亂皂𥴊仔店 ⓂⒺⒾⓃⓀⒾⓄⓈⓀ

 咱現此時認定 ê 高貴是向時 ê 卑賤(Pī-tsiān)，像兔仔耳➀(Hasenöhrchen, Lamb's lettuce, Mâches)，蠶豆、馬齒豆、豬豆➁，目今是 Holloween 萬聖節重要主角金瓜 tī 往過是豬菜 mā 是散赤人上主要 ê 糜飯。食物交語言𫝛款，流擺行跤到臭頭仔 mā-ē 做皇帝。

自按栽 tī 海洋 ê 番薯島徙岫到四箍圍仔 kan-ta 若狗蟻鬚有海洋 ê 德國，有機會食著魚臊是手指頭交跤指頭合做伙算猶有賰。我食紅肉 ê 機會是地球順日頭公遨(gô) ê 百外倍。

人猶 tī 番薯島 m̄ 捌啥物號做來洗症候群 mā 罕得交感冒做朋友 ê 我，自徙岫到德國除了一年膨風 15 公斤掠外，來洗症候群交感冒 mā 捷來挨拶 hōo 我掠做換年(Wechseljahre)開始進行，驚甲半小死。畢竟，我徛這个年歲(45~55)猶有一寡時間。

按臺灣徙岫到德國 ê 身體變化 tī 我猶未掠著筋進前，我認定𠢕感冒是臺灣交德國 ê 天氣無相仝，來洗症候群凡勢是烏貓姊年間愛食冰 ê 慢分復仇。遮 ê 現象一直到人減重成功，年歲 mā 正式踏入換年週期，我 tsiah 開始繩問題。因為罕得落頭鬃 ê 我 m̄ 管捊頭鬃抑是洗頭鬃，齊是一大搣髮菜 hōo 我驚甲無半條命，隨請教 Google 眾大細廟頭皮問題按怎來交愛按怎處理。

1. 基因問題 - 無。

2. Hoo-lú-bóng 變化 - 無確定。

3. 染頭鬃 - 無。

4. 大頷胿這類 ê 問題 - 無。

5. 營養不良 - 呔有可能。

6. 接受藥物治療 - 無。

7. 壓力交創傷 - 無。

遮 ê 問題巡無一个答案，繼續請教眾大細廟；

1. 卵白質食無夠無？敢若無夠.....逐日攏食麭交麵。

2. 有食紅肉無？有，m̄-koh 攏食加工肉......

3. 有食魚臊無？無。

4. 日頭曝有夠額無？無確定。

5. 菜蔬食有夠額無？無，真久無交菜蔬做朋友。

6. 有食油無？有，Bá-tah。

繼續巡落去，我非常確定我 ê 問題交食食有九成九 ê 關係。踮臺灣我 ê 糜飯有魚有菜有米糧食甲哽胿僫歕雞胿，踮德國我 ê 糜飯 kan-ta 麭交加工肉 ê 食甲規日血糖低兼膨風，挽著筋隨 kā 本底捎生菜盤做主力 ê 糜飯盤增加無仝 ê 菜色。減重期間驚食油，這久大大典典 kā 淋落去，減重期間揀肉食，這久只要食 ē 敆喙 ê 肉攏 kā 食落去，自徙岫來德國出錢 ê 人捷哭呻 ê 魚臊鞏金兼𪜶兜勥母有交代 --- gún 一家伙仔食魚臊過敏，這耳入，彼耳出，自徙岫來德國出錢 ê 人總愛主意講無食菜蔬 ê gún 我猶是一條腸仔迵尻川，伊 ê 腸仔交我 ê 腸仔無相仝，伊莫食菜蔬是伊 ê 選擇 m̄ 是我 ê 壓霸。自食食慣勢改變，gún 兜 ê 水槽空 m̄ 捌閣 hōo 髮菜霸佔過。

德國人欠鎂欠鋅(sin)也欠 Omega-3，鎂 tī 番薑仔、金瓜，Omega-3 tī 橄欖油、𠕇仁，鋅 tī 金瓜、菠薐仔....

一日翁仔姐做陣看專題報導，德國醫藥學會針對德國人 ê 喙白提出食食 ê 建議，遮 ê 建議成做我治療喙白翁 ê 好藥方，特別是伊𠢕綴爸母跳童 ê 問題。

「我非常確定你交恁爸母啥物攏欠 kan-ta 無欠 Omega-6。」

Gún 翁 mā 有食老來禿頭 ê 問題，這个問題 tī 往過伊 ē 按呢應「這是遺傳交年歲 mā 有矣 ê 正常」，這久伊按呢講「我無行向 gún 爸母 ê 症頭，是因為我無閣繼續喙白人生。」

金瓜著時，魚臊正港鞏金罕得 bué 就訓練家己食牛肉，Tshì-sù 食 buē 慣勢就加食寡優格交𠕇仁來補身體欠 ê 鋅。

窮實我並 m̄ 知影家己身體欠啥，總是自糜飯無顧喙白翁 ê 主意 kā 伊踅轉來我慣勢 ê 糜飯盤，感冒真久 m̄ 捌來相揣，除了今年車日子人 tī 挪威 hōo 致著感冒 ê 翁穢著。早前捷講是牛奶害伊半頭風交捷跳童 ê 翁 mā m̄ 捌閣出現半頭風交跳童問題。

好好仔食糜飯，莫喙白是送 hōo 家己上讚 ê 藥方。 

挽肉金瓜焗

...... 材料 ......

