亂皂𥴊仔店 ⓂⒺⒾⓃⓀⒾⓄⓈⓀ

這站仔因為疫情 ê 關係較少坐公車行踏別庄 bué 亞洲食物，彼陣 ê 翁 mā 猶有機會逐日做蜂飛，總是社會經濟就敢若水沖，無水伊就 buē 閣繼續沖。

這斗第三斗 ê 封城，翁無法度繼續做蜂，跔 tī 厝 ê 伊開始 kā 我當做太陽公轉 mā 若 Watsons ê 放送頭一直熥「你敢 bueh 去 bué 菜，我 ē-tang 載你來去」hōo 我提早感受伊 ê 退休人生。

因為疫情，我 mā 按一禮拜款2 ~ 3 擺菜改做一禮拜，這久因為伊 ê Watsons 人生 hōo 我決定提早解封，踅轉來早前 ê 慣勢。

「厝內無越南米粉遮 ê 物，這久 ê 你敢有閒載我去泰國太太遐款物？」

早前貧惰坐公車去泰國太太遐， bueh 請伊載我去攏愛斟酌撨伊願意 ê 日佮時，這久啥物攏免撨隨應「敢這馬 bueh 出發?」

Kan-ta uī-tio̍h 疫情暫時無做蜂，若是正經無做蜂...我 m̄ 敢閣想落去，至少到今伊猶 m̄ 捌成做茶鈷呻我攏無 bueh 佮伊互動，我 m̄-tsiah 一直踅網路。

物件款轉來，那煠伊愛食 ê 白麵那 tuì 伊講，我囡仔時這碗麵號做豬油麵，較大漢聽講有人 kā 伊號做「傻瓜麵」這久踅網路又閣揣著「福州乾拌麵」抑是「福州乾麵」，我已經 buē 記持 tī 福州食 ê 名稱，總是我知影 m̄ 管伊號做啥物名，伊攏知影愛按怎佮別人鬥陣，m̄ 是要求別人𤆬伊鬥陣。

「我無....」翁想 bueh 接話，一想著伊正經蓋成𪜶老母隨恬到伊 ē-tàng 繼續做蜂。

豬油(Schweineschmalz)這个 hōo gún 這輩講著伊猶 ē 流喙瀾 ê 物 mā 沓沓仔跟綴 Eisbombe, Sonntagsbraten 遮 ê 物成做塚(thióng)山一部份。

德國市場已經宣佈 2025 酸菜佮豬油 ē 沓沓仔退出市場，因為少年人無 bueh 支持。

寢頭仔讀著這葩新聞心搐一下，感覺家己 ê 物件閣 bueh hőng 提走，押尾隨笑家己，家己 mā 是幫兇(pang-hiong)之一，我 mā 罕得 bué 這兩款物轉來食，特別是豬油這味。

人真正是硬鼻，家己無愛 ê 物閣 buē-tàng hőng 擲挕捒 ê 紅龜生蟲，龜怪。

因為這葩新聞 hōo 我想著這碗 m̄ 是無意愛，總是清楚知影家己 buē 閣熥來食 ê 麵就 kā 伊回收再利用 hōo 伊生湠閣較 tsuē ê 數字，畢竟 Google 是看數字 m̄ 是看品質，準做我 ê 台文寫甲無蓋好，總是有寫就有機會楔入去這个語言是無聲無字 ê 偏見。

另外，感謝 Google ê 鬥相共，因為𪜶 ê 臆你佮意，我 tsiah 有機會認捌這个看起來無特殊 m̄-koh 足合 gún 翁仔姐脾土 ê 料理。

Google, 多謝。

紅菜頭芥辣雞肉

...... 材料 ......

紅菜頭，切橛　200g

雞肉　400g

芥辣醬　1EL

酒

蜂蜜　1EL

滾水

洋蔥，刴幼　1

蒜頭，刴幼

鹽、胡椒

...... 步數 ......

1. 雞肉、芥辣醬、蜂蜜、滾水、酒、鹽、胡椒濫做伙浞 hōo 齊，落冰箱冷藏透暝。

2. 雞肉落鼎煎 hōo 赤赤，提出來。

3. 洋蔥、蒜頭落鼎芡芳，紅菜頭摻落去炒 hōo 赤赤，雞肉、滾水濫落去搜 hōo 齊，崁蓋煮 10 分鐘，tiàu 寡鹽、胡椒，樂暢來食。

Danke, Google, Ich mag es sehr!!!

Nudeln mit Schweineschmalz

...... Zutaten ......

Hähnchenbrust in Stücke geschnitten　400g　

Senf　1EL

Honig　1EL

Weißwein　1EL

Wasser　

Möhren in Stücke geschnitten　200g　

Fein gehackte Zwiebel　1

Fein gehackter Knoblauch

Salz ＆ Pfeffer

...... Zubereitung ......

1. Das Hähnchen mit Senf, Honig, Wein, Salz und Pfeffer gut vermischen, dann über Nacht in den Kühlschrank stellen.

2. Das Hähnchen in die Pfanne geben und anbraten, bis es goldbraun ist.

3. Zwiebel mit Knoblauch in die Pfanne geben und anbraten bis sie goldbraun sind, Möhren dazugeben und anbrate bis sie goldbraun sind.

4. Das Wasser mit dem Hühnerfleisch hinzufügen und gut vermischen, ca. 10 Minuten kochen lassen.

5. Mit Salz und Pfeffer abschmecken. Guten Appetit!

Thank you, Google, I like it very much !!!

Mustard Chicken with Carrot

...... Ingredients ......

Chicken breast cut into pieces　400g　

Mustard　1EL

Honey　1EL

White wine　1EL

Water　

Carrot cut into pieces　200g　

Finly chopped onion　1

Finely chopped garlic

Salt ＆ Pepper

...... Method ......

1. Mix the chicken well with the mustard, honey, wine, salt and pepper, then placed in the refrigerate overnight.

2. Put the chicken in the pan and fry until it is golden brown and take it out.

3. Add the onion and garlic to the pan and fry until golden brown, add the carrots and fry until golden brown.

4. Add the water with the chicken and mix well, cook for approx. 10 minutes.

5. Season with salt and pepper. Enjoy your meal!