亂皂𥴊仔店 ⓂⒺⒾⓃⓀⒾⓄⓈⓀ

讀《庫德的勇氣》想著德文課 ê Iraq 伊拉克同學 mā 想著 Syrien 敍利亞佮 Türkiye 土耳其 ê Kurds 庫德族同學，紲落來交翁討論𪜶分張 ê 問題 hām 作者分張 ê 內容，然後以這句按話山話山話玲瓏學來 ê 句 tuì 翁講「這个族群想 bueh 改變千年 ê 問題，第一件代誌愛愖𪜶愛按怎一盤魚 kan-ta 一粒頭 ê 問題，這个問題無解決 m̄ 管𪜶按怎 kā 沙攪做堆猶是放尿攪沙 buē 做堆。」

「德國真早就發見這个問題，應當講是西方世界」翁應。

我無法度講一个詳細 ê 面肉，總是跟綴作者 ê 跤步行踏這个民族 ê 歷史閣翻頭愖這三搭 ê 庫德族同學，感受深甲若地球上深 ê 海溝，準做我 tuì 這个民族無一个認捌，按這三搭同學 ê 人生態度我看著一人一家代，公媽隨人祀僫行向美國抑是德國 ê 路途。

這是一个複雜 ê 問題就 hōo 伊交 hōo 庫德族人民家己去斟酌，踮遮我 kan-ta 想 bueh 跟綴作者 ê 跤步踅轉去記持 ê Naan --- 鹽、麵粉、水佮耐性 ê Naan，印度烘餅。

近來看 Die Tricks(應當是這个節目)談著德國 tuì 全麥麭 ê 規定 hōo 我想著勥母哭呻我做 ê 印度烘餅無健康隨斡頭看勥母心肝寶貝，勥母心肝寶貝 tī 我猶未成做六月蚶，開喙臭進前開始先檢討「我交𪜶齊是無米有舂臼，無囝抱新婦𠢕陷眠。」

我無應話，勥母後生家己紲喙講「我頂世人燒著好香，這世人 m̄-tsiah 有機會搪著媠某 hōo 我逐日食甲若皇帝閣健康。」

「健康無健康我 m̄ 知影，總是我非常確定按我手頭出來 ê 菜色有 90% 是原形，除了優格、Tshì-sù 遮 ê 工業化就交 hōo 工業化去處理，家己免無枷夯重枷」我愛食褒嗦，總是 mā 清楚知影有 ê 物 m̄ 通食過頭，起因有毒毒像這久 --- 我真正無確定伊真正斷奶 m̄-koh 我 ē-tàng uī 家己設 Ligne Maginot 馬其諾防線 Má-kî-lo̍k hông-suànn。

上北瑞典挪威車日子 uī-tio̍h 交雨來天相閃身，一个露營區一斗停跤三到五日是四常，這个變化 hōo 一露營若貓徙岫 ê gún 捷捷 m̄ 知 bueh 按怎 tsiah 好，特別是糜飯。起因無帶驛馬(tài-ia̍h-bé)定定 buē 記得愛一斗 kā 食食倉庫補 hōo 齊。

這斗上北瑞典挪威車日子，我 mā 按想像實際行入美國人朋友分張 ê 四常，一斗出門愛款三月日額 ê 感受。

因為捷成做無頭神之人，這逝上北瑞典挪威車日子一包 1 公斤麵粉 ē-tàng 擋 4 頓糜飯交好敆料 ê 印度烘餅成做 Spaghetti 之外我上捷出菜 ê 一味。

近來巡田園，翻菜股見著這篇記錄感覺 Naan 做甲真媠 m̄-koh 配菜䆀 tsi-tsi 兼頂站仔 mā 款著交烏露戰爭進前相𫝛價數 ê 有機全麥麵粉，隨撆手䘼 --- 全麥 130g，TYPE 550 小麥麵粉 120g .... 濫做一堆紲落來透水攪做麵粞，崁布等 1 點鐘，捎出來閣撋一斗挲圓落冰箱冷藏過暝。

過暝 ê 透早，我跟綴網衝做運動伊跟綴大自然焐燒 30 分鐘，切八塊挲圓，那款配料那切菜 ê 10 ~ 15 一過隨研餅，落燒燙燙 ê 生鍋烘 hōo 兩面膨獅獅，挈出來崁棉布 hōo 伊享受芬蘭浴。

「咱今仔日 ê Naan 敢無 bueh 敆 sòo-sù 做伙享受？」翁喙瀾那津那問。

著乎...

「我 buē 記得款 sòo-sù」那準備優格甜路那講 mā 那愖佗一款 sòo-sù ē-tàng 10 分鐘出菜。

「無 sòo-sù mā 無要緊，咱 ē-tàng 接續瑞典食法」翁提議。

「好主意！」

Kā 成做豬仔鼠 ê 冰箱拍開，選一盒有蒜頭味 ê Philadelphia 費城芳料草 Khu-lì-mù Tshì-sù，猶原徛原位 ê 翁 隨 kā Naan 㧣過來講，我 ê Naan bueh 頓粉頓甲若明星仝款。

二十外冬前 tī 印度食著 ê Naan 齊敆咖哩做伙食，離開印度二十外冬 ê 十外冬人 tī 德國 ê 印度餐廳食著 ê Naan m̄ 是敆咖哩做伙食，是獨立一份菜色。

蒜頭橄欖油 Naan、芳料草橄欖油 Naan、優格芳料草 Naan....，抑是 Naan 敆雞肉，Naan 敆茄仔醬等等，二十外冬前人 tī 印度 m̄ 捌見過 ê 菜色。

我清楚知影 m̄ 捌見過，無表示印度無這款食法，另外，這款食法 mā 月可能是印度餐廳 uī-tio̍h 德國人喙斗所生湠 ê 變化，m̄ 管佗一款，遮 ê 新眼界成做我出外交臨時臨曜 buē 記得田螺 buē 記得循舊逝 ê 較行 mā 彼逝 ê 無頭神。

淺柑仔色字辭齊是按公視台語台辭庫網讀著 ê 新辭。

 「印度烘餅」本底是寫「Naan」，起因 tī 我猶無理解「Naan」、「Chapati」、「Roti」ê 差別，我 mā 是按呢順華語 ê 用法轉譯 kā 伊寫做餅。當我有法度區別，我 tuì 明明就是麭 ê Naan 成做餅誠有意見，總是有意見 mā 交我無底代，敢 m̄ 是？

Huînn-ti̍t 這三味我個人是慣勢按呢講 Naan、Chapati、Roti，聽無 ê 人我 ē 閣加一句印度料理。

因為寫台語文 Blog 部落格，我 tuì Naan  ē 按怎 tī 台語變化又閣成做一隻貓，隨請教 Google 大神，大神 hōo 我公視台語台台語新辭庫 ê 講法印度烘餅，我就順這个講法記錄 Naan ê 台語名。

有新辭通請教，真正蓋好。

栽欉 --- 2022.07.14

翻田塗接枝 --- 2024.12.21

印度烘餅(Naan)

...... 材料 ......

高黐麵粉　250g

酵母　1/4TL

滾水　150ml

鹽　1/4TL

...... 步數 ......

1. 材料濫做一伙撋做麵粞，等1點鐘。

2. 切做 50g，挲圓，崁布，等15分鐘。

3. 麵粞研薄，落燒鼎烘甲膨，換面接續烘2~3分鐘，樂暢來食。

Das Probleme der Kurden ist kompliziert nach dem ich das Buch gelesen sage ich zum meinem Mann.

Stimmt, anwortet mein Mann.

Aber, ich kann das Naanbrot aus das Buch mit dir teilen, sagt ich.

Was, das ist kein Rezeptbuch, sagt mein Mann.

Stimmt.

Dann?

Nichts, aber was der Autor über das Naanbrot teilt, das erinnere mich dass das Naanbrot dass ich in Indien gegessen habe.

Einfach aber super lecker.

Ach so, lacht mein Mann.

Und was sagt er?

Zufrieden, frage ich.

Natürlich, ich bin zufrieden.

Vor 5 Jahren ich habe einen Indischen Kochkurs von einem deutsche Chef gelernt, und da gibt es ein Naanbrot Rezept mit Joghurt, Zucker, Öl, Ghee.

Ich bin kein Gourmet, ich weiß nicht was ist besonders an Naanbrot, aber bis jetzt ich kann mich an den Geschmack erinnern, das Naanbrot sieht sehr gut aus, sehr zart und puffy und süß.

Das Naanbrot schmeckt sehr gut, aber passt mir nicht, weil ich liebe das Naanbrot wie Reis.

Ich liebe Naan und ich möchte selbst backen, aber leider das Rezept über 90% passt für große Familien. Ich meine 1 mal mit 500g or 1kg Mehl dazu. Das ist zu viel für uns, obwohl mein Mann kann das Naanbrot 1 mal fertig essen, ich fühle das Rezept passt noch nicht und suche ein neues Rezept für kleine Familien.

Ich weiß nicht bis wann habe ich das Rezept finde, ich meine mit 250g Mehl für das Naanbrot. Aber ich weiß, wenn ich den Naanbrot Styl suche, alle sind einfach und sofort gefunden --- Naanbrot Rezept nur mit Mehl, Wasser, Salz, Hefe. Und ich liebe das Rezept und  mache weiter bis jetzt.

Manchmal, wir halten an Sachen fest, wir müssen sie frei lassen, dann kommen sie sofort an, wie das Rezept, ich lass die Sache frei, dann kommt sie beim Buch lesen über das Kurden Problem.

Ich vermisse das Naanbrot, es besteht nur aus Mehl, Wasser, Salz und Hefe, sagt der kurdische Schriftsteller. Er lebt in Taiwan, und das reine Naanbrot wie in seiner Heimat ist in Taiwan schwer zu finden oder es schmeckt süß wie das Naanbrot in Deutschland, habe ich gelernt.  

Für das Problem, verstehe ich warum, jedes Land hat eigenen Geschmack, so das Naanbrot von Indien oder Iran und so weiter nach Deutschland oder Taiwan, es wird ein bisschen seine  Persönlichkeit ändern.

Ich liebe Naanbrot

Naanbrot

...... Zutaten ......

Weizenmehl TYPE 405　250g

Hefe　1/4TL

Wasser　150ml

Salz　1/4TL

...... Zubereitung ......

1. Alle Zutaten in eine Schüssel geben und gut mischen.

2. Mit der Hand ca. 3~5 Minuten kneten. 

3. Den Teig mit einem Tuch zugedeckt bei Zimmertemperatur 1 Std. ruhen lassen.

4. Den Teig zu 50g  großen Kugeln formen. Dann ausrollen.

5. Die Pfanne auf kleine Stufe erhitzen bis sie sehr heiss ist.

6. Die Teig in der Pfanne ausbacken bis beide Seiten ein bischen goldenbraun sind. Guten Appetit!

The problems of the Kurds are complicated after reading the book, I say to my husband.

That's right, my husband replies.

But I can share the naan from the book with you, I say.

What, this is not a recipe book, says my husband.

That's right.

Then?

Nothing, but what the author shares about the naan reminds me of the naan I ate in India.

Simple but super delicious.

Oh, my husband laughs.

And what does he say?

Satisfied, I ask.

Of course, I am satisfied.

5 years ago I learned an Indian cooking course from a German boss, and there is a Naan bread recipe with yogurt, sugar, oil, ghee.

I am not a gourmet, I don't know what is particularly in Naan, but until now I can remember the taste, the Naan looks very good, very tender and puffy and sweet.

The naan tastes very good, but doesn't suit me because I love naan bread like rice.

I love naan and I want to bake it myself, but unfortunately the recipe about 90% fits for big families. I mean 1 time with 500g or 1kg of flour. This is too much for us, although my husband can eat the naan 1 time finished, I feel the recipe does not fit yet and am looking for a new recipe for small families.

I don't know until when did I find the recipe, I mean with 250g flour for the naan. But I know when I search the naan style, all are easy and found immediately --- naan bread recipe only with flour, water, salt, yeast. And I love the recipe and continue to make it until now.

Sometimes, we hold on to things, we have to release them, then they arrive immediately, like the recipe, I release the thing, then it arrives while reading a book about the Kurdish problem.

I miss naan, it's just flour, water, salt and yeast, says the Kurdish writer. He lives in Taiwan, and the pure naan like in his home country is hard to find in Taiwan or it tastes sweet like the naan in Germany, I have learned.  

For the problem, I understand why, each country has own taste, so the naan bread from India or Iran and so on to Germany or Taiwan, it will change a bit its personality.

I love Naan!

Naan

...... Ingredients ......

All purpose flour　250g

Hefe　1/4TL

Wasser　150ml

Salt　1/4TL

...... Method ......

1. Place all ingredients in a bowl and mix well.

2. Knead by hand for about 3~5 minutes. 

3. Cover the dough with a kitchen fabric and let it rest for 1 hour at room temperature.

4. Form the dough into 50g balls. Then roll out.

5. Heat the pan on a low heat until it is very hot.

6. Fry the dough in the pan until both sides are a little golden brown. Guten Appetit!