亂皂𥴊仔店 ⓂⒺⒾⓃⓀⒾⓄⓈⓀ

是啥物款 ê 味素 hōo 有體無魂 ê 柴頭尪仔步頻詩人神魂入體 uī 伊 ê 早起頓做詩?

你是我 ê 火，你是我 ê 神魂，你是胃腸 ê 愛人。

「我 ê 手藝無遐爾仔𠢕，總是我愛 Ode to Bread(Ode an das Brot)。」

「你是我 ê 胃腸，我 ê 麭。」

搝線 tī 北爿 ê 柴頭尪仔目𥍉仔按 Pinocchio 轉做人 hōo 我 buē 慣勢，隨 bueh 六月蚶，開喙臭，兩片澹澹掛燒烙 ê 鬆軟疊 tī 我 ê 喙脣講「你 mā 是我 ê 詩。」

咱有暗時食西瓜，半暝仔反症，gún 兜有柴頭尪仔透早食麭，透早反症做詩人，甜粅粅。

這敢是鴟鴞出世捌雞栽，窗仔刻花好運來？𠊎毋知，毋過𠊎知著這是時做藥，六時做石，魔王嫁查某囝，假鬼假怪愛細膩。

「多謝你 ê 迷魂湯」我笑應。

柴頭翁是敵人，不過我猶原愛這个可愛 ê 敵人。

我真痟，我知影。

交紅白草花、林檎是窒倒街菜蔬 ê 紅菜頭，寒人漲懸價加加漲甲 1€ 就盡磅，今年一公斤漲甲 bueh 2€ hōo 我掠做德國欠糧草欠甲賰有機紅菜頭通 bué。

紅菜頭 tī 臺灣算枝秤斤賣，德國紅菜頭是算斤一包賣，罕得行入食飯桌 ê 紅菜頭是徙岫到德國 tsiah 開始勻勻行入食飯桌，因為一年迵冬 buē 欠貨 hōo 我食甲厭𤺪生菇 mā 照飯頓食。

今年 ê 紅菜頭五時做藥，六時做石，這禮拜落價，後禮拜漲懸價，m̄ 管商人按怎妝娗價數，一公斤無踅翻頭轉來到烏露戰爭一開始 ê 0.89€，伊是唬秤頭，臭膎閣 m̄ 除鈗。

2024 交換手 hōo 2025，德國 ê 紅青燈政府看起來 mā bueh 踅翻頭轉來紅媠烏大範政府，無 tshan-tshiūnn 番薑仔、瓜仔哖愛食電 ê 紅菜頭又閣踅翻頭轉來到一公斤無到 0.89€ 甚至 2 公斤 0.99€ 食到吐 ê 價數 hōo 我隨走百米傱超市捾一袋轉來囤，起因孔子公 m̄ 敢收人隔暝帖，德國能源政策無人知機這久 ê 推廣明仔載成做烌。

早前推廣 Gá-suh、石油燒氣講伊環保閣儉錢，烏露戰爭一開始講伊製造二氧化碳閣伨惡霸愛禁止，gún 兜是稅人厝，厝頭家 ê 洋爐是裝電燒氣，對面人家厝配合阿梅政策齊換燒 Gá-suh 佮石油 ê 洋爐用無到二十冬又閣愛換款 hōo 𪜶氣唿唿講這个青紅燈政府是六面骰仔，佔無半面，一屑仔攏無道理。

德國能源政策有𪜶家己 ê 政策，我這个外國人無彼个才調食喙三炮兩炮，總是面對比海洋閣較𠢕變化 ê 物價無做 Gá-suh 爐頂 ê 茶鈷呻一下 buē 用得。

「恁政府 ê 能源政策閣按呢舞落去，極右派 m̄ 免拍廣告就自動成做恁 ê 扞權者」當我 mā 跟綴德國人成做豬仔鼠 tī 超市猶未開門就徛衛兵徛好好 mā tī 超市一開門隨搶紅菜頭轉來出菜，無呻幾句 hōo 翁聽，齪齪 ê 中氣 buē 得敨。

往過三講，四 m̄ 著齊是別人害伊講 m̄ 著 ê 翁擔一下仔肩笑講「Gún 就是目睭看 tī 粿，跤踏著火 ê 愛激氣。」

Gún 翁是支持核能電廠廢除 ê 人，伊 mā 支持廢核能電廠廢除政府 buē 使得起電價 ê 人，這款食魚 m̄ 掠魚 ê 想法 hōo gún 不管時 uī-tio̍h「電」冤家量債。

「你煮麵敢愛煮到 8 分鐘？敢無法度 3 分鐘就煮好？」

「你敢愛逐日洗魂舒，敢無法度一禮拜 tsiah 洗一斗？」

理想捙拚 buē 過現實 ê 伊，只好 kā 理想接枝到平素要求牽手莫遐捷用電，我會使得無使用電腦、手機仔遮 ê 電，總是飯頓愛用電敢 m̄ 是？

Uī-tio̍h 伊 ê 理想交伊無法度捙拚 ê 現實冤 bueh 冬外，一日我總算智慧生想著會使得按怎回應伊 ê 交繃「目今 ê 變化是你自願選擇，無人逼你，像我個人是反對廢除核能電廠 tī 臺灣猶未揣著適合 ê 替代能源進前我是反對磅核能廠，起因我清楚知機家己 ê 手骨無遐爾仔粗」這个屬於伊 ê 激派頭愛地球就是愛支持核能廠廢除 ê 交繃 m̄ 閣唱歌 hōo 我聽。

今仔日 uī-tio̍h 紅菜頭零下 2 度 mā 下性命去徛衛兵交德國人捙拚 Tsiâ ê 喙䫌較𠢕楔物件，頭殼 mā 順街仔路金光 tī 烏暗磅空揣食譜。

Tsa̋ng 顧 bueh 搶紅菜頭 buē 記得安排透早 ê 早起頓，時間賰這節仔通使用，愛款啥味素來飼脾土？

厝內有白煠卵，有切絲 ê 紅洋蔥...猶 teh 歇暝 ê 海馬敢若聽著我 ê 話隨精神泅去往過 ê 喉韻。 

啊，呔無想著你敆我心脾敆甲峇峇峇，ich liebe dich ê「紅菜頭寮仔 Tshì-sù 抹醬」。

紅菜頭寮仔 Tshì-sù 抹醬

...... 材料 ......

