亂皂𥴊仔店 ⓂⒺⒾⓃⓀⒾⓄⓈⓀ

前幾日 Google 推薦我看西南電視台近來又閣暫時無放送 ê 節目 hōo 我想著這篇隨越頭 tuì 翁講「你 mā teh 耍好運得時鐘，歹運得龍眼。」

「我有一个好牽手。」

「我確實是一个好牽手，總是你家己無覺醒 mā 是了然。」

一位已經得龍眼 ê 先生知影家己 ê 身體 buē 堪得伊繼續烏白舞落去，寫批 hōo 電視節目請專家 kā 伊鬥相共，專家 mā 針對伊 ê 問題提出改善計劃，不過效果無啥大，起因佮伊𫝛款體格 ê 牽手 m̄ 願 kā 鬥相共，甚至認為伊佮𪜶翁婿藥仔攏照起工來食，呔 ē 衰甲若梨仔像專家講 ê 閣差一步就斷腦筋，這位太太按呢 ê 想法，我 m̄ 知影愛算伊樂觀抑是世間上大隻 m̄-koh buē 曉飛 ê 駝島？

總是，𪜶翁知影手頭 ê 藥仔食甲盡磅猶原無法度改善身體 ê 無四序，sóo-tí 𪜶翁放手 hōo 伊飛，家己一个人跟綴專家 ê 分張沓沓仔按漉糊仔糜泅出來。

這个節目有一个特別 ê 做法，請求者若是家庭，𪜶 ē 按規个家庭慣勢來建議，請求者若是龍鳳無囡仔，𪜶 ē 按翁某 ê 慣勢來做建議。像這个例，龍佮鳳攏有問題，鳳 m̄ 相信專家 ê 建議，𪜶 mā buē 加講寡啥，畢竟每一个人有家己 ê 醫生。是，這是一个專業醫師組成 ê 團隊，這是一个醫療節目，主要目的是 bueh 教育德國人正確 ê 生活佮食食慣勢，起因現此時 ê 德國有愈來愈 tsuē 少年人滓糖尿、高血壓，高血油，甚至 Alzheimer's disease mā 愈來愈少年化。遮 ê 問題攏佮德國人一代閣一代疊起來 ê 喙白有關係，特別是糜飯 kan-ta 食甜粅粅佮加工肉。

這位請求者佮牽手拔大索三禮拜後決心家己處理糜飯，自彼日開始𪜶牽手 m̄ 捌出現 tī 廚房 mā m̄ 捌佮伊做陣食過糜飯。六月日後，這位先生按腰圍徛紅箍 ê 49 吋降到 41 吋，手頭 ê 藥仔總算有法度較減寡。不過，這个現象敢有法度維持落去，這猶原愛看家己，畢竟這个節目 kan-ta 是媒人，伊保你入房，無保你一世人。

看影片 ê 彼日，翁𪜶老母閣蹛院(閣蹛院是𪜶後生家己講)，𪜶老爸 mā 敲通電話來交代𪜶老母 ê 狀況，爸仔囝兩个人就按老母身體狀況講到「食食愛按怎食 tsiah 健康」問題。我無順風耳耳空 mā 無重，總是無興聽𪜶無話講茭荖規仙人猶原無法度走閃伊刁意故 ê 擴音。

「愛加食寡橄欖油、愛食魚臊、甜粅粅較莫食....」𪜶老爸若專家按呢交代伊，我 tī 邊仔聽甲反白睚 mā 成做一隻貓，𪜶規家伙仔搪著𪜶老母 m̄ 是齊 tuì 魚臊過敏，橄欖油 buē 食得，甜粅粅是糜飯，這久按𪜶老爸 ê 喙聽起來，𪜶翁仔姐若開始食魚臊？信息一葩一葩抾 hōo 好，電話一掛掉我隨喵 hōo 伊聽，喵甲伊無法度閣 tshan-tshiūnn 較早按呢喙脣一粒珠，講話 m̄ 認輸。

「出山了 tsiah 想 bueh 請醫生，這敢 buē 傷過樂觀，另外這久 ê 關心敢無查某囝教娘彌轉臍(tsâi)」翁 m̄ 敢應話，起因現此時 ê 狀況拄拄好是學好著三年，學歹一對時 ê 對照 mā 缺喙食蛤仔肉，峇峇峇 kā 伊洗面，進前 ê 伊 mā 是按呢生，m̄ 知路，閣 bueh 攑頭旗。遮 ê 故事 mā 是咸豐三，講到今 ê 𤺪免閣熥，現此時 ê 我 kan-ta bueh kā 家己褒唆，起因我無佮𪜶做陣歹查埔厚同年，歹查某厚姑姨。