挽肉　200g

罐頭 Kam-má-tooh 醬　400g

洋蔥，刴幼　1

卵　1

Tshì-sù　100g

金瓜　1

三色番薑仔，切塊　500g

芳料草

芳料粉

蒜頭，刴幼

鹽、胡椒

...... 步數 ......

1. 金瓜落湯鍋仔煮 30 分鐘，水渧焦，踅做金瓜糜。

2. 洋蔥、蒜頭落鼎芡芳，挽肉、番薑仔摻落去炒 hōo 熟，落芳料粉、芳料草搜齊。

3. Kam-má-tooh 醬濫落去搜齊，金瓜、卵、鹽、胡椒濫落去搜齊。。

4. 二分一 ê Tshì-sù 濫落去搜齊，二分一 ê Tshì-sù 鋪頂懸，落烘箱捘 200 度烘 20 分鐘，樂暢來食。

Mein Mann mag keine Austern und Agar, ich auch nicht.

Wir lieben Meeresfrüchte, aber leider sie sind teuer in Deutschland und ich habe auch das Problem ... ich mag den Gschmack von Rind und Puten...

So, wir haben das Problem, woher kommt das Spurenelement Zink. Das ist ein großes Problem für mich, besonders für die Augen in der Nacht.

Zink ist auch wichtig für Haut, Haar und Immunsystem, besonders gegen die Erkältung.

Ich brauche Zink für meine Augen in der Nacht, mein Mann brauche Zink für seine Haut und Haare, besonders Haare, Zink ist wichtig für ihn kein Mittelmeer(in Mitte keine Haar) auf den Kopf.

Was soll ich machen?

Das Spurenelement Zink von Pille nehmen?

Nein, ich liebe natürliche Sachen.

Dann was soll ich essen...außer Rindfleisch oder teure Meeresfrüchte.

Google!

Ja, Google.

Du kannst Kürbis, Joghurt, Schweinfleisch oder Nüss essen.

Das ist ein gute Idee, besonder jetzt es ist Zeit für Kürbis Saison.

Kürbisauflauf mit Hackfleisch

...... Zutaten ......

Hackfleisch　200g

Tomatensoße aus der Dose　400g

Fein gehackte Zwiebel　1

Ei　1

Käse　100g

Kürbis　1

Paprika Mixed　500g

Kräuter

Gewürze

Fein gehackter Knoblauch

Salz ＆ Pfeffer

...... Zubereitung ......

1. Den Kürbis mit Wasser etwa 30 Minuten lang kochen, dann das Wasser abtropfen lassen und den Kürbis pürieren.

2. Zwiebel mit Knoblauch in die Pfanne geben und anbraten bis sie goldbraun sind, Hackfleisch mit Paprika dazugeben und anbraten bis sie goldbraun sind.

3. Tomatensauce mit Kräuter und Gewürze dazugeben und gut mischen, dann Kürbis mit Salz und Pfeffer dazugeben und gut mischen.

4. Das Ei mit der Hälfte des Käses hinzufügen und gut vermischen.

5. Mit der Hälfte des Käses bestreuen und im Ofen bei 200 Grad 20 Minuten überbacken. Guten Appetit!

My husband doesn't like oysters and agar, neither do I.

We love seafood, but unfortunately it is expensive in Germany and I also have the problem... I like the taste of beef and turkey...

So, we have the problem where the trace element zinc comes from. This is a big problem for me, especially for the eyes at night.

Zinc is also important for skin, hair and immune system, especially against the cold.

I need zinc for my eyes at night, my husband needs zinc for his skin and hair, especially hair, zinc is important for him no Mediterranean (no hair in the middle).

What should I do?

Take the trace element zinc from pill?

No, I love natural things.

Then what should I eat...except beef or expensive seafood.

Google!

Yes, Google.

You can eat pumpkin, yogurt, pork or nut.

This is a good idea, especially now it's time for pumpkin saison.

Pumpkin and Minced Meat Gratin

...... Ingredients ......

Minced meat　200g

Canned tomatos sauce　400g

Finely chopped onion　1

Egg　1

Cheese　100g

Pumpkin　1

Bell Peppers, mixed　500g

Herbs

Spices

Finely chopped onion

Salt ＆ Pepper

...... Method ......

1. Boil the pumpkin with water for about 30 minutes, then drain the water and puree the pumpkin.

2. Put the onion with garlic in the pan and fry until they are golden brown, add the minced meat with peppers and fry until they are golden brown.

3. Add the tomato sauce with herbs and spices and mix well, then add the pumpkin with salt and pepper and mix well.

4. Add the egg and half of the cheese and mix well.

5. Sprinkle with half the cheese and bake in the oven at 200 degrees for 20 minutes. Enjoy your meal!