亂皂𥴊仔店 ⓂⒺⒾⓃⓀⒾⓄⓈⓀ

自囡仔時，我就是麻雀桌頂專門 tī 納學費 ê 彼个。

因為朋友無棄嫌我這个肉跤筊伴，這久 ê 我 tsiah 有機會理解台文里長伯鄭順聰先生分張 ê 台語學仔麻將台語 ê 牌跤盤喙花， 另外 mā 順紲踅翻頭揣序大過年時耍四色牌抑是天九牌 ê 記持，紲落來 buē-su 法官 teh 定案 ê 確定，奕牌仔正經是觀察一个人真性情 ê 好時機。 

像我有一个朋友，伊 m̄-nā 喙水好、媠又閣𠢕佮人盤撋，總是一上桌奕麻雀，本底 ê 志玲姊姊隨成做陳守娘，應當講比陳守娘閣較恐怖 hōo 捷 teh 愖是伊是 24个Bily(The minds of Billy Milligan)抑是我是第5位 Sally( The Fifth Sally) ê 𠢕換性地，起因我真討厭這款性地 ê 人，m̄-koh 一耍麻雀我 ē 按陳守娘成做志玲姊姊，遐爾仔好 EQ。 

滾耍笑 ê 啦，我無陳守娘 m̄-koh 我正經無愛佮這款人做朋友，所以 tī 𪜶 bueh 作怪進前我人已經 m̄ 知走到佗去，這是真 ê m̄ 是蟾蜍展氣功，膨風。

我 m̄ 知影佮我拍麻雀 ê 人按怎想這件代誌，總是我是 kā 伊當做食茶破豆 ê 放輕鬆，所以我 buē 奕大 mā buē 一奕奕甲無天無日，我想這佮囡仔時看芋仔老爸退休去耍麻雀有相干。

Gún 芋仔爸一透早先去運動，運動煞 tsiah 去麻雀間，我講 ê 麻雀間是一搭人家厝，彼个人間厝齊是𪜶遮 ê 按中國來臺灣 ê 老芋仔，那耍麻雀那開講，無耍麻雀 ê 人就 tī 遐佮仝款按中國來臺灣 ê 朋友破豆，食飯時間到隨人轉去隨人兜食飯，羅漢跤就拆寡錢 hōo 主人家佮𪜶做陣食飯。

我 ē 寫這段 m̄ 是 bueh 褒唆 gún 芋仔爸抑是伊 ê 朋友，總是我正經認為家庭教育足重要，我這位喙水好，人閣媠 ê 朋友，聽講𪜶老爸出門耍麻雀無半年 buē 轉來。

真久無佮遮 ê 朋友做陣耍麻雀，我 m̄ 知影這久 ê 𪜶敢有因為添歲 tuì 牌桌頂 ê 數字較無遐爾仔計較，抑是猶原一斗10塊隨按仝穿一領褲成做冤仇人，總是我清楚知影我猶是我，m̄ 管抾紅點抑是麻雀攏是做議量 m̄ 是趁所費 ê 工課。

Kam-má-tooh 青醬意大利麵

...... 材料 ......

煠好 ê 螺絲麵　180g

Kam-má-tooh，切塊　2

青醬　5EL

洋蔥，刴幼　1

Tshì-sù

鹽、胡椒

...... 步數 ......

1. 洋蔥落鼎炒芳，Kam-má-tooh 摻落去炒 hōo 軟，麵、Pesto 摻落去攪 hōo 齊。

2. Tshì-sù 摻落去攪 hōo 牽絲，tiàu 寡鹽佮胡椒，樂暢來食。

Wenn ich zu faul bin, oder kein Fleisch essen moecht

Das Pesto ist immer eine gute Idee für uns.

Obwohl ich mag Pesto nicht so sehr.

Aber das ist eine gute Idee zum ausgleichen unserer verschiedenen Geschmäcker.

Und ich muss sagen, ich liebe das Rezept.

Pesto mit Käse ist lecker.

Nudeln mit Pesto und Tomaten

...... Zutaten ......

Gekochte Nudeln　180g

Tomaten in Stücke geschnitten　2

Pesto　5EL

Zwiebel in kleine Stücke geschnitten　1

Käse

Salz ＆ Pfeffer

...... Zubereitung ......

1. Die Zwiebeln in die Pfanne geben und anbraten bis sie goldbraun ist, die Tomaten dazu geben und anbraten bis sie weich sind.

2. Die Nudeln und Pesto in die Pfanne geben und gut mischen, den Käse dazu geben und gut mischen bis er geschmolzen ist.

3. Mit Salz und Pfeffer abschmecken. Guten Appetit!

When I'm too lazy or don't want to eat meat.

The pesto is always a good idea for us.

Even i don't like it...be honest.

But this is a good idea to balance our different tastes.

And I have to say I love the recipe.

Pesto with cheese is delicious.

Tomato Pesto Pasta

...... Ingredients ......

Cooked pasta　180g

Tomatoes cut into pieces　2

Pesto　5EL

Cut the onion into small pieces　1

Cheese

Salt＆ Pepper

...... Method ......

1. Put the onions in the pan and fry them until they are golden brown, add the tomatoes and fry them until they are soft.

2. Put the pasta and pesto in the pan and mix well, add the cheese and mix well until melted.

3. Season with salz and pepper. Enjoy your meal!