紅菜頭，礤簽　300g

紅洋蔥，刴幼　100g

寮仔 Tshì-sù　300g

芥辣醬　1TL

蜂蜜　1TL

牛奶　20ml

鹽、胡椒

...... 步數 ......

1. 芥辣醬、蜂蜜、牛奶濫做伙抐 hōo 齊，紅菜頭、寮仔 Tshì-sù 摻落去抐 hōo 齊，tiàu 寡鹽 、胡椒，樂暢來食。

Brötchen mit Aufstrich und Salat.

Mein Mann sagt;

Du bist mein Feuer.

Du bist meine Seele.

Du bist eine Freude in meinem Magen.

Ich sage, bitte kopiere nicht Pablo Neruda.

Er gibt einen Kuss auf mein Mund und sagt, ja, du bist das Brot vom Dichter.

Süßer Mann?

Ja, aber manchal "Pain in my ass".

Aber ich liebe ihn noch.

Ich bin Böse, ich weiß.

Jetzt ist Winter, die Möhren gibt's überall in Deutschland wie Ameisen und fast gratis.

Ja, gratis. 2kg 0.99€. Das ist unmöglich in Taiwan. 

Ich weiß nicht wie teuer die Möhre in Taiwan ist, aber als ich Kind war, die Möhre wurde immer per Stück verkauft, zum Beispiel, 1 Stücke 25NTD(ca. 0.76€).

Ja, Möhre bei uns ist Gold. Nein, aber die Möhre in Taiwan, zumindest in meiner Erninnerung, als Gemüse sie ist nicht billig.

Jedes Land hat eigenen Preis für das Gemüse und anderes. Die Papaya in Deutschland ist Gold, bei uns fast wie Weißkohl nichts so beliebt.

Warum die Leute die Papaya nicht mit nach Hause nehmen wollen, sagt mein Mann.

Einfach, die Papaya ist wie Apfel in Deutschland, sie ist natur BIO.

Ich liebe Möhren, aber seit ich leben in Deutschland, die Möhren hat mir die Nase langsam voll wie die Paprika.

Ja, in meiner Umgebung, das Gemüse nur und immer, Weißkohl, Kohlrabi, Rosenkohl, Paprika, Möhren...kein Okra, kein Grünkohl, kein....

Ich weiß nicht, die Menschen in meiner Umgebung sind wählerisch oder?

Na, ich weiß nicht, aber ich muss das Problem gelösen, bevor die Möhren mich fertig macht.

So ich danke neuer Technologie, ohne Google, ich weiß nicht die Möhren mit Hüttenkäse sind so lecker und die Farben so herrlich und machen nicht nur das Auge isst mit eben so der Magen, lecker, besonders mit dem Brot!

Möhren mit Hüttenkäse

...... Zutaten ......

Geraspelte Möhren　300g

Hüttenkäse　300g

Fein gehackte Zwiebel　100g

Senf　1TL

Honig　1TL

Milch　20ml

Salz & Pfeffer

...... Zubereitung ......

1. Alle Zutaten gut mischen. Guten Appetit!

Buns with Spread and Salad. 

After breakfast my husband says;

You are my fire.

You're my Soul.

You are a joy in my stomach.

I say please do not copy Pablo Neruda.

He gives me a kiss on my mouth and says, yes, you are the bread in that poem.

Sweet man?

Yes, but sometimes "Pain in my ass".

But I still love him.

I know i'm a crazy person.

Now is winter, the carrots are available everywhere in Germany like ants and almost free.

Yes, free. 2kg 0.99 €. This is impossible in Taiwan.

I don't know how expensive the carrot is in Taiwan, but when I was a child, the carrot was always sold by piece, for example, 1 piece 25NTD (approx. 0.76 €).

Yes, carrot is gold with us. No, but the carrot in Taiwan, at least in my memory, as a vegetable it is not cheap.

Each country has its own price for the vegetables and others. The papaya in Germany is gold, with us almost like white cabbage nothing so popular.

Why people don't want to take the papaya home, says my husband.

Simple, the papaya is like apple in Germany, it is nature organic.

I love carrots, but since I've been living in Germany, carrots are slowly being as saturated as peppers.

Yes, in my area, the vegetables only and always, white cabbage, kohlrabi, Brussels sprouts, peppers, carrots ... no okra, no kale, no ....

I don't know, the people in my area are picky, or?

Well, I don't know, but I have to solve the problem before i am done with the carrots.

So I thank new technology, without Google, I do not know the carrots with cottage cheese are so delicious and the colors so gorgeous and make not only the eye eats with just as the stomach, delicious, especially with the bread!

Carrot with Cottage Cheese

...... Ingredients ......

Grated Carrot　300g

Cottage cheese　300g

Finely chopped red onion

Mustard　1TL

Honey　1TL

Milk　20ml

Salt & Pepper

...... Method ......

1. Mix all ingredients well.Enjoy your meal!