亂皂𥴊仔店 ⓂⒺⒾⓃⓀⒾⓄⓈⓀ

Man are the enemy, but i still love the enemy.

--- 《Jerry Maguire》

翁某脾土無相𫝛。

翁 ê 早起頓意愛食甜粿2路，tshan-tshiūnn「果子醬𩛩麭」(パン/Brot.Brötchen/Bread.Bun)這類目睭綴 leh 食(Das Augen Isst mit) m̄-koh 10點 buē 到隨閣需要揣物窒喙空止枵燥。

我 ê 早起頓意愛鹹路，tshan-tshiūnn 鹹糜、炒麵、飯丸、大麵鹼遮 ê 外表無媠，m̄-koh 飽到食中晝頓攏大丈夫(だいじょうぶ/daijoobu)。

雙人脾土雖罔無相𫝛三頓猶原 m̄ 捌拆伙食孤人，不過搪著互相討論互相參詳原仔無法得鬥搭，gún 就隨人喙斗隨人 buē 互相起毛敲油或是搬死人債達成自我 ê 需求佮意愛。

Tshan-tshiūnn 這斗「明仔日 ê 早起頓，我想 bueh 食番薯佮青花仔菜，你感覺怎樣？」我問。

「Gún 德國人無人 tī 早起時仔食番薯佮青花仔菜」翁應。

「我就是知影這件代誌 m̄-tsiah 請教『尊貴 ê 先生』你 ê 意見」我喙含蜜糖噴剃刀。

「尊貴 ê 先生」發見家己 hōo 人摠著話蝨隨綴 leh 提日本剾刀倒剾家己「Heh--hooh，我是『一个無菱角喙 ê 德國人』」。

「有菱角喙我 m̄ 知，總是我知影『德國人真𠢕扞鼎灶』捷講伊 ê 料理 hőng 食甲菱角喙，愈食愈大喙，無食大心氣按呢」我講。 

「彼愛圓仔花 m̄ 知䆀，大紅花䆀 m̄ 知佮有人願意 tsham 伊 tī 灶空炰鱔魚，燒鰻(相瞞) tsiah 有法得菱角喙，愈食愈大喙，無食大心氣」翁講。

「Ē--害，灶空歹去無法度炰田蛤(灶空炰田蛤，燒蛤(相佮)」聽 gún 翁按呢應，我笑甲目汁㴙㴙滴原仔 無法度無繼續 kā 骨拎 hōo 離離。

起因，皺十外冬 ê 衫，若 m̄ 是我較十角，一箍散散兼愛揣姜子牙釣魚，散仙，龍佮鳳早就隨人付米隨人落鼎，無可能 uī-tio̍h 彼日 ê 喙口願繼續相黏蒂帶 kā 睏破三領草蓆，掠你心肝掠 buē 著當做是四常人生免要意。

「人講嫁雞綴雞飛，嫁狗綴狗走，我這肉跤仔兼掛目鏡假紳士 ê 人愛捌閹雞趁鳯飛，五娘 mā 愛妝娗甲若 Marilyn Monroe，咱來食豐沛版本 ê Strammer Max -- 閣加𩛩一粒卵包」我講。

「這話呔 ē 遮爾仔成 Lorelei」翁笑甲目汁直直㴙㴙滴。

「我知影家己是猴穿衫變成人總是我愛食褒唆，感恩」我講。

「Gún 媠某無愛食褒唆，起因伊 buē 博假博參仔氣」本底笑甲若羊仔目 ê 伊隨變做國王 ê 新衫 ê 國王喙 tu-tu 講「Nee」(Buaih，敢會孝孤)。

「你 ê 舌 ē hőng 割一半，因為你日時講人，暝時講鬼」看伊學𪜶老母 ê 招牌話母佮表情 hōo 我笑甲痚呴。

「好--lah，你是敵人，我猶原愛你，明仔載我 mā 繼續草人幔棕蓑成做德國人 m̄-koh 加2粒卵包」我講。

「自出世到今攏是德國人，明仔載我 mā bueh 幔棕蓑成做臺灣人」翁應。

「你確定，你 bueh 食老出癖」我講。

「我無食老出癖，我是艱苦頭，快活尾」翁笑應。

「你 m̄ 通又閣羊仔見青好羊羔面快反」我收起喙笑目笑面色嚴正對伊講。

「智慧無底，錢銀僫買，娶媠某簡單，好牽手僫牽」翁那講那按伊 ê 膨椅徙跤過來佮我𤲍𫝛位。

「火車開到大洲，猶會赴轉身，你知影我 tuì 成做三斑無興頭，tuì 養飼三斑閣惜命命更加無興趣」我講。

「你 m̄ 是彼款尻川裂到喙，虛 leh-leh 原仔無要無意 ê 人」換翁面腔嚴肅承話。

「手底是肉，手盤 mā 是肉，我無要求你徛爿，總是我是半路出家 ê 人又閣認捌有百年厝，無百年主，sóo-tí buē 閣 uī-tio̍h 面皮問題逼家己田螺死也一个殼，活也一个殼生佮死攏相𫝛，免要意，免拍拚，免改變。」我微微仔笑講。

「Tsham 你做伙，我學著歹肉無割，好肉 buē 生 ê 道理」翁輕輕仔按我 ê 額頭唚落去。

大狗盤牆，細狗看樣。

按呢講真失德，不過父母 ê 家教確實 ē 影響囡仔 ê 態度。

我 m̄ 知影 gún 翁𪜶爸母 ê 感情，總是我知影感情若好雙爿應當 buē 有遐爾仔 tsuē 長短跤話。

故事足 tsuē 足長，總是火已經燒 buē 到厝 hōo 我鼻無厝味(趣味)繼續成做咸豐三，講到今。

我 kan-na bueh 記錄，姻緣確實是天註定，m̄-koh 天無五間崩到柯(kho)仔林，無駁(無保，無保障)。

我無愛歹油厚滓，歹豬母厚面屎 kan-na ē 曉 iōng 詈、起毛敲油講我是恁序大、我是...等等 ê 態度處理問題 mā 無愛歹查埔厚同年，歹查某厚姑姨規氣綴 leh 痟或是食苦當做食補，我就愛鑽尖。

青花仔菜番薯焗

...... 材料 ......

