亂皂𥴊仔店 ⓂⒺⒾⓃⓀⒾⓄⓈⓀ

(2024.03.10 早起頓 菜蔬ひき肉番薯飯 + 優格/1011kcal)

「比並是人 ê 本性，m̄-koh 悲傷拗鬱攏 buē-tàng 捎來楔一世人嫁一个翁，不二嫁(價)，日時搬布袋戲，暗時暗歌仔戲顧面子 ê 有量就有福。」

本底無 bueh 聽EP486 黃越綏｜【名人專訪】來自愛爾蘭的鐵粉 Feat. 蔡雅芬，畢竟人攏愛看籠面頭篩仔，不過我又閣愛做貓，押尾猶是揤落去無拍斷任何一分鐘。

雅芬 ê 外國人生，我這个佮伊𫝛款攏是外國人新婦 ê 人，聽著伊分張「伊第一斗起跤動手，我就拆白講，第二斗就 m̄ 免閣參詳」我隨笑出來，這个笑 m̄ 是取笑是一種我 mā 是這款態度 ê uī 伊佮我杯底無飼金魚 ê tchin-tchin。

我 tuì 現此時 ê 少年人按怎對待龍鳳生活無理解，總是國校六年 ê 我，身軀邊有太 tsuē kā 食鬱當做仙丹來練 ê 朋友，sóo-tí 當我聽雅芬按呢分張，我有一種驕傲，驕傲 gún-ê 勇敢佮獨立。

囡仔時阿母捷講「查某人 ē-tàng 無翁 buē-tàng 無岫」這久翻頭去想，阿母正經智慧飽滇，雖罔囡仔時捷感覺這就是無受教育 ê 人 ê 貪，這久理解 m̄ 是𪜶無受教育，是𪜶 ê 學習環境佮我無相仝，另外，人生智慧 m̄ 是影印課本就 ē-tàng 一帆(phâng)駛甲到 buē 落湳。

我佮翁 ê 犀牛照角冤家量債寫甲 ē-tàng 成做波蘭森林 ê 眾阿菇，所以 m̄ 免繼續熥清飯來食，總是我 mā 好玄，慣勢成做爸母鳼鴒掠做家己是囡仔和尚，有口無心按呢傳世佛經，踅踅唸，窮實是歹瓜厚子，歹人厚話愛死蛇諍做鱔魚 ê 翁現此時 ê 恬靜敢猶是承𪜶爸母 ê 魔王嫁查某囡，假鬼假怪，總是這是一个好現象，伊 ê 乞食揹葫蘆，假仙 hōo gún 得著德國有 80% ê 人 Magnesium/鎂(bí)乏(ha̍t)帶來 ê 平和。

講著鎂我正經愛講自伊綴著老母 ê 跤步 hőng 𠞭膽閣看著爸母 ê Beschwerden(病痛問題)，伊開始接受像 Hello 醫師分張 ê 食物，特別是豆、米糧、菜蔬遮 ê tī 𪜶兜 buē 出現 ê 食物，德國人四常食啥 ē-tàng 參考 Die Ernährungs-Docs - Essen als Medizin，自伊接受遮 ê buaih 遮 ê 慼，伊確實 buē 閣若吳大獅看 m̄ 是勢面，雙跤 áu leh，tī 庄正身邊 tō 跪落。 Pa̍k 頭巾 ê 兄弟看盟主跪--落去,面向天,雙手伸長長 teh 拜，大家也 tuè 伊跪...(鄉史補記◎陳雷)按呢真𠢕気持ち交繃，我本底就無愛佮人捙盤 mā 愛平靜，自一日照鏡發見家己 mā 歹查埔厚同(tông)年，歹查埔厚姑姨，特別是這支喙愈來愈成𪜶小妹正剾金爍爍，倒剾一缺一缺，我隨 kā 佛祖點香會失禮兼頓手印 tī 香烌講「我 buē 閣一支日本剾刀攑 leh 四界倒剾。」

「我 m̄ 知影恁小妹有啥物敨 buē 開 ê 拗鬱，總是 gún 相信你 ê 態度是你 ê 神魂你上自然 ê 元神，恁小妹生頭清面無快樂，生頭清面講出來 ê 話敢若溢刺酸仝款，酸甲 hōo 人擋 buē 牢」這是五年前見著翁小妹 tuì 伊講 ê 話。

這久想彼久，愛平靜慼人講話欺負人 ê 我竟然 mā 綴田螺較循 mā 彼逝 ê 食老出癖無照直起交繃兼剾洗，總是 tshan-tshiūnn 我一直褒唆 ê 性地，我已經過彼个愛綴時行 ê 年歲，所以我 buē 食菜，食菜，食到肚臍為界 ê 慢牛厚屎尿抑是 buē 曉泅嫌溪狹，攏是別人害我按呢生。