「恁老爸 mā 蓋有意思，猴𬦰上旗尾 tsiah 想 bueh Change 來反抗恁兜 ê 勥母，向望伊拚 ê 白虎湯有應效。」

往過 gún 翁 m̄ 食雞腿抑是雞摸，因為有骨頭。自豆花 kiōng-bueh 捙倒擔伊 tsiah 開始斷奶，斷伊按爸母遐學來 ê 認為。

德國超市這幾冬 mā 按外來人口 ê 變化沓沓仔生湠無仝 ê 色緻，較早僫得見 ê 雞摸、雞翅、雞腿 mā 沓沓仔成做一區 hōo 我 m̄ 免閣 uī-tio̍h 枵饞刁工坐車去別庄泰國太太遐款雞摸抑是雞腿轉來補喙空。

我愛食洋蔥 m̄ 過烘過 ê 氣味無合喙斗。這斗聽金瓜頭家 ê 建議 kā 黃皮洋蔥換做紅蔥頭抑是紅皮洋蔥，彼滋味真正好甲 hōo 我觸舌，而且色緻閣媠甲 hōo 我掠做家己是總鋪師。

因為這斗 ê 經驗 hōo 我閣成做一隻貓是按怎有這款差別，隨請示 Google 大神，大神 mā hōo 我這个答案，黃皮洋蔥肉厚水份 tsuē 適合炒菜；紅皮洋蔥肉薄水份少適合生食。

著，就是按呢雞摸菜蔬烘就是濫黃皮洋蔥 hōo 本底愛烘甲赤赤甜甜 ê 紅菜頭 mā 綴 leh 泅水，齊無鹹無櫼 buē 開脾。

感謝金瓜頭家，感謝 Google，按這份料理我 ê 樹枝又閣發新椏。

節氣行到秋分時，翁攏 ē 講這段「著時矣，咱愛金瓜。」

這回翁愛 hőng 剖腹，主要 ê 因端是伊 kā 甜路、糋路當做三頓 teh 食又閣愛成做八卦紅(Kaktus/Cactus) m̄ 啉水，準做伊 ê 醫生朋友 mā 講伊水啉無夠額，伊 mā 無 teh 驚 ê「啉水愛走便所，我 buaih 做水桶。」

這是伊猶未 hőng 剖腹進前講 ê 話，這久 uī-tio̍h 無愛啉水兼愛甲甜路、糋路遮 ê Omega-6 超磅 ê 食物，伊無滓著糖尿、高血壓遮 ê 因為食食喙白引起 ê 病症 kan-ta 愛 hőng 𠞭膽結石，正港是德國豬 kā 伊綴牢牢 ê 好字運。

伊 ê 腹肚窮實 mā 是這久 tsiah 出現，總是伊佮𪜶爸母𫝛款攏是 Prof. Dr. Gesundheit 真愛家己做醫生兼世間無人比我閣較𠢕扞健康知影按怎食，就按呢一拖拖到這斗 ê 人險險 kiōng-bueh 綴 Thanatos 行伊 tsiah 甘願放棄成做王祿仔仙佮好好仔寶惜伊自本就別人較幸運若戰車 ê 抵抗力。

我 m̄ 知影致著高血壓、糖尿問題 ê 人敢猶按呢過日子猶是 kā 甜粅粅遮 ê 物當做三頓，總是認捌 ê 德國人真 tsuē 人是按呢過日子，起因𪜶認為遮 ê 病症無遐爾仔嚴重，免要意，若是真正無爽快食藥仔著好。

是講，我 mā 有朋友是按呢過日子，現此時 ê 伊敢猶閣活跳跳，我毋知，總是我清楚知影見佮伊做伙攏 ē 聽著「遮疼遐疼」特別是頭疼甲若 hōo トラック 挵著 ê 一支喙 m̄ 捌噤過 ê 雞排、手摵茶按呢那配藥仔那食。

Gún 翁 mā 有相仝 ê 想法，若是無拄好致著糖尿病 huînn-ti̍t 有藥仔通控制免驚惶，我 mā 按麵線婆按呢詬唸 buē 離成做 Hello Kitty 隨在伊，起因 tuì 一个 A-ta-mah-khòng-ku-lī ê 人講較 tsuē mā 是無較縒 ê kan-ta ē hōo 家己斷腦筋 ê buē 和。

Sóo-tí 伊 ê 好字運 ē-tàng 行到佗，我家己 mā 真好玄，總是我 mā 清楚世間事 hōo 咱 buē 𠢕 buē 節，就 kā 問題交 hōo 時間來交代。

這久時間已經來交代 mā hōo 伊知影若是真正搪著高血壓、糖尿遮 ê 問題就 m̄ 是物 hōo 醫生割掉就 ē-tàng 解決 ê 問題，起因這久 ê 伊 uī-tio̍h 走腹問題 teh 苦惱，不過人醫生 mā 有交代這是愛行 ê 一逝路。

栽欉 --- 2021.10.05

翻田塗 --- 2024.10.11

雞腿金瓜烘

...... 材料 ......

金瓜，切塊　1

雞腿　6支

紅皮洋蔥，剖半　6

橄欖油　

芳料草

鹽、胡椒

...... 步數 ......

