(2022.03.05 減肥早起頓。德國獅仔頭湯，德國獅子頭湯)
四常，我 ē 家己 bué 絞肉 tńg--lâi 做肉餅、丸仔，kam-má-tooh 醬 mā 是。
Tsit 擺冰箱猶有 gún 翁出張紮 tńg--lâi ê Frikadellenbällchen(德國獅子頭 )就 kā 伊挈來做平常時 lóng-ē 款來做下昏飯 ê 料理。
Tsit 个做法是按人 tī 法國行跤花食著 ê Bouillabaisse(華文：馬賽魚湯)做地基 ê 烏白舞。
早先，我 kan-na ē 挈伊敆パン做伙食。
Tsit 斗， gún 翁講伊想 bueh 佮法國糋做伙食，看按呢 ê 食法敢有新世界 thang 發見。
翁下 ê 願望做牽手--ê 若是有法得 kā 伊鬥相共彼絕對是塗炭仔 mā-ē 想辦法成做公主 ê 代誌。
總--是，塗炭仔 ē 貪戀眼前 ê 世界來出箠(tshê)，sòo-pái tī 我 bueh 變妝做塗炭 ê 時我 tuì 伊講「塗炭仔是恁 ê 故事，伊 ē 出箠，我更加 ē」。
我清楚知影，伊有一支想著啥就 suî 講啥 ê 喙，家己真無愛伊 tsit 款性地，總是 mā 無愛一日到暗 uī-tio̍h tsit 款代誌 teh 冤家量債就先 kā 品 hōo 明。
意思就是食了 buē 敆味 mài tuì 我講寡塗炭仔半路認親 ê 姊妹𪜶做 ê 代誌。
起因，我 mā m̄ 是彼款萬項 lóng 是別人 m̄ 著 ê 耳仔生兩葉，家己看 buē 著 ê 人。
Sòo-pái 我 buē 講家己真𠢕料理，總是 tsit 斗 ê 滋味確實比往擺 koh-khah 好。
我相信，tse 佮我家己願意敨放 tsia--ê 堅持有底代。
我一直認為牽羮 ê 物件䆀味，m̄-koh 我 m̄ 捌想過按怎改進 tsit 个問題，huînn-ti̍t 上緊 ê 方式就是 mài 食，起因食物遮 tsuē 款，無欠伊 tsit 項。
落尾手搪著 gún 翁 ê 喙斗 suî hōo 我看著家己 ê 問題。
總是 tsit 个已經鑿 tī 心肝穎 ê 慣勢 bueh 改誠實 m̄ 是喝改就 ē-tàng suî 改變 ê 代誌。
不過，我願意開時間調整佮接受挑戰 tshan-tshiūnn tsit 項，透寡麵粉來芡滷確實 khah 好味素。
Tsit 件代誌 hōo 我學著 bueh 譬相別人「老人食紅蟳➀」進前，我 mā 愛稽考家己是 m̄ 是外甥仔點燈火 -- 一切照舊。
➀講甲喙甲全泡，猶原無應效
德國獅仔頭湯
...... 材料 ......
Frikadellen 300g
Kam-má-tooh 醬 300g
洋蔥，切幼 1
滾水 300ml
鹽、胡椒
...... 步數 ......
1. 洋蔥落鼎炒芳，kam-má-tooh 醬、滾水 lām 落--去抐 hōo tsiâu，煮滾。
2. Frikadellen phoo 落--去，樂暢來食。
(2022.03.05 Frühstück zur Gewichtsabnahmen. Frikadellen mit Tomatensoße)
Normalweise ich liebe das Gericht mit Weissbrot.
Aber mein Mann hat mir gestern gesagt, er moechte das Gericht mit Pommes essen.
Fuer mich, ist das ein bisschen seltsam.
Aber als ich auf den Teller von meinem Mann geguckt habe
Ich find es ist schoen, schoen wie ein Gemaelde und das macht mich hungrig und moechte es mal probieren.
Nach dem probieren, ich muss sagen, das ist eine tolle Idee.
Die Tomatensauce mit Pommes. Yummy!!!
Frikadellen mit Tomatensoße
...... Zutaten ......
Frikadellen 300g
Provencalische Tomatensauce 300g
Zwiebel in kleine Stücke geschnitten 1
Wasser 300ml
Salz ＆ Pfeffer
...... Zubereitung ......
1. Zwiebel in die Pfanne geben und anbraten bis sie goldbraun ist, dann Tomatensauce, Wasser dazu geben und gut mischen auf kleiner Stufe zum kochen bringen.
2. Frikadellen dazu geben und kurz gut mischen. Guten Appetit!
(2022.03.05 Breakfast for weight loss. Frikadellen with tomato sauce)
Usually I like to eat this dish with white bread.
But my husband told me yesterday that he would like to eat the dish with fries chips.
For me, that's a bit strange.
But when I looked at my husband's plate
I think it's beautiful, beautiful as a painting and that makes me hungry and I want to try it.
After trying it, I have to say it's a great idea.
The tomato sauce with fries chips. Yummy !!!
Frikadellen with tomato sauce
...... Ingredients ......
Frikadellen 300g
Cut the onion into small pieces 1
Water 300ml
Salt＆ Pepper
...... Method ......
1. Put the onion in the pan and fry until golden brown, then add the tomato sauce, water and mix well on a low heat and bring to the boil.
2. Add Frikadellen and mix well. Enjoy your meal!
留言列表
冊 ▪ Bücher ▪ Books (4)