煠好 ê 青花菜　250g

番薯，切塊　2

Tshì-sù　100g

鹽、胡椒

...... 步數 ......

1. 番薯落烘箱捘200度烘35分鐘，挈出來。

2. 青花仔菜 tiàu 寡鹽、胡椒濫落去番薯，掖寡 Tshì-sù 落烘箱捘200度烘15分鐘，樂暢來食。

Man are the enemy, but i still love the enemy.

--- 《Jerry Maguire》

Können wir etwas anderes Frühstücken, ich zeige das Rezept meinem Mann.

Das Rezept sieht sehr interessant aus, sage ich.

Danke Dir, wir können Morgen etwas anderes essen wie Brot, sagt mein Mann.

Oh....ok.

Ich bin sehr freundlich und eine gute Frau.

Mein Mann ist ein sehr freundlicher und guter Mann.

Aber, leider er hat das Problem.

Jedes Essen muss gleich sein, weil solange er das Essen nicht kennt, ist es sein Feind.

Wie das Frühstück, ich möchte das mal probieren.

Du weisst in Deutschland essen wir zum Frühstück Brot, Marmelade, Käse, Wurst....

Das ist das am meisten gesprochene Wort von meinem Mann, DER DEUTSCHE STANDARD.

Wenn er auf etwas stößt, das er nicht berühren möchte.

Ich weiß, sage ich.

Aber weißt du, ich bin Taiwanisch, ich esse kein Fleisch, kein Käse, kein Marmelade, kein Brot aber heisses Essen, z.B. Pn̄g-uân, Süßkartoffel...

Ja, ich weiß.....sagt mein Mann.

So, es gibt dreihundertfünfundsechzig Tage im Jahr, ich habe fast über 360 Tage Malzeit sind Brot, Käse, Fleisch, besonders  zum Frühstück, dann zur Kaffeezeit nochmal das gleiche.

Obwohl ich es nicht mag, aber ich respktiere DER DEUTSCHE STANDARD und ich werde niemals Verrückt...sage ich.

Lass uns das Frühstück mal probieret, sagt mein Mann.

Nachdem wir  das Rezept zum Frühstück probiert haben.

Was sagt mein Mann?

Wir müssen das öfters Essen.

Der Feind macht  mir Kopfschmezern.

Aber ich liebe ihn noch.

Brokkoli auflauf mit Süßkartoffeln

...... Zutaten ......

Gekochter Brokkoli　500g

Süßkartoffel in kleine Stücke geschnitten　2

Scheiben Käse

Öl

Salz ＆ Pfeffer

...... Zubereitung ......

1.  Alle Zutaten ausser Brokkoli und Käse gut mischen in eine ofenfeste Schale legen, dann im Backofen auf 200 Grad 35 Minuten backen, rausnehmen.

2. Den Brokkoli dazu geben und gut mischen, mit Käse bestreuen. Dann im Backofen bei 200 Grad weiter backen bis der Käse schmilzt ist. Guten Appetit!

Man are the enemy, but i still love the enemy.

--- 《Jerry Maguire》

Can we have something different for breakfast, I show the recipe to my husband .

The recipe looks very interesting, I say.

Thank you, we can eat something different tomorrow, like bread, says my husband.

Oh ok.

I am very kind and a good woman.

My husband is a very kind and good man.

But, unfortunately, he has the problem.

All food has to be the same because as long as he does not know the food, it is his enemy.

Like breakfast, I'd like to try it.

You know in Germany we eat bread, jam, cheese, sausage for breakfast ...

This is the most common sentence my husband said, the German standard.

When he meets something he doesn't want to touch.

I know, I say.

But you know, I'm Taiwanese, I don't eat meat, cheese, no jam, no bread but hot food, e.x. pn̄g-uân, sweet potato ...

Yes, I know ..... says my husband.

So, there are three hundred and sixty-five days a year, I have almost over 360 days of meal time, bread, cheese, meat, especially for breakfast, then the same again at coffee time.

Although I don't like it, but I respect THE GERMAN STANDARD and I will never go crazy ... I say.

Let's try breakfast, says my husband.

After trying the recipe for breakfast.

What is my husband saying

We have to eat this more often.

The enemy gives me a headache.

But I still love him.

Broccoli and Sweet Potatoes Bake

...... Ingredients ......

Gekochter Brokkoli　500g

Süßkartoffel in kleine Stücke geschnitten　2

Slices of cheese

Oil

Salt＆ Pepper

...... Method ......

1. Mix all ingredients except broccoli and cheese well in an ovenproof bowl, then bake in the oven at 200 degrees for 35 minutes, remove.

2. Add the broccoli and mix well, sprinkle with cheese. Then bake in the oven at 200 degrees until the cheese has melted. Enjoy your meal!