亂皂𥴊仔店 ⓂⒺⒾⓃⓀⒾⓄⓈⓀ

(2022.03.31 減肥下昏飯 水牛 Tshì-sù 美國茄。莫扎瑞拉圓茄沙拉)

翁某做陣食下昏飯，翁步頻問我「敢有人留話 hōo 你？」

「我 ê 世界賰一隻蠓 ē 留話，不過彼隻蠓無興留話 hōo 我」 我應。

「我逐日攏 mā teh 留話，像 Lila 猶閣有無」伊笑應。

「逐日留這廢話 mā 無較縒」我講。

「柑仔色比茄子色較好挵 hōo 破 mā 較 buē 食別人 ê 白仁。」

我捎無伊 bueh 問啥 mā 無興問甲一枝柄，就 kā 鼓摃甲遮煞鼓。

遮 ê 電視無 tshan-tshiūnn 臺灣按呢無料 uī-tio̍h buaih 拍損「觀眾費」食飯飽我 buē kā 時間撥 hōo 電腦、手機仔、冊，我跟綴遮 ê 人準時 8 點看 Tagesschau 用德語理解國際代 15 分鐘，紲落來成做紅嬰仔 hōo 德國公共電視台飼𪜶調 ê 米麩抑是牛奶。

跟綴 Tageschau 踮德國看世界，用德語了解國際代煞鼓，按 ZDF 一路捘甲喝玲瓏台，無一味敆我喙斗，我越頭問翁「啥人留話 hōo 你？」

「我隔壁上親密 ê 塗豆仁無興留話 hōo 我，生份人愈無可能留話 hōo 我」伊捧糖無洗手，𠢕講糖甘甜。

「你是有應公 ê 童乩，我是有應公 ê 聖杯，莫怪大麵炒圓仔，膏膏纏 buē 離。」

既然㨨 buē 出一絲線，電視 mā 白汫無味甲閣食 ē 反胃，來𫝻手機仔揣食譜，順紲看彼个神秘 ê 藍色圓箍仔敢猶閣 tī 遐。

「就是這」翁雄雄喝一聲，我 mā 順人類上自然 ê 回應按伊 ê 肩頭大力拍落去「一二三四，驚到無代誌，你是著猴是 m̄」我那搭胸坎，那捏耳珠，喙 mā 那唸按第九間阿姨遐學來 ê 收驚句。

「我 bueh 問這啦，敢猶閣有人來你遮行踏」翁見我做寡伊 m̄ 捌見過 ê 異國風俗笑甲倒摔向。

「無」我應。

「𪜶按佗落來?」

「應當是按『愛料理』遐來。」

「I-Cook m̄ 免 bué 廣告就有遐爾仔好 ê 應效，你愛捷出現 tī 遐。」

「Buaih。」

「為啥物？」

「豬驚肥，人驚出名，我頇顢 m̄ 通佔別人 ê 空間。」

「啥物意思？」

「我寫 Blog 無目的 kā 遮物徙去 I-Cook mā kan-ta 想 bueh 知影別人按怎揣著我，這久真正有人揣著我，我顛倒 buē 自在，感覺齷齪。」

「這件態度我真僫理解。」

「我 mā 真僫理解是按怎你愛承恁爸母 ê 歹癖。」

掠做我有興成做網衝 ê 翁 hōo 我按呢一剾洗 m̄ 知按怎紲喙，我 mā 順這句話想著伊愛人讀伊 ê Blog，這久我知影〔捷克ⒸⓏ行跤花〕捷克 ❤ 行涼心世界 in 第皮賽克 ▪ Písek ⋯ Česko 是按怎 hőng 規捾捾去，按呢繼續 tī『愛料理』鋪我 Blog ê 網鍊是壓力，來換這个網鍊 Meine Reise，畢竟作者捌認真佮我討論台文佮華文佗一種較有讀者。

