亂皂𥴊仔店 ⓂⒺⒾⓃⓀⒾⓄⓈⓀ

(2024.04.06 早起頓 荷蘭豆番薯咖哩 + 魚指 + 俗麭 + 優格/971kcal)

凡勢是歐洲中心設 tī Ireland sòo-pái 當德文成做英文，Google 大神捷分張按英國來 ê 食譜 hōo 我又閣成做一隻貓想 bueh 知影英國食食敢真正遐爾仔䆀味。

我 m̄ 捌行踏英國，m̄-koh 捌食過幾間正港按英國來 ê 餐廳，我 buē 講英國餐廳䆀味，總是食來食去就是彼幾味 --- Fish and Chips ê buē 敆喙。

我已經 buē 記得這出菜敢是按 BBC GOOD FOOD 抑是 BBC Food 看來，總是我清楚伊是按英國遐來。

我 tī 英國網站學著 tsuē-tsuē 好食 ê Kari 像美國茄 Kari，這出菜窮實 m̄ 是按英國網站看來，不過伊 mā 佮英國有相干，簡單一句美味しい甲。

寫著美國茄 Kari hōo 我想著出這出菜 ê 雙跤踏雙船，心頭亂紛紛，出美國茄 Kari 我搪著牽粉 m̄ 牽粉 ê 心頭亂紛紛，出這出菜我 mā 搪著將士象車馬炮 bueh 出佗一子 teh 紅肉 64 綴 leh 𤉙 buaih 綴 leh 𤉙 ê 頭疼。

咱 ê 紅肉確實適合𤉙湯做番薯湯，總是德國進口 ê 紅肉番薯佮湯路無峇，準做 tsuē-tsuē 德國人真愛按呢料理，總是這味踮 gún 兜無路。

食食 tshan-tshiūnn 做著歹田望下冬，娶著歹某一世人 ê 歡歡喜喜一工，煩煩惱惱也一工，終其尾猶是家己主意。

紅肉𤉙湯正經無市草，濫寡油落電烘箱烘 mā buē 成做板膋 ê 負擔，就順家己喙斗來出菜，收成真媠，媠甲 hōo 我想著李仔糖。

巡菜股翻田塗，搪著 bueh 閣熥 ê 菜色就 hōo 伊重頭生，畢竟遮 ê 故事攏是我行過 ê 跤跡。

 使用手機仔媠圖 APP 妝娗 bueh 囥踮遮 ê 相片，翁 mā 拄好 teh 看四冬一斗 ê 航海競賽(kīng-sài)影片，m̄ 捌這項競賽 ê 我隨成做貓綴伊金金看法國、義大利、日本遮 ê 選手自𠊎介紹佮𪜶 tī 這段期間 ê 四常，當我準備 bueh 踅翻頭轉來家己 ê 世界，伊問「Mā 有德國選手你敢 bueh 做伙看？」 

「當然 mā 是 bueh」我講。

影片 tsiah 拄起鼓，我已經笑甲 kiōng-bueh 痚呴.....

「就按呢，我今仔日莫翕家己 hōo 逐家看，因為現此時 ê 我 tshan-tshiūnn 海洋按呢光光光 hőng 捎無摠又閣充滿幻想(伊回歸大自然規身軀賰一軀皮衫)。」

「德國人果真是德國人 m̄ 管 tī 佗位攏愛 FKK➀，這搭 mā 是」我講。

「我無 FKK，我原仔有疊一領內褲，sòo-pái 你猶原有幻想空間」翁笑應。

➀Frei Körper Kultur = 解放身體文化，源自前東德。

--- 2020.11.18

荷蘭豆番薯咖哩

...... 材料 ......

荷蘭豆　200g

番薯，切塊　1

細葉菠薐仔　125g

滾水　300ml

洋蔥，刴幼　1

咖哩粉　1EL

蒜頭，刴幼

鹽、胡椒

...... 步數 ......

1. 番薯濫寡油，落烘箱捘200度烘25分鐘。

2. 洋蔥、蒜頭落鼎芡炒芳，落荷蘭豆、咖哩粉炒芳。

3. 落滾水煮10分鐘，番薯、菠薐仔摻落去搜齊，tiàu 寡鹽、胡椒，樂暢來食。

(06.04.2024 Frühstück Süßkartoffel-Zuckerschoten-Curry - Fischstäbchen - Toastbrot - Joghurt/971kcal)

Ich mag keine Pflaumen, aber ich liebe das Bonbon von Pflaume --- Lí-á-thn̂g, mann...so lecker!

Als ich das Rezept gesehen habe, ich denke sofort an das Bonbon, weil die Süßkartoffel sieht wie Lí-á-thn̂g aus, lecker lecker lecker.

Aber ich weiß, die Süßkartoffel sieht aus wie Honig, ist nicht aus Gerstenzucker, es ist Currysoße.

Ich vermisse das Bonbon, ich vermisse mein Kindheit und ich weiß das ist ein gute Idee für meinen Mann, weil die Zuckerschoten ist ein Feind für ihn.

So leicht, so lecker.

Süßkartoffel-Zuckerschoten-Curry

...... Zutaten ......

Zuckerschoten　200g

Süßkartoffel in kleine Stücke geschnitten　1

Spinat　125g

Wasser　300ml

Fein gehackte Zwiebel　1

Currypulver　1EL

Fein gehackter Knoblauch

Salz, Pfeffer

...... Zubereitung ......

1. Süßkartoffel, Öl gut mischen im Backofen auf 200 Grad 25 Minuten backen.

2. Zwiebel mit Knoblauch in die Pfanne geben und anbraten bis sie goldbraun sind, Zuckerschoten mit Currypulver dazu geben und kurz anbraten.

3. Wasser dazugeben und gut mischen, ca. 10 Minuten zum kochen.

4. Süßkartoffeln mit Spinat dazu geben und gut mischen. 

5. Mit Salz und Pfeffer abschmecken. Guten Appetit!

(06.04.2024 Breakfast Sweet Potato and Sugar Snap Peas Curry - Fish Fingers - Toast - Yogurt/971kcal)

I don't like plums, but I love the candy of plum --- Lí-á-thn̂g, oh so yummy!!!

When I saw the recipe, I immediately think of the candy because the sweet potato looks like Lí-á-thn̂g, yummy, yummy.

But I know the sweet potato looks like honey, it's not made from barley sugar, it's curry sauce.

I miss the candy, I miss my childhood and I know this is a good idea for my husband because the sugar snap peas is an enemy to him.

So light, so tasty!

Sweet Potato and Sugar Snap Peas Curry

...... Ingredients ......

Sugar Snap Peas　200g

Sweet potato cut into small pieces　1

Spinach　125g

Water　300ml

Finely chopped onion　1

Curry powder　1EL

Finely chopped garlic

Salt, Pepper

...... Method ......

1. Mix sweet potato, oil well and bake in oven at 200 degrees for 25 minutes.

2. Put the onion with garlic in the pan and fry until they are golden brown, add sugar pods with curry powder and fry briefly.

3. Add the water and mix well, for about 10 minutes to boil.

4. Add sweet potatoes with spinach and mix well.

5. Season with salt and pepper. Enjoy your meal!