(2023.12.19 番薯薟肉醬 + 優格/999kcal)
第一擺見著 Chili con Carne 是 tī 16 台 ê 喝玲瓏。
彼陣我一直掠做這絕對無人 bueh bué，伊決定 ē hōo 古錐 ê 主持人 tuì 觀眾司奶講「害仔，今仔日 Feierabend 煞鼓來轉免賣」結果目猶未𥍉，走馬燈 ê 數字按 300 包走到無賰半包 hōo 我下頦落到塗跤，開始成做一隻貓是按怎伊 ē 賣甲遮爾仔好。
不過，彼陣 ê 我是按呢認為，bué ê 族群 m̄ 是德國人，是𪜶 ê 厝邊奧地利人、盧森堡、瑞士遮 ê mā 講德語 ê 族群。
德國喝玲瓏台 m̄ 是 kan-ta 賣德國 mā 賣厝邊 ê 物，而且市草好甲連波蘭 mā 綴 leh 來叫花、洗花、卡花、收花➀。
我 m̄ 知影臺灣有偌 tsuē 物理仔台，總是 gún 兜見 ē 著 ê 喝玲瓏就有五台。
我 ê 街仔路德語大多數 mā 按遮學來，特別是奧地利人叫花 ê 德語佮腔口。
我愛食花豆，總是食過德國人款 ê 花豆，我 mā 綴德國人開始 tuì 花豆喙白甲 ne ne ne buē 食、buē 食、buē-tàng 食。
我 m̄ 知影是啥物因端致使德國人有這款食食慣勢，總是引述(ín-su̍t)德國總舖師家己分張 ê 話「蘑菇明明就遐爾仔好食，是按怎咱 bueh kā 伊舞甲遮爾仔䆀味。」
我 m̄ 知影德國人敢正經遮爾仔愛食酸，總是我 ē-tàng 理解罐頭濫醋 ê 理由，只不過 mā m̄ 免事事項項攏愛成做罐頭抑是濫醋，像花豆...是講，凡勢遮 ê 人食豆本底就濫醋，只是我食 buē 慣勢。
自 tī 喝玲瓏台見著有薟有豆傳統無合德國人喙斗 ê Chili con Carne 賣甲遮爾仔好，我就四界揣資料想 bueh 知影伊是按怎吸引這个 tuì 我來講是真特殊喙斗 ê 族群。
無揣無代誌，一揣目睭全代誌，Chili con Carne, Chili sin Carne, Chili con Carne ohne Kidneybohnen, Chili con Carne mit Süßkartoffel....這久我就足感謝家己無這个症頭，堅心愛食原味，像朋友講馬鈴薯泥無バター無牛奶就 m̄ 是馬鈴薯泥按呢。
因為無食薟 mā 貧惰家己浸花豆就先綴人做 Chili con Carne mit Sükartoffel ê 無花豆版本，我 buē 講䆀味，總是紅肉 66 tuì 我來講正經無適合煮湯，準做伊本身就是適合煮糜 ê 番薯，我猶是食 buē 敆喙，gún 翁 mā 有相仝 ê 想法，另外無濫花豆 mā 感覺蓋成減一味，這个想法凡勢是按相片遐看來 ê 催眠(tshui-bîn)。
Sóo-tí 這斗決定綴 leh 做有花豆 ê Chili con Carne，只不過猶原貧惰家己浸花豆，總是這擺好字運揣著無濫醋 ê 花豆罐頭 mā kā 番薯踅轉來家己慣勢 ê 喙斗 --- 烘，紲落來 kā ひき肉換做雞肉，起因我問翁 Chili con Carne 佮 Chili sin Carne ê 差別，「Con Carne，敆肉，Sin Carne ，無敆肉」翁講。
原來如貓，按呢我知影 bueh 按怎款家己 ê Chili con Carne，準做伊無標準，總是人 ē 綴環境變化，食食敢 buē-tàng，我愛家己 ê Chili con Carne。
➀ 《我隨意，你盡量》王昭華〈市仔的花草〉
番薯薟肉醬
...... 材料 ......
番薯，切橛 1
Kam-má-tooh 罐頭 200g
洋蔥，刴幼 1
蒜頭，刴幼 1
花豆罐頭 1
雞肉，切塊 400g
番薑仔，切塊 1
椰子奶 100g
滾水 300g
芳料草
鹽 & 胡椒
...... 步數 ......
1. 蕃薯、油濫做伙搜齊，落烘箱捘200度烘35分鐘。
2. 雞肉落鼎炒 hōo 赤赤，提出來。
3. 洋蔥、蒜頭落鼎炒芳，番薑仔摻落去炒軟，Kam-mâ-tooh 罐頭、滾水、芳料草濫落去抐 hōo 齊煮滾。
4. 雞肉、椰子奶、花豆濫落去抐 hōo 齊，煮10 分鐘，tiàu 寡鹽、胡椒。
5. 番薯濫落去，樂暢來食。
(19.12. 2023 Chili con Carne mit Süßkartoffel - Joghurt/999kcal)
Vor Deutschland kenne ich Chili con Carne nicht, in Deutschland als ich 123 TV geguckt habe, ich kenne Chili con Carne, aber!
