亂皂𥴊仔店 ⓂⒺⒾⓃⓀⒾⓄⓈⓀ

(2023.10.29 早起頓 金瓜蘑菇雞肉 + 優格/1007kcal)

《貓有九條命，我有好生活》 德國受爭議 ê 導演 Leni Riefenstahl tī 回憶錄按呢紹介家己。

這久 ê 我 mā teh 愖有一日愛紹介家己 ê 往過，我 ē 按怎按怎紹介家己？

一愖這件代誌心神就若一隻狗遮挖一空、遐挖一窟，結果敢若 teh 做議量，不過有一件代誌已經確定落來就是我 mā bueh 按呢寫，貓有九條命，我有好生活。

這个好生活無表示咱世俗認定 ê 食好穿好，這个好生活是你這世人面對快樂災厄 ê 態度。

新正期間朋友冇談網路世代帶 hōo 伊 ê 壓力。

「我無想 bueh kā 我 ê Line 佮面冊口座 hōo 人，總是搪著別人開喙，我猶是 hōo 𪜶」朋友講。

「權利在你 m̄ 是𪜶」我講。

「我無你遮爾仔飄撇 ê 自在」朋友講。

「我無飄撇，m̄-koh 我尊重我 ê 權利」我應。

凡勢有歲頭 buē 閣綿精綴朋友擘腹 teh 踅金龜磨，起因伊 ê 土地公 m̄ 是我 ê 所以我 buē 驚飼無雞。除非伊納我顧問費，我就 ē 特別關心伊這仙土地公佮伊要意 ê 雞。

顧問費我 m̄ 是 teh 講耍笑，Nicht Erklärungen helfen uns weiter, sondern unser Wille voranschreiten(解釋 buē 協助咱向前行，是咱向前行 ê 意志)，咱每一个人搪著問題攏需要家己挽瓜揫藤 m̄ 是湠欉 hōo 別人或是一直問是按怎我 ê 瓜仔棚 buē 發穎。

Tshan-tshiūnn gún 翁問「我 ê Blog 連結囥踮愛料理敢有應效？」

「Blog 是你--ê m̄ 是我--ê」我應。

Blog 本底就是伊 ê，伊向望有人來行踏我就 kā 伊鬥相共 kā 伊 ê 網鍊囥踮愛料理，紲落來 ê 鋩鋩角角是伊家己需要斟酌，我 m̄ 是伊 ê 中人 --- 簡單講就是家己想 bueh 挃 ê 物，家己處理。

Ich mache gerne Filme, und spiele gerne in ihnen, und vermutlich werde ich stets ein Stück Film sein. (我佮意拍電影 mā 享受這个事項，佮凡勢我 ē 成做伊永遠 ê 一部份)

--- Charlie Chaplin

我清楚知影我 m̄ 是一出世就有這款性地，tshan-tshiūnn Ludwig van Beethoven tuì Napoléon Bonaparte 寫 ê 3. Sinofnie mā 是愛等到濁水變清，鱷魚浮出來 tsiah 知影伊心目中 ê Held(英雄) m̄ 是伊所想 ê 生張。

近來整理食譜 mā 整理舊文章(臺文部份)，這篇記錄 tī 2020 新正跤兜 ê 文章本底想 bueh kā 刣掉，起因故事內容 tuì 我來講白汫無味甲 buē 閣翻頭讀抑是翻草。

總是你認定 buē 閣翻草 ê 事項伊窮實就敢若咱四常 ê 食食，你掠做伊 buē 閣食一斗，總是伊又閣按無仝 ê 形體出現在眼前，起因遐是你固定 ê 脾土，除非你正經換喙斗，抑無彼 ê 喙尾永遠鏨 tī 心肝穎行過跤跡就 tī 遐。

愛料理 ê 問題寫過幾仔斗無興閣喋詳，這斗因為 gún 翁雄雄又閣無事揣事講「我 ê 網鍊敢猶閣 tī 遐 hōo 我想著這篇猶留底 ê 舊文 ē-tàng kā 伊小可仔仕上げ(shiage)順紲展猶 teh 讀 m̄-koh 誠有感觸 ê《一个走揣蝴蝶路草的女女子》(A Woman Seeking the Path of the Butterfly)。

... 有時仔我袂照字面「直譯」，我是用「意譯」代替來符合「低的背景」民族的習性。講到翻譯，這幾年的經驗，予我深深感覺，假使欲作字參字、詞參詞、句參句的「對我」翻譯是根本無可能的代誌，因為英漢兩種語法、習慣、文化背景、民族傳統，有誠大的差別，若想欲做好勢，翻譯毋是一項輕鬆的工課。

--- 出版的頭序，為何我欲用台文佮英文書寫

㊔ 李秀

㊓ 高雄市政府文化局策畫出版

ⓦⓦⓦ 台灣e店

頂年無議量就變工藝 --- kā Hape ê Ich bin dann mal weg 寫做臺文，因為有變這項工藝 tsiah 知影家己無彼个耐性。

是，我 buē 講家己無彼个尻川，我 ē 講無彼个耐性，另外專工就交給專家，我莫乞食攑蠓捽仔 ---buē 博假博。

我 m̄ 知影別人按怎閱讀生份 ê 文字，總是我 ê 慣勢是這个文字是這个語言我就按這个語法去閱讀 buê 閣轉做家己熟似 ê 語法，除非彼个字正經 m̄ 捌，需要請教字典。

按呢寫真展風神，總是我清楚知影「無」彼只是一个自然 ê 反應，tshan-tshiūnn 我 bueh 講德語 buē 閣先轉英語 tsiah 踅轉來英語，準做德語 mā 是注重「動詞」ê 語法，總是伊佮英語猶原無相仝。