1. 金瓜、洋蔥濫寡油、鹽、胡椒、芳料草搜齊。

2. 雞腿捊寡鹽、胡椒、芳料佮芳料草，皮囥坦覆，落烘箱捘 180 度烘 25 分鐘。

3. 換囥坦笑落烘箱繼續烘 25 分鐘，樂暢來食。

Im August hat mein Mann immer gesagt.

Es ist Kürbiszeit.

Der Artz hat meinem Mann gesagt.

Vielleicht dieses mal, du muss weniger Essen.

Vielleicht, dein Gewicht kann ein bisschen weniger sein, das ist sehr gut für ihre Gesundheit.

Mann...der Artz ist so süß.

Er sagt nicht, du bist Dick.

Und er sagt nicht, du kannst keine Süßigkeiten essen.

Aber, bisschen essen und das ist gut für ihre Gesundheit.

So süß.

Ich glaub, der Artz in Deutschland hat das gleiche Problem wie in Taiwan.

Sie sorgen ein Beschwerde zu bekommen.

Ich weiß nicht, aber ich muss sagen.

Das ist süß für den Patient.

Und gestern, der Artz hat meinem Mann gesagt.

Du kannst normal Essen.

Dann fragt ich mein Mann möchtest du "5:2" mal probieren?

Was ist "5:2" fragt mein Mann.

Also, 5 Tage normales Essen, 2 Tage  Vegetarisches Essen.

Aber weniger Mahlzeit.

Weniger Mahlzeit bedeutet weniger essen als normal, aber du kannst Kaffeezeit haben.

Aber, nicht  so viele Süßigkeiten und esse mehr normalweise was du nicht magst.

Wie Ballaststoff, Getreide, Wasser und Protein.

Protein aus wenig Fett, sagt ich.

Aber ich mag nicht viele Getreide.....sagt mein Mann.

Kein Problem, du kannst Vollkornbrot oder Kartoffel essen.

Und Protein, wir können Käse in die Mahlzeit machen.

Wie das Essen, Kürbis mit Spaghetti, sage ich.

Das ist sehr interessant, sagt mein Mann.

Und, kann der Stil mein Mann helfen？

Ich weiß nicht.

Aber lasse mich es hier schreiben.

Was passiert nachdem er Stil 5:2 probieren hat.

Kürbis-Hähnchenkeule aus dem Ofen

...... Zutaten ......

Kürbis in Stücke geschnitten　1

Hähnchenkeule　6

Rote Zwiebel in Stücke geschnitten　6

Olivenöl　

Kräuter

B.B.Q Gewürze

Salz ＆ Pfeffer

...... Zubereitung ......

1. Kürbis mit Zwiebel, Öl, Kräuter, Salz und Pfeffer gut mische, dann in Ofenschale verteilen.

2. Gewürze mit Salz, Öl, Kräuter und Pfeffer verrühren und die Hähnchenkeulen großzügig einpinseln.

3. Hähnchenkeulen mit der Unterseite nach oben legen, im Backofen auf 180 Grad 25 Minuten backen.

4. Hähnchenkeulen wenden und backt weiter 25 Minuten. Guten Appetit!

In August my husband always said.

It's pumpkin time.

The doctor told my husband.

Maybe this time, you need to eat less.

Maybe your weight can be a little less, it is very good for your health.

Oh my dear ... the doctor is so cute.

He doesn't say you are fat.

And he doesn't say you can't eat sweets.

But, eat a little and that is good for your health.

So sweet.

I think the doctor in Germany has the same problem as in Taiwan.

They worry about getting a complaint.

I don't know, but I have to say.

That's so sweet for the patient.

And yesterday, the doctor told my husband.

You can eat normally.

Then I ask my husband would you like to try "5: 2"?

What is "5: 2" asks my husband.

Well, 5 days of normal food, 2 days of vegetarian food.

But less meal.

Less meal means eating less than normal, but you can have tea time.

But, Reduce sweets, but eat more things usually you don't like to eat.

Like fiber, grains, water, and protein.

Low fat protein, I say.

But I don't like a lot of grain ..... says my husband.

No problem, you can eat whole grain bread or potatoes.

And protein, we can make cheese in the meal.

Like this, pumpkin with spaghetti, I say.

That's very interesting, says my husband.

Will this method help my husband?

I do not know.

But let me write it here.

What happens after trying style 5-2. 

Pumpkin with Chicken Drumstick Oven Bake

...... Ingredients ......

Cut pumpkin into pieces　1

Cut red onion into pieces　6

Chicken drumstick　6

Olive oil　

B.B.Q spices

Herbs

Salt ＆ Pepper

...... Method ......

1. Season with salt, spices, herbs, oil and pepper and brush generously over the chicken drumstick.

2. Spread the pumpkin with onion in the oven dish.

3. Place the chicken drumstick bottom side up, bake in the oven at 180 degrees for 25 minutes.

4. Turn the chickendrumkstick and bake for another 25 minutes. Enjoy your meal!