亂皂𥴊仔店 ⓂⒺⒾⓃⓀⒾⓄⓈⓀ

凡勢捷揣冊 sóo-pái Google 紹介我讀為何有錢人大多讀紙本書？書可以提升你的這項致富能力，影片、Podcast做不到，文章讀煞，我有一種「學英語 hōo 你變好額」ê 感覺，是講讀書 tī 咱 ê 文化，應當講 tī tsuē-tsuē 文化內底本底就設定 tī hōo 你成做頭人，準做是有啥物大志向像「平等」押尾 mā 是階級 ê 表現。

我按呢講較偏激，總是這是我個人 ê 感受，我 m̄ 捌因為讀書成做好額人抑是頭人，我 mā 好字運無 Pech gehabt 沐著打馬膠歹運出世 tī 阿爾巴尼亞、古巴遮 ê 字捌 tsuē 煞紮來凶年、散(sàn)凶遮 ê 腹肚若水櫃，胸坎若樓梯(獨裁者的廚師) mā 幸運無經過 ' 美麗鄉 Pú-á 寮「總統案」(鄉史補記◎陳雷) ' 抑是《來自清水的孩子》蔡焜霖前輩(Ruhe in Frieden)𪜶彼个年間 ，不過我個人確實是較佮意紙本冊無愛倚電 ê 電子冊，是按怎有這个癖，我家己 mā 捎無摠，總是我就是無法度過淘寶四常，我需要踅街仔揣寶。

我 tī 愖，敢是出版業勼水 sòo-pái mā 愛按呢踅翻頭熥我囡仔時「學英語，出頭天」抑是無參加老師補習班，逐擺上課攏愛聽老師大大典典講「恁遮 ê 無補習，大漢做女工」按呢提醒逐家愛讀書？

我 m̄ 知影，總是我感謝承自芋仔老爸喙斗 ê 愛反冊，不過我無耐性好好仔寫字像芋仔老爸按呢字寫甲有夠媠 mā 無法度像 tsuē-tsuē 𠢕讀冊 ê 人𠢕寫文章，總是我感謝冊帶 hōo 我好奇，準做有 tsuē-tsuē 代誌到今猶無法度理解，像囡仔時讀地球科學，這久看電視 teh 講火山漿遮 ê 有啥物化學物，我猶原無法度 kā 讀過 ê 資訊佮電視敆榫，總是遮 ê 智識成做人生 ê 肥底。

像這久，我有法度自在寫寡佮食譜無相干 ê 話題，m̄-koh 到尾猶是有法度 kā 伊「起承轉合」楔主角，攏是冊紮 hōo 我 ê 自在，像《Tò-tn̄g 倒轉》ê Puigcerda Nuevo 𫝛款，有這个輦11路就通到法國 ê 西班牙城市，總是這个城市敢捌發生小說 ê 故事，彼是隨人取景，隨人寫劇本，像 Cien años de soledad(百年孤寂)。

一粒芹菜頭拆兩半，一半煮 Kari 另外一半...tī 這个資訊豐沛甲 hōo 我頭眩 ê 網路年間，請教 Google 德國分廟，芹菜頭烘 ' Er Schmeckt wie Pommes '(伊食起來就若馬鈴薯條)，我 m̄ 信，越頭請教正廟，正廟各分廟 mā 賜我相𫝛 ê 智慧，逐家攏按呢講，我呔 ē-tàng 無綴 leh 跤踏天罡，總是我 m̄ 是專業人仕像台語好代誌 EP02 | 台灣陣頭跳上世界舞台 - 九天民俗技藝團許振榮團長按呢清楚理解大爿小爿遮 ê 專業名辭，sòo-pái 天罡成做《西遊記》第二回：「有一般天罡數，該三十六般變化。」ê 在人喙斗在人感受 ê 無試呔 ē 知影烘過 ê 芹菜頭敢誠實若 Pommes。

我愛食 Pommes 德國 ê Pommes mā 好食甲捷 hōo 我見點菜猶 ē 閣掠外點一份 Groß(大份)來止饞，總是芹菜頭 tuì 我 tuì gún 翁來講 m̄ 管伊按怎閹雞趁鳳飛，伊猶原是芹菜頭 m̄ 是馬鈴薯。

芹菜頭番薯烘

...... 材料 ......

芹菜頭，切橛　1/2

番薯，切橛　1

Kari 粉　1TL

番薑仔粉　1TL

蒜頭，刴幼

油

芳料草

鹽、胡椒

...... 步數 ......

1. 材料濫做一伙搜齊，落烘箱捘200度烘40分鐘，樂暢來食。

Nachdem ich Curry probiert habe, ich muss sehr ehrlich sagen, ich liebe Sellerie als Salat, aber kein Knollensellerie wie Gemüse.

' Quatsch, ich bin Gemüse ' sagen Knollensellerie und Sellerie.

Ich habe den Knollensellerie ganz Stücke gekauft, halb für Curry, halb für die Menchen im Internet zu zeigen - Er Schmeckt wie Pommes zum probieren.

Und?

Knollensellerie ist Knollensellerie, er ist keine Kartoffel, niemals!

Das ist mein Meinung!!!

Auf Wiedersehen Knollensellerie, lass uns mal sehen, wenn mein Geschmack verändert ist. Gute aufpassen!!!

Ich habe Schwein gehabt!!! (Sagt meinen Mann)

Ofenknollensellerie mit Süßkartoffel

...... Zutaten ......

Knollensellerie in 1/2 cm dicke Scheiben schneiden　1/2

Süßkartoffel in 1/2 cm dicke Scheiben schneiden　1

Currypulver　1TL

Paprikapulver　1TL

Fein gehackter Knoblauch

Öl

Kräuter

Salz ＆ Pfeffer

...... Zubereitung ......

1. Die Zutaten mischen, in den Ofen stellen auf 200°C Ober-/Unterhitze 40 Minuten backen.Guten Appetit!

After trying curry, I have to say very honestly, I love celery as a salad, but not celeriac as a vegetable.

' Trash, I am a vegetable ' say celeriac and celery.

I bought the celeriac in whole pieces, half for curry, half to show the people on the internet - it tastes like chips to try.

And?

Celeriac is celeriac, it's not a potato, never!

That's my opinion!!!

Goodbye celeriac, let's see if my tastes have changed. Take good care!!!

I was lucky!!!(Says my husband)

Celeriac and Sweet Potato Bake

...... Ingredients ......

 Celeriac cut into 1/2 cm thick slices　1/2

Sweet potatoes cut into 1/2 cm thick slices　1

Curry powder　1TL

Paprika powder　1TL

Finely chopped garlic

Oil

Herbs

Salt＆ Pepper

...... Method ......

1. Mix the ingredients, bake in the oven at 200 ° C for 40 minutes. Enjoy your meal!