Tshan-tshiūnn Vermutlich werde ich stets...sein(凡勢我 ē 成做.....) tī 英語 ē 按呢講 I will probably always be，我 bueh 展示啥物 B 動詞啥物 A 名詞，我 kan-ta bueh 表示，tī 我 ê 海馬鉼針德語就是按呢表達，英語就是按呢表達，台語就是按呢表達。

德語佮英語攏 m̄ 是我 ê 母語，華語 mā m̄ 是 gún 爸母 ê 母語，總是我 ê 華語書寫猶是好過臺語，我真清楚這个問題。

不過這个好過臺語是年久月深 ê 訓練，總是這个訓練猶是捷捷搪著㧎㧎 ê 語法，這 m̄ 是這久 tsiah 發現 ê 問題是學生時代需要交作文就發見 ê 代誌。

Sòo-pái 我若真早就兩角找五分 --- 角五(覺悟)無追求正確答案 m̄-koh 愛通盤理解，tshan-tshiūnn 本底無合目想 bueh 專工閣 kā 做一斗攝一張相 ê 金瓜蘑菇雞肉 tī 我理解 Das ist zum reinsetzen(脾土滿足)佮 Das Auge isst mit(目睭綴 leh 食) ê 差異性，我就接受心無滿足萬事攏是䆀，心若滿足萬事攏是 Auch nur mit Wasser kochen(無啥無相𫝛)。

最後 gún 翁敢有檢查伊 ê Blog?

當然 mā 是有，不過伊無 bueh 繼續寫落去，起因伊需要噗仔聲，雖罔伊無承認。

「遐攏四角字讀無是 bueh 按怎寫」伊講。

「人若 bueh khiau-khi 寫德文 mā khiau-khi」我應。

金瓜蘑菇雞肉

...... 材料 ......

金瓜，切塊　1

雞襟胸，切塊　400g

蘑菇，切片　400g

洋蔥，刴幼　1

蒜頭，剁幼　

牛奶　100g

滾水　500ml　

麵粉　20g

鹽、胡椒

...... 步數 ......

1. 雞肉落鼎炒 hōo 赤赤，提出來。

2. 洋蔥、蒜頭落鼎炒芳，蘑菇摻落去炒 hōo 赤赤，滾水、金瓜摻落去攪 hōo 齊，煮30分鐘。

3. 雞肉、牛奶摻落去攪 hōo 齊，繼續煮10分鐘，tiàu 寡鹽、胡椒，樂暢來食。

(29.10.2023 Frühstück Kürbis mit Hähnchen mit Champignons - Joghurt/1007kcal)

Mein Mann fragt mich, hast du Icook weiter aktualisiert?

Nein.

Warum?

In Deutschland ist nichts kostenlos.

Ach so, lacht mein Mann.

Ja, ich weiß nicht seit wann ich möchte nicht mehr aktualisieren.

Aber, ich weiß es.

Ich zahle die Seite nicht.

Und ich weiß warum schrieb ich auf der Seite.

Weil es ein sehr gutes Werbeumfeld ist.

So, ich zahle nicht und ich möchte gutes Werbeumfeld habe, das ist seltsam und sehr gierig.

Und ich muss sehr ehrlich sagen.

Ja, ich habe die Idee wieder.

Zurück zu der Seite.

Aber wenn ich an Ruhe denke, mag ich diese Umgebung nicht mehr.

Ruhe ist wichtiger als eine bekannte Person zu sein.

Kürbis mit Hähnchen mit Champignons

...... Zutaten ......

Hähnchenbrust in Stücke geschnitten　400g

Kürbis in Stücke geschnitten　1

Fein gehackte Zwiebel　1

Fein gehackter Knoblauch　

Milch　100g

Wasser　500ml

Mehl　20g

Champignons in Stücke geschnitten　400g

Salz ＆ Pfeffer

...... Zubereitung ......

1. Hähnchen in die Pfanne geben und anbraten bis es goldbraun ist, dann rausnehmen.

2. Zwiebel mit Knoblauch in die Pfanne geben und anbraten bis sie goldbraun sind, Champignons dazugeben und anbraten bis sie goldbraun sind. 

3. Kürbis mit Wasser dazugeben und gut mischen, dann ca. 30 Minuten kochen.

4. Hähnchen mit Milch dazugeben und gut mischen, cann weitere 10 Minuten kochen.

5. Mit Salz und Pfeffer abschmecken. Guten Appetit!

(29.10.2023 Breakfast Pumpkin with Chicken and Mushrooms - Yogurt/1007kcal)

My husband asks me have you updated Icook further?

No.

Why?

Nothing is free in Germany.

Oh, my husband laughs.

Yes, I don't know since when I don't want to update anymore.

But I know it.

I don't pay for the site.

And I know why I wrote on the site.

Because it's a very good advertising environment.

So I don't pay and I want to have good advertising environment, that's strange and very greedy.

And I have to be very honest.

Yes, I have the idea again.

Back to the page.

But when I think of quiet, I don't like this environment anymore.

Quiet is more important than being a well-known person. 

Pumpkin with Chicken and Mushrooms

...... Ingredients ......

Chicken breast cut into pieces　400g

Pumpkin cut into pieces　1

Mushrooms cut into pieces　400g

Finely chopped onion　1

Finely chopped garlic　

Milk　100g

Water　500ml

starch　20g

Salt＆ Pepper

...... Method ......

1. Put the chicken in the pan and fry until golden brown, then take it out.

2. Put the onion with garlic in the pan and fry until they are golden brown, add mushrooms and fry until they are golden brown. 

3. Add the pumpkin with water and mix well, then cook for about 30 minutes.

4. Add chicken with milk and mix well, then cook for another 10 minutes.

5. Season with salt and pepper. Enjoy your meal!