亂皂𥴊仔店 ⓂⒺⒾⓃⓀⒾⓄⓈⓀ

治枵，治妖

翁看著甜椒，敢若反著天公伯 ê 數簿 --- 大冊(慼)。

我看著甜椒 buē-su 狗蟻熊(Ameisenbär)見著狗蟻隨倚兼流瀾，所致款糜飯進前 gún 攏愛搬「好禮日本人 」戲齣。

「這先生請你 hōo 我小請教一下，今仔日我按算煮這，m̄ 知敢有敆你喙斗合脾土？」

「你款 ê 飯頓我攏愛食。」

「這我無確定，總是起手無回大丈夫，我無承恁兜 ê 癖。」

這是糜飯起手進前 ê 對話，食飯飽換這齣法海收妖「請教先生，咱這糜飯鹹汫敢有敆味？」

「真敆味，總是大同仔番薑仔 m̄ 是我 ê 味。」

「按呢你愛招 Falco 交恁勥母做陣成做 Die drei Musketiere 來一場 tous pour un, un pour tous, der Kommissar。」

這是 gún 翁仔姐猶未掠肥食瘦進前，逐日齊愛輪迴 ê 戲齣，開始掠肥食瘦，這款漚戲 m̄ 捌閣拖棚，起因我 tuì 戲齣 ê 接受度 kan-ta 90 分鐘。

所致，我家己 mā 感謝掠肥食瘦 ê 發想，無伊我凡勢猶牢 tī「巴禮講道，家己攏著」凡事外甥仔點燈火，一切照舅(舊)踅金龜磨。

台語講「田好靠人做，船好靠人搖」我 ê 夜間部同學是𪜶爸母 ê 乩身，無信仰 ê 我尊重𪜶兜 ê 跳童方式，總是宮廟交兩尊大佛是伊兜--ê m̄ 是我--ê，伊 buē-tàng 無經過我 ê 同意交宮廟交兩尊大佛請來 gún 兜祀。

話一拆白，魂舒輕鬆自在。

話一拆白，爸母 ê 乩身 mā 發見家己按死窟仔水轉做活水 ê 遐疼遐疼無興來相揣。

「田好靠人做，船好靠人搖，想 bueh 退童就愛加食番薑仔，這是恁德國醫學學會分張 ê 智慧，德國有 80% ê 人欠鎂，欠鎂情緒就 buē 穩定𠢕上童，按怎食著鎂，番薑仔有厚厚 ê 鎂，可惜，番薑仔交我齊是你 ê 敵人。」

「田好靠人做，船好靠人搖，我愛我 ê 敵人」夜間部同學講。

自聽德國醫學學會按呢分張番薑仔，我開始翻頭愖我 tī 捷克、波蘭、羅馬尼亞、匈牙利遮 ê 角勢所看著 ê 印象，遮 ê 人敢若較 buē 跳童，這个因端敢是𪜶較捷食番薑仔?

𠊎毋知，m̄-koh 非常確定遮 ê 角勢𪜶 ê 消費者較捷款番薑仔轉去生食。自本無慣勢生食番薑仔 ê 我，自開始行踏遮 ê 角勢 mā 沓沓仔佮意番薑仔交大同仔生食 ê 喉韻。

總是，龍鳳生活交箸雙𫝛，buē-tàng 孤一人主意，uī-tio̍h 改善這个問題，請教 Google 大眾廟賜我智慧，大眾廟分張亞洲人凡事透豆油，歐洲人凡事透 Khu-lì-mù。

Ach so，我呔無想著這點，感謝 Google 大眾廟賜我無料智慧生 hōo 我收妖兼治枵。

番薑仔雞肉

...... 材料 ......

雞襟胸，切塊　400g

紅菜頭，切片　1

蒜頭，刴幼

滾水　300g

洋蔥 ，刴幼　1

番薑仔，切塊　2

番薑仔粉　1/4TL

椰子奶 100ml

Kam-má-tooh，切塊　2

芳料草

鹽、胡椒

...... 步數 ......

1. 雞肉落燒鼎炒 hōo 赤赤，提出來。

2. 洋蔥、蒜頭、落鼎炒芳，落 Kam-má-tooh、紅菜頭、芳料草、番薑仔粉炒軟，落滾水煮10分鐘。

3. 番薑仔、雞肉、椰子奶摻落去抐 hōo 齊煮5分鐘，tiàu 寡鹽、胡椒，樂暢來食。

Für mich ist es sehr interessant, die Geschmacksknospen meines Mannes herauszufordern.

Besonders, Gemüse mag er nicht aber ich liebe es sehr.

Z.b. Paprika.

Vorher, hat er immer Nein gesagt.

Jetzt sagt er, ich möchte es essen.

Paprika ist lecker wenn die nicht im Wasser kochen.

Naja, was ich sage kann.

Ich bin nicht die gleiche Person wie er kennt.

Hähnchen mit Paprika

...... Zutaten ......

Hähnchenbrustfilet in schmale Streifen schneiden　400g

Tomaten in Stücke geschnitten　2

Möhre in Scheiben schneiden　1

Fein gehackter Knoblauch

Fein gehackter Zwiebel　1

Wasser　300g

Kokosmilch　100ml

Paprika in schmale Streifen schneiden　2

Paprikapulver　1/4TL

Kräuter

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel und Knoblauch in die Pfanne geben und anbraten bis sie goldbraun sind. Tomaten mit Möhren, Kräuter und Wasser dazugeben und gut mischen, dann ca. 10 Minuten kochen.

3. Paprika mit Hähnchen und Kokosmilch in die Pfanne geben und gut mischen und weitere ca. 5 Minuten kochen.

4. Mit Salz und Pfeffer abschmecken. Guten Appetit.

It is very interesting for me to challenge my husband's taste buds.

Especially the vegetables he doesn't like, but I love.

For example, kohlrabi.

Before, he always said i would never eat that.

Now he says, I want to eat again.

Paprika is delicious if they don't cook in the water.

Well, what I can say.

I am not the same person as he knows.

Chicken with paprika

...... Ingredients ......

Chicken breast cut into strips　400g

Onion cut into small pieces　1

Finely chopped garlic

Water　300g

Tomatoes cut into pieces　2

 Cut the carrot into slices 　1

Bell Peppers cut into strips　2

Paprika powder　1/4TL

Herbs

Salt＆ Pepper

...... Method ......

1. Put the chicken in the pan and fry until golden brown, then take it out.

2. Put the onion and garlic in the pan and fry until they are golden brown. Add the tomatoes with carrots, herbs and water and mix well, then cook for about 10 minutes.

3. Put the bell peppers in the pan with chicken and coconut milk and mix well and cook for another 5 minutes.

4. Season with salt and pepper. Enjoy your meal!