M̄ 管翁是草人幔棕蓑，假鬼假怪抑是正經摠著頭摠，理解問題 mā teh 改善問題，按我聽著刺鑿 buē 閣緊做六月蚶，開喙臭，這就是一个好吉兆。

翁看我跍 tī 烘爐頭前，笑講節氣若是行到秋分佮烘爐𤲍做伙 mā 是一个抾拾燒氣 ê 好辦法。

我笑應講囡仔時，寒人來挨拶 gún 正經攏是跍 tī 烘爐佮塗窯頭前𤲍燒。

「塗窯是啥」伊問。

「田塗起 ê 窯」我講。

「炕塗窯聽起來誠適合露營，你敢猶閣 ē 記得按怎起塗窯」伊問。

「我 kan-na ē 曉動喙 buē 曉動手」我講。

「媠某 mā 𠢕動手」伊那講那挲伊彼圈度。

「是你 m̄ 甘嫌」我講。

「揣無物件通嫌」伊應。

「一支喙講甲糊瘰瘰，m̄-koh 我佮意」我大力 kā 使一个目尾做瘦氣。

「遮 ê 管(Rohr) tī Stuttgart」聽伊按呢接喙我笑甲 kiōng-bueh buē 喘氣，m̄-koh 閣甜甲若 hőng Winne pooh 倒規桶蜂蜜仝款 ê 甜 tshan-tshiūnn 這碗番薯飯，人生 ê 鹹酸甜攏需要家己去 tiàu 味。

Tī 遮揣無人佮我練仙，我就揣翁來話仙。

--- 2022.9.12

    有對照 tsiah 知影手藝敢有進步    

(2022.12.27 早起頓 菜蔬ひき肉番薯飯 + 林檎麻仔葉生菜盤 + 林檎洋刺波優格/860kcal)

菜蔬ひき肉番薯飯

...... 材料 ......

番薯，切橛　2

番薑仔，切塊　1

䆀豆　100g

ひき肉　150g

洋蔥，刴幼　1

Kam-má-tooh，切塊　2

蒜頭

芳料草

番薑仔粉　1/2TL

滾水　300ml

油

鹽、胡椒

...... 步數 ......

1. 番薯、油濫做陣捉 hōo 擠落烘箱捘200度烘35分鐘。

2. 洋蔥落鼎煏芳，Kam-má-tooh 摻落去炒軟，芳料草、番薑仔粉濫落去。

3. ひき肉、番薑仔、蒜頭、䆀豆做陣落鼎炒熟。

4. 落滾水煮10分鐘，tiàu 寡鹽、胡椒。

5. 菜蔬ひき肉淋落番薯，樂暢來食。

(10.03.2024 Frühstück Süßkartoffeln mit Hackfleisch und Gemüse - Joghurt/1011kcal)

Ich stehe am Backofen, mein Mann hat das gesehen.

Er sagt, das ist eine gute Idee wenn der Winter kommt.

Ich sage, als ich Kind war, backen wir Süßkartoffeln im Erdofen.

Das ist die beste Naturheizung.

Die Naturheizung backt sehr leckere Süßkartoffel und wir bezahlen nicht für das heizen.

Das ist eine sehr gute Idee bei campen.

Können wir das machen, sagt mein Mann.

Leider kann ich den Naturofen nicht machen, sage ich.

 Lieben wir es?

An Hand vom Bild kann man sehen wie sehr wir es mögen.

Süßkartoffel mit Hackfleisch und Gemüse

...... Zutaten ......

Süßkartoffeln in Stücke geschnitten　2

Rote Paprika in kleine Stücke geschnitten　1/2

Gelbe Paprika in kleine Stücke geschnitten　1/2

Erbsen　100g

Hackfleisch　150g

Fein gehackte Zwiebel　1

Tomaten in kleine Stücke geschnitten　2

Fein gehackter Knoblauch

Kräuter

Paprikapulver　1/2TL

Wasser　300ml

Öl

Salz & Pfeffer

...... Zubereitung ......

1. Süßkartoffeln mit Öl gut mischen in den Ofen stellen und bei 200 Grad 35 Min. backen.

2. Zwiebel in die Pfanne geben und anbraten bis sie goldbraun ist, Tomaten dazu geben bis sie weich sind, dann Kräuter dazu geben und gut mischen.

3. Hackfleisch, Paprika und Knoblauch dazu geben und anbraten bis sie goldbraun sind.

4. Wasser dazu geben ca. 10 Minuten kochen, Erbsen dazu geben und gut mischen, dann weitere 5 Minuten kochen, mit Salz und Pfeffer abschmecken.

5. Gemüse-Hackfleisch auf die Süßkartoffeln geben. Guten Appetit!

(10.03.2024 Breakfast Sweet Potatoes with Mince and Vegetabls - Yogurt/1011kcal)

I'm standing by the oven, my husband saw that.

He says it's a good idea when winter comes.

I say when I was a child we baked sweet potatoes in the earth oven.

This is the best natural heating.

The natural heating bakes very tasty sweet potatoes, and we don't pay for the heating.

This is a very good idea when camping, can we do that, my husband says.

Unfortunately, I can't make the natural stove, i say.

Do we love it

From the picture you can see how much we like it.

Sweet Potato with Mince and Vegetable

...... Ingredients ......

Sweet potatoes cut into pieces　2

Red bell pepper cut into small pieces　1/2

Yellow bell pepper cut into small pieces　1/2

Peas　100g

Minced meat　150g

Finly chopped onions　1

Tomatoes cut into pieces　2

Finly chopped garlic

Herbs

Paprika powder　1/2TL

Water　300ml

Oil

Salt & Pepper

...... Method ......

1. Mix the sweet potatoes with oil well in the oven and bake at 200 degrees for 35 minutes.

2. Put the onion in the pan and fry until it is golden brown, add tomatoes until they are soft, then add herbs and mix well.

3. Add minced meat, peppers and garlic and fry until they are golden brown.

4. Add the water for about 10 minutes, add the peas and mix well, then cook for another 5 minutes, season with salt and pepper.

5. Put the vegetable minced meat on the sweet potatoes. Enjoy your meal!