Ja, aber!
Warum, Chili con Carne ist so beliebt und seit wann die Deutschen lieben Bohnen und Chili?
Ja, ich weiß, wen ich kenne, das bedeute nicht alle deutschen, aber FAST.
Dieses Problem weckte mein Interesse, weil ich habe Problem mit Kidneybohnen.
Für mich, Kidneybohnen müssen süß sein, nicht salzig.
Oh, Mann, Kidneybohnen mit Kondensmilch - Ich meine Kondesnmilch wie Milch Mädchen...... OJE, Hammer!!!
Wegen 123 TV bin Ich so neugierig über Chili con Carne, ich möchte Chili con Carne probieren, aber selbst kochen.
Dann habe ich noch ein Problem, ich bin so faul, ich möchte die Bohnen nicht selbst einweichen und ich möchte auch nicht in der Dose kaufen.
Kidneybohnen aus der Dose so furchtbar, ja das ist mein Erinnerung an Kidneybohnen aus Deutschland... so sauer...
Aber, ich werde jedes Jahr älter, Kidneybohnen auch.
Diesmal, ich habe die Dose ohne Essig gefunden, dann probiere ich sie sofort.
Oh, ja, das ist super lecker, besonders mit Süßkartoffeln, obwohl mein Chili con Carne ist nicht so original, aber Chili con Carne ist lecker, das ist mein Geschmack.
Chili con Carne mit Süßkartoffel
...... Zutaten ......
Süßkartoffel in Stücke geschnitten 1
Tomaten aus der Dose 200g
Fein gehackte Zwiebel 1
Fein gehackter Knoblauch 1
Kidneybohnen aus der Dose 1
Hähnchen in Stücke geschnitten 400g
Paprika in Stücke geschnitten 1
Kokosmilch 100g
Wasser 300g
Kräuter
Salz, Pfeffer
...... Zubereitung ......
1. SüßKartoffeln und Öl gut mischen, im Backofen auf 200 Grad 35 Minuten backen.
2. Hähnchen in die Pfanne geben und anbraten bis es goldbraun ist, dan rausnehmen.
3. Zwiebel mit Knoblauch und Paprika in die Pfanne geben und anbraten bis sie goldbraun sind.
4. Tomaten mit Wasser, Hähnchen, Kokosmilch und Kräuter dazugeben und gut mischen, dan ca. 20 Minuten kochen.
5. Kidneybohnen mit Salz und Pfeffer dazugeben und gut mischen, dann weiter 5 Minuten kochen.
6. Süßkartoffeln dazugeben und gut mischen. Guten Appetit!
(19. 12. 2023 Chili con Carne with Sweet Potato - Yogurt/999kcal)
Before Germany, I don't know chili con carne, in Germany when I watched 123 TV(Shopping), I know chili con carne, but!
Yes but!
Why, chili con carne is so popular and since when the Germans love beans and chilli?
Yes, I know who I know, that doesn't mean all Germans, but ALMOST.
This problem aroused my interest because I have a problem with kidney beans.
For me, kidney beans have to be sweet, not salty.
Oh, man, kidney beans with condensed milk - I mean my condensing milk like Milch Mädchen ...... Yes, yummy!!!
Because of 123 TV I am so curious about chili con carne, I want to try chili con carne, but cook myself.
But I have a problem, I'm so lazy, I don't want to soak the beans myself and I don't want to buy in the can either.
Kidney beans from the can so terrible, yes that is my memory of kidney beans from Germany ... so sour ...
But, I'm getting older every year, kidney beans too.
This time, I found the can without vinegar, then I try it immediately.
Oh, yes, that's super tasty, especially with sweet potatoes, although my chili con carne is not so original, but chili con carne is delicious, that's my taste.
Chili con Carne with Sweet Potato
...... Ingredients ......
Sweet potato cut into pieces 1
Canned Tomatoes 200g
Finely chopped onion 1
Finely chopped garlic 1
Canned Kideny beans 1
Chicken breast cut into pieces 400g
Bell pepper cut into pieces 1
Coconut milk 100g
Water 300g
Herbs
Salt, Pepper
...... Method ......
1. Mix the sweet potatoes and oil well, bake in the oven to 200 degrees for 35 minutes.
2. Put the chicken in the pan and fry until golden brown, take it out.
3. Put the onion with garlic and bell peppers in the pan and fry until they are golden brown.
4. Add the tomatoes with water, chicken, coconut milk and herbs and mix well, then cook for about 20 minutes.
5. Add the kidney beans with salt and pepper and mix well, then cook for 5 minutes.
6. Add sweet potatoes and mix well. Enjoy your meal!
留言列表
冊 ▪ Bücher ▪ Books (4)
