ê 神，簡單講人類 ê 歷史就 tshan-tshiūnn Hendrik Willen van Loon 分張 ê「人類 ê 歷史就是一部不寬容史」，咱若寬容是按怎到今猶 teh 做咱祖宗行過 ê 恐怖代。
這是我 tuì 無愛攑香綴拜佮相趁相喊 ê 想法，起因我認為每一个民族攏相𫝛有家己寶貴 ê 文化佮智慧，無一个民族需要 hōo 另外一个民族選擇做「豬仔」來賣，像尊重北美原住民人權就無 kā 𪜶當做豬仔來運送，認為非洲人無需要人權就 kā 𪜶當做豬仔來運送，總是 m̄ 管有箍著人權抑是無箍著人權 ê 族群攏相𫝛，攏漸漸揣無家己甚至成做別人，tshan-tshiūnn 咱 ê 平埔族，喙講別人話，猶是 hőng 認做別人 ê 揣 buē 著家己。
我知影家己是 ē 生蟲 ê 紅龜 sòo-pái m̄-tsiah ē tsiah 龜怪 kā 一件簡單 ê 代誌講甲若牽尪仔補雨傘按呢無重點，m̄-koh 我猶原愛按呢 ê 態度，起因人 Hegel 有講 Die Weltgeschichte ist der Fortschritt im Bewusstein der Freiheit(世界歷史是自由意識 ê 進步)，而且人保羅(Paul)寫 hōo 哥林多人(Corinthians) mā 按呢講「若準我無理解聲音 ê 威力(ui-li̍k)，我 tuì 我講話 ê 對象來講就 kan-na 是野蠻者，佮我講話 ê 人 mā 仝款」我清楚知影面對龜怪我 ê 態度較成猶太人，我 ê 意思是我較成保羅彼个年間無 tuì 外傳教 ê 猶太人性地，不過我清楚知影文字 ê 威力大過聲音，像臺語 hőng 講是有聲無字 ê 意思𫝛款，sòo-pái 準做我無興佮一个宛然 Cicero 分張「tuì 歷史無理解 ê 人永遠攏是囡仔」(To be ignorant of history is to be always a child) ê 人米糕𣻸，我猶是 ē 寫我想 bueh 講 ê 話，起因伊 m̄-nā hōo 我成做 Nietzsche Nicht Erklärungen helfen uns weiter, sondern unser Wille voranschreiten(解釋 buē 協助咱向前行，是咱向前行 ê 意志) mā hōo 我學 ē 曉 Rosa Luxemburg 分張 ê Freiheit ist immer die Freiheit der Andersdenkenden “ 咱認定 ê 自在佮人永遠無相𫝛，咱家己就愛放下家己 ê 龜怪佮遮 ê 人纓纏米糕𣻸 m̄-koh buē-tàng 放棄家己 ê 聲音像保羅分張 ê 智慧。
我是 buē 了時間解釋這个問題，起因讀過歷史 ê 人攏知影希臘文字按佗落來，影響歐洲千外冬 ê 羅馬字又閣按佗落來，閣 bueh 講落去 mā ē-tàng 接續露西亞文字 ê 起源佮土耳其文字按怎轉化做仝文仝字，sóo-tí m̄ 免講遮爾仔 tsuē，起因咱大多數人攏生 tī 智識自由 ê 年間 bueh 得著啥物智識隨在個人 ê 選擇 m̄ 免加我一个成做三藏講經 hōo 猴齊天𪜶聽 。
--- 2022.06.25
這是一篇舊文翻草順紲整塗 ê 舊文章，拄整理這篇文章無啥感覺，總是愈整理(羅馬字轉做台文字)我 ê 頭殼一直 teh 踅這件代誌，美國原住民成年禮報導。
我 tuì 美國原住民 ê 語言佮文化保留程度無理解，總是看彼集報導，我有一種感覺臺灣 ê 原住民朋友現此時有法度講出家己是原住民是因為這十冬外 ê 政策改變，我 ê 意思是咱 ê 教育有 teh 教育咱 ê 多元，雖罔到今猶是無閣好，總是咱 ê 原住民朋友有法度真驕傲紹介家己是原住民抑是有原住民血統，這款代誌 tī 我做囡仔 ê 年間是無可能發生 ê 代誌，而且到今我 mā 有排灣族 ê 朋友 m̄ 承認伊是排灣族，伊攏講我 kan-ta 生甲較成排灣族，gún 老爸按中國來，準做伊是綴老母嫁過來 ê 屘囝。
不過，mā 有排灣族 ê 朋友 tī 往過 buē 按呢紹介家己，這久伊 ē 紹介我是按佗一个部落來 ê 排灣族，伊 ê 查某囝 mā 真愛按呢紹介家己，我是半仿仔(puànn-hóng-á)阿爸是講臺灣國語佮臺語 ê 人，阿母是族語講甲無啥 ē 輾轉 m̄-koh 華語講甲 buē 䆀 ê 原住民，伊家己是逐項語言攏有 teh 學 m̄-koh 規家伙仔攏 kan-ta bueh 佮伊講單語 --- 華語。
這个排灣族朋友 ê 囡仔 ē 按呢講，講無受著 gún 遮 ê 朋友 ê 影響，應當是無啥可能，起因 gún 有朋友蹛加拿大，囡仔講法語、英語、華語 mā 講寡淡薄仔台語，畢竟老母順老爸 ê 慣勢 mā 綴 leh 講華語較 tsuē，我講臺語佮翁 mā 臺語、德語、英語、華語做伙講，有當時仔閣濫寡歐洲別國語言，這个畫面凡勢有影響著這个囡仔，我想。
像頂年 2023 搪著一个結合墨西哥佮愛沙(sa)尼亞 ê 囡仔，爸母講英語，老爸佮伊講西語，老母佮伊講愛沙尼亞語，搪著我一時踅 buē 過來 ê 德語伊 mā buē 驚，顛倒反請我教伊講德語，這个態度佮𫝛款年歲 kan-ta ē 曉講英語 ê 英國囡仔無相仝，起因英國囡仔講 ê 我 ē 曉講法語是針對咱 tuì 語言 ê 分類來做輸人 buē-tàng 輸陣 ê 面子問題，伊佮我仝款 kan-ta ē 曉彼幾句法語，我知影按呢佮囡仔比較是無意思，總是囡仔 mā 是濫兩國血源 ê 後代煞堅持 m̄ 講 mā 刁故意聽無老母 ê 波蘭話 hōo 老母傷心，人 ê 感情是 buē 藏得，特別是面對上親 ê 人 ê 感情。
Tī 波蘭 Hanse 城市 Elbląg/Elbing 搪著一位序大，因為看著 gún 翁某 mā 是兩國結合開始佮 gún 破豆，其中 mā 講著家己 3个孫仔 m̄ 講波蘭語 kan-ta bueh 講英語 hōo 伊足傷心 mā 無法度理解是按怎囝大漢去愛爾蘭做穡娶某生囝 m̄ 願教囡仔講波蘭語，囝仔 mā 足慼波蘭語 hōo 做阿媽 ê 伊 m̄ 管佮𪜶 tī 愛爾蘭抑是波蘭攏感覺家己是外人，不過伊猶是足歡喜𪜶規家伙仔 8 月份底 bueh 轉來波蘭。
這位波蘭阿媽 buē 曉德語 mā buē 曉英語 uī-tio̍h bueh hōo gún 知影伊 teh 講啥，隨請教伊隔壁 ê 少年媽媽敢有法度 kā 伊鬥翻譯伊講 ê 話 hōo gún 聽，不過一開始 m̄ 是講遮 ê 一開始是講車幫 ê 問題，押尾凡勢有規腹肚 ê 感受想 bueh 分張 m̄-tsiah 按車幫愛按怎盤車一路順勢講到厝內代 mā 凡勢掠著話筋，tī 少年媽媽先上車 gún 猶是繼續開講，一个波蘭語、一个德語濫比跤畫手按呢開講到 gún mā 愛上車，上車後我隨越頭 tuì 波蘭阿媽擛手，波蘭阿媽 mā 綴車 ê 速度行到月台尾，手一直揲一直擛伊看 buē 著我，我 mā 看 buē 著伊。
「你定著足好玄是按怎波蘭語 m̄ 捌半句 ê 我，猶原有法度理解波蘭阿媽講 ê 話並繼續開講落去，這講出來 mā 無啥特別當你願意 iōng 心讀伊 ê 動作佮表情，你就 ē-tàng 知影伊 bueh 表達啥物代誌，像咱 tī 羅馬尼亞搪著 ê 序大」上車後，我目箍紅紅 tuì 翁講 mā 感謝爸母𤆬 hōo 我 ê 智慧，雖罔我 mā 是經過一段時間 tsiah 有法度理解這个咱人成做一个人 ê 特殊。
英國囡仔 ê 故事是我家己 ê 觀察，無表示伊就是按呢抑是我就是認定全部 ê 人攏按呢生，只不過英國人家己 mā 有講，咱愛行出日不落年間佮行出英國歷史 tsiah 有法度繼續向前行。
因為朋友 ê 問題 hōo 我想著綴伊加入面冊社團 ê「趣味」mā 想著家己 tī 無料使用 ê Icook(愛料理)搪著 ê 心情故事；
「你按呢 kā 愛料理 ê 記錄一筆一筆刣掉敢 buē m̄ 甘」翁問。
論真講，ē，總是世間事宛然 Hegel 分張「世界歷史是自由意識 ê 進步」我無尊重 mā 無寶惜我 ê 自由就 buē 有現此時 ê 無要無意，m̄ 管愛料理按怎送電子批來我攏無感覺。
押尾綴這个話題繼續近來發見新 ê Browser --- Avira Secure Browser 我 tsiah 知影 ê 毋知。
「你感覺這个瀏灠器(liû-lám-khì)按怎」我請教無電子產品 ē 失神 ê 翁。
「當然 mā 是好，因為伊按德國來」翁應。
試用幾工，我感覺伊 mā 真好使用，伊無綴著 Google ê 跤步，拍漢字 9 成是中國資料，m̄-koh 我猶是較佮意 Ccleaner 起因伊有法度按區域揣資料，準做拍漢字猶是出現別人國家 ê 資料庫 --- 日本，伊猶是比中國資料庫閣較吸引我 ê 目睭仁，起因捷捷 ē 發現到底是咱綴日本跤步抑是日本綴咱跤步 ê 趣味，我 ê 14 是漢字寫法 mā 因為這本發現 hōo 我 buē 閣箍 tī bueh 按呢講臺語就照華語講法就好--ah。
舉一个例，愛沙尼亞/Eesti。
車日子彼久，貧惰請教教典就家己寫愛沙(se)尼亞，起因我敢若捌 se 佮 sua 兩字，綠豆沙(se)，沙(sua)埔，這久較有耐性請教辭典，發見沙猶有 sa 這个文音，就順按全家有智慧學來 ê 智慧，照字讀 ê 音攏讀讀冊音 --- 文音。
感謝 Ccleaner 捷𤆬我踅日本網頁，因為伊我 m̄-nā 離開較早慣勢 ê 夫字看做天 ê 華語讀音，mā 更加清楚 m̄ 免 tuì 大肚胿仔敢若英語，漢字敢若華語 tsiah 有寫法寫佮講 ê 人解釋甲火星去。
玫瑰草花挽肉馬鈴薯泥
...... 材料 ......
馬鈴薯泥 1000g
牛奶 50g
玫瑰草花 500g
挽肉 200g
紅菜頭，切片 1
洋蔥，切絲 1
滾水 200g
Bá-tah
鹽、胡椒
...... 步數 ......
1. 洋蔥、蒜頭落鼎芡芳，挽肉、紅菜頭、玫瑰草花摻落去炒熟，滾水濫落去，煮15分鐘。
2. 馬鈴薯泥、Bá-tah 濫做伙搜 hōo 齊 ，牛奶摻落去攪 hōo 齊，tiàu 寡鹽、胡椒。
3. 1.鋪落去馬鈴薯泥頂懸，樂暢來食。
(10.12.2023 Frühstück Kartoffelpüree mit Hackfleisch und Rosenkohl - Papaya/962kcal)
Ich überlege das.
Was mag ich in meinem Leben.
Weil, meine Freundin hat mir gesagt, sie möchte nicht Fanseite oder Blog weiter schreiben.
Ich denke, ich weiß warum und ich möchte das sagen.
Aber, ich sage es nicht.
Jeder könnten Superstar sein, oder auch niemand sein.
Das ist wahrscheinlich.
Ich sage meinen Freunden nichts.
Gleich wie hier.
Ich sage niemand, ich habe einen Blog.
Weil, für mich
Ruhe ist wichtig in meinem Leben.
Ich möchte keine Zeit verschwenden mit Leuten die ich nicht kenne.
Ich schreiben den Blog nur für meine Sprechuebungen.
Kartoffelpüree mit Hackfleisch und Rosenkohl
...... Zutaten ......
Gekochte Kartoffeln und in der Kartoffelpresse stampfen 1000g
Milch 50g
Rosenkohl 500g
Butter 50g
Fein gehackte Zwiebel 1
Hackfleisch 200g
Möhre in Scheiben schneiden 1
Wasser 200g
Salz ＆ Pfeffer
...... Zubereitung ......
1. Zwiebel, Knoblauch in die Pfanne geben und anbraten bis sie goldbraun sind.
2. Hackfleisch mit Rosenkohl und Möhren in die Pfanne geben und anbraten bis sie goldbraun sind, Wasser mit Salz und Pfeffer dazu geben und gut mischen, dann ca. 15 Minuten kochen.
3. Kartoffeln mit Butter, Salz, Pfeffer und Milch gut mischen. Dann Hackfleisch-Gemüse darauf legen. Guten Appetit!
(10.12.2023 Breakfast Mashed Potatoes with Minced Meat and Brussels Sprouts - Papaya/962kcal)
I think about it.
What do i like in my life.
Because, my friend told me she doesn't want to keep writing fans pages or blogs.
I think I know why and I want to say that.
But, I'm not saying it.
Anyone could be a superstar, or nobody could be.
That is opportunity .
I don't tell my friends anything.
Same as here.
I'm not telling anyone I have a blog.
Because for me
Rest is important in my life.
I don't want to waste time with people I don't know.
I only write the blog for my speaking practice.
Mashed Potatoes with Minced Meat and Brussels Sprouts
...... Ingredients ......
Boiled potatoes and masher 1000g
Milk 50g
Boiled Brussels sprouts 500g
Butter 50g
Finely chopped onion 1
Water 200g
Ground meat 200g
Cut the carrot into slices 1
Salt＆ Pepper
...... Method ......
1. Put the onion, garlic in the pan and fry until they are golden brown.
2. Put the minced meat with Brussels sprouts and carrots in the pan and fry until they are golden brown, add water with salt and pepper and mix well, then boil for about 15 minutes.
3. Mix the potatoes with butter, salt, pepper and milk well. Then place minced meat and vegetables on top. Enjoy your meal!
留言列表
冊 ▪ Bücher ▪ Books (4)