我個人認為上好食 ê 美國茄是透規罐橄欖油 lueh 去糋、煎、烘 ê 口味，總是脾土滿足 mā 愛面對磅仔帶來 ê 不滿足。

Uī-tio̍h 解決這个問題，我請教 tsuē-tsuē 人，大多數 ê 答案案是，驚大箍就莫食上免驚。

這...廢話一句，總是廢話猶 ē 紮來好字運。

一回佮希臘同學談著希臘食食，我 kā 這句廢話分張 hōo 伊聽，伊笑甲目汁㴙㴙落講「遮 ê 人講甲真著，不過你敢有興趣聽 gún 兜 ê 廢話？」

自伊分張𪜶兜 ê 廢話，美國茄 m̄ 免閣過甲若新婦仔仝款，綴磅仔 ê 面色過日子。

茄仔挲寡鹽，豉 10 ~ 20 分鐘，紲落來 kā 鹽豉出來 ê 水份拭 hōo 焦，隨 ē-tàng 捊寡油抑是無 ê 落鼎煎來食。

--- 2021.07.20

我 tī『愛料理』來來去去 tsuē 擺，mā 足想 bueh kā 口座刣掉，總是 m̄ 捌成功過，是按怎 ē 按呢，我 m̄ 知影 mā 無興寫電子批請教伊，跟綴𪜶 ê 教學 kā 口座取消是按怎 buē 成功。

這久 ê『愛料理』mā 無掛翁 ê 網鍊，起因彼是我 ê 口座，翁想 bueh 有讀者，伊家己愛較骨力參加華文世界社團。

我家己 mā 清楚知影，我是 Nobody sóo-tí m̄ 免要意『愛料理』彼个刣 buē 掉 ê 口座，畢竟網路若海洋，我這尾蝦卑無遐爾仔好撈。

--- 2024.06.01

水牛 Tshì-sù 美國茄

...... 材料 ......

美國茄，切片　2

水牛 Tshì-sù，切片　1

Aceto balsamico　1TL 

蜂蜜　1/2TL 

橄欖油　3EL

蒜頭，刴幼　2

洋九層塔

鹽、胡椒

...... 步數 ......

1. 蜂蜜、醋、橄欖油、鹽、蒜頭、胡椒濫做伙，抐 hōo 齊。

2. 美國茄落鼎煎 hōo 赤赤。

3. 水牛 Tshì-sù、洋九層塔、Sòo-sù 濫做伙搜齊，鋪 lueh 圓茄，樂暢來食。

(2022.03.30 Abendessen zur Gewichtsabnahme Auberginen mit Mozzarella)

Mein Mann hat mich gefragt, hast du Nachrichten bekommen?

Welche art Nachrichten will ich bekommen haben, frage ich?

Keine Ahnung...sagt mein Mann.

Seltsam, keine Ahnung dann fragst du mich das Problem, lache ich.

Nein...ich habe es einfach vergessen, die Frage ich möchte dich fragen, sagt mein Mann.

Da gibt's jedermann fragt dir aus Facebook group auf deine IG, frage ich.

Nein, niemand und ich habe schon lange Zeit nichts auf IG geteilt sagt meinem Mann.

Warum, du liebst IG, sage ich.

Einfach wie dich, nicht so viele interessantes, sagt meinem Mann.

Ach so.

Ich weiß nicht was Problem meinem Mann hat.

Dann mache ich weiter mit Blog schreiben.

Ach so!!!

Was!!!

Ich erinner mich jetzt, lacht mein Mann.

Was?

Du hast mir gesagt, dein Blog bekommt viele Besucher, sagt mein Mann.

Ja, nur den Tag, ich weiß nicht warum, antworte ich.

Naja, ich möchte dich fragen, hat dir jemand eine Nachrichten auf den Blog geschrieben, sagt mein Mann.

Nein.

Nein?

Warum?

Keine Anhnung, sage ich.

Vielleicht die Leute kennen nicht was du hier geschrieben hast, sagt mein Mann.

Vielleicht, aber!

Normalerweise, wenn die Leute nicht kennen, dann muss beschweren, sage ich.

Ach so, ja ja ja.

Wie die Frau, lacht mein Mann.

Ja, wie die Frau.

Aber leider ist das ihr Problem ist nicht mein Problem.

Weil, in Deutschland " NICHTS KOSTENLOS", sage ich.

Lesen nicht taiwan oder deutsch und so weiter.

Das ist nicht mein Problem, so einfach.

Und wieso, ich habe keine Nachrichten bekommen.

Ich glaube, die Leute sind noch unterwegs um enigma zu lernen, sage ich.

Mann, du bist so sauer, lacht mein Mann.

Nein, ich bin so freundlich, wie Deutschland. 

Die Leute müssen nicht wissen was ich sage, dann mache ich ENIGMA genau wie deutsch, sage ich.

2021.10.29

Ich mache die Auberginen mit Salz und warte 10 bis 20 Minuten, wische das Wasser ab und in der Pfanne anbraten bis sie goldbraun sind.

Auberginen mit Mozzarella

...... Zutaten ......

Aubergine in kleine Scheiben geschnitten　2

Mozzarella in kleine Scheiben geschnitten　1

Aceto balsamico　1TL 

Honig　1/2TL 

Olivenöl　3EL

Fein gehackter Knoblauch　2

Basilikum

Salz ＆ Pfeffer

...... Zubereitung ......

1. Die Aubergine in die Pfanne geben, kräftig anbraten und rausnehmen.

2. Essig, Salz, Honig, Öl, Knoblauch und Pfeffer gut mischen.

3. Mozzarella und Soße gut mischen, dann über die Aubergine streuen. Guten Appetit!

(2022.03.31 Dinner for weight loss Aubergines and Mozzarella)

My husband asked me did you get any messages?

What message did I receive, I asked.

I don't know ... says my husband.

Strange, no idea then you ask me the problem, I laugh.

No ... I just forgot, the question I want to ask you, says my husband.

Someone from Facebook has left a message on your ig?

No, nobody and I have not shared anything on IG in a long time, says my husband.

Why, you love IG, I say.

Just like you, not so many interesting things, says my husband.

I see.

I don't know what problem my husband has.

I continue to write my blog.

I found it!!!

What!!!

I remember now, my husband laughs.

What?

You told me your blog is getting a lot of visitors, says my husband.

Yeah, just the day, I don't know why, I answer.

Well, I want to ask you, did someone write you a message on the blog, says my husband.

No.

No?

Why?

I have no idea, I say.

Maybe people don't know what you wrote here, says my husband.

Maybe but!

Usually my experience is, when people don’t understand, they think their rights are damaged and they must be a Trooll or Hater, i say.

Oh yes, yes, yes.

Like the woman, my husband laughs.

Yes, like the woman.

But unfortunately that's her problem not mine.

Because in Germany "NOTHING FOR FREE", I say.

Can't read taiwanese or german and so on.

It's not my problem, it's that simple.

And why, I didn't get any messages.

I think people are still on their way to learn " enigma ", I say.

Man, you are so sour, my husband laughs.

No, I'm so friendly as Germany. People don't have to know what I'm saying, then I'll do ENIGMA.

Just like German, I say. 

2021.10.29

I make the eggplants with salt and wait 10 to 20 minutes, wipe off the water and fry in the pan until golden brown. 

Aubergines and Mozzarella

...... Ingredients ......

Aubergines cut into slices　2

Cut mozzarella into small slices　1

Aceto balsamico　1TL 

Honey　1/2TL 

Olive oil　3EL

Finely chopped garlic　2

Basil

Salt＆ Pepper

...... Method ......

1. Place the aubergine in the pan, fry well and take it out.

2. Mix the vinegar, salt, honey, oil, garlic and pepper well together. 

3. Mix the mozzarella and sauce well, then sprinkle over the aubergine. Enjoy